නාවලපිටිය රොජසංගම සිට මහනුවර දක්වා ධාවනය වු ලංගම බස් රථයක් අනතුරට පත්විමෙන් බස් රථයේ ගමන් ගත් පාසල් සිසුන් තිදෙනෙක් තුවාල ලබා නාවලපිටිය දිස්ත්‍රික් මහ රෝහලට ඇතුලත් කර ඇති බව නාවලපිටිය පොලිසිය පැවසිය.

ඉහළ පොලියක් ලබා දෙන බව පවසා විවිධ පුද්ගලයින් රවටා මුදල් වංචා කිරීමේ සිද්ධියක් සම්බන්ධයෙන් අත්අඩංගුවට ගත් පොල්ගස්ඕවිට පාලගම ප්‍රදේශයේ පුද්ගලයකුට එරෙහිව මේ වනවිට පැමිණිලි දොළහක් ලැබී ඇතැයි කහතුඩුව පොලිසිය පවසයි .

වනාතවිල්ලුව තිරික්කපල්ලම කලපුවේ මසුන් මරමින් සිටි ධිවරයකුගෙ දැලක පැටලි කලපු තිරයට පැමිනි එකම පවුලක ඩෝල්ෆින් මත්සයින් සිව් දෙනෙකුගෙන් දෙදෙනෙකු බේරා ගැනිමට හැකි වී තිබේ.

“පහුගිය කාලයේ අරගලයට මුවා වෙලා රාජපක්ෂලාට කලු සල්ලි තියෙනවා කියපු ගොඩක් අය අද අර කොළඹ ඉන්න අක්කා කෙනෙක්ට සල්ලි දීලා. අපි ගාව තමයි කලු සල්ලි තියෙනවා කිව්වේ. හැබැයි සල්ලි දීපු ලැයිස්තුව අරන් බැලුවාම අපි හැර හැම කෙනාම ඉන්නවා.අපිට හොරා කිව්වා අපි ළඟ කලු සල්ලි තියෙනවා කිව්වා. ”

හැටන් නගරයේ ගැට කැපිමට පැමිණ සිටි කාන්තාවන් පස්දෙනෙකු හැටන් පොලිසිය මගින් අද (17දා) සැකපිට අත්අඩංගුවට ගෙන තිබේ.

ලෝකයේ ඉහළම උද්ධමනයක් ඇති රට ලෙස සිම්බාබ්වේ සැලෙකයි. ඉන් අනතුරුව කියුබාව, වෙනිසියුලාව, තුර්කිය හා ශ්‍රී ලංකාව පසුවෙයි.

අහුන්ගල්ල වෙඩි තැබීමේ සිද්ධියට කිලිනොච්චි කඳවුරේ තිබූ ගිනි අවියක් ලබාදී ආධාර අනුබල දුන් යුද්ධ හමුදා මාණ්ඩලික සැරයන්වරයකු සහ ආධාර අනුබල දුන් පුද්ගලයෙකු අත්අඩංගුවට ගත් බව පොලිස් විශේෂ කාර්ය බළකාය කියයි.

ආණ්ඩුවේ මන්ත්‍රීවරුන් 40ක් පමණ ශ්‍රී ලංකා පොදුජන පෙරමුණෙන් (SLPP) ස්වාධීනව නව දේශපාලන කණ්ඩායමක් වශෙයන් කටයුතු කිරීමට නියමිත බව වාර්තා වෙයි.

මෙරට ණය ප්‍රතිව්‍යුහගතකරණය සම්බන්ධයෙන් පසුගියදා තමන් චීන මුදල් අමාත්‍යවරයා සමඟ සාකච්ඡා කළ බවත් ඒ වෙනුවෙන් පැවැත්වෙන සාකච්ඡා සාර්ථකව අවසන් වනු ඇති බව තම අපේක්ෂාව බවත් ජනාධිපති රනිල් වික්‍රමසිංහ මහතා සඳහන් කළේය.

ජනතාව මත පැටවෙන ජීවන බර අඩු කිරීම සඳහා හැකි සෑම පියවරක්ම ගැනීමට දැනටමත් සාකච්ඡා කරමින් පවතින බවත්, පක්ෂයක් විදිහට ඒ වෙනුවෙන් මැදිහත්ව තිබෙන බවත් හිටපු ජනාධිපති මහින්ද රාජපක්ෂ මහතා පැවැසීය.

2023 වර්ෂය සඳහා වන විසර්ජන පනත් කෙටුම්පත (අයවැය) 18දා පාර්ලිමේන්තුවට ඉදිරිපත් කිරීමට (පළමු වර කියවීම) නියමිත බව පාර්ලිමේන්තුවේ මහලේකම් ධම්මික දසනායක මහතා පැවසීය.

මේ වසරේ ගෙවීගිය කාලය තුළදී මෙරටින් නව මදුරු විශේෂ දෙකක් සොයාගැනීමට වෛද්‍ය පර්යේෂණ ආයතනයේ කීට විද්‍යා කණ්ඩායම සමත්ව තිබෙන බවත්, එම මදුරු විශේෂ මීරිගම සහ කළුතර ප්‍රදේශවලින් දැනට වාර්තා වී තිබෙන බවත් සෞඛ්‍ය කීට විද්‍ යානිලධාරීන්ගේ සංගමය සඳහන් කරයි.

දිස්ත්‍රික්ක 11කට ඇති වී තිබෙන අයහපත් කාලගුණ තත්ත්වය නිසා පවුල් 15,404කට අයත් පුද්ගලයන් 61,467ක් පීඩාවට පත්ව සිටින බව ආපදා කළමනාකරණ මධ්‍යස්ථානය සඳහන් කරයි.

හඟුරන්කෙත කලාප අධ්‍යාපන කාර්යාලයේ ගිණුම් අංශයේ සේවය කරමින් රුපියල් එක් කෝටි හතළිස්පන් ලක්ෂයක මූල්‍ය වංචාවක්සිදු කළ බව කියන නිලධාරියකු සම්බන්ධයෙන් මධ්‍යම පළාත් අධ්‍යාපන අධ්‍යක්ෂක අමරසිරි පියදාස මහතා විසින් අපරාධ පරීක්ෂණ දෙපාර්තමේන්තුවට පැමිණිල්ලක් සිදු කොට තිබේ.

ශ්‍රී ලංකාව බංග්ලාදේශයෙන් ලබාගත් ඩොලර් මිලියන 200ක ණය මුදල ලබන මාර්තු මාසය වන විට ගෙවා දමනු ඇතැයි බංග්ලාදේශය විශ්වාස කරයි. බංග්ලාදේශ බැංකුවේ අධිපති අබ්දුර් රූෆ් තලුක්දර් ශ්‍රී ලංකාවේ මහ බැංකු අධිපති ආචාර්ය නන්දලාල් වීරසිංහ මහතා සමඟ වොෂිංන්ටයේ පැවැති සාකච්ඡාවකදී මේ පිළිබඳව අවධානය යොමුව ඇති බව බංග්ලාදේශ මාධ්‍ය වාර්තා කරයි.

තිරිඟු පිටි තොග මිල අඩු කිරීමත් සමඟ කොත්තුවක මිල රු.50 කින් අඩු කිරීමට කටයුතු කරන බව සමස්ත ලංකා ආපනශාලා හිමියන්ගේ සංගමය පැවැසීය. රුපියල් 500 සිට රු.1000 දක්වා විවිධ මිල ගණන් යටතේ මේ වන විට කොත්තුවක් අලෙවි වෙයි.

දකුණු ආසියාවේ උසම ගොඩනැගිල්ල ලෙස සැලකෙන නෙළුම් කුළුණ ජනතා අයිතියට පත් කර ගත වූ මාසය තුළදී රුපියල් ලක්ෂ 900 ක ආදායමක් හිමිවී ඇතැයි නෙළුම් කුළුණ පෞද්ගලික සමාගමේ ප්‍රධාන විධායක නිලධාරී විශ්‍රාමික මේජර් ජෙනරාල් ජෙනරාල් ප්‍රසාද් සමරසිංහ මහතා පැවසීය

පසුගියදා ගිනි ගැනීමට ලක්වූ මෝදර, මාදම්පිටිය, කජීමා වත්තෙහි පදිංචිකරුවන් අතරින් 214 දෙනෙකු නිවසක් ලබාගැනීමට අවශ්‍ය අවම සුදුසුකම්වත් සපුරා නොමැති බවට හඳුනාගැනේ.

වෙළඳ පොලෙහි තිරිඟු පිටි මිල අඩු වීමක් සිදු වී ඇතැයි පැවසුවද බේකරි නිශ්පාදන මිලෙහි කිසිදු සංශෝධනයක් කල නොහැකි බව සමස්ථ ලංකා බේකරි හිමියන්ගේ සංගමයේ සභාපති එන්.කේ.ජයවර්ධන මහතා ප්‍රකාශ කළේය.

අයහපත් කාලගුණ තත්ත්වයෙන් විපතට පත්වූවන් සඳහා ආපදා කළමනාකරණ මධ්‍යස්ථානයේ සහාය ඇතිව සහන කටයුතු කඩිනමින් සම්බන්ධීකරණය කරන ලෙස ජනාධිපති රනිල් වික්‍රමසිංහ මහතා සියලු දිස්ත්‍රික් ලේකම්වරුන්ට උපදෙස් දුන්නේය.

මුල්‍ය අපරාධ චෝදනා සම්බන්ධයෙන් අත්අඩංගුවට ගෙන, මහබාගේ වැලිසර රැදවුම් මධ්‍යස්ථානයේ රදවා සිටි නයිජීරියානු ජාතිකයින් තිදෙනෙකු ඉන් පලා ගොස් ඇති බවත් පලා යමින් සිටි එක් නයිජීරියානු ජාතිකයකු පොලිස් අත් අඩංගුවට ගැනීමට හැකි වු බවත් මහබාගේ පොලිස් ස්ථානයේ වැඩ බලන ස්ථානාධිපති ප්‍රධාන පොලිස් පරීක්ෂක අනුර ගුණතුංග මහතා ප්‍රකාශ කලහ.

හිටපු ජනාධිපති මහින්ද රාජපක්ෂ මහතාගේ ප්‍රධානත්වයෙන් නාවලපිටිය නගරයේ ජනහමුවක් පැවැත්වෙමින් තිබියදී රජයට එරෙහිව සමගි ජන බලවේගයේ පිරිසක් නාවලපිටිය නගරයේ අද (16) විරෝධතාවයක් පැවැත් වු අතර, එහෙදී සමගි ජන බලවේගයේ නාවලපිටිය ආසන සංවිධායක සසංක සම්පත් මහතා අතුළු පිරිසක් පොලීසිය විසින් අත්අඩංගුවට ගනු ලැබීය.

කොළඹ ප්‍රදේශයේ දී පුද්ගලයන් තිදෙනකුට වෙඩි තබා බරපතළ තුවාල සිදුකිරීම සම්බන්ධයෙන් අවශ්‍යව සිටි පුද්ගලයකු විදේශ රටක නිෂ්පාදිත ගිනි අවියක් සහ හොරයින් මත්කුඩු සමග රාජගිරිය ප්‍රදේශයේදී අත්අඩංගුවට ගත් බව කොළඹ අපරාධ කොට්ඨාසය කියයි.

’’මම බෙහෙත් පෙති කුඩු කරනවිට මේසේ උඩ තිබුණු බේත් පෙත්තක් අරගෙන පුතා එකපාරටම කටේ දා ගත්තා. ඒක පුතාගේ උගුරේ හිරවුණා. පුතා එයාගේ අත කටට දාලා බේත් පෙත්ත ගන්න එදන කොට එයාට වමනෙත් ගියා,ඒත් බේත් පෙත්ත එළියට ආවේ නැහැ,”

තරුණයන් පස් දෙනකු ගමන්ගත් සුඛෝපභෝගී වෑන් රථයක් කලවාන ප්‍රොජට් පාර ගෙවල් 10 ප්‍රදේශයේදී හෙළකට පෙරළීමෙන් තරුණයෙක් මියගොස් අනෙක් තරුණයන් සිව් දෙනා සුළු තුවාල ලැබූ කලවාන පොලිසිය කියයි.

රුසියාවේ නිල සංචාරයක නිරත අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා එම සංචාරය අතරතුර රුසියාවේ නියෝජ්‍ය අග්‍රාමාත්‍ය ඇලෙක්සැන්ඩර් නොවැක් මහතා මුණගැසිණි.

බහුතර ඡන්දයෙන් ජනාධිපතිවරයකු පත්වීම තුළින් වත්මන් ආණ්ඩුවේ ස්ථාවර භාවය පැහැදිලි වන බව අග්‍රාමාත්‍ය දිනේෂ් ගුණවර්ධන මහතා පවසයි.

මම බලාපොරොත්තු වෙනවා අම්පාර දිස්ත්‍රික්කයෙන් රටට වුවමනා ආහාරවලින් වැඩි ප්‍රමාණයක් ලබා දෙයි කියල. මේ කටයුත්තේ දී දේශපාලන බේදයක් නැතිව සියලු මන්ත්‍රීවරු, සංවිධායකවරු එකතුවෙලා මේ වැඩසටහන කරන්න. කෘෂිකර්ම අමාත්‍යවරයා සහ අග්‍රාමාත්‍යවරයා ඉදිරියේදී මේ ප්‍රදේශයට පැමිණෙයි මේ වැඩසටහනේ ප්‍රගතිය ගැන බලන්න.

ගෝලීය සාගිනි දර්ශකයට අනුව රටවල් 121 ක් අතරින් ශ්‍රී ලංකාවට 64 වැනි ස්ථානයට පත්ව ඇත. ශ්‍රී ලංකාවට ලකුණු 13.6 ක් හිමිව ඇති අතර ඒ අනුව ශ්‍රී ලංකාවේ සාගින්න මට්ටම මධ්‍යස්ථ මට්ටමක පවතින බව සැලකෙයි.