ආනයන සීමා ලිහිල් කිරීමෙන් දේශියව නිෂ්පාදනය වන ආදේශන භාණ්ඩ ආරක්ෂා කර ගැනීම පිළිබඳ සොයා බැලීමට කමිටුවක් පත් කරන ලද මුදල් රාජ්‍ය අමාත්‍ය රංජිත් සියඹලාපිටිය මහතා පවසයි.

පසුගිය 16 දා කොලොන්න පොලිස් වසමේදී වෑන් රථයකින් ගමන් කරමින් සිටි ව්‍යාපාරිකයෙකුට මිරිස් කුඩු ප්‍රහාරයක් එල්ල කළ පැහැරගෙන ගොස් ඇති බවට කොලොන්න පොලිස් ස්ථානයට පැමිණිල්ලක් ලැබී තිබුණ බව පොලස් මූලස්ථානය කියයි.

හම්බන්තොට - නව පොල්පිටිය 220 ක්V අධි වෝල්ටීය විදුලි සම්ප්‍රේෂණ මාර්ගයේ අවසන් වැඩ කටයුතු සිදුකෙරෙමින් පවතින හෙයින්, හම්බන්තොට - නව පොල්පිටිය ‍රැහැන් මාර්ගය අවට කලාපය තුල සරුංගල් යැවීමෙන් වළකින ලෙස කාරුණිකව ඉල්ලා සිටින්නේ යැයි ලංවිම නිවේදනය කරයි.

මහනුවර ඇසළ උත්සවය හේතුවෙන් එළැඹෙන 26 දා දින සිට 31 දා දක්වා විශේෂ දුම්රිය වාර කිහිපයක් ධාවනයට එක්කරන බව දුම්රිය දෙපාර්තමේන්තුව පවසයි. එම දුම්රිය කාලසටහන පහත පරිදි වෙයි.

ගොවීන්ගෙන් වී මිලදී ගැනීමේදී මතුව ඇති ගැටලු විසඳීමට කඩිනමින් පියවර ගන්නා බව කෘෂිකර්ම අමාත්‍ය මහින්ද අමරවීර මහතා පැවසීය.

දියගම තාක්ෂණ විශ්ව විද්‍යාලයේ නේවාසිකාගාරයේ තුන්වැනි මහලින් සැකකටයුතු ලෙස බිමට ඇද වැටී බරපතළ තුවාල ලබා හෝමාගම මූලික රෝහලට ඇතුළත් කළ සිසුවා මිය ගිය බව කහතුඩුව පොලිසිය කියයි.

පාර්ලිමේන්තුව ලබන 22 සිට 25 දක්වා රැස්වීමට නියමිත බවත් ඊට අදාළ පාර්ලිමේන්තු කටයුතු පසුගිය 11 වැනිදා කථානායක මහින්ද යාපා අබේවර්ධන මහතාගේ ප්‍රධානත්වයෙන් පැවති පාර්ලිමේන්තු කටයුතු පිළිබඳ කාරක සභාවේදී තීරණය වූ බවත් පාර්ලිමේන්තුවේ මහලේකම් කුෂානි රෝහණදීර මහත්මිය පැවසුවාය.

ක්ෂුද්‍ර, කුඩා හා මධ්‍ය පරිමාණ ව්‍යාපාරිකයන් දීර්ඝ කාලයක් පුරා මුහුණ දෙන මූල්‍ය සහ ණය ගැටලු රැසක් සම්බන්ධයෙන් ඊයේ (17දා) විපක්ෂ නායක සජිත් ප්‍රේමදාස මහතා විසින් ලෝක බැංකුවේ නියෝජිතයන් දැනුවත් කරන ලදී. ඒ විපක්ෂ නායක කාර්යාලයේදී පැවැති හමුවකදී ය.

සියඹලාන්ඩුව ප්‍ර දේශයේ මෙගා වොට් 100 සූර්ය බල විදුලි පද්ධතියක් ඉදිකිරීමේ ටෙන්ඩරය ලක්දනවි සමාගමට, වින්ඩ් ෆෝස් සමාගමට හා බ්ලූ සර්කල් සමාගම වෙත පිරිනමා තිබේ.

මාදම්පේ රත්මල්ගාර රජයෙ වතු යායෙන් පොල් සොරකම් කිරීමේ නිරත වු යුධ හමුදා ලාන්ස කෝප්‍රල් වරයකු වතු මුරකරුවන් හා පාලනාධිකාරිය එක්වි මාදම්පේ පොලිසියට 18 දින අලුයම භාර දීමට කටයුතු කර තිබුනී.

මේ වසරේ අදාළ නියමිත කාලය තුළ වත්කම් බැරකම් ප්‍රකාශ ලබාදී ඇත්තේ, පාර්ලිමේන්තු මන්ත්‍රීවරුන් 49දෙනෙකු පමණක් බව වත්කම් බැරකම් ප්‍රකාශ ලබාදීම සම්බන්ධයෙන් ලබාගත් තොරතුරු මගින් අනාවරණය විය.

තෙල් සංස්ථාව විසින් මේ වසරේ පළමු මාස 06ක කාලය තුළදී රජයට රුපියල් බිලියන 105ක බදු මුදලක් ලබාදී තිබෙන බවත්, මීට අමතරව මෙම කාලය තුළදී රුපියල් බිලියන 84ක ශුද්ධ ලාභයක් උපයාගෙන තිබෙන බව ඉන්ධන, විදුලිය, වරයා සමගි වෘත්තිය සමිති සන්ධානය සඳහන් කරයි.

ඉන්දියාවේ නව ශ්‍රී ලංකා මහකොමසාරිස් ලෙස ශෙනුකා සෙනවිරත්න මහත්මිය පත් කිරීමට ජනාධිපති රනිල් වික්‍රමසිංහ මහතා සූදානමින් සිටින බව වාර්තා වේ. මේ අතර චීනයේ නව ශ්‍රී ලංකා තානාපති ලෙස විදේශ සේවයේ සිටින ජ්‍යෙෂ්ඨ නිලධාරියෙකු පත් කිරීමට ජනාධිපතිවරයා උපදෙස් ලබාදී ඇත.

සිදුකරන ලද පුරෝකථන අනුව එළඹෙන මහ කන්නයේ අස්වනු ලැබෙන තෙක් මේ වනවිට රට තුළ පවතින වී හා සහල් තොග පරිභෝජනයට ප්‍රමාණවත් බවත්, ඒ අනුව සහල් ආනයනය අවශ්‍ය නොවන බවත් හරිත කෘෂිකර්ම ක්‍රියාන්විත මධ්‍යස්ථානය විසින් කෘෂිකර්ම අමාත්‍ය මහින්ද අමරවීර මහතාට දැනුම්දී තිබේ.

තඹුත්තේගම මහවැලි ඉඩම් දේශපාලන ලැයිස්තුවෙන් බෙදුවාට විරෝධයක් එන බවට තොරතුරු වාර්ථා වී තඹුත්ත‌ේගම මහවැලි අධිකාරියේ පැවති උත්සවයට සහභාගී වීමට පැමිණි රොෂාන් රණසිංහ අමාත්‍යයවරයා ආපසු හැරී ගිය බවට වාර්තා වේ.

හෝමාගම කර්මාන්ත පුරයේ ඇති තීන්ත කර්මාන්ත ශාලාවේ ගින්නක් ඇති වී කර්මාන්ත ශාලාව සම්පූර්ණයෙන්ම විනාශ වී තිබේ. මේ මොහොත වෙන විට ගිණි ගන්නා කර්මාන්ත ශාලාව ඇතුළේ පිපිරිම් රැසක්ම ඇසෙන බවත්.තීන්ත හැදීමට ගෙන ආ කෙමිකල් බැරල් මේ වෙන විට පිපිරිමකට ලක්ව ඇති බවත් වාර්තා වෙයි.

පවතින නියඟය හේතුවෙන් ඊයේ (17දා) වනවිට වී ගොවීන් 35,653ක් පීඩාවට පත්ව ඇති අතර, හානියට පත්ව ඇති වී වගා කරන ලද අක්කර ප්‍රමාණය 38,903.83ක් දක්වා ඉහළ ගොස් තිබේ.

මුදල් අමාත්‍යාංශයේ ගණනය කිරීම් අනුව පාන්පිටි කිලෝවක මිල රු.198ක් වන බැවින් පාන්පිටි සම්බන්ධ මෙරට ප්‍රධාන සමාගම් ද්විත්වයට අතිරේක ලාභයක් ලැබිය නොහැකිවන පරිදි පාරිභෝගිකයා ආරක්ෂා කිරීමට මේ බව නිවේදනයක් මගින් දැනුම්දෙන ලෙස මුදල් අමාත්‍යාංශ නිලධාරීන්ට රජයේ මුදල් පිළිබද කාරක සභාවෙන් නියෝග කෙරිණි.

සාලම්බකුලම් ප්‍ර දේශයේ පිහිටි වව්නියා විශ්වවිද්‍යාල ක්‍රීඩා භූමියේ පාසල් කිහිපයක් අතර පැවැති එල්ලේ තරගාවලියකට සහභාගීවම සඳහා පැමිණ සිටි පට්ටාන්චූර් ප්‍ර දේශයේ පාසලක පිරිමි ළමුන් දෙදෙනෙකු එල්ලේ තරගාවලිය අතරතුර එම ක්‍රිඩාංගණයෙන් පිටත ප්‍ර දේශයේ තිබූ වතුර වලක් ආසන්නයෙන් ඇවිදිමින් යාමේදී එම වලට වැටී දියේ ගිලී අනතුරක් සිදුව ඇත.

කරන්දෙණිය ප්‍රධාන පාසලක සිසුවෙකුට එම පාසලේම සිසුවෙකු අද (17දා) පිහියකින් පහරදීම හේතුවෙන් තුවාල ලබා රෝහල් ගත කළ බව කරන්දෙණිය පොලීසිය කියයි.

තෙල් සංස්ථාවේ ප්‍රධාන කාර්යාලයේ 6 මහලේ ගින්නක් හටගෙන තිබේ. ගින්න පාලනය කිරීමට තෙල් සංස්ථාවේ ගිනි නිවන ඒකකය කටයුතු කරමින් සිටියි. පරිගණක පද්ධතියේ විදුලි කාන්දුවකින් ගින්න හටගෙන ඇති බවට විශ්වාස කරයි.

සේවා ව්‍යවස්ථා ගැටලුව විසඳා දෙන්නේනම් “අස්වැසුම” සුභසාධක ප්‍රතිලාභ සම්බන්ධ ගැටලුවට මැදිහත්වීමට සූදානම් බව ග්‍රාම නිලධාරී සංගම් ක්‍රම හා විධි පිළිබඳ කාරක සභාවේදී පැවසීය.

පාර්ලිමේන්තු කමිටු කාමරයකින් කොට්ට දෙකක් සහ මෙට්ටයක් හමුවී ඇති බවට පළවන මාධ්‍ය වාර්තා සම්පූර්ණයෙන්ම අසත්‍ය බව පාර්ලිමේන්තුවේ මහ ලේකම් කුෂානි රෝහණදීර මහත්මිය පැවසුවාය.

මෙම තහනම් උත්තේජක මගින ලිංගික බෙලහීනතාවය, පුරස්ථි ග්‍රන්ථි පිළිකා, වකුගඩු හා වෘෂණ කෝෂ වෙනස්වීම් වැනි රෝග වලට ගොදුරු විය හැකි බව ජාතික ඖෂධ නියාමන අධිකාරිය විසින් පෙන්වා දී තිබේ.

මෙම වසර ඇතුළතදී සංචාරක ආකර්ෂණය සහිත ස්ථානවල “තානායම” නමින් අලුතින් තානායම් 100ක් ආරම්භ කිරීමට කටයුතු කරන බව ලංකා රෙස්ට් හවුස් ලිමිටඩ් ආයතනයේ සභාපති, දුලිප් විජේසේකර මහතා පවසයි.

බියර් පානය කර පාසල් පැමිණි වයස අවුරුදු 14ක බාලවයස්කාර පාසල් සිසුවියක් සිය භාරයට ගැනීමෙන් අනතුරුව අනුරාධපුර ශික්ෂණ රෝහලට ඇතුලත් කල බව කැකිරාව පොලීසිය පවසයි.

දේශපාලනඥයන් බොහෝ විට සිතන්නේ අතීතය ගැන පමණයි. ශිෂ්‍යයන් ලෙස සිතන්නේ වර්තමානය ගැනයි. නමුත් මම සහ රජය සිතන්නේ අනාගතය පිළිබඳවයි. ඉතින් අප මෙය ගළපාගෙන ඉදිරියට යා යුතුයි. අතීතය ගැන සිතන අය කෙසේ හෝ වර්තමානයට ගෙන ආ යුතුයි. වර්තමානයේ සිටින විට අනාගතය ගැන හැදෑරිය හැකියි.

යුද්ධය පැවති සමයේත් අප රටේ ආර්ථිකය ශක්තිමත්ව පැවතුණා. යුද්ධය පැවති වකවානුව තුළත් අප ඇඟලුම් කර්මාන්තශාලා ආරම්භ කිරීම ඊට උදාහරණයක් ලෙස පෙන්වා දිය හැකියි. කෙසේ නමුත් අද අපට හිමිකාරිත්වය සහ නියාමනය යන දෙයාකාරයෙන්ම රජය විසින් ආධිපත්‍ය දරන ආර්ථිකයක් පවත්වා ගැනීම අපහසුයි. නියාමනය ඉවත් කිරීම සහ පෞද්ගලීකරණය දැන් අපට ඇති විකල්පයයි.

උමා ඔය බහුකාර්ය සංවර්ධන ව්‍යාපෘතිය යටතේ ඉදිකළ ඩයරබා ජලාශයේ ජලය පුරවා විවෘත කිරීම පසුගියදා සිදු කෙරුණු බවත් එමඟින් මෙගා වොට් 120ක විදුලිබලයක් ජාතික විදුලි බල පද්ධතියට එක් කිරීම මෙන්ම කුඹුරු අක්කර 15,000ක් යල මහ දෙකන්නයේ වගා කිරීමට හැකියාව ලැබෙන බවත් වාරිමාර්ග රාජ්‍ය අමාත්‍ය ශෂීන්ද්‍ර රාජපක්ෂ මහතා පැවසීය.