මැද පෙරදිග ගැටුමට ’’සම්පූර්ණ විසඳුමක්’’ පිළිබඳ ’’ඵලදායී සංවාද’’ සිදුවී ඇති බව ඇමෙරිකානු ජනපති ඩොනල්ඩ් ට්‍රම්ප් පවසයි.

ශ්‍රී ලංකාව ඉල්ලිමක් කරන්නේ නම් තෙල් ඇතුළු අත්‍යාවශ්‍ය ලබාදීමට ඉරානය සූදානම් බව ශ්‍රී ලංකාවේ ඉරාන තානාපති අලිරේසා ඩෙල්කෝෂ් මහතා අද (23) පැවැති මාධ්‍ය හමුවකදී ප්‍රකාශ කළේය.

අප්‍රේල් මස 12 සහ 13 වනවිට දැවි තෙල් නැවක් ලංකාවට පැමිණෙන බැවින් විදුලිය කප්පාදු කිරීමේ ගැටලුවක් පැන නොනගින බවත් නමුත් විදුලිය අරපිරිමැස්මෙන් පරිබෝජනය කරන ලෙසත් ජනතාවගෙන් ඉල්ලා සිටියේය.

අද (21) මධ්‍යම රාත්‍රියේ සිට ක්‍රියාත්මක වන පරිදි ඉන්ධන මිළ ඉහළ දැමීමට ලංකා ඛණිජ තෙල් නීතිගත සංස්ථාව කටයුතු කර තිබේ.

ශ්‍රි ලන්කන් ගුවන් සමාගමේ ගුවන් යානා හයක් 2024/2025 මුල්‍ය වර්ෂයේ දි ක්‍රියාත්මක නොවි පැවති අතර එම කාලසිමාව තුල ඒ සදහා ඇමරිකානු ඩොලර් එක්කෝටි තිස්අටලක්ෂ,දහඅටදහස් තුන්සිය අනුහයක මුදලක් (13,818,396 )ක මුදලක් කල්බදු වාරික ගෙවිම් සදහා වැයකොට ඇති බැව් ජාතික විගණන කාර්යාලය මගින් නිකුත්කොට ඇති විගණන වාර්තාවක් මගින් අනාවරණය වි ඇත.

ජිබූතිහි නවතා තිබූ ඇමෙරිකා නාවික හමුදාවට අයත් ගුවන් යානා දෙකක් හා ඉරානයට අයත් නෞකා තුනක් එකම දිනයකදී ලංකාවට පැමිණීමට අවසර ඉල්ලා තිබුණ බව ජනපති අනුර කුමාර දිසානායක මහතා පැවැසීය.

යුද්ධය කොපමණ කාලයක් ගතවේදැයි අසන ඊශ්‍රායල ජාතිකයින්ට සෘජු පණිවිඩයක් නිකුත් කරමින් ඊශ්‍රායෙල අගමැති බෙන්ජමින් නෙතන්යාහු පවසන්නේ එයට ’’අවශ්‍ය තාක් කල් ගතවනු ඇත’’ යනුවෙනි. මාධ්‍ය අමතමින් ඔහු මේ බව පැවැසිය. ’’අපි එක්ව වැඩ කරනවා. අපි එක්ව ජයග්‍රහණය කරනවා’’ යැයි ඔහු පැවැසීය.

ශ්‍රී ලංකන් ගුවන් සමාගමට 2013 වසරේදී ගුවන් බලඇණියක් මිලදී ගැනීමේදී යුරෝපීය ගුවන් සමාගමකින් ඒවක ශ්‍රී ලංකන් හිටපු ප්‍රධාන විධායක නිලධාරී කපිල චන්ද්‍රසේනට ලැබුණු අල්ලස් මුදලින් රුපියල් කෝටි අටක මුදලක් හිටපු ජනාධිපති මහින්ද රාජපක්ෂට හිටපු ගුවන් සේවා අමාත්‍ය ප්‍රියංකර ජයරත්න මහතා කොටස් වශයෙන් ලබා දී ඇති බව අල්ලස් කොමිසම කොළඹ ප්‍රධාන මහේස්ත්‍රාත් අධිකරණයට කරුණු දක්වමින් අද පැවසීය.

QR කේතයට ඉන්ධන ලබා දීමේදී වාහන අංක තහඩුවේ අවසාන අංකය ඔත්තේ ඉරට්ටේ අනුව හෙට සිට ඉන්ධන නිකුත් කරන බව ලංකා ඛනිජ තෙල් නීතිගත සංස්ථාව සඳහන් කරයි.

තෙල් මිල වැඩිවිම හරහා සංස්ථාවට ලාභයක් ලැබෙන බවත් එම ලාභය වැඩිවීම ලබන ඉන්ධන ගැලපීමට සලකා බලන බව ජනපතිවරයා පැවැසීය. මීළඟ තෙල් මිල ගැලපිමේදි විශාල වශයෙන් තෙල් මිල ඉහළ ගියහොත් තෙල් සඳහා අයකරන බද්ද අඩු කිරීමට කටයුතු කරන බව ඔහු පැවැසීය. කොළඹදී විශේෂ මාධ්‍ය සාකච්ඡාවකට එක්වෙමින් ඔහු මේ බව පැවැසීය.

දැනට ටැංකි වල හා ඇණවුම් කර ඇති ඉන්ධන පිළිබඳව සලකා බැලීමේදී සංචිතය ප්‍රමාණවත් වන කාලසීමාවන් පිළිබඳව කැබිනට් ප්‍රකාශක අමාත්‍ය නලින්ද ජයතිස්ස මහතා අදහස් දැක්වීය.

මැද පෙරදිග කලාපයේ පවතින යුද ගැටුම් හේතුවෙන් ඉදිරියේදී මතුවිය හැකි ඉන්ධන සැපයුම් ගැටලුවට මුහුණදීම සඳහා, නැවත දැනුම් දෙන තුරු සතියේ සෑම බදාදා දිනක්ම රජයේ විශේෂ නිවාඩු දිනයක් ලෙස ප්‍රකාශයට පත් කරන බව අත්‍යවශ්‍ය සේවා කොමසාරිස් ජනරාල් ප්‍රභාත් චන්ද්‍රකීර්ති මහතා පැවසීය.

ඒකාබද්ධ අලුත් අවුරුදු නැකැත් සීට්ටුවක් ප්‍රකාශයට පත්කිරීමට එකඟතාවය හිමි වූ බව බුද්ධශාසන, ආගමික සහ සංස්කෘතික කටයුතු අමාත්‍ය ආචාර්ය හිනිඳුම සුනිල් සෙනවි මහතා පවසයි.

මැදපෙරදිග පවතින යුදමය තත්ත්වය හේතුවෙන් දිනෙන් දින ඉන්ධන සැපයුම් මාර්ග අඩපන වෙමින් තිබීමත් රට තුළ ඉන්ධන ඉල්ලුම අසාමාන්‍ය ලෙස ඉහළ යමින් තිබීම හේතුවෙන් රට තුළ පවතින ඉන්ධන සංචිත ප්‍රවේශම් කරගතව යුතුව ඇති බැවින් ඉන්ධන ලබා ගැනීම සඳහා නැවත QR කේතය ක්‍රියාත්මක කිරීමට රජය තීරණය කර තිබේ.

ගල් අගුරු ආනයනය කිරිම සදහා ඉකුත් වර්ෂයේ (2025) ඇමරිකානු ඩොලර් මිලියන 206.6ක මුදලක් වැයකොට තිබු අතර එය 2024 වර්ෂයට සාපේක්ෂව සියයට 34.9ක පමණ අඩුවිමක් බව ශ්‍රිලංකා මහ බැංකුව විසින් නිකුත්කොට ඇති වාර්තාවක සදහන් වේ.

ශ්‍රී ලන්කන් ගුවන් සමාගමේ හිටපු ප්‍රධාන විධායක නිලධාරී කපිල චන්ද්‍රසේන මහතා අල්ලස් හෝ දූෂණ විමර්ශන කොමිෂන් සභාව මගින් අත්අඩංගුවට ගෙන තිබේ.

ලාෆ් ගෘහස්ථ ගෑස් මිල අද (11) මධ්‍යම රාත්‍රියේ සිට ක්‍රියාත්මක වන පරිදි ඉහළ දැමූ බව එම සමාගම අද (11) රාත්‍රී නිවේදනය කළේය.

ඊයේ (10) මධ්‍යම රාත්‍රියේ සිට බලපැවැත්වෙන පරිදි ලිට්‍රෝ ගෑස් මිල රු. 300කින් ඉහළ දැමූ බව ලිට්‍රෝ සමාගම නිවේදනය කර තිබේ.

ලංකා ඛනිජතෙල් නිතිගත සංස්ථාවේ ශුද්ධලාභය ඉකුත් වර්ෂයේ (2025) පළමු මාස අට තුලදි රුපියල් බිලියන 22.1 දක්වා සියයට 19කින් අඩුවි ඇති බැව් මුදල් ක්‍රමසම්පාදන හා ආර්ථික සංවර්ධන අමාත්‍යංශය විසින් නිකුත් කොට ඇති අයවැය ආර්ථික සහ මුල්‍ය තත්ත්වය පිළිබද වාර්තාවේ සදහන් වේ.

ඒ අනුව ලංකා සුදු ඩීසල් ලීටරයක මිල රුපියල් 22 කින් ඉහළ දමා ඇති අතර නව මිල රු. 303 ලංකා සුපිරි ඩීසල් ලීටරයක මිල රුපියල් 24 කින් ඉහළ දමා ඇති අතර නව මිල රු. 353 ඔක්ටේන් 92 පෙට්‍රල් ලීටරයක මිල රුපියල් 24 කින් ඉහළ දමා ඇති අතර නව මිල රු. 317 ඔක්ටේන් 95 පෙට්‍රල් ලීටරයක මිල රුපියල් 25 කින් ඉහළ දමා ඇති අතර නව මිල රු. 365 භූමිතෙල් ලීටරයක මිල රුපියල් 13 කින් ඉහළ දමා ඇති අතර නව මිල රු. 195 කි.

ලබන අප්‍රේල් 15 වන දින සිට බලපැවැත්වෙන පරිදි, ශ්‍රී ලංකා ක්‍රිකට් ජාතික කණ්ඩායමේ කණ්ඩායමේ නව ප්‍රධාන පුහුණුකරු ලෙස හිටපු දකුණු අප්‍රිකානු ක්‍රිකට් ක්‍රීඩක ගැරී කර්ස්ටන් පත් කර තිබේ.

රුපියල් මිලියන 243.8ක නීතිවිරෝධි වත්කම් ඉපැයීමේ චෝදනාවක් සම්බන්ධයෙන් සිදුකෙරෙන විමර්ශනයකට අදාළව අල්ලස් කොමිසම මඟින් අත්අඩංගුවට ගෙන අධිකරණයට ඉදිරිපත් කළ හිටපු පාර්ලිමේන්තු මන්ත්‍රී සජින් වාස් ගුණවර්ධන මහතා මාර්තු 24 වනදා දක්වා රක්ෂිත බන්ධනාගාරගත කර තිබේ.

ඉරාන උත්තරීතර සභාව විසින් තම රටේ නව අධ්‍යාත්මික නායකයා ලෙස හිටපු අධ්‍යාත්මික නායක අයතුල්ලා අලි කමේනිගේ පුත් මොජ්තාබා කමේනි තෝරාගෙන ඇති බව ජාත්‍යන්තර මාධ්‍ය වාර්තා කරයි.

නොරොච්චෝලේ “ලක්විජය” බලාගාරය ආශ්‍රිතව ගල් අඟුරු සැපයීම ඇතුළු විවිධ ගැටලු මතු වී ඇති බවත් ඒ නිසා ඉදිරියේදී විශේෂයෙන්ම අප්‍රේල් මාසය වන විට විදුලිබල කප්පාදුවකට යාමට සිදුවන බවට වාර්තා වන පුවත් නොමග යවන සුළු හා සාවද්‍ය පුවත් බව බලශක්ති අමාත්‍යාංශය කියයි.

ඉරානයට අයත් ‘IRIS Bushehr’ නෞකාව ත්‍රිකුණාමලය වරාය වෙත ගෙන ඒමට කටයුතු කරන බව ජනාධිපති අනුර කුමාර දිසානායක මහතා පවසයි. එසේම එම නෞකාවේ කාර්ය මණ්ඩලය කොළඹ වරායට ගෙන එන බවද ඔහු කීය

2025 වසර තුළ මෙරට වන අලීන් 455කු මිනිස් ක්‍රියාකාරකම් හා අනෙකුත් හේතුන් මත මරණයට පත්ව ඇති බවත්, ඒ අතර ඇතුන් හත් දෙනෙකු සිටින බව වනජීවී සංරක්ෂණ දෙපාර්තමේන්තුව පවසයි.

ශ්‍රී ලංකාවට ඔබ්බෙන් වූ ඉන්දියානු සාගරයේදී විනාශ කළ ඉරාන නෞකාව සම්බන්ධයෙන් ඇමෙරිකා ආරක්ෂක ලේකම් පිට් හෙග්සෙත් අද පැවැති මාධ්‍ය හමුවකදී අදහස් දැක්වීය.

ලංකා මුහුදු තීරයට ඔබ්බෙන් ගමන් කරමින් තිබියදී අනතුරට පත්වූ ඉරාන නාවික හමුදාවට අයත් නෞකාවේ සිටි පුද්ගලයන් 32ක් බේරාගැනීමට හැකිවූ බව නාවික හමදාව පවසයි.

ඕනෑම යුද ගැටුමක් කිසිදු ජන කණ්ඩායමකට හිතකර තත්ත්වයක් නිර්මාණය නොකරන බවයි අද (03) පාර්ලිමේන්තුවේදී මැදපෙරදිග යුදමය තත්ත්වය පිළිබඳ රජයේ ස්ථාවරය ප්‍රකාශ කරමින් ජනාධිපතිවරයා සඳහන් කළේ.