ලොරිය අඩි 100ක ප්‍රපාතයට වැටෙයි

බණ්ඩාරවෙල ඕබඩඇල්ල අලවත්ත ප්‍රදේශයේ දී අද (29) පස්වරුවේ ලොරියක් අඪි 100ක පමණ ප්‍රපාතයකින්  පහළට පෙරලී තිබේ.

තේ වත්තකට පෙරලීයාමෙන් එහි රියදුරු රියසහයක කිසිදු තුවාලයක් නොලබා ලොරියෙන් ඉවතට පැන බේරි ඇතැයි බණ්ඩාරවෙල පොලිසිය පවසයි.

බණ්ඩාරවෙල  අලවත්ත ගෝනමොටාව මාර්ගයේ කාපට් ඇතිරීම සදහා මහනුවර ප්‍රදේශයේ සිට  කාපට් තොගයක් පටවා ගෙන විත් එය බා නැවත ලොරිය මහනුවර බලා ධාවනය වෙමින් තිබියදී මෙසේ අනතුරට පත්ව ඇතැයි පොලිසිය සදහන් කළේය .

බණ්ඩාරවෙල පොලිසිය පරික්ෂණ පවත්වති .

ඇල්ල ප්‍රසාද් රුක්මල්