නුවරඑලිය හාවාඑලිය බොරලන්ද ප්‍රදේශයේ රජයට අයත් අක්කර 10 පමණ ඉඩමක වගා කර තිබු එලවළු වගාවක් වාරි මාර්ග දෙපාර්තුමේන්තුවේ නිලධාරින් විසින් ස්කේටර් යන්ත්‍රයක් යොදා ගනිමින් විනාශ කිරිමට ඉකුත් (18) දින පියවර ගෙන ඇති බව එම ඉඩමේ එලවළු වගා කල ගොවින් කියා සිටියි.

ලංකා ඛනිජ තෙල් නීතිගත සංස්ථාව විසින් අලෙවිකරන පෙට්‍රල් හා ඩීසල් ඉන්ධනවලින් ලාභ ලබන බව විෂයභාර අමාත්‍ය කංචන විජේසේකර මහතා පවසයි.මේ අනුව ඔක්ටේන් 92 පෙට්‍රල් ලීටරයකින් රු. 16.21ක්, ඔක්ටේන් 95 පෙට්‍රල් ලීටරයකින් රු. 109.44ක්, ලංකා ඔටෝ ඩීසල් ලීටරයකින් රු. 3.25ක්, සුපිරි ඩීසල් ලීටරයකින් රු. 11.64ක් සංස්ථාව ලාභ ලබයි.

උතුරට, දකුණට, බස්නාහිරට, කියලා වෙන බුදු හාමුදුරුවෝ කෙනෙක් නෑ. නමුත් මට වෙඩි තිබ්බ ආරංචියිට මේ රටේ හාමුදුරුවරුන්ගෙන් කීයෙන් කීදෙනාද මොකද උනේ කියලා ඇහුවේ. හතරනමයි දුරකථන ඇමතුමක් දුන්නේ. ඒ වගේම ප්‍රජාතන්ත්‍රවාදය රකිනවා කියන, නීති හදන්න, සමාජය හදන්න පාර්ලිමේන්තුවේ 225 ක් කටයුතු කරනවා. හැබැයි ඒ අයගෙන් මන්ත්‍රීලා කතා කරේ මට හතරදෙනයි.

නුවරඑළිය සිට කැප්පටිපොල සහ වැලිමඩ දක්වා ඩිසල් ඉන්ධන ප්‍රවාහනය කළ බවුසර් රථයක් නුවරඑළිය හග්ගල මහ වංගුව ප්‍රදේශයේදි මාර්ගයෙන් ඉවතට පැන අනතුරට පත්වීමෙන් එම බවුසර් රථයේ ගමන් ගත් රියදුරා සහ රිය සහායකයා තුවාල ලබා නුවරඑලිය දිස්ත්‍රික් මහ රෝහලට ඇතුලත් කර ඇති බවත්, පෙරලුණු බවුසර් රථයේ ප්‍රවාහනය කළ ඉන්ධන කාන්දු වන බව නුවරඑලිය පොලීසිය පැවසිය.

මැදවච්චිය, වව්නියාව ප්‍රධාන මාර්ගයේ මහකුඹුගොල්ලෑව ප්‍රදේශයේදී සිදුවූ රිය අනතුරකින් වයස අවුරුදු 13 ක දියණියක් මිය ගොස් ඇති බවත් එම අනතුරින් දියණියගේ මව බරපතල තුවාල ලබා වව්නියාව රෝහලේ දැඩිසත්කාර ඒකකයේ ප්‍රථිකාර ලබමින් සිටින බවත් පූනෑව පොලීසිය පැවැසීය.

ඉන්දුනීසියානු නාවික හමුදාවට අයත් ‘KRI Raden Eddy Martadinata - 331’ යුද නෞකාව නිල සංචාරයක් සඳහා අද දින (2023 පෙබරවාරි 19) උදෑසන කොළඹ වරායට සේන්දු වූ අතර, ශ්‍රී ලංකා නාවික හමුදාව විසින් එම නෞකාව නාවික හමුදා සම්ප්‍රදායානුකුලව පිළිගැනීමට කටයුතු කෙරිණි.

යාචකයන් රඳවා තබන රජයේ රිදියගම නිවර්තන නිවාසයේ තවත් ඉඩ පහසුකම් ඇත්තේ යාචකයන් 100 කුට පමණක් බව එම නිවාසයේ අධිකාරි චාන්දනී සිරිවර්ධන මහත්මිය පැවසුවාය.

කළුබෝවිල රූබන් පීරිස් මාවත ප්‍ර දේශයේ නිවසක ගරාජයක නවතා තිබූ මෝටර් රථයක් පිටතට ගැනීමේදී එම මෝටර් රථයේ ගැටුණු අවුරුදු එක හමාරක දැරියක් ජීවිතක්ෂයට පත්ව තිබේ.

රජය ප්‍රමුඛතාව ලබා දී ඇත්තේ රටේ වැටී ඇති ආර්ථිකය ප්‍රකෘතිමත් කිරීම සඳහා බවත්, එමෙන්ම රට අරාජිකත්වයට පත් වීමට ඉඩ නොතබා නීතිය හා සාමය ආරක්ෂා කරන බවත් ජනාධිපති රනිල් වික්‍රමසිංහ මහතා අවධාරණය කළේය.

දිවයිනේ වැසි තත්ත්වයේ වැඩිවීමක් හෙට දිනයේදී අපේක්ෂා කරන බව කාලගුණ විද්‍යා දෙපාර්තමේන්තුව සඳහන් කරයි. මේ අනුව නැගෙනහිර හා ඌව පළාත්වලත් පොලොන්නරුව හා මාතලේ දිස්ත්‍රික්කවලත් වැසි වාර කිහිපයක් ඇතිවිය හැකි බව එම ‌දෙපාර්තතමේන්තුව පෙන්වා දෙයි.

75 වැනි නිදහස් උත්සවයට සමගාමීව පවත්වනු ලබන මහනුවර ජනරජ පෙරහර හෙට පස්වරු 6 සිට වීදි සංචාරය කිරිමට නියමිතව තිබේත. මෙම පෙරහර මහනුවර දළදා මාළිගාව අසලින් ආරම්භ වී දළදා වීදිය, යටිනුවර වීදිය, රජ වීදිය ඔස්සේ පැමිණ ගෙවැදීමට නියමිතව තිබේ. මේ අනුවර පෙරහර පවත්වන හෙට දිනයේ පස්වරු 5 සිට පෙරහර අවසන් වන තෙක් මහනුවර නගරයේ විශේෂ රථවාහන සැලැස්මක් ක්‍රියාවට නංවන බව පොලිස් මාධ්‍ය ප්‍රකාශක කාර්යාලය පවසයි.

ශ්‍රී ලාංකේය ඉතිහාසයේ ප්‍රථම වතාවට රග්බි ලෝක කුසලානයක් මෙරටට ගෙන ඒමේ අවස්ථාව උදා කරමින් 2023 ප්‍රංශයේ පැවැත්වීමට නියමිත ලෝක කුසලාන රග්බි තරගාවලියේ ජයග්‍රාකයින්ට පිරිනැමීමට නියමිත කුසලානය දින 06 ක ප්‍රදර්ශනය සදහා 02/18 දින අලුයම කටුනායක ගුවන් තොටුපළ වෙත ගෙන ආවේය .

ශ්‍රී ලංකාවේ ණය ප්‍රතිව්‍යුහගත කිරීම සම්බන්ධයෙන් චීනයෙන් ප්‍රමාණවත් සහායක් නොලැබුණත් ජාත්‍යන්තර මුූල්‍ය අරමුදලේ කාර්ය මණ්ඩල එකඟතාව ලැබී ඇති ඇමෙරිකානු ඩොලර් බිලියන 2.9ක විස්තීරණ මූල්‍ය පහසුකම නිදහස් කිරීම වෙනුවෙන් ජාත්‍යන්තර මූල්‍ය අරමුදල සලකා බලමින් සිටින බව බ්ලූම්බර්ග් පුවත් සේවය තොරතුරු වාර්තා කරයි.

2023 වසර තුළ හරිත මූල්‍ය ව්‍යාපෘති සඳහා අරමුදල් රැස් කර ගැනීම වෙනුවෙන් ශක්තිමත් මාර්ග සිතියමක් ප්‍රකාශයට පත් කිරීමට තීරණය කර තිබේ.

ජාත්‍යන්තර මූල්‍ය අරමුදලේ ණය යෝජනා ක්‍රමය මාර්තු මාසයේ දී ක්‍රියාත්මක කිරීමට හැකි වනු ඇතැයි අපේක්ෂා කරන බවත් මේ වන විට උද්ධමනය ක්‍රමිකව අඩු වීමට සාපේක්ෂව බැංකු පොළී අනුපාත අඩු කිරීම පිළිබඳව සළකා බලන බවත් ජනාධිපති රනිල් වික්‍රමසිංහ මහතා පැවසීය.

පළාත් පාලන මැතිවරණයේ තැපැල් ජන්ද ප්‍රකාශ කිරිමේ දිනය කල් තැබීමට විරෝධය පාමින් සමගි ජන බලවේගය සදුදා කොළඹ වටලන බව කුරුණැගල දිස්ත්‍රික් පා.ම (සජබ) නලින් බණ්ඩාර මහතා පැවසිය.

SSW වැඩසටහන හරහා ජපානයට පුහුණු ශ්‍රමිකයන් පිටත් කර යැවීම සඳහා වන ද්විපාර්ශවීය අවබෝධතා ගිවිසුමක්, ශ්‍රී ලංකා විදේශ සේවා නියුක්ති කාර්යාංශය සහ ජපානයේ General Incorporated Foundation IM Japan ආයතනය විසින් අද දින (2023.02.17) අත්සන් කරන ලදී.

පසුගිය 2022 අගෝස්තු මස 75% කින් වැඩි කළ විදුලි බිල, 2023 පෙබරවාරි 15 සිට නැවත 66% කින් වැඩි කර ඇති බවත් මේ අනුව 2022 පෙබරවාරි මස තිබූ විදුලි බිල 2023 පෙබරවාරි වන විට 300%කින් එනම් තුන් ගුණයකින් වැඩිකර ඇති බවත් හිටපු අමාත්‍ය පාඨලී චම්පික රණවක මහතා පවසයි.

ප්‍රතිකාර සඳහා පෞද්ගලික අංශය වෙත යොමුව ඇති ජනතාවගෙන් 30% ක පමණ පිරිසක් ඉදිරියේ දී එම ප්‍රතිකාර සඳහා රජයේ රෝහල් කරා යොමු වීමේ වැඩි ප්‍රවණතාවක් ඇතිවිය හැකි බැවින් ඒ සඳහා වන ඉලක්කගත වැඩපිළිවෙළක් කෙරෙහි මේ වන විටත් අවධානය යොමුකර ඇතැයි සෞඛ්‍ය අමාත්‍ය ආචාර්ය කෙහෙලිය රඹුක්වැල්ල මහතා පවසයි.

වී මිලදී ගැනීම සහ බෙදාහැරීම සම්බන්ධ සාකච්ඡාව අමතමින් අග්‍රාමාත්‍යවරයා සඳහන් කළේ අඩු ආදායම් ලබන පුද්ගලයින් සඳහා සහන සැලසීමේ රජයේ වැඩපිළිවෙළ සාර්ථක කරගැනීමට නම් මෙවර මහ කන්නයේ වී මිලදී ගැනීම් සහ බෙදාහැරීම් නිසි සැලසුමකට අනුව සිදු කළ යුතු බවයි.

මාතර, මැදවත්ත රුහුණු විශ්වවිද්‍යාලය ඉ‍දිරපිට මුහුදේ දිය නාමින් සිටි පාසල් සිසුන් තිදෙනෙක් දියේ ගිලී අතුරුදන්ව ඇතැයි පොලීසිය කියයි.

ජනශක්ති සමූහ ව්‍යාපාරයේ අධ්‍යක්ෂ දිනේෂ් ෂාෆ්ටර් මහතාගේ මරණය සියදිවි නසා ගැනීමක්ද, නැතහොත් ඝාතනයක්ද යන්න ගැන තීරණයක් ගැනීමට පංච පුද්ගල විශේෂ වෛද්‍ය මණ්ඩලයක් පත්කරන ලෙසට කොළඹ අතිරේක මහේස්ත්‍රාත් රජින්ද්‍රා ජයසූරිය මහත්මිය විසින් අද (17දා) නියෝග කලාය

ඉහළ ගිය විදුලි මිල වැඩි වීම සහ බඩු මිල වැඩි වීමට එරෙහිව හොරණ නිදහස උදෙසා කාන්තා ව්‍යාපාරය සංවිධානය කළ උද්ඝෝෂණයක් හොරණ ප්‍රධාන බස් නැවතුම්පොළ ඉදිරිපිටදී අද සවස (17) පැවැත්වුණි

පොලීසියට ලද තොරතුරක් මත සියඹලාණ්ඩුව මුතුකණ්ඩිය දෙවන ගම්මානය ප්‍රදේශයේදී ඉකුත් (16) වෙනිදා සිදුකළ වැටලීමකදී ගෝඩා මිලිලීටර් 3,52,500 (ලීටර් 3525ක්) අත්අඩංගුවටගෙන ඇත.

දකුණු අප්‍රිකාවේ පැවැත්වෙන විස්සයි20 කාන්තා ලෝක කුසලාන ක්‍රිකට් තරගාවලියේ පෙරේදා (15දා) පැවැති තරග ද්විත්වයකදී ඓතිහාසික කඩයිම් පසුකිරීමට ඉන්දියාවේ දීප්ති ෂර්මා හා පාකිස්තානයේ මුනීබා අලි සමත් වූහ.

ක්‍රිකට්, දැල්පන්දු ඇතුළු මෙරට ක්‍රීඩා තේරීම් කමිටු වඩාත් ස්වාධීන කිරීම සඳහා නිසි නිර්ණායක ඇතුළත් ගැසට්පත්‍රයට අදාළ කරුණු ජාතික ක්‍රීඩා තේරීම් කමිටුව සාකච්ඡා කළ බවත්, ඉතා ඉක්මනින් අදාළ තේරීම් කමිටු පත් කිරීමට පියවර ගන්නා බවත් ජාතික ක්‍රීඩා තේරීම් කමිටු සාමාජික හිටපු ක්‍රිකට් නායක සනත් ජයසූරිය මහතා පැවසීය.

සුගතදාස ක්‍රීඩාංගණය, සුගතදාස හෝටලය සහ සුගතදාස ගෘහස්ථ ක්‍රීඩාගාරය ඇතුළු තවත් ආයතන කිහිපයක් අයත් සුගතදාස ක්‍රීඩා අධිකාරියේ සභාපති ධුරයට මේජර් ජෙනරාල් ලාල් චන්ද්‍රසිරි මහතා පත් කිරීමට ක්‍රීඩා අමාත්‍ය රොෂාන් රණසිංහ මහතා පියවර ගෙන තිබේ.

ජාතික ක්‍රීඩා සංගම් සඳහා නව රෙගුලාසි කිහිපයක් ලබන සතියේ සිට ක්‍රියාත්මක කරන බවත්, ඒ සඳහා වන ගැසට්පත්‍ර මේ වන විට සකසමින් පවතින බවත් ක්‍රීඩා සහ යෞවන කටයුතු අමාත්‍ය රොෂාන් රණසිංහ මහතා පවසයි.

පුත්තලම නගර සභාවට එක්සත් ජාතික පක්ෂයෙන් තරග වදින අපේක්ෂකයකු සන්තකයෙ තිබූ හොරෝයින් ග්‍රෑම් තුනයි මිලි ග්‍රෑම්ස් 260 කට ආසන්න ප්‍රමානයක් සමග පුත්තලම මුලස්ථාන පොලිසියෙ දුෂණ මර්ධන අංශය මගින් 17 දින අලුයම අත් අඩංගුවට ගෙන ඇත.