විදුලි බිල සංශෝධනය කළද මේ වසරේදී ලංවිම රුපියල් බිලියන 152ක පමණ අලාභයක් ලබනු ඇතැයි ගණන් බලා ඇති බව විදුලි බල හා බලශක්ති අමාත්‍ය කංචන විජේසේකර මහතා පැවැසීය.

2022 යල කන්නයේ දී රජය විසින් වී වගාවට දුන් පොහොර යුරියා පොහොර වසර 15කට පසු වී වගාව සඳහා ලැබුනු හොඳම පොහොර බව ගොවි නියෝජිතයෝ පැවසූහ.

කාසල්රි ජලාශය පිටාර මට්ටමට අගල් 4 ක් සහ මවුස්සාකැලේ ජලාශය පිටාර මට්ටමට අගල් 8 ක් දක්වා ආසන්න වි ඇති බවත්, එම ජලාශ දෙකේම ජල ධාරිතාව පිටාර මට්ටම ආසන්න විම නිසා කැනියොන් , ලක්ෂපාන , නව ලක්ෂපාන , පොල්පිටිය සහ විමලසුරෙන්ද්‍ර යන ජල විදුලි බලාගාර වල විදුලි උත්පාදනය උපරිම ධාරිතාවෙන් සිදු කරන බව එම ජල විදුලි බලාගාර ඉංජිනේරුවන් පැවසිය.

ඛනිජ තෙල් සේවාව පසුගිය මාස 6 තුළ අත්‍යාවශ්‍ය සේවාවක් ලෙස ප්‍රකාශයට පත් කර ඇති බවත් කිසියම් සේවකයෙකු හෝ වෘත්තීය සමිතියක් අත්‍යාවශ්‍ය සේවා රෙගුලාසි උල්ලංඝණය කරමින් සේවා කඩාකප්පල් කරන බව අනාවරණය වුවහොත් ඔවුන්ට එරෙහිව වහාම නීතිමය හා විනයානුකූල ක්‍රියාමාර්ග ගන්නා බව විදුලි බල හා බලශක්ති අමාත්‍ය කංචන විජේසේකර මහතා පවසයි.

පෙට්‍රෝලියම් කර්මාන්තය තවදුරටත් විවෘත කිරීමට අදාළව සකස් කර ඇති ඛනිජ තෙල් විශේෂ විධිවිධාන සංශෝධන පනත අද පාර්ලිමේන්තුවේදී විවාදයට ගැනීමට නියමිතය.

ආර්ථික ස්ථාවරත්වය යථා තත්ත්වයට පත් කිරීම සඳහා රජය ගෙන ඇති දුෂ්කර, නමුත් අත්‍යවශ්‍ය ප්‍රතිසංස්කරණ පිළිබඳව ජාත්‍යන්තර මූල්‍ය අරමුදලේ කළමනාකාර අධ්‍යක්ෂවරිය වන ක්‍රිස්ටලිනා ජෝර්ජියෝවා මහත්මිය රජයට ප්‍රශංසා කළ බව මුදල් රාජ්‍ය අමාත්‍ය ෂෙහාන් සේමසිංහ මහතා පවසයි.

2022 සඳහා වන බුකර් සම්මානය දිනා ගැනීමට ශ්‍රී ලාංකික ලේඛක ශෙහාන් කරුණාතිලක සමත් විය. සාහිත්‍ය වෙනුවෙන් පිරිනැමෙන ඉහළම ජාත්‍යන්තර සම්මානය ලෙස සැලකෙන බුකර් සම්මානයට පාත්‍ර වූයේ ශෙහාන් කරුණාතිලකගේ දෙවැනි නව කතාව වන ’සෙවන් මූන්ස් ඔෆ් මලී අල්මේදා’ (Seven moons of Mali Almeida) ය.

රුපියල් ලක්ෂ 70ක පමණ විදුලි බිලක් නොගෙවීම නිසා රූපවාහිනි සංස්ථාවට ලබාදී තිබූ විදුලි සැපයුම අද දහවල් අත්හිටුවීමට ලංකා විදුලිබල මණ්ඩලය කටයුතු කළේය.

බිලියන ගණනක මුදල් වංචාවක් කළ බවට අත්අඩංගුවට ගෙන මේ වන විට අපරාධ පරීක්ෂණ දෙපාර්තමේන්තුව මගින් පරීක්ෂණ පවත්වන තිළිණි ප්‍රියමාලි නම් තැනැත්තියගේ ව්‍යාපාරික හවුල් කරු බව කියන ඉසුරු බණ්ඩාර නැමැත්තා අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන තිබේ.

22වැනි ආණ්ඩුක්‍රම ව්‍යවස්ථා සංශෝධනය සඳහා කොන්දේසි සහිතව සහයෝගය ලබාදීමට සමගි ජන බලවේගය තීරණය කර තිබෙන බව එම පක්‍ෂයේ ජාතික සංවිධායක, පාර්ලිමේන්තු මන්ත්‍රී තිස්ස අත්තනායක මහතා පැවසීය.

දකුණු මුහුදු තීරයේ මෙහෙයුමක නිරත සිටියදී අතුරුදහන්ව සිටින නාවික හමුදා සාමාජිකයන් හයදෙනා හා යාත්‍රාව සොයා ගැනීමේ මෙහෙයුම් අඛණ්ඩව සිදුකරන බවත්, ඒ සඳහා විදේශ රටවල්වලින්ද මේ වනවිට සහායෝගය ලබාගෙන තිබෙන බවත් නාවික හමුදා මූලස්ථානය සඳහන් කරයි.

නීති හදන කම්කරු ඇමැතිවරයෙකු වීමට තමාට කිසිදු බලාපොරොත්තුවක් නොමැති බවත්, තමන්ගේ එකම අභිප්‍රාය කම්කරුවාගේ සටන්පාඨ අහිමි කිරීම පමණක් බවත් කම්කරු හා විදේශ කටයුතු අමාත්‍ය මනුෂ නානායක්කාර මහතා පැවැසීය.

ඇදහැළෙන අධික වර්ෂාව හේතුවෙන් ආපදාවන්ට ලක්වූවන්ට සහන සැලසීමේදී QR ක්‍රමයට ඉන්ධන ලබාගැනීම බාධාවක්ව ඇති බැවින් අවශ්‍යතාව අනුව QR ක්‍රමයෙන් බැහැරව ඉන්ධන නිකුත් කිරීමට පියවර ගන්නා ලෙස ගම්පහ දිස්ත්‍රික් ලේකම් එස්.සත්‍යානන්ද මහතා සියලුම ප්‍රාදේශීය ලේකම්වරුන්ට උපදෙස් දී තිබේ.

ඩීසල් හා පෙට්‍රල් මිල අද සිට අඩු වුවද එම අඩු කළ ප්‍රමාණය බස් ගාස්තු හා ත්‍රීරෝද රථ ගාස්තු අඩු කිරීමට ප්‍රමාණවත් නොමැති නිසා අදාළ මිල ගණන්වල වෙනසක් සිදුනොවන බව බස් සංගම් හා ත්‍රීරෝද රථ සංගම් සඳහන් කරයි.

කොළඹ නෙලුම් කුලුන විවෘතව තබන කාලසීමාවන් සංශෝධනය කර තිබේ. ඒ් අනුව සඳුුුදා සිට සිකුරාදා දක්වා පෙ.ව. 9.00 සිට රාත්‍රී 10.00 තෙක් ප්‍ර වේශපත්‍ර නිකුත් කරන අතර රාත්‍රි 10.00 තෙක් නැරඹීමේ අවස්ථාව පවතී.

මේ වන විට ක්‍රියාත්මක පැය 2යි විනාඩි 20ක විදුලි කප්පාදුව තවත් දින 4ක් ක්‍රියාත්මක කරන බව මහජන උපයෝගීතා කොමිෂන් සභාව පවසයි. ඒ අනුව හෙට (18දා) සිට 21 දා දක්වා මෙම විදුලි කප්පාදුව ක්‍රියාත්මක කිරීමට නියමිතය.

2023 වසර සදහා වන විසර්ජන පනත් කෙටුම්පත (අයවැය) පාර්ලිමේන්තුවට හෙට (18දා) ඉදිරිපත් කිරීමට නියමිත බව පාර්ලිමේන්තු මහලේකම් ධම්මික දසනායක මහතා පවසයි.

කාන්තාවක් පැදවූ මෝටර් රථයක් කුරුණෑගල මාර්ගයේ ඇල්ල ප්‍රදේශයේදී අද (17) පෙරවරු 11.30 ට පමණ මාර්ගයෙන් ඉවතට පැන ගසක වැදීමෙන් සිදුවූ අනතුරකින් එකම පවුලේ තිදෙනෙකු මිය ගොස් ඇති බව නාගොල්ලාගම පොලීසිය පවසයි.

වවුනියාව බෝගස්වැව මධ්‍යමහ විද්‍යාලයේ සිසුන් 45ක් හා ගුරුවරුන් තිදෙනකු බඹරුන් දෂ්ඨ කිරීමෙන් අද (17දා) රෝහල් ගත කළ බවට බෝගස්වැව පොලිසිය පවසයි.

විස්සයි20 ලෝක කුසලාන තරගාවලිය යටතේ ස්කොට්ලන්ත කණ්ඩායම හා බටහිර ඉන්දීය කොදෙව් කණ්ඩායම අතර මූලික වටයේ පැවැති තරගයකින් කොදෙව් කණ්ඩායම පරාජය කරමින් ලකුණු 42ක පෙරළිකාර ජයක් වාර්තා කිරීමට ස්කොට්ලන්තය සමත්විය.

පාසල් සිසුන්ගේ මුදල් සහ වෙනත් වටිනා ද්‍රව්‍ය පැහැරගන්නා කණ්ඩායමක් මහනුවර නගරයේ ක්‍රියාත්මක බව දෙමව්පියෝ පවසති .

ශ්‍රී ලංකාවේ ආර්ථීක අර්බුදය විසඳා ගැනීම සඳහා කඩිනම් පියවරක් වශයෙන් ත්‍රෛපාර්ශයික සහයෝගීතාවයක් ඔස්සේ රටට අවශ්‍ය ආයෝජන ලබා ගත හැකිබව ඉන්දියාවේ ශ්‍රී ලංකා මහ කොමසාරිස් මිලින්ද මොරගොඩ මහතා යෝජනා කරයි.

කොත්මලේ කෝවිලකින් දේව ප්‍රතිමාවක් සොරා ගෙන බස් රථයකින් ගමන් ගනිමින් සිටි කාන්තාවක් ඊයේ (16) රාත්‍රීයේදී අත්අඩංගුවට ගත් බව යක්කල පොලීසිය සඳහන් කරයි.

ලංකා ඛනිජ තෙල් නීතිගත සංස්ථාව විසින් ඉන්ධන මිල අඩු කිරීමට සාපේක්ෂව ලංකා ඉන්දීය තෙල් සමාගමද සිය ඉන්ධන මිල අඩු කිරීමට කටයුතු කර තිබේ. ඒ් අනුව පෙට්‍රල් ඔක්ටේන් 92 ලීටරයක් රුපියල් 370ක් දක්වාත් ඔටෝ ඩීසල් ලීටරයක් රුපියල් 415ක් දක්වාත් පහළ දැමීමට ඔවුන් කටයුතු කර තිබේ.

ඔක්ටේන් 92 පෙට්‍රල් ලීටරයක මිල රුපියල් 40කින් හා ඔටෝ ඩීසල් ලීටරයක මිල රුපියල් 15කින් අද රාත්‍රී 9.00 සිට අඩු කරන බව විදුලි බල හා බලශක්ති අමාත්‍ය කංචන විජේසේකර මහතා පවසයි. ඒ් අනුව ඔක්ටේන් 92 පෙට්‍රල් ලීටරයක මිල රුපියල් 370ක් දක්වාත් ලංකා ඔටෝ ඩීසල් ලීටරයක මිල රුපියල් 415ක් දක්වාත් පහළ යනු ඇත. අනෙකුත් ඉන්ධන මිල ගණන් ‌වෙනස් නොවන බවද අමාත්‍යවරයා සඳහන් කරයි.

මහනුවර දිස්ත්‍රික්කයේ උඩ පළාත ප්‍රාදේශිය ලේඛම් කොඨඨාශයේ එගොඩ කළුගමුව ග්‍රාම නිලධාරි වසමේ නැකත්තාවත්ත ප්‍රෙද්ශයේ මහවැලි ගං රක්ෂිතයේ ඉවුර කිසියම් පිරිසක් විසින් එහි ඇල්ල කපා ගොඩ කර ඇති බව ප්‍රෙද්ශවාසින් පවසයි.

නැමීබියාව හමුවේ ශ්‍රී ලංකාව අනපේක්ෂිත පරාජයක් ලැබුවත් විස්සයි20 ලෝක කුසලාන තරගාවලියේ අවසන් මහ තරගය සඳහා ශ්‍රී ලංකාව සුදුසුකම් ලබනු ඇතැයි යන මතයේ තමන් තවමත් සිටින බව ශ්‍රී ලංකා හිටපු පුහුණුකරු මිකී ආතර් පවසයි.

බෙදුම්වාදින්ගේ ඩොලර් වුවත් අපේ රටේ ආයෝජනය කරනවාට අපි විරුද්ධ නෑ. නමුත් බෙදුම්වාදී ඉල්ලීම් ඉටුකරලා අපේ රට අසරණ කරන්න එපා කියලා අපි ආණ්ඩුවට කියනවා. මේ මොහොතේ බඩගින්න නිවන්න අපේ රට නැවතත් යුධ ගින්නකට ඇදලා දැම්මොත් ඒක බලවත් අපරාධයක්.

ණය අර්බුදයෙන් ගොඩ ඒ්ම සඳහා ශ්‍රී ලංකාව ගන්නා ක්‍රියාමර්ග සඳහා පූර්ණ සහාය දෙන බව පැරිස් සමාජය පවසයි.