උඩරට දුම්රිය මාර්ගයේ කොළඹ බදුල්ල අතර දුම්රිය මාර්ගයේ දි හමුවන මුහුදු මට්ටමේ සිට අඩි 6000ක් උසින් පිහිටි ලංකාවේ එකම තනිකෙලින් පිහිටි දිගම (අඩි 895) දුම්රිය බිංගෙය වූ ඔහිය පට්ටිපොළ දුම්රිය ස්ථාන අතර පිහිටි අංක 20 දරන දුම්රිය බිංගෙය තුළ තිබූ දිරාපත් වී ගිය ලී සිල්පර කොටන් ඉවත් කර කොන්ක්‍රීට් සිල්පර දමා දුම්රිය මාර්ගය නවීකරණය කල බව දුම්රිය දෙපාර්තමේන්තුව පවසයි.

ඊනියා අරගලකරුවන් විසින් ගම්පහ නිට්ටඹුවේදී හිටපු පාර්ලිමේන්තු මන්ත්‍රී අමරකීර්ති අතුකෝරල මහතා ඝාතනය කිරීමේ සිද්ධිය සම්බන්ධයෙන් ගම්පහ පුරවැසියකු ලෙස තමන් පොළොන්නරුව ජනතාවගෙන් සමාව අයදින බව නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පවසයි.

මැදවච්චියේ හෙරෝයින් ජාවාරම් කරුවන් අතර ඇති වූ ගැටුමකින් අනතුරුව ප්‍රථිකාර ලබමින් සිටි තරුණයෙකු පසුගිය (28) වැනිදා අලුයම රෝහල් ඇද තුලම ගෙල හා පාදයක් කපා ඝාතනය කිරිමේ සිදුවීමට සම්බන්ධ යැයි කියන සැකකරුවන් දෙදෙනෙකු ඊයේ (01) සවස අත් අඩංගුවට ගත් බව මැදවච්චිය පොලිසිය කියයි.

ආයුර්වේද සංස්ථාවේ නව සභාපති වරයා ලෙස ආචාර්ය අනුර ඇතුලත්මුදලි මහතා (02) දා දේශීය වෛද්‍ය රාජ්‍ය ඇමති සිසිර ජයකොඩි මහතා ඉදිරියේ මහරගම නාවින්න ආයුර්වේද සංස්ථා පරිශ්‍රයේදි සිය ධූරයේ වැඩ භාර ගත්තේය.

ඌව පළාතේ ප්‍රථම ප්‍රධාන ලේකම්වරිය ලෙස දමයන්ති පරණගම මහත්මිය මේ මස (4) දා වැඩ බාරගැනීමට නියමිතය . දමයන්ති පරණගම මහත්මිය බදුල්ල දිස්ත්‍රික්කයේ ප්‍රථම දිස්ත්‍රික් ලේකම්වරිය ලෙස කටයුතු කළාය.

යාපනය, වඩමාරච්චි නැගෙනහිර, වල්ලිපුර අල්වා කෝවිල මාර්ගයේ පොලිස් විශේෂ කාර්ය බළකා මාර්ග බාධකයකදී පොලිස් විශේෂ කාර්ය බළකා නිළධාරීන් යටකර පළා යාමට උත්සහ කළ ටිපර් රථයක රෝදයකට වෙඩි තබා, ටිපර් රථ රියදුරු 30 වැනිදා රාත්‍රියේ අත්අඩංගුවට ගෙන ඇති බව පේදුරුතුඩව පොලිසිය පැවසීය.

ඇඹිලිපිටිය හා සෙවණගල ප්‍රදේශ දෙක ආශ්‍රිතව දැනට පුළුල් ලෙස කෙසෙල් වගාව සිදුවන බැවින් අපනයනය ඉළක්ක කර ගත් කෙසෙල් සැකසුම් කළාප දෙකක් එම ප්‍රදේශවල ස්ථාපිත කිරීමට කෘෂිකර්ම අමාත්‍යාංශය තීරණය කර තිබේ.

කොළඹ පාරිභෝගික මිල දර්ශකයෙහි (කො.පා.මි.ද., 2021=100) වාර්ෂික ලක්ෂ්‍යමය වෙනස මගින් මනිනු ලබන මතුපිට උද්ධමනය, 2023 මාර්තු මාසයේ වාර්තා වූ සියයට 50.3හි සිට 2023 අප්‍රේල් මාසයේ දී සියයට 35.3 දක්වා පහළ යෑමක් වාර්තා කරන බව ශ්‍රී ලංකා මහ බැංකුව පවසයි.

දිවයිනේ බොහෝ ප්‍ර දේශවල සවස 2න් පසුව තැනින් තැන වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව සඳහන් කරයි.

යාපනය කයිටිස් මාර්ගයේ අල්ලෙයිපිඩ්ඩි ප්‍රදේශයේදී අද (01) සවස යතුරුපැදියක් සහ වෑන්රථයක් මුහුණට මුහණ ගැටීමෙන් කාන්තාවන් දෙදෙනෙකු මියගොස් තවත් දෙදෙනෙකු බරපතල තුවාල ලබා ඇතැයි යාපනය පොලීසිය පවසයි.

කොළඹ වරාය හරහා ඉදිකරමින් පවතින අධිවේගී මාර්ගයේ ගබඩාවක තිබූ දේපළ සොරකම් කිරීම සඳහා එම ගබඩාවට ඇතුළුවීමට උත්සාහ කළ පිරිසක් එම ස්ථානයේ ආරක්ෂාව සඳහා යොදවා සිටි පුද්ගලික ආරක්ෂක අංශයේ නිලධාරීන්ට පහරදී ගිනි අවිය පැහැර ගැනීමට උත්සාහ කිරීමේදි ආරක්ෂක අංශ නිලධාරීන් සිදුකළ වෙඩි තැබීමකින් පුද්ගලයන් 05ක් හා කාන්තාවන් 4ක් තුවාල ලබා කොළඹ ජාතික රෝහලට ඇතුළත් කර ඇතැයි පොලීසිය කියයි.

ඉන්දියානු ඊ-වීසා අයදුම්කරුවන්ට අවධානයෙන් සිටින ලෙස ඉන්දීය මහකොමසාරිස් කාර්යාලය දන්වයි.

ඉන්දීය ගුවන් හමුදා ප්‍රධානී එයාර් චීෆ් මාෂල් විවේක් රාම් චෞද්‍රි මහතා ශ්‍රී ලංකාවේ සිව් දින නිල සංචාරයක් සදහා අද (01දා) දහවල් කටුනායක ජාත්‍යන්තර ගුවන් තොටුපළ වෙත පැමිණියේය.

මගේ නායකයා කියාගෙන ඉන්න සජිත් ප්‍රේමදාස ගැන මම කියන්නම්. වතුකරයේ ජනතාවගේ මඩොල්සිම රැස්වීමට ආවේ නැහැ. අපිව සිල්ලරට ගනන් ගන්න එපා. ඔබතුමත් සමග ඉන්න ඕන නම් වහාම මඩොල්සිමට එන්න, ඇවිත් මගේ ජනතාව ‍ඉස්සරහ සමාව ඉල්ලන්න. එහෙම නැවත අපි අපේ ගමන යමු .

පුත්තලම පාලවියෙ සිට අරුවක්කාළු හුණුගල් කොරිය වෙත හුණුගල් ප්‍රවාහනයට යමින් තිබු දුම්රියක ඇන්ජීම හදිසියෙ ගිනි ගැනිමට ලක් විමේන් පසු එය පුත්තලම කුරුණෑගල මාර්ගය වැසියන ලෙස නැවති විනාඩි 30 කට ආසන්න කාලයක් ප්‍රධාන මාර්ගයෙ ගමනා ගමන කටයුතු සම්පුර්ණයෙන් නැවති ගිය බව පුත්තලම මුලස්ථාන පොලිසිය කියයි.

ඉන්ධන මිල අඩුවූ ආකාරයට ඉදිරියේදී ගෑස් මිලද අඩුවන බවත් බිංදුවට වැටී තිබූ මෙරට විදෙස් සංචිත මේ වන විට ඩොලර් බිලියන 1.3ක් දක්වා වැඩි වී ඇති බවත් ජනපති කාර්යා මණ්ඩල ප්‍රධානී සාගල රත්නායක මහතා කියයි. ඒක්සත් ජාතික පක්ෂ මැයි දින උළෙල අමතමින් ඔහු මේ බව පැවැසීය.

සාම්ප්‍රදායික දේශපාලනයෙන් මිදී රට පිළිබඳ අලුතින් සිතා අලුත් මාවතක යන පක්ෂය බවට එක්සත් ජාතික පක්ෂය පරිවර්තනය කර ගනිමු යැයි ජනාධිපති රනිල් වික්‍රමසිංහ මහතා සියලු එක්සත් ජාතික පාක්ෂිකයින්ගෙන් ඉල්ලා සිටියේය.

ලංකා ඛනිජ තෙල් සංස්ථාව ඉන්ධන මිල අඩුකිරිමට සාපෙක්ෂව ලංකා ඉන්දීය තෙල් සමාගමද සිය ඉන්ධන මිල අඩු කිරීමට කටයුතු කර තිබේ.

තම බරිඳට ඉන්සියුලින් අධි මාත්‍රාවක් ලබාදී ඝාතනය කිරිමට තැත්කළ වෛද්‍ය වෘත්තියේ යෙදෙන සැමියා අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය පවසයි.

දකුණු කොරියාවේ පැවැත්වෙන ලෝක සාම සම්මේලනයට සහභාගීවීම සඳහා හිටපු ජනපති මෛත්‍රීපාල සිරිසේන මහතා අද (01දා) සිට දිවයිනෙන් බැහැරට යන බව හිටපු ජනපතිවරයාගේ මාධ්‍ය අංශය පවසයි.

ඉන්ධන මිල අඩුවීමේ සහනය පාරිභෝගික භාණ්ඩ හරහා ජනතාවට ලැබී නැති බවත් ඉදිරියේදී මේ වෙනුවෙන් සිය සංගමය දැඩි සටනක් ගෙන යාමට කම්කරු දිනයේදී සිට පියවර ගන්නා බවත් පාරිභෝගික අයිතීන් සුරැකීමේ සංවිධානයේ සභාපති හා ආපනශාලා හිමියන්ගේ සංගමයේ සභාපති අසේල සම්පත් මහතා අද (1) පිටිගල තල්ගස්වලදී කීවේය.

ඉන්ධන මිල සංශෝධනය කිරීමත් සමග ලංකා ඛනිජ තෙල් නීතිගත සංස්ථාව ලංකා සුදු ඩීසල් හා භූමිතෙල් හරහා අලාභ ලබන තත්ත්වයට පත්ව තිබේ.

ඇටඹගස්කඩ, අසරණ සරණ සුබ සාධක මරණාධාර සමිතියේ රුපියල් ලක්ෂ 80 කට ආසන්න සාමාජික මුදලක් හා එම මුදල් සටහන් කර තිබූ ලිපි ලේඛණ හිටපු නිලධාරින් අස්තාන ගත කිරිම හේතුවෙන් සමිතියේ සාමාජිකයින් හා නව නිලධාරින් දැඩි අසීරුතාවයකට පත්ව ඇති බව ගම්වාසීහු පවසති.

ඉන්ධන මිල අඩු කිරිම ප්‍රමාණවත් නොවන බව හැටන් ප්‍රදේශයේ වාහන හිමියන් සහ රියදුරන් කියා සිටියි.

කෘතිම බුද්ධිය (Artificial Intelligence) භාවිතය රට තුළ ප්‍රවර්ධනය කිරීමට ක්ෂේත්‍රයේ ප්‍රවීනයන්ගෙන් සමන්විත ජනාධිපති කාර්ය සාධක බලකායක් නම් කර ඔවුන්ගේ තොරතුරු ඉදිරිපත් කරන ලෙසත්, ඒ පිළිබඳ සංකල්ප පත්‍රිකාවක් කඩිනමින් සකස් කරන ලෙසත් ජනාධිපති රනිල් වික්‍රමසිංහ මහතා තාක්ෂණ කටයුතු අමාත්‍යාංශයේ නිලධාරීන්ට උපදෙස් දුන්නේය.

සේවක අර්ථ සාධක අරමුදල සම්බන්ධව මේ වන විට අනියත බියක් ඇති කිරීමට ඇතැම් පාර්ශ්ශව උත්සාහ කළ ද වැඩකරන ජනතාව වෙනුවෙන් ස්ථාපිත කර තිබෙන සේවක අර්ථ සාධක අරමුදලට කිසිඳු හානියක් සිදුවීමට ඉඩ නොතබන බව ජනපති රනිල් වික්‍රමසිංහ මහතා පවසයි. මැයි දිනය වෙනුවෙන් පණිවිඩයක් නිකුත් කරමින් ජනපතිවරයා මෙ බව පවසයි.

අද (30) මධ්‍යම රාත්‍රීයේ සිට බල පැවැත්වෙන පරිදි සිපෙට්කෝ ඉන්ධන මිල පහත දමා තිබේ. ඒ අනුව ලංකා පෙට්‍රල් ඔක්ටෙන් 92 ලීටර්යක් රුපියල් 7කින් පහත දමා තිබේ.

නිවේදනයක් නිකුත් කරමින් ඔවුන් සඳහන් කරනුයේ පිට පළාත්වල පැවැත්වෙන පෙලපාලී සහ රැස්වීම් සඳහා සුදුසු පරිදි අවශ්‍ය කටයුතු සිදුකරන ලෙස පළාත් භාර ජ්‍යෙෂ්ඨ නියෝජ්‍ය පොලිස්පතිවරුන්ට, දිමා භාර නියෝජ්‍ය පොලිස්පතිවරුන්ට මෙන්ම කොට්ඨාස භාර ජ්‍යෙෂ්ඨ පොලිස් අධිකාරිවරුන්ට මේ වනවිටත් පොලිස් මූලස්ථානය විසින් අව්‍යශ උපදෙස් සහ නියෝග ලබා දී ඇති බවයි.

සුඩානයේ සිටින ශ්‍රී ලාංකිකයින් 18දෙනෙකු එරටින් ඉවත් වීම ප්‍රතික්ෂේප කර ඇති බව විදේශ කටයුතු අමාත්‍යංශය සඳහන් කරයි.