ඕස්ට්‍රේලියානු නියෝජ්‍ය අග්‍රාමාත්‍ය මෙන්ම එරට ආරක්ෂක අමාත්‍ය රිචඩ් මාර්ලස් ( Richard Marles ) මහතා දෙදින නිල සංචාරයක් සදහා 06/02 දින රාත්‍රී කටුනායක ගුවන් තොටුපොළ වෙත පැමිණියේය.

බලය අයුතු ලෙස භාවිතා කරමින් රතු ලේබලයෙන් යුතු බහාලුම් රේගුවෙන් පරීක්ෂාවකින් තොරව නිදහස් කිරීමට උපදෙස් ලබා දීමේ නීතිවිරෝධී ක්‍රියාව සිදු කල බිමල් රත්නායක අමාත්‍යවරයාට එරෙහිව විමර්ශනයක් සිදු කර නීතිමය ක්‍රියාමාර්ග ගැනිමට කටයුතු කර මෙන් ඉල්ලා පිවිතුරු හෙළ උරුමය විසින් 2025.06.02 දින අල්ලස් හෝ දූෂණ චෝදනා විමර්ශන කොමිෂන් සභාව වෙත පැමිණිල්ලක් භාර දෙන ලදී.

මෙරට ජනතාවට වඩාත් උසස් මහජන සෞඛ්‍ය සේවාවක් සැපයීම අරමුණු කර මානව සම්පත ඉහළ නැංවීම සඳහා සෞඛ්‍ය අමාත්‍යාංශය සෞඛ්‍ය කාර්ය සහායක (ක්ෂේත්‍ර මදුරු මර්දන සහායක) තනතුර සදහා 640 දෙනෙකුට හෙට (03) ස්ථිර පත්වීම් ලිපි ප්‍රදානය කිරීමට සැලසුම් කර ඇත.

ගාල්ල ජාතික රෝහ‍ලේ ප්‍රතිකාර ලබමින් සිටි මාසය එකහමාරක් වයසැති බිළිඳකු කොරෝනා ආසාදනය වී මියගිය බව තහවුරු වී ඇතැයි රෝහල් අධ්‍යක්ෂවරයා පවසයි.

ශ්‍රීමත් ජෝන් කොතලාවල ආරක්ෂක විශ්ව විද්‍යාලයේ වෛද්‍ය උපාධිය හැදෑරීම සඳහා දේශීය සිසුන් බඳවා නොගැනීමට රජය ගත් තීරණය වළකාලන අතුරු නියෝගයක් නිකුත් කරන්නැයි ඉල්ලා සිසුන් පිරිසක් ශ්‍රේෂ්ඨාධිකරණයට මූලික අයිතිවාසිකම් පෙතසමක් අද (02) ගොනු කළහ.

ඉතාලියේ එට්නා ගිනි කන්ද යළි සක්‍රීය වී තිබේ.

ලෝක සෞඛ්‍ය සංවිධානයේ දත්ත වලට අනුව ගෝලීයව, 2025 වසරේ පෙබරවාරි මාසයේ සිට COVID – 19 රෝගය ඇතිකරන SARS-CoV-2 වයිරසයේ ක්‍රියාකාරීත්වයේ ඉහළ යෑමක් වාර්තාවිය.

ශ්‍රී ලංකා මහ බැංකුව විසින් සිදු කරන ලද කෙටි කාලීන උද්ධමන පුරෝකථන හා අනුකූල වෙමින් අවධමන තත්ත්වයෙහි පෙන්නුම් කළ ලිහිල් වීම 2025 මැයි මාසයේ දී ද දක්නට ලැබුණ බව මහ බැංකුව පවසයි.

ලෝක පරිසර දිනයට සමගාමිව බුද්ධදාස රජුගේ ඔසු උයන නමින් හදුන්වන බිබිල නිල්ගල ඹෟෂධීය වනාන්තරය 02 දින සිට රක්ෂිත වනාන්තරයක් ලෙස ගැසට් කිරීමට අත්සන් කළ බව පරිසර අමාත්‍ය වෛද්‍ය ධම්මික පටබැඳි මහතා පැවසීය.

ගාල්ල දිස්ත්‍රික්කයේ පළාත් පාලන ඉතිහාසයේ ප්‍රථම වතාවට ප්‍රාදේශීය සභා සභාපති ධූරයකට කාන්තාවක් පත්ව සිටින අතර ඇය බෝපෙ පෝද්දල ප්‍රාදේශීය සභාවට ජාතික ජනබලවේගයෙන් තේරීපත්ව සිටින අංකොක්කාවල ලියනගේ ජයමිණි මහත්මියයි. බෝපෙ පෝද්දල ප්‍රාදේශීය සභාවේ උප සභාපතිවරයා ලෙස ඉඳුනිල් වීරසිංහ මහතා පත්ව සිටියි.

ජාතික තේරීම් කමිටුව පත් කිරීම තරුණ කටයුතු සහ ක්‍රීඩා අමාත්‍ය සුනිල් කුමාර ගමගේ සහ ක්‍රීඩා නියෝජ්‍ය අමාත්‍ය සුගත් තිලකරත්න යන මහත්වරුන්​ගේ ප්‍රධානත්වයෙන් සිදු කර තිබේ.

තම බල ප්‍රදේශය සංවර්ධනය කිරීම සඳහා උනන්දුවක් දක්වන ප්‍රගතිශී ඕනෑම අපේක්ෂකයෙකු කණ්ඩායමක් සමග එක්ව රටේ පළාත් පාලන ආයතන 267 කම බලය පිහිටුවීම රජයේ අරමුණ බව බුද්ධ ශාසන හා ආගමික කටයුතු නියෝජ්‍ය අමාත්‍ය ගමගෙදර දිසානායක මහතා 02 දින පැවසීය.

තලවාකැලේ - ලිඳුල නගර සභාවේ හිටපු සභාපති අසෝක සේපාල මහතා අල්ලස් කොමිසම විසින් අත්අඩංගුවට ගෙන තිබේ.

ජාතික ලොතරැයි මණ්ඩලයේ ක්‍රියාකාරි අධ්‍යක්ෂවරයෙකුව සිටි තුසිත හල්ලොලුව මහතා ලබන 04 වැනිදා දක්වා යළි රක්ෂිත බන්ධනාගාර ගත කිරීමට කොටුව ප්‍රධාන මහේස්ත්‍රාත් අධිකරණය නියෝග කර තිබේ.

මෙරට ආර්ථිකයේ කොඳු නාරටිය බඳු ක්ෂුද්‍ර, සුළු හා මධ්‍ය පරිමාණ ව්‍යවසායයන් ශක්තිමත් කිරීමේ අරමුණෙන් ආරම්භ කළ ජාතික ණය සුරැකුම් ආයතනය අද (02) නිල වශයෙන් මෙහෙයුම් කටයුතු ආරම්භ කරන බව මුදල්, ක්‍රම සම්පාදන සහ ආර්ථික සංවර්ධන අමාත්‍යාංශය සඳහන් කරයි.

2025 අප්‍රේල් මාසයේදිද වි‍දෙස් ශ්‍රමික ප්‍රේෂණ ලැබීම් ඉහළ ගොස් තිබේ. අප්‍රේල් මාසයේදී විදෙස් ශ්‍රම්ක ප්‍රේෂණ ඇමෙරිකානු ඩොලර් මිලියන 646.1ක් දක්වා ඉහළ ගොස් තිබේ. 2024 අප්‍රේල් මාසයේදී එම අගය ඇමෙරිකානු ඩොලර් මිලියන 543.8ක් විය.

මුලතිව් පොලිස් වසමේ ඊයෙ සිදුවූ දිය අනතුරු දෙකකින් දරුවන් තිදෙනෙක් හා වැඩිහිටියෙක් මියගොස් ඇති බව පොලිස් මාධ්‍ය ප්‍රකාශක කාර්යාලය පවසයි.

ඕස්ට්‍රේලියානු සුපිරි තුන් ඉරියව් ක්‍රීඩක ග්ලේන් මැක්ස්වෙල් එක්දින ක්‍රිකට් පිටියට සමුදීමට තීරණය කර තිබේ.

මෙම වර්ෂයේ (2025) මාර්තු මාසයේ දී මෙරට තේ නිෂ්පාදනය ඉකුත් වර්ෂයේ (2024) මාර්තු මාසයට සාපේක්ෂව තේ කිලෝග්‍රෑම් මිලියන 24.4 දක්වා සියයට 24.8කින් වැඩි වී ඇති බැව් ශ්‍රී ලංකා මහබැංකුව විසින් නිකුත්කොට ඇති වාර්තාවක සඳහන් වේ.

ඉන්දීය ප්‍රිමියර් ලීග් ක්‍රිකට් තරගාවලියේ අවසන් මහා තරගයට සුදුසුකම් ලබා ගැනීමට පංජාබ් කිංග්ස් කණ්ඩායම ඊයේ (01දා) සමත් විය.

මුදල් අමාත්‍යාංශයේ ලේකම් මහින්ද සිරිවර්ධන මහතා මෙම මස අග විශ්‍රාම යන බවත්, ඉන් අනතුරුව ඔහු ආසියානු සංවර්ධන බැංකුවේ විකල්ප විධායක අධ්‍යක්ෂකවරයෙක් ලෙස කටයුතු කරන බවත් ජනාධිපති අනුර කුමාර දිසානායක මහතා පැවසීය.

පොල් අර්බුදය විසඳීම සඳහා ආනයනය පළමු පොල් කිරි තොගය මේ වන විට වරායට රැගෙන විත් තිබෙන බවත් එහි නිෂ්කාශන කටයුතු හා රසායනාගාර පරීක්ෂා කටයුතු මේ වන විට සිදු කරන බවත් වැවිලි සහ ප්‍රජා යටිතල පහසුකම් අමාත්‍යාංශය පවසයි.

‍යතුරු පැදියකින් පැමිණි නාදුනන තුවක්කුකරුවෙකු විසින් අද (02) උදෑසන පානදුර වලාන ගැමුණු මාවත ප්‍රදේශයේදි වෙඩි ප්‍රහාරයක් එල්ල කිරීමට ගත් උත්සාහයක් ව්‍යවර්ථ වීම හේතුවෙන් පලාගොස් ඇති බව පානදුර දකුණ මූලස්ථාන පොලිසිය පවසයි .

ගම්පොල මහෙස්ත්‍රාත්වරියට අපහාසාත්මකව හා තර්ජනාත්මකව නිර්නාමික ලිපි ලැබෙන බවට ඇය විසින් ගම්පොල ජ්‍යෙෂ්ඨ පොලිස් අධිකාරිවරයාට පැමිණිලි කර තිබේ.

අල්ලස් හෝ දූෂණ චෝදනා සම්බන්ධයෙන් මෙම වර්ෂයේ (2025) මුල් මාස හතර තුළදී පැමිණිලි 1726ක් ලැබි ඇති බව අල්ලස් හෝ දූෂණ චෝදනා විමර්ශන කොමිෂන් සභාව පවසයි.

සෙවනගල සීනි කර්මාන්තය වැසීයාමේ අවදානමක් නැතැයි කර්මාන්ත සහ ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති මහතා පැවසීය.

දරුවන් අතර ඉන්ෆ්ලුවන්සා, චිකුන්ගුන්යා සහ ඩෙංගු සීග්‍රයෙන් වර්ධනය විය හැකි අවදානමක් පවතින බැවින් එය වළක්වා ගැනීම සඳහා අවධානය යොමු කරන ලෙස රිජ්වේ ආර්යා ළමා රෝහලේ විශේෂඥ වෛද්‍ය දීපාල් පෙරේරා මහතා අවධාරණය කළේය.

චිකුන්ගන්යා රෝගය වැළඳුණ හොත් NSAID කාණ්ඩයට අයත් බෲෆන්, ඩයික්ලු ෆැනක් සෝඩියම්, මෙෆැණිමික් ඇසිඩ් වැනි ඖෂධ වලින් සම්පූර්ණයෙන්ම වළකින ලෙසට සෞඛ්‍ය ප්‍රවර්ධන කාර්යාංශය ජනතාවට අවධාරණය කර සිටී.

අපි විපක්ෂයේ,මිනිස්සු අපි හප්පලා තමයි විපක්ෂයට තල්ලු කරලා දැම්මේ.අපිත් එක්ක හැප්පෙන්න එපා කියන්න ජනාධිපතිතුමාට, හැප්පෙන්න කියන්න සී.ජී.ආර් එකත් එක්ක ලංකා බැංකුවත් එක්ක, තැපෑල එක්ක, අන්න දැන් හැප්පෙන්න තැන් තියෙනවා ගොඩක්, ඒගොල්ලොත් එක්ක හැප්පෙන්න කියන්න