ශ්‍රී ලංකාවට දකුණු දෙසින් වූ ඕස්ට්‍රේලියානු සෙවීම් සහ මුදවා ගැනීම් කලාපයට අයත් ගැඹුරු මුහුදේදී 2023 මැයි මස 16 වන දින පෙරලීයාමෙන් ආපදාවට පත් ‘LU PENG YUAN YU 028’ නමැති චීන ධීවර යාත්‍රාව සෙවීමේ සහ මුදවා ගැනීමේ මෙහෙයුම සඳහා නාවික හමුදාවද දායක වූ අතර මේ වන විට පෙරලී ගිය චීන යාත්‍රාවෙන් මළසිරුරු 14 ක් සොයාගැනීමට හැකි වූ බවට නාවික හමුදාව පවසයි.

හබරාදුව, හිනටිගල ගිනිගල මාර්ගයේ ( විකිරවත්ත) ත්‍රිරෝද රථයකින් ගමන් කරමින් සිටි පුද්ගලයෙකුට නාදුනන යතුරු පැදිකරුවෙක් කළ වෙඩි තැබීමකින් ත්‍රි රෝද රථයේ ගමන් කළ පුද්ගලයා ජීවිතක්ෂයට පත්ව තිබේ.

ඉතාලියේ සිසිලි දූපත ආසන්නයේ පිහිටා ඇති පනාරෙයා සංචාරක දුපතේ සංචාරක හෝටලයක රැකියාව කරමින් සිටියදි අනතුරකට ලක්වි ඉකුත් 19 දා ශ්‍රිලාංකිකයෙකු මියගොස් ඇති බව ඉතාලි මාධ්‍ය වාර්තා කරයි.

දකුණු කොරියාවේ ඉන්චියොන් නුවර බලා ඊ‍යේ (23දා) රාත්‍රී 08.50 ට කටුනායක ගුවන් තොටුපළෙන් පිටත්ව යාමට නියමිතව තිබූ ශ්‍රී ලන්කන් ගුවන් යානය අද උදෑසන 07.00 තෙක් ප්‍රමාද වූ බව ශ්‍රී ලන්කන් ගුවන් සේවයේ ආයතනික සන්නිවේදන අංශයේ ප්‍රකාශකවරයෙකු පැවසීය.

මේ පිළිබඳ විධිමත් රේගු පරීක්ෂණය රේගු ආදායම් සංරක්ෂණ අංශයේ ජ්‍යෙෂ්ඨ නියෝජ්‍ය රේගු අධ්‍යක්ෂ එන්.පී.පී.ප්‍රේමරත්න මහතා විසින් පවත්වා තිබූ අතර , එහිදී මෙම මන්ත්‍රීවරයා විසින් නීතිවිරෝධී ලෙස මෙරටට ගෙනවිත් තිබූ , රන් බිස්කට් , ස්වර්ණාභරණ සහ ස්මාර්ට් ජංගම දුරකථන තොගය රාජසන්තක කිරීමට නියෝග කර තිබූ අතර , මෙම මන්ත්‍රීවරයාව රුපියල් ලක්ෂ හැත්තෑ පහක දඩ මුදලක් ගෙවන ලෙසද නියෝග කර තිබේ.

විශ්වවිද්‍යාලව ආචාර්වරුන්ගේ හිඟය මේ වනවිට 1,800 ඉක්මවා ගොස් තිබෙන බවත්, මේ නිසා විශ්වවිද්‍යාල පද්ධතිය දැඩි අර්බුයකට ලක්වෙමින් තිබෙන බවත් විශ්වවිද්‍යාල ආචාර්යවරුන්ගේ සමිති සම්මේලනය සඳහන් කරයි.

ප්‍රකට ව්‍යාපාරිකයකු සහ ජනශක්ති රක්ෂණ සමූහ ව්‍යාපාරයේ අධ්‍යක්ෂ දිනේෂ් ෂාෆ්ටර් මහතාගේ දේහය හෙට (25) යළි ගොඩගැනීමට අවසර දුන් කොළඹ අතිරේක මහෙස්ත්‍රාත් රජින්ද්‍රා ජයසූරිය මහත්මිය දිනේෂ් ෂාෆ්ටර් මහතාගේ දේහය සම්බන්ධ ප්‍රශ්චාත් මරණ පරීක්‍ෂණය කරාපිටිය ශික්ෂණ රෝහලේදී පැවැත්වීමටද ඊයේ (23) අවසර දුන්නාය.

දින 02ක් ඉක්මවා උණ පවතීනම් කඩිනමින් වෛද්‍ය උපදෙස් ලබා ගන්නා ලෙස ජාතික ඩෙංගු මර්දන වැඩසටහනේ වෛද්‍ය ලහිරු කොඩිතුවක්කු මහතා අවධාරණය කරයි.

කොන්ත්‍රාත් සඳහා ඍජු සම්බන්ධතාවක් නොදැක්වූ මාර්ග සංවර්ධන අධිකාරියේ දකුණු පළාත් කාර්යාලවල ඉංජිනේරුවරුන් හා කාර්මික නිලධාරීන් සඳහා ප්‍රවාහන පහසුකම් සැපයීමට වෑන් කැබ් හා මෝටර් රථ කුලියට ලබා ගැනීම වෙනුවෙන් 2021 වර්ෂයේ දී රුපියල් මිලියන 23.6 ක් ගෙවා ඇති බව ජාතික විගණන කාර්යාලයේ නිලධාරියෙකු 22/5 කරන ලද විමසිමක දී ප්‍රකාශ කර තිබේ.

විදුලි බිල අධික ලෙස ඉහළ දැමූ පසුගිය වසරේ අගෝස්තු මාසයේ සිට මේ දක්වා කාලය තුළදී පවුල් හාරලක්‍ෂ තිස්හයදහසක් විදුලි භාවිතයෙන් ඉවත් වී තිබෙන බව මහජන උපයෝගිතා කොමිෂම සඳහන් කරයි.

නව විදුලිබල පනත නීතිමය සහතික කිරීම් වෙනුවෙන් සහ පරිවර්තනය කටයුතු වෙනුවෙන් නීති සම්පාදක දෙපාර්තම්න්තුවට සහ නීතිපති දෙපාර්තමේන්තුවට ලබන සතියේදී ඉදිරිපත් කරණ බව විදුලිබල හා බලශක්ති අමාත්‍යංශය සදහන් කරයි

උද්ධමනය මධ්‍යස්ථ වීම, විනිමය අනුපාතිකය ස්ථාවර වීම සහ මහ බැංකුව සිය සංචිත නැවත ගොඩ නැගීම සමඟ රටේ සාර්ව ආර්ථික තත්ත්වය වැඩිදියුණු වීමේ තාවකාලික ධනාත්මක ලකුණු පෙන්නුම් කරන බව ජාත්‍යන්තර මූල්‍ය අරමුදලේ (IMF) කාර්ය මණ්ඩලය සිය ශ්‍රී ලංකා සංචාරය අවසන් කරමින් පවසයි. කෙසේ වෙතත්, සමස්ත සාර්ව ආර්ථික සහ ප්‍රතිපත්තිමය පරිසරය තවමත් අභියෝගාත්මකව පවතින බවද ඔවුන් නිවේදනය කරයි.

ඉතාලියේ රෝම් අගනුවර කොරනේලියා ප්‍රදේශයේදි පෙරේදා 21 රාත්‍රියේ සිදුවු අනතුරකින් ශ්‍රි ලාංකික තරුණයෙක් මියගොස් තිබේ. මෙලෙස මියගොස් ඇත්තේ රෝම් අගනුවර පදිංචි මාන්නගේ මාර්කෝ නැමති 25 හැවිරිදි තරුණයෙකි.

ඩිජිටල් පද්ධති අනිසි ලෙස භාවිතා කිරීමේ අවධානම ශ්‍රී ලංකාවෙන් තුරන් කිරීම සඳහා වන සයිබර් ආරක්ෂණ පනත ස්ථාපිත කිරීම හරහා කිසිඳු මාධ්‍යයක් වාරණයට ලක් නොවන බව තාක්ෂණ රාජ්‍ය අමාත්‍ය කනක හේරත් මහතා අවධාරණය කරයි.

රාජ්‍ය සේවයෙන් විශ්‍රාම ගන්නා සේවකයන් වෙනුවෙන් හිමි විශ්‍රාම වැටුප් අප්‍රමාදව ගෙවීමට සහ ඒ සඳහා ඇති වැඩපිළිවෙල පිළිබඳ ජනතාව නිසි පරිදි දැනුවත් කිරීමට පියවර ගන්නා ලෙස විවෘත සහ වගකිවයුතු රජයක් පිලිබඳ ආංශික අධීක්ෂණ කාරක සභාවේ සභාපති පාර්ලිමේන්තු මන්ත්‍රී ජගත් කුමාර සුමිත්‍රාආරච්චි මහතා විශ්‍රාම වැටුප් දෙපාර්තමේන්තුවට උපදෙස් ලබා දුන්නේය.

ඉල්ලීම් කිහිපයක් මුල් කරගනිමින් පේරාදෙණිය විශ්ව විද්‍යාලයේ ශිෂ්‍යයන් විසින් විශ්වවිද්‍යාල භූමියේ සිට මහනුවර දෙසට ගමන් කර වූ විරෝධතා පා ගමනක් විසුරුවා හැරීමට පොලීසිය විසින් ජල හා කඳුළු ගෑස් ප්‍රහාරයක් එල්ල කෙරුණි .

මෙරට ධීවර ජනතාව වෙනුවෙන් චින රජය මගින් පරිත්‍යග කළ භූමිතෙල් බෙදාහැරීම අද (23දා) වන දින පානදුර ධීවර වරායේ දී ධීවර අමාත්‍ය ඩග්ලස් දේවානන්දා රාජ්‍ය අමාත්‍ය පියල් නිශාන්ත චීන තානපති කී ෂෙන්හොංග් යන මහත්වරුන්ගේ ප්‍රධනත්වයෙන් පැවැත්විණි.

පුත්තලම් දිස්ත්‍රික් පාර්ලිමේන්තු මන්ත්‍රී අලි සබ්‍රි රහීම් මහතා නීතිවිරෝධී ලෙස රත්‍රන් බිස්කට් තොගයක් ශ්‍රී ලංකාවට රැගෙන ඒමේදී රේගු නිලධාරීන් විසින් අත්අඩංගුවට ගෙන ඇති බව වාර්තා වෙයි.

බස්නාහිර මහනගර සංවර්ධන සැලසුම කඩිනමින් ආරම්භ කරන්නැයි නාගරික සංවර්ධන හා නිවාස අමාත්‍ය ප්‍රසන්න රණතුංග මහතා බළධාරීන්ට උපදෙස් දෙයි. එම සැලසුමේ අවසන් සමාලෝචනය සිදු කර මාස 3 ක් ඇතුළත එහි ඉදිරි කටයුතු සිදු කරන ලෙසද ඇමතිවරයා නිළධාරීන්ට උපදෙස් දුන්නේය.

2021 මහ කන්නයේ දී මෙරට හෙක්ටයාර් එකකට ලබන අස්වැන්න මෙට්‍රික් ටොන් 02ක් දක්වා පහළ ගිය ද, 2022 මහ කන්නයේ දී හෙක්ටයාර් එකකට ලබන අස්වැන්න මෙට්‍රික් ටොන් 3.2ක් දක්වා ඉහළ ගොස් ඇතැයි ශ්‍රී ලංකා යුද්ධ හමුදාව යටතේ ක්‍රියාත්මක කර තිබෙන හරිත කෘෂිකර්ම ක්‍රියාන්විත මධ්‍යස්ථානය සඳහන් කළේය.

නව සංවර්ධන ව්‍යාපෘති සහ වැඩසටහන් ඇගයීම සඳහා ජාතික සංවර්ධන කමිටුවක් පිහිටුවීමට කැබිනට් මණ්ඩලය අනුමැතිය ලබා දී තිබේ. ජනාධිපති රනිල් වික්‍රමසිංහ මහතා විසින් ඉදිරිපත් කළ යෝජනාවකට මෙම අනුමැතිය ලබා දි තිබේ.

එක්සත් ජාතීන්ගේ 28 වන දේශගුණික විපර්යාස සමුළුව සඳහා (COP 28) සහභාගීවන ලෙස එක්සත් අරාබි එමීර් රාජ්‍යයේ ජනාධිපති මොහොමඩ් බින් සයිඩ් අල් නයන් මහතා ජනාධිපති රනිල් වික්‍රමසිංහ මහතා වෙත ආරාධනා කර තිබේ.

මිහින්තලාව ප්‍රමුඛ අනුරාධපුර පොසොන් පුණ්‍යෝත්සවය සඳහා, මූල්‍ය ලෙස හෝ කිසිදු ආකාරයක අඩුපාඩුවක් රජය පාර්ශවයෙන් සිදු නොවන බව, අග්‍රාමාත්‍ය දිනේෂ් ගුණවර්ධන මහතා පාර්ලිමේන්තුවේදී අද (23දා) දින කියා සිටියේය.

නිවසක සුරතලයට ඇති කළ රුපියල් 80,000ක් පමණ වටිනා ආනයනික ගිරව් 9 දෙනෙකු සොරකම් කළ පුද්ගලයකු, සොරකම් කරන ලද එම ගිරව් සමග ඊයේ (22 දා) අත්අඩංගුවට ගත් බව අනුරාධපුර මූලස්ථාන පොලීසිය පවසයි.

ගල්කිස්ස පොලිස් වසමේ රත්මලාන ප්‍ර දේශයේ හෝටලයකට කොස් ගෙඩියක් අලෙවි කිරීම සඳහා පැමිණි පුද්ගලයෙක් හා එම හෝටලයේ හිමිකරු අතර ගණන් හිලව් සම්බන්ධයෙන් ඇතිවූ ගැටලුවක් මුල්කරගනිමින් කොස් ගෙඩිය අලෙවි කිරීමට පැමිණි පුද්ගලයා තියුණු ආයුධයකින් පහරදී හෝටල් හිමිකරු ඝාතනය කර ඇති බව පොලීසිය කියයි. අවුරුදු 29ක් වන අහස්තලාව පදිංචිව සිටි පුද්ගලයෙක් මෙසේ ජීවිතක්ෂයට පත්ව තිබේ.

මෙම වර්ෂය අවසන් වීමට පෙර ඊ - ගුවන් ගමන් බලපත්‍ර (E-Passport) ලබා දීමට කටයුතු කරන බව මහජන ආරක්ෂක අමාත්‍ය ටිරාන් අලස් මහතා පැවසීය.

පොසොන් පොහොය නිමිත්තෙන් ජුනි මස 03 වන දිවයින පුරා පිහිටි සිල්ලරට මත්පැන් විකිණීම සදහා වූ සියලුම මත්පැන් හල් වසා තැබීමට සුරාබදු කොමසාරිස් ජනරාල්වරයා විසින් නියෝග කර තිබේ

කි.ග්‍රෑ. 2,525ක් වූ ප්‍රමාණය ඉන්දියාවෙන් හමුවූ විශාලතම මත්ද්‍රව්‍ය තොගයයි මුලින් වටිනාකම ඉන්දීය රු. කෝටි 12,000ක් වුවත් දැන් එය කෝටි 25,000ක් වටිනවාලු

පුද්ගල සෞඛ්‍ය වාර්තාව යෙදවුමක් මාර්ගයෙන් ජනතාවට ලබාදීම සඳහා ලෝක බැංකුව විසින් දළ වශයෙන් මිලියන 500කට අධික ප්‍රතිපාදනයක් ලබාදී වසර ගණනක් ගත වුවද, අදාළ ව්‍යාපෘතිය මේ වන තෙක් ක්‍රියාත්මක නොවන්නේ මන්දැයි ලෝක බැංකුවේ ඉහළ නිලධාරීන් මෙරට සෞඛ්‍ය බලධාරීන්ගෙන් ප්‍රශ්න කර ඇත.