පාස්කු ඉරු දින ත්‍රස්ත ප්‍රහාරයක් එල්ල වීමට නියමිත බවට බුද්ධි තොරතුරු ලැබී තිබියදීත් එය වළක්වා ගැනීමට කටයුතු නොකිරීම තුළින් සාපරාධී ලෙස රාජකාරිය පැහැර හැරීම සම්බන්ධයෙන් හිටපු ආරක්ෂක ලේකම් හේමසිරි ප්‍රනාන්දු සහ හිටපු පොලිස්පති පූජිත් ජයසුන්දර යන මහත්වරුන්ට එරෙහිව ගොනුකර ඇති නඩුව සැප්තැම්බර් 18 වැනිදා කැඳවීමට කොළඹ ත්‍රිපුද්ගල මහාධිකරණ විනිසුරු මඩුල්ල අද (28) නියම කළේය.

හම්බන්තොට මහෙස්ත්‍රාත් අධිකරණය මගින් අත් අඩංගුවට ගැනීමේ නියෝගයක් නිකුත් කර ඇති පාර්ලිමේන්තු මන්ත්‍රී නාමල් රාජපක්ෂ මහතා අද (28) දින උදෑසන මාළදිවයින බලා කටුනායක ගුවන් තොටුපොළෙන් පිටත්ව ගොස් ඇති බව ආගමන විගමන දෙපාර්තමේන්තු ආරංච් මාර්ග ද සනාථ කළේය .

කවුරුන් කෙසේ පැවසුවද ජනාධිපතිවරයාට දැවැන්ත ආරක්ෂාවක් ලබාදිය යුතු බවත් අවශ්‍ය නම් හෙලිකොප්ටරේ පවා ගමන් බිමන් යා යුතු බවත් එහෙත් ඊට ජනාධිපතිවරයාගේ කැමැත්තක් නොමැති බව කෘෂිකර්ම අමාත්‍ය කේ.ඩී. ලාල්කාන්ත මහතා පවසයි.

රුපියල් කෝටි පහක් වටිනා විදේශීය නිෂ්පාදිත දුම්වැටි තොගයක් , මාර්ගස්ථ ක්‍රමයට කටුනායක ගුවන් තොටුපොළ හරහා ඕස්ට්‍රේලියාවට සහ එංගලන්තයට යැවීම සදහා ගුවන් භාණ්ඩ ගම්මානය ( Cargo Village ) වෙත ගෙනැවිත් තිබියදී රේගු මධ්‍යම බුද්ධි අංශයේ නිලධාරීන් පිරිසක් විසින් අද (28) අත්අඩංගුවට ගෙන තිබේ .

හිටපු නාවික හමුදාපති නිශාන්ත උළුගේතැන්න අපරාධ පරීක්ෂණ දෙපාර්තමේන්තුවේ නිලධාරීන් විසින් අත්අඩංගුවට ගෙන තිබේ.

නව තානාපතිවරුන් 5, මහ කොමසාරිස්වරයෙක් සහ අමාත්‍යාංශ ලේකම්වරියක් පත්කිරීමට උසස් නිලතල පිළිබඳ කාරක සභාවේ අනුමතිය හිමිවේ.

සේරුවිල පොලිස් වසමට අයත් සිරිමංගලපුර කුඹුරු යායේ කෙරවල කොටිගල නැමැති ප්‍රදේශයේ මියගොස් සිටි වල් අලියෙකුගේ තවත් මළ සිරුරක් ඊයේ (27) පස්වරුවේ සොයාගත් බව වනජීවී සංරක්ෂණ දෙපාර්තමේන්තුව කියයි.

පාර්ලිමේන්තු මන්ත්‍රී නාමල් රාජපක්ෂ මහතා අත්අඩංගුවට ගැනීම සඳහා වරෙන්තුවක් නිකුත්කර තිබේ.

ජනාධිපති අනුර කුමාර දිසානායක මහතා මාලදිවයිනේ රාජ්‍ය සංචාරයක් සඳහා දිවයිනෙන් පිටත්ව යාම හේතුවෙන් අමාත්‍යාංශ 04ක් සඳහා වැඩබලන අමාත්‍යවරුන් පත් කර තිබේ.

කහවත්ත බුංගිරිය ප්‍රදේශයේ නිවසකින් තරුණයන් දෙදෙනකු පැහැර ගෙන ගොස් එක් තරුණයෙක් ඝාතනය කළ සිද්ධිය සම්බන්ධයෙන් පොලීසියට අවශ්‍යව සිටි දෙදෙනකු නීතිඥවරුන් දෙදෙනෙක් මාර්ගයෙන් 27දා සවස පොලීසියට බාර විය.

ශ්‍රී ලංකාවේ ටෙස්ට් ක්‍රිකට් කණඩායමේ හිටපු ආරම්භ පිතිකරුවෙකු වන කෞෂාල් සිල්වා හොංකොන් පිරිමි කණ්ඩායමේ ප්‍රධාන පුහුණුකරු ලෙස පත් කර තිබේ.

මේ වන විට නොරොච්චෝලේ ගල් අඟුරු බලාගාරයට අවශ්‍ය 2025/26 ගල් අඟුරු වාරය සම්බන්ධයෙන් විවිධ අසත්‍ය හා නොමග යවන සුළු පුවත් විවිධ මාධ්‍යවල පළවන බව නිරීක්ෂණය වී ඇතැයි ලංකා ගල්අඟුරු සමාගම නිවේදනයක් නිකුත් කරමින් පවසයි.

ජනාධිපති අනුර කුමාර දිසානායක මහතා විසින් වහාම ක්‍රියාත්මක වන පරිදි ඌව පළාත් ප්‍රධාන ලේකම් ලෙස පී.ඒ.ජී. ප්‍රනාන්දු මහත්මිය පත් කරනු ලැබ තිබේ.

පේරාදෙණිය ශික්ෂණ රෝහල සහ ගැටඹේ රාජෝපවනාරාම විහාරය අසල ඇති උමං මාර්ගය භාවිතා කිරීම අනිවාර්ය කිරීමට පියවර ගන්නා බව ප්‍රවාහන සහ මහාමාර්ග නියෝජ්‍ය අමාත්‍ය වෛද්‍ය ප්‍රසන්න ගුණසේන මහතා සඳහන් කරයි.

මාලදිවයිනේ රාජ්‍ය සංචාර‍ය ආරම්භ කරමින් ජනාධිපති අනුර කුමාර දිසානායක මහතා අද (28දා) පෙරවරුවේ වෙලානා ජාත්‍යන්තර ගුවන් තොටුපොළට ළඟා වූ බව ජනාධිපති මාධ්‍ය අංශය පවසයි.

දසවැනි පාර්ලිමේන්තුව සඳහා ස්ථාපිත කලා සහ සංස්කෘතික කටයුතු පිළිබඳ පාර්ලිමේන්තු සංසදයේ ඉදිරි කටයුතු සඳහා ක්‍රියාකාරී කමිටුවක් පත් කෙරිණි. මෙරට කලා සහ සංස්කෘතික ක්ෂේත්‍රයන්හි උන්නතිය සඳහා සංසදය විසින් සිදු කිරිමට අපේකෂිත වැඩසටහන් මෙහෙයවීම, ඒ් සඳහා අදාළ ක්ෂේත්‍රයන්හි ප්‍රවීණයන්ගෙන් සහ විද්වතුන්ගෙන් අදහස් හා යෝජනා ලබා ගැනීම මෙම ක්‍රියාකාරී කමිටුවේ අරමුණයි.

කළුතර හා අවට වෙළඳ වෙළඳසැල් සහ ව්‍යාපාරික ස්ථාන වලින් විවිධ සංවිධානාත්මක අපරාධ කල්ලි සාමාජිකයින්ගෙන් නම් ද සදහන් කරමින් කප්පම් ලබාගත් ’’චාටර් බට්ටා ’’නමැති දිවයිනේ නම ගිය අපරාධකරුවෙකු ඇතුළු තිදෙනෙකු කළුතර කොට්ඨාස අපරාධ විමර්ශන ඒකකය මගින් අත්අඩංගුවට ගෙන තිබේ. සැකකරුවන් පයාගල ප්‍රදේශයේ පදිංචි 29,30 සහ 39 වියැති පුද්ගලයන් බව පොලිසිය කීය.

බස්නාහිර පළාත තුළ සහ අධිවේගී මාර්ගවල අද (28දා) සිට Govpay හරහා ස්ථානීය දඩ අය කරගැනීමේ ක්‍රමවේදය ක්‍රියාත්මක කරන බව ප්‍රවාහන, මහාමාර්ග, වරාය සහ සිවිල් ගුවන්සේවා අමාත්‍ය බිමල් රත්නායක මහතා පැවසීය.

මාතලේ පොලිස් වසමේ පලාපත්වල ප්‍රදේශයේ නිවසක දෙපාර්ශවයක් අතර ඇති වූ බහින් බස්වීමක් දුරදිග යාමෙන් පුද්ගලයින් දෙදෙනෙකුට තියුණු ආයුධකින් පහරදී තුවාල සිදුකර මාතලේ රෝහලට ඇතුලත් කිරීමෙන් පසු එක් පුද්ගලයෙකු මියගොස් ඇති බවට මාතලේ පොලිස් ස්ථානයට ලද තොරතුරක් මත විමර්ශන ආරම්භ කර ඇත.

හෝමාගම අධිකරණයෙහි රාජකාරියෙහි නිරත පිස්කල් නිලධාරීවරයෙකුගේ රාජකාරියට බාධා කිරීම ඇතුළු චෝදනා කිහිපයක් සම්බන්ධයෙන් ව්‍යාපාරිකාවක වන තිළිණි පියමාලි නැමැත්තිය අද (28දා) දින හෝමාගම පොලීසිය විසින් අත්අඩංගුවට ගෙන තිබේ.

මේ වසරේ ජනවාරි 01 දා සිට 23 දා තෙක් ශ්‍රී ලංකාවට සංචාරකයන් 1 313 232ක් පැමිණ ඇති බව සංචාරක සංවර්ධන අධිකාරිය පවසයි. එසේම ජුලි මස 01 දා සිට 23 දා තෙක් සංචාරකයන් 145 188ක් පැමිණ තිබේ. මේ වසරේදී ශ්‍රී ලංකාවට සංචාරකයන් ලක්ෂ 25ක් ගෙන්වා ගැනීමට ශ්‍රී ලංකාව අපේක්ෂා කරයි.

ජාතික ජන බලවේගයේ වැලිගම ප්‍රාදේශීය සභා මන්ත්‍රී තාරක නානායක්කාර මහතාගේ නිවසට වෙඩි තැබීමේ සිද්ධිය සම්බන්ධයෙන් සැකකරුවෙකු අත්අඩංගුවට ගෙන තිබේ.

බොරැල්ල ප්‍රදේශයේ අද (28දා) උදෑසන සිදු වූ රිය අනතුරකින් පුද්ගලයෙකු ජීවිතක්ෂයට පත්ව තිබේ.

ජනාධිපති අනුර කුමාර දිසානායක මහතා තුන් දින නිල සංචාරයක් සදහා 07/28 දින උදෑසන කටුනායක ගුවන් තොටුපොළෙන් මාළදිවයින මාළේ නුවර බලා පිටත්ව ගිය බව ගුවන් තොටුපොළ කාර්යය භාර නිලධාරීවරයා ද සනාථ කළේය .

ලොව විශාලතම ආර්ථික හවුල්කරුවන් දෙදෙනෙකු වන ඇමෙරිකාව හා යුරෝපා සංගමය අතර මාස ගණනාවක් පුරා පැවති ඇමෙරිකානු තීරුබදු සම්බන්ධ ගැටලුව අවසන් කරමින් එක්සත් ජනපදය සහ යුරෝපා සංගමය වෙළඳ ගිවිසුම් රාමුවකට එළඹ තිබේ.

වසරකට එක් වරක් පමණක් අස්වැන්න ලබන රඹුටන් කල් තබා ගැනීමේ ක්‍රමයක් සකස්කර දෙන්නේ නම් රඹුටන් අපනයෙන් වැඩි ආදායමක් රටට උපයා දීමට හැකියාව පවතින බව ගම්පහ දිස්ත්‍රික්කයේ රඹුටන් වගාකරුවෝ පෙන්වා දෙති.

වාද්දුව තල්පිටිය ප්‍රදේශයේ සම්භාහන මධ්‍යස්ථානයකට ගොස් ඇතිවූ ආරවුලක් දුරදිග යාමෙන් එහි කාන්තාවකට පහරදුන් බව කියන කොස්තාපල්වරයෙකු අත් අඩංගුවට ගත්බව වාද්දුව පොලිසිය පවසයි .

මාවිල් ආරු අමුණේ සිට කල්ලාර් දක්වා ජලය ගෙනියන ඇල මාර්ගයේ පාවෙමින් තිබූ අලි මළ සිරුරක් අද (27) දහවල් ප්‍රදේශවාසීන් කළ දැනුම් දීමක් මත සොයාගත් බව වනජීවී සංරක්ෂණ දෙපාර්තමේන්තුව කියයි.

සමලිංගික විවාහ මානව අයිතිවාසිකමක් නොවන බවත්, ඊට ඉඩ නොදිය යුතු බවත් අගරදගුරු අතිඋතුම් මැල්කම් කාදිනල් රංජිත් හිමිපාණන් බේරුවලදී පැවසීය. බේරුවල පොල්කොටුව,ශාන්ත ආනා දේවස්ථානයේ පැවති කිතුණුආගමික වැඩසටහනකට එක්වෙමින් උන් වහන්සේ මේ බව පැවසීය.