මහනුවර පාසල් 63ක් අද විවෘත වන්නේ නෑ

දිත්වා සුළි කුණාටුව හේතුවෙන් වසා තිබූ දිවයිනේ බොහෝ පාසැල් අද 16 වනදා විවෘත කළත් මහනුවර දිස්ත්‍රික්කයේ පාසැල් 63 ක්  16 වනදා එනම් අද දිනයේ  විවෘත නොකරන බව මධ්‍යම පළාත් අධ්‍යාපන  දෙපාර්තමේන්තුව දන්වා ඇතැයි  ආපදා කළමණාකරණ මධ්‍යස්ථානය කියයි.

මහනුවර දිස්ත්‍රික්කයේ පිහිටි පාසැල් 638 න් පාසැල් 575 ක් අද එනම් 16 වනදා විවෘත කරන බවත් තවත් පාසැල් 63 ක් විවෘත නොකරන බවත්  පළාත් අධ්‍යාපන දෙපාර්තමේන්තුව  තව දුරටත් සඳහන් කර තිබේ.

 අද දිනයේ විවෘත නොකරන පාසැල්වලින්  ඇතැම් පාසැල්වල සුරක්ෂිත මධ්‍යස්ථාන පවත්වාගෙන යන අතර තවත් ඇතැම්  පාසැල්  නායයෑමට ලක් වීම නිසාත් ඒවා වල තව දුරටත් පවතින අවදානම හේතුවෙනුත් මෙම පාසැල් විවෘත නොකරන බවත් අධ්‍යාපන දෙපාර්තමේන්තුව තව දුරටත් කියයි.

නායයෑමට ලක්වූ පාසැල් රැසක් තවමත් අදාළ නිලධාරින් නිරීක්ෂණය කර නිර්දේශ ලබා නොදීමත් මෙම පාසැල් විවෘත නොකිරීමට හේතු වී ඇති බවත් පැවසේ.්‍

මොහොමඩ් ආශික්