මත්ස්‍ය සැපයුම අඩුවීම හේතුවෙන් මේ දිනවල මාළු මිල විශාල වශයෙන් ඉහළ ගොස් ඇති බැව් ගාල්ලේ පාරිභෝගිකයින් පවසති. අයහපත් කාලගුණික තත්ත්වය හේතුවෙන් ධීවර කාර්මිකයින් මුහුදු යාමෙන් වැලකී සිටීම හේතුවෙන් මත්ස්‍ය අස්වැන්න අඩුවී ඇත.මේ හේතුවෙන් සෑම මත්ස්‍ය වර්ගයකම කිලෝවක මිල රුපියල් 1300. 1500 දක්වා ඉහළ ගොස් ඇති බැව් පාරිභෝගිකයින් පෙන්වා දෙති.

පෑනක් ආකාරයේ නිෂ්පාදනය කරන ලද ගිනි අවියක් සමග පුද්ගලයකු අත්අඩංගුවට ගත්බව කළුතර අපරාධ කොට්ඨාසය පවසයි. මෙසේ අත්අඩංගුවට ගෙන ඇත්තේ මොරටුව ප්‍රදේශයේ පදිංචි 43 වියැති පුද්ගලයෙකි.

ශ්‍රී ලන්කන් ගුවන් සේවය වෙත එක්වූ නවතම ගුවන් යානය වන ඒ 330 -200 පුළුල් බඳ සහිත ගුවන් යානය අද දිනයේදී ප්‍රංශයේ සිට කටුනායකට ගෙන ආවේය.

විපක්ෂය විසින් බහුතර මන්ත්‍රිධුර සංඛ්‍යාවක් හිමිකරගෙන සිටින කොළඹ මහනගර සභාව සදහා නගරාධිපතිවරයකු හා නියෝජ්‍ය නගරාධිපතිවරයකු තෝරාපත් කරගැනිමේ කාර්යය සදහා වන මංගල රැස්විම මෙම මස 16 වැනි සදුදා දින පෙරවරු 9.30ට කොළඹ මහනගර සභාවේ සභා රැස්විම් ශාලාවේ දි පැවැත්වේ.

දේශීය කිරි කර්මාන්තය කාර්යක්ෂම හා ඵලදායි ව්‍යාපාරයක් ලෙස ඉදිරියට ගෙන යා යුතුයි – ජනපති

අම්පාර උහන ප්‍රාදේශීය ලේකම් කොට්ඨාසයේ පිහිටා ඇති සමන්ගල ආරණ්‍ය සේනාසන භූමියේ තිබී ප්‍රාග් ඓතිහාසික යුගයට අයත් සොහොන්14 ක් හමුවී ඇති අතර, එහි කැණීම් කටයුතු පුරාවිද්‍යා අධ්‍යක්ෂක ජනරාල් මහාචාර්ය තුසිත මැන්දිස් මහතාගේ ප්‍රධානත්වයෙන් අද (03දා)ආරම්භ කරනු ලැබීය.

බන්දුල පෙතියා මත්ස්‍යයාගේ වාසස්ථානය වන නික්කඳුපොළ ඇළ මාර්ගයේ කොටසක් අභය භූමියක් ලෙස ප්‍රකාශයට පත් කිරීමට කැබිනට් මණ්ඩල අනුමැතිය හිමිව තිබේ.

නව කොවිඩ් වයිරසය අදාළ PCR පරීක්ෂණ සිදුකරමින් තිබෙන බවත් මෙතෙක් වාර්තා වී තිබෙන රෝගීන්ගේ සංඛ්‍යාව අද (04දා) දිනයේදී ප්‍රකාශයට පත් කරන බවත් සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා සඳහන් කළේය.

මෙවර ඉන්දීය ප්‍රීමියර් ලීග් කිරුළ තමන් සතු කර ගැනීමට රෝයල් චැලෙන්ජර්ස් බැංගලෝර් කණ්ඩායම සමත්විය.ඒ අවසන් මහ තරගයේදී පංජාබ් කිංග්ස් කණ්ඩායම ලකුණු 6කින් පරාජය කරමිනි.

ලංකා විදුලිබල මණ්ඩලයෙහි නව සභාපතිවරයා ලෙස මහාචාර්ය උදයංග හේමපාල මහතා පත් කළ බව එම මණ්ඩලය පවසයි. එහි සභාපතිවරයා ලෙස කටයුතු කළ ආචාර්ය තිලක් සියඹලාපිටිය මහතා එම ධුරයෙන් ඉල්ලා අස්වීමෙන් පසුව හිස් වුණු ධුරය සඳහා මෙම පත් කිරීම සිදු කර තිබේ.

නවක වදය එපාවී වැවට පැන්න කුලියාපිටිය කාර්මික විද්‍යාල දැරියගේ සිද්ධියට අදාළව නවකවදය දුන් බැව් කියන සිසුන් 3 ක් හා සිසුවියක් අත්අඩංගුවට ගත් බව කුලියාපිටිය පොලීසිය කියයි.

අප්‍රිකානු සූකර උණ හේතුවෙන් කඩා වැටී තිබෙන සූකර (ඌරන් ) කර්මාන්තය නගා සිටුවීම සඳහා කාර්ය සාධක බළකායක් පිහිටුවීමට කැබිනට් මණ්ඩල අනුමැතිය හිමිව තිබේ.

අද (03) දිනයේදී කොළඹ කොටස් හුවමාරුවෙහි ගනුදෙනු අවසානයේදී එහි සියලු කොටස් මිල දර්ශකය ඒකක 234.50ක එනම් සියයට 1.38 ක ඉහළ ගොස් ඒකක 17,214.39ක් ලෙස සටහන් විය. මෙය එම දර්ශකය එතෙක් මෙතෙක් වාර්තා කළ ඉහළම අගයද වෙයි.

බණ්ඩාරවෙල දෝව ඓතිහාසික රජ මහා විහාරස්ථානයට ඉහළ කන්දේ අද (03) සවස සිට පැතිරී යන ගින්න පාලනය කිරීම සඳහා සහන සේවකයින්ගේ සහය සදහා යුද හමුදා කඳවුරේ නිලධාරීන් විසිදෙනෙකු කැඳවූ බව බදුල්ල ආපදා කළමනාකරණ මධ්‍යස්ථානය පවසයි.

පසුගිය වර්ෂාව හා අධිකර සුළං තත්ත්වය යටතේ වගාවන්ට සිදුවූ හානි පිළිබඳව තක්සේරු කිරීමේ කටයුතු කෘෂිකාර්මික හා ගොවිජන රක්ෂණ මණ්ඩලය මේ වන විටත් ආරම්භ කර ඇති බව ගොවිජන රක්ෂණ මණ්ඩලය පවසයි.

නීතිපති දෙපාර්තමේන්තු නියෝජිතයින් විසින් සාක්ෂිකරුවන්ගේ දිවුරුම් ප්‍රකාශයන් වගඋත්තරකාර පොලිස්පතිවරයාගේ පාර්ශ්වය වෙත ලබා දීම, පොලිස්පති ටී.එම්.ඩබ්ලිව්. දේශබන්දු තෙන්නකෝන් මහතා විසින් කර ඇතැයි කියන විෂමාචාර සහ සිය ධුරයේ බලතල බරපතල අන්දමින් අනිසි ලෙස යොදාගැනීම සම්බන්ධයෙන් විමර්ශනය කර වාර්තා කිරීමට පත් කළ පරීක්ෂණ කමිටුවේදී අද (03) සිදු විය.

ජනාධිපතිවරණය ප්‍රකාශයට පත් කිරීමෙන් පසු සුරා බදු පනතට පටහැනි අන්දමින් නව මත්පැන් බලපත්‍ර නිකුත් කිරීම මගින් මුදල් ඇමතිවරයා ලෙස හිටපු ජනාධිපති රනිල් වික්‍රමසිංහ මහතා ඇතුළු පිරිසක් රටේ ජනතාවගේ මූලික අයිතිවාසිකම් කඩ කර ඇති බවට ප්‍රකාශ කරන්නැයි ඉල්ලා ගොනු කළ පෙත්සම් දෙකක් විභාගයට ගැනීමට ශ්‍රේෂ්ඨාධිකරණය අද (03) තීිරණය කළේය.

ප්‍රමිතියෙන් තොර ‘හියුමන් ඉමියුනොග්ලොබින්’ එන්නත් සහ පිළිකා රෝගීන් සඳහා භාවිතා කරන ඖෂධයක් මිලදී ගැනීම සිද්ධිය සම්බන්ධයෙන් හිටපු සෞඛ්‍ය ඇමති කෙහෙළිය රඹුක්වැල්ල මහතා ඇතුළු විත්තිකරුවන්ට එරෙහිව ත්‍රිපුද්ගල මහාධිකරණ විනිසුරු මඩුල්ල හමුවේ ලබන සතියේදී නඩු පැවරීමට බලාපොරොත්තුවන බව බව නීතිපතිවරයා ශ්‍රේෂ්ඨාධිකරණයට අද (03) දැනුම් දුන්නේය.

කොළඹ සිට බණ්ඩාරවෙල දක්වා ධාවනය වෙමින් තිබූ බඩු පැටවූ ලොරියක් අද තුන (03) සවස බණ්ඩාරවෙල කොළතැන්න රේල් ගේට්ටුව හරහා දුම්රිය මාර්ගය ඔස්සේ ධාවනය වී දුම්රිය මාර්ගයේ සිරවී ඇතැයි බණ්ඩාරවල පොලිසිය පැවසීය.

මගී ප්‍රවාහනය සඳහා පහත් පිවිසුම් සහිත සුවපහසු බස් රථ 100ක් සේවයේ යෙදවීම වෙනුවෙන් ඉදිරිපත් වූ කැබිනට් යෝජනාවකට අනුමැතිය ලැබී තිබේ. බස්නාහිර පළාතේ කොළඹ ඇතුළුව මාකුඹුර කඩුවෙල, කඩවත හා මොරටුව යන ප්‍රධාන මාර්ග කොරිඩෝ කිහිපයක් ඔස්සෙ මෙම බස් රථ ධාවනය කිරීමට නියමිතය.

ජනාධිපති අනුර කුමාර දිසානායක මහතා හා ඕස්ට්‍රේලියානු නියෝජ්‍ය අග්‍රාමාත්‍ය සහ ආරක්ෂක අමාත්‍ය රිචර්ඩ් මාල්ස් (Richard Marles) මහතා අතර සාකච්ඡාවක් ජනාධිපති කාර්‍යාලයේදී අද (03) පෙරවරුවේදී පැවැත්විණි.

තන්තිරිමලේ පුද බිමේ ඓතිහාසික වටිනාකම ජාතියට හෙළි කළ විජය පුවත්පත් සමාගමේ බැති බර දායකත්වයෙන් තන්තිරිමලේ පුදබිම 22 වැනි වරටත් විදුලි බුබුළු දස දහස් ගණනකින් එළිය කෙරෙන ‘‘ලංකාදීප පොසොන් ආලෝක පූජාව’’ ⁣මේ මස 9, 10 සහ 11 යන දිනවලදී පැවැත්වේ.

ශ්‍රී ලාංකිකයින් සඳහා මාලදිවයිනේ රැකියා අවස්ථා ලක්ෂයක් දක්වා ඇති බවත් දැනට මාලදිවයිනේ ශ්‍රී ලාංකිකයන් තිස් දහසක් පමණක් විවිධ රැකියාවල නිරත වන බවත් ශ්‍රී ලංකාව සඳහා මාලදිවයින මහොකොමසාරිස් මසූද් ඉමාද් මහතා පැවසුවේ ය.

ආසියාවේ HIV රෝගය පැතිරීම ඉතා අවම මට්ටමක පවත්වා ගත් රටක් ලෙස ශ්‍රී ලංකාව හැදින්විය හැකි බවත්, විශේෂයෙන්ම රටේ ජනගහනයට සාපේක්ෂව HIV සමග ජීවත්වන්නන්ගේ ප්‍රමාණය සැළකීමේ දී එය ඉතා අඩු මට්ටමක පැවතීම ප්‍රශංසනීය කරුණක් බවත්, ඒ සදහා සෞඛ්‍ය අමාත්‍යාංශය ප්‍රමුඛත්වය ගනිමින් ශ්‍රී ලංකා ජාතික ලිංගාශ්‍රිත රෝග හා ඒඩ්ස් මර්දන වැඩසටහන ක්‍රියාත්මක කරනු ලබන විශේෂ වැඩසටහන් වලට අමතරව ශ්‍රී ලංකා පවුල් සංවිධාන සංගමය මගින් සිදුකරනු ලබන අර්ථවත් ක්‍රියාකාරකම් ද බෙහෙවින් හේත

රක්ෂිත බන්ධනාගාර ගත කර සිටි හිටපු අමාත්‍ය කෙහෙළිය රඹුක්වැල්ල සහ ඔහුගේ පුත් රමිත් රඹුක්වැල්ල සහ අමාත්‍යවරයාගේ හිටපු සම්බන්ධීකරණ නිලධාරියකු වන නිශාන්ත බණ්ඩාර බස්නායක යන සැකකරුවන් තුන්දෙනා ඇප මත මුදා හරින ලෙස කොළඹ මහෙස්ත්‍රාත් අධිකරණය නියම කළේය.

විශේෂඥ වෛද්‍යවරුන්ගේ හිඟයත් සමග සීමාවාසික පුහුණුව ලබා දීම සම්බන්ධයෙන් පැනනැගී ඇති ගැටළුව හේතුවෙන් කොතලාවල ආරක්ෂක විශ්වවිද්‍යාලයේ වෛද්‍ය උපාධිය හැදැරීම සීමා කිරීමක් සිදු කළ බවත්, මෙම ගැටළුවට ස්ථීරසාර විසඳුමක් ලැබුණු පසු ඒ පිළිබඳ තීන්දුවක් ගන්නා බවත් ආණ්ඩු පක්ෂයේ ප්‍රධාන සංවිධායක , සෞඛ්‍ය සහ ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවසීය.

ශ්‍රී ලංකා විදුලිබල (සංශෝධනති පනත් කෙටුම්පත සම්බන්ධයෙන් ගොනුකළ පෙත්සමක පිටපතක් තමන් වෙත ලැබුණු බව කථානායක ජගත් වික්‍රමරත්න මහතා පාර්ලිමේන්තුවේදී නිවේදනය කරයි.

දෙහිඅත්තකන්ඩිය මහියංගණය ප්‍රධාන මාර්ගයේ ධාවනය වෙමින් තිබූ මෝටර් රථයක් අද (03) උදෑසන හොබරියාව ශ්‍රී ගුණරතනාරාම විහාරස්ථානය ඉදිරිපිට දී මාර්ගයෙන් ඉවතට පැන පදික වේදිකාවට කඩා වැදීමෙන් එහි සිටි පෙර පාසල් දරුවන් හතර දෙනකු ඇතුළු හත් දෙනකු තුවාල ලබා ගිරාදුරු කෝට්ටේ රෝහල වෙත ඇතුළත් කළ බව ගිරාදුරු කෝට්ටේ පොලිසිය පැවසීය.

2025 අප්‍රේල් මාසයේදී වාහන ආනයනය වෙනුවෙන් ඇමෙරිකානු ඩොලර් මිලියන 134ක් වැය කර ඇති බව මහ බැංකුව පවසයි. එසේම අප්‍රේල් මාසය අවසන් වන විට ශ්‍රී ලංකාවේ සංචිත ඇමෙරිකානු ඩොලර් බිලියන 6.3ක අගයක පවතින බවද මහ බැංකුව නිවේදනය කරයි.රථ ආනයනය (එ. ජ. ව ා. මිලියන 134) වහේතු විය.