පානදුර මුහුදු වෙරළට අද (22දා) පස්වරු 2.00 ට පමණ ඩොල්ෆින් මත්සයින් තිදෙනෙකු ගොඩගසා සිටි බවත් ප්‍රදේශවාසීන් විසින් නැවත මුහුදට යොමුකළ බවත් පානදුර දකුණ පොලිසිය පවසයි .

එළවළු පැල සහිත පෝච්චි 2000කින් සමන්විත නත්තල් ගසක් ගාලු මුවදොර ජනාධිපති ලේකම් කාර්යාලය අසල වට රවුමේ නිර්මාණය කර තිබේ.

මේ රටේ අවස්ථාවාදී දේශපාලුවන්ට ඕන වී ඇත්තේ රට හැදීමට නොව පක්ෂය දියුණු කරගෙන රට විනාශ කිරීමට බව පැවිදි හඩ සංවිධානයේ සභාපති ආචාර්ය මුරුත්තෙට්ටුවේ ආනන්ද නාහිමියෝ පැවසූහ.

මේ මුළුදේශපාලන ක්‍රමයම අද එපා වෙලා තියෙන්නේ , අවුරුදු 75ක් ගිහින් මේ වැටුණු තැනට අපි ඔක්කෝම වගකියන්න ඕනි කියලා හිතෙනවා. තරුණයොත් අද දේශපාලනයෙන් ඈත් වෙලා යැයි ජනාධිපති රනිල් වික්‍රමසිංහ මහතා පැවසීය.

නත්තල් උත්සව සමය වෙනුවෙන් විශේෂ දුම්රිය ගමන් වාර 8ක් එක්කෙරෙන බව නියෝජ්‍ය දුම්රිය සාමාන්‍යාධිකාරී (ගමනාගමන) ඒ. ඩී. ජී සෙනෙවිරත්න මහතා පවසයි.

ඉන්දිය රජය විසින් ශ්‍රී ලංකා පොලිසියට ජීප් රථ 125ක් ලබා දීම බත්තරමුල්ල සුහුරුපාය පිහිටි මහජන ආරක්ෂක අමාත්‍යංශ රථගාලේදී සිදු කෙරිණි.

රැස්වීමක් නිශ්චිත වේලාවකට සැලසුම් කර ඇත්නම්, එය එම අවස්ථාවේදීම ආරම්භ විය යුතුය. එවැනි ඇමතිවරුන්ට එය කළ නොහැකි නම්, එවැනි පුද්ගලයින් හමුවීමෙන් ඵලක් නෑ.

පළාත් පාලන ආයතන ඡන්ද විමසීම් ආඥාපනත යටතේ මැතිවරණ කොමිෂන් සභාව වෙත පැවැරී ඇති බලතල අනුව ඒ ඒ පරිපාලන දිස්ත්‍රික්ක සඳහා තේරීම්භාර නිලධාරීන් හා සහකාර තේරීම්භාර නිලධාරීන් පත්කරමින් මැතිවරණ කොමිෂන් සභාව විසින් අතිවිශේෂ ගැසට් නිවේදනයක් නිකුත් කර තිබේ.

පට්ටිපොල හා බොරලන්ද අතර ඉදිකිරීමට යෝජිත කේබල් කාර් ව්‍යාපෘතිය කඩිනමින ආරම්භ කරන ලෙස ජනපත් රනිල් වික්‍රමසිංහ මහතා උපදෙස් දී තිබේ. නුවර එළිය දිස්ත්‍රික් සංවර්ධන කමිටුවේදී ජනපතිවරයා අද (22දා) මෙම උපදෙස් ලබාදුන්නේය. මෙම කේබල් කාර් ව්‍යාපෘතිය හරහා ලෝකාන්තය නැරඹීම වඩාත් පහසුකරවීමට නියමිතය.

එළැඹෙන 26 දා දිනයේ විශේෂ නිවාඩු දිනයක් ලෙස ප්‍රකාශයට පත්කිරීමට රාජ්‍ය පරිපාලන හා ස්වදේශ කටයුතු අමාත්‍යාංශය කටයුතු කර තිබේ.

කොටස් වශයෙන් ආනයනය කොට එකලස් කරනලද අධි ඇන්ජින් ධාරිතාවය සහිත යතුරු පැදි හයක් අත් අඩංගුවට ගනු ලැබූ බව ගම්පහ කොට්ඨාස අපරාධ විමර්ශන කාර්යාංශය සදහන් කරයි.

දේශීය ටින් මාළු කර්මාන්තයට බලපා ඇති ගැටලු හා දේශීය ටින් මාළු පාරිභෝගිකයන් තුළ භාවිතය ප්‍රචලිත කිරීමේ අරමුණින් ටින් මාළු කර්මාන්තකරුවන්ට බලපා ඇති ගැටලු පිළිබඳව විශේෂ සාකච්ඡාවක් ධිවර අමාත්‍ය ඩග්ලස් දේවානන්දා, රාජ්‍ය අමාත්‍ය පියල් නිශාන්ත අමාත්‍යවරුන්ගේ ප්‍රධානත්වයෙන්, පාර්ලිමේන්තු මන්ත්‍රී හා හිටපු ධීවර රාජ්‍ය අමාත්‍ය දිලිප් වෙආරච්චි සහ ජනතා විමුක්ති පෙරමුණේ පාර්ලිමේන්තු මන්ත්‍රී විජිත හේරත් මහත්වරුන්ගේ සහභාගීත්වයෙන් ඊයේ (21දා) ධීවර අමාත්‍යංශයේ දී

වළගම්බා රජ්ජුරුවන්ට අයත් බව පවසා රැගෙන ආ පෞරාණික බවක් පෙනෙන අසිපතක් විකිණීමට පැමිණි පුද්ගලයන් දෙදෙනෙක් එම අසිපත සමඟ අත්අඩංගුවට ගත් බව පානදුර වලාන මධ්‍යම දුෂණ මර්ධන ප්‍රහාරක ඒකකය කියයි.

මිනිස් පරිභෝජනයට සුදුසු මට්ටමක පවතින සහල් මෙට්‍රික් ටොන් 21 ක් සත්ව ආහාර සැකසීම පිණිස ඒකල ප්‍රදේශයේ ගබඩාවක තිබියදී අත්අඩංගුවට ගනු ලැබූ බව පාරිභෝගික සේවා අධිකාරියේ ගම්පහ දිස්ත්‍රික් විමර්ශන ඒකකය සඳහන් කරයි.

’’රටට මෙහෙම වෙලා තියෙන්නේ පාලකයන්ගේ දුර්දාන්ත වැඩ නිසා. ලෝකෙ වටේ ගිහින් හිගන්නෝ වගේ කන්න බොන්න ඉල්ලනවා. අපි ලැජ්ජ වෙන්න ඕන මෙච්චර ලස්සන ආකර්ශනීය රටක ඉදගෙන හිගන්නො වගේ කන්න බොන්න ඉල්ල ඉල්ල යන එක ගැන. මොකක්ද මේ ආකල්පය. රටට මෙහෙම වෙලා තියෙන්නේ දුර්දාන්ත පාලකයින්ගේ වැඩ නිසා. ඒ නිසා මෙවර නත්තල් සතුටින් සමරන්න අපිට බෑ’’

මොනරාගල නගරයේ වෙළෙඳසැලක් ඉදිරිපිට පදිකවේදිකාවේ වැටී තිබියදී තරුණයෙකුට හමුවූ රන්ආභරණ සහිත පාර්සලයක් ඔහු විසින් ඉකුත් (21) වෙනිදා සවස මොනරාගල පොලීසියට භාරදී ඇත.

අවුරුද්දක අවසන් සතිය උත්සව සිරියක් ගන්නේ නත්තලත් නව වසරක උදාවටත් ජනතාව සතුටු සිතින් ලකලෑස්ති වෙන නිසාවෙනි. මේ උත්සව සමයේ ප්‍රමාණාත්මක ආරක්ෂක පියවර රැගෙන අනතුරු අවම කර ගැනීම කාලෝචිත වේ. මේ පිළිබඳව ජනතාව දැනුම්වත් කිරීමට ඊයේ ( 21දා) සෞඛ්‍ය ප්‍රවර්ධන කාර්යාංශයේදී විශේෂ ප්‍රවෘත්ති සාකච්ඡාවක් පැවැත්විණ. මේ එහිදී පොලිස් දෙපාර්තමේන්තුවේ රථවාහන මූලස්ථානයේ අධ්‍යාපන හා මහජන ආරක්ෂාව පිළිබඳ ස්ථානාධිපති පොලිස් පරීක්ෂක සේනක ගමගේ මහතා විසින් දැක්වූ අදහස්ය.

පවතින ආර්ථික පීඩනය අයහපත් කාලගුණය ඇතුළු කරුණු කාරණා රැසක් හේතුවෙන් දඹුල්ල ආර්ථික මධ්‍යස්ථානය විශාල වශයෙන් කඩාවැටීමේ තර්ජනයට ලක්ව ඇතැයි එහි සේවකයෝ පෙන්වා දෙති.

පාපන්දු ලෝක ශූරතාව දිනූ ආර්ජන්ටිනා පාපන්දු කණ්ඩායම පිළිගැනීමට පැමිණී පිරිස මිලියන 4 කටත් අධික බව විදෙස් මාධ්‍ය වාර්තා කරයි.

යුධ බඳුන අවුස්සන අත් බොහෝ ඇති තාක් සටන තවදුරටත් දීර්ඝ වනු ඇතැයිද පළමු වැනි ෆ්‍රැන්සිස් පාප් වහන්සේ පවසති.

පාකිස්ථානු ක්‍රිකට් ආයතනයේ සභාපති රමීස් රාජා‍ව වහාම ක්‍රියාත්මක වනපරිදි එම ධුරයෙන් ඉවත්කොට ඇත. ඒ පාකිස්ථානය, එංගලන්තය හමුවේ සිය රටේදීම ටෙස්ට් තරගාවලියක් පූර්ණ තරග පරාජයකට (වයිට්වොෂ්) වීමෙන් අනතුරුවය.

පාකිස්ථානයෙන් බිහිවූ ලොව විශිෂ්ඨම වේගපන්දු යවන්නෙකු ලෙසින් සැලකෙන වසීම් අක්‍රම් එල්.පී.එල්. තරගාවලියට සම්බන්ධ වීම සඳහා අද උදෑසන පැමිණිමට නියමිත බව ශ්‍රී ලංකා ක්‍රිකට් ආයතනය නිවේදනය කරයි.

ගෝල් ග්ලැඩියේටර්ස් කණ්ඩායම පරදා එල්.පී.එල්. ක්‍රිකට් තරගාවලියේ දෙවැනි අවසන් පූර්ව වටයේදී කඩුළු 7 ක පහසු ජයක් වාර්තා කිරීමට කලම්බු ස්ටැලියන්ස් කණ්ඩායම සමත්විය.

තලේබාන් සංවිධානය කාන්තාවන්ට විශ්වවිද්‍යාලවලට ඇතුළුවීම තහනම් කිරීම එක්සත් ජාතීන්ගේ සංවිධානයද හෙළා දකියි.

ලබන මාර්තු මස අග සිට ආරම්භ වන 2023 පාසල් අධ්‍යයන වර්ෂයේ දී ප්‍රාථමික අංශයේ වාර විභාග නොපවත්වා පාඩමෙන් පාඩමට සිසුන්ට අභ්‍යාස ලබා දී එහි ලකුණු වාර්තා තබාගෙන ඒවා සහ වර්ෂාවසානයේ පවත්වන විභාගයේ ලකුණු මත සිසු ඇගයීම් හා තක්සේරුකරණ ක්‍රියාවලිය ක්‍රියාවට නංවන බව අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා පවසයි. ඒ බප/කො/ කැතිඩ්‍රල් පිරිමි විද්‍යාලයේ නත්තල් සැමරුම් උත්සවයකට ප්‍රධාන ආරාධිතයා වශයෙන් සහභාගී වෙමිනි.

ජාතික පාරිභෝගික මිල දර්ශකයෙහි ලක්ෂ්‍යමය වෙනස මගින් මනිනු ලබන මතුපිට උද්ධමනය 2022 ඔක්තෝබර් මාසයේ පැවති 70.6% සිට නොවැම්බර් මාසයේදී 65.0%ක් දක්වා පහළ ගොස් තිබේ.

ශ්‍රී ලංකාවේ වායු දූෂණය සම්බන්ධයෙන් දිනපතා ලබා ගැන්නා සංසරණ වායු තත්ත්වය පිළිබඳ 2023 ජනවාරි සිට මාධ්‍ය මගින් දැනුවත් කිරීමෙ වැඩසටහනක් මෝටර් රථ ප්‍රවාහන දෙපාර්තමේන්තුව ආරම්භ කරන බව මෝටර් රථ ප්‍රවාහන කොමසාරිස් ජනරාල් නිශාන්ත අනුරුද්ධ වීරසිංහ මහතා සඳහන් කරයි.

ගල් අඟුරු සමාගම නිසා ජනවාරි මාසෙදි පැය 10 ක විදුලි කප්පාදුවක් ඇතිවන බවට වන ප්‍රකාශ ප්‍රතික්ෂේප කරන බව ගල් අගුරු සමාගමේ සභාපති ශෙහාන් සුමනසේකර මහතා පවසයි.

කැන්ඩි ෆැල්කන්ස් ඩක්වර්ත් හා ලුවිස් න්‍යායයට අනුව ලකුණු 24 කින් පරාජයට පත් කරමින් අඛණ්ඩව තෙවැනි වරටත් එල්.පී.එල්. තරගාවලියේ අවසන්මහා තරගයට සුදුසුකම් ලැබීමට ජැෆ්නා කිංග්ස් සමත්විය.