ව්‍යසන තත්වය හමුවේ ජාතික රුධිර සංචිත පවත්වා ගැනීමට ගණනින් වැල නොකැඩී පැමිණ රුධිරය පරිත්‍යාග කල සැමට සෞඛ්‍ය හා ජනමාධ්‍ය අමාත්‍යාංශයේ ස්තුතිය .

වලංගු බල පත්‍රයක් නොමැතිව මගීන්ගෙන් වැඩිපුර මුදල් අය කර නුවරඑලියේ සිට මහනුවර දක්වා ධාවනය වු පෞද්ගලික බස් රථයේ රියදුරා අධිකරණ හමුවට.

ලංකා සීනි සමාගමට අයත් පැල්වත්ත සීනි කර්මාන්තායතනයට නව මෙහෙයුම් අමාත්‍යංශය පියවර ගෙන ඇත. දැනට මොනරාගල සහකාර පළාත් පාලන කොමසාරිස් වරයා ලෙස කටයුතු කළ ප්‍රසන්න විජේසේකර මහතා මෙසේ (02) වෙනිදා සිට එම ධූරයට පත්කර තිබේ.

පුද්ගලයින් 239 දෙනෙකු සමඟ වසර 11ට පෙර අතුරුදන් වූ මැලේසියානු ගුවන් සේවයට අයත් MH370 ගුවන් යානය සෙවීම නැවත ආරම්භ කිරීමට කටයුතු කරන බව මැලේසියානු බලධාරීන් සඳහන් කර තිබේ.

කොත්මලේ ප්‍ර දේශයේ අවතැන් වූ ජනතාව වෙනුවෙන් ආහාර ද්‍රව්‍ය සහ ඖෂධ ශ්‍රී ලංකා ගුවන් හමුදාවේ MI17 හෙලිකොප්ටර් යානයකින් බෙදා හරින අයුරු අප කැමරාවේ සටහන් විය.

අයහපත් කාලගුණය හේතුවෙන් ආපදාවට ලක්වූ බදුල්ලේ පළාත් මාර්ගවලින් 165න් 111ක් ගමනාගමනයට විවෘත කර අවසන් බව මහාමාර්ග අමාත්‍යාංශය පවසයි.

ශ්‍රී ලංකා වෙරළාරක්ෂක බලකාය ඊයේ (02දා) බේරුවල ලයිට් හවුස් දූපතේ සිදු කරන ලද විශේෂ සෝදිසි මෙහෙයුමකදී අයිස් මත්ද්‍රව්‍ය කිලෝ හතරකට (04) වැඩි ප්‍රමාණයක් සොයා ගන්නා ලදී. මෙම මෙහෙයුමේදී අත්අඩංගුවට ගත් මත්ද්‍රව්‍ය තොගයේ දළ වීදි වටිනාකම රුපියන් මිලියන හැට අට (68) ඉක්මවයි. අත්අඩංගුවට ගත් මත්ද්‍රව්‍ය වැඩිදුර පරීක්ෂණ සඳහා කොළඹ පොලිස් මත්ද්‍රව්‍ය කාර්යාංශයට භාර දෙන ලදී.

වැලිමඩ මස්පැන්න අතර ධාවනය වන මගී බස් රථ හතරක් රොන් මඩ සහිත පස්වලින් වැසී දැඩි හානි වී තිබියදී අද 02 හමුවූ බව ආපදා මුදවා ගැනීමේ නිලධාරීහු පැවසූහ.

ජාත්‍යන්තර සංචාරකයන් 2,300 ක පිරිසක් රැගත් සුඛෝපභෝගී නෞකාවක් ඊයේ කොළඹ වරායට පැමිණියේය. පසුගිය සතියේ ස්වාභාවික ව්‍යසනයෙන් පසු වැඩිම සංචාරකයන් ප්‍රමාණයක් ලංකාවට පැමිණි පළමු අවස්ථාව මෙය වෙයි. ශ්‍රි ලංකා‌වේ සංචාරය කිරීම ආරක්ෂිත, විවෘත බව මේ හරහා පණිවිඩයක් ලබා දෙන බව සංචාරක සංවර්ධන අධිකාරිය කියයි.

සුළි කුණාටුව නිසා සිදුවූ විදුලි බිඳ වැටීම්වලින් සියයට 70කට ආසන්න ප්‍රමාණයක් මේ වන විට යථා තත්ත්වයට පත්කර ඇති බවත් රන්ටැඹේ සිට මහියංගනය දක්වා විදුලිය රැගෙන යන කිලෝ වොට් 132 අයත් කුළුණක් හා රැහැන් පද්ධතියට සිදුවූ හානිය හේතුවෙන් නැගෙනහිර විදුලි සැපයුම තදබල ලෙස බිඳ වැටී ඇති බවත් බලශක්ති අමාත්‍ය කුමාර ජයකොඩි මහතා පවසයි.

දිවයිනට බලපෑ ආපදා තත්ත්වය හමුවේ ජීවිත අහිමි වූ පුද්ගලයන්ට ගෞරව කිරීමක් ලෙද අද (03දා) පාර්ලිමේන්තුව විනාඩියක නිශ්ශබ්දතාවයක නිරත විය.

උතුරු, උතුරුමැද හා නැගෙනහිර පළාත්වලත් බදුල්ල හා මාතලේ දිස්ත්‍රික්කවලත් පස්වරු 2.00න් පමණ පසුව තැනින් තැන වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව කියයි.

ගංවතුර කෙමෙන් බැස යාම සමග ඉතිරි වූ ප්ලාස්ටික්,පොලිතින්,කුඩා භාජන හා අනෙකුත් ජලය රැඳෙන ස්ථාන අශ්‍රිතව මදුරුවන් බෝ වීම සිදුවිය හැකි බව සෞඛ්‍ය හා ජනමාධ්‍ය අමාත්‍යාංශයේ ජාතික ඩෙංගු මර්දන ඒකකය පෙන්වා දෙයි.

දිට්වා සුළි කුණාටුව හේතුවෙන් පීඩාවට පත්ව ඇති මිලියන 1.4 ක ජනතාව අතර ළමුන් 275,000 කට වැඩි පිරිසක් සිටින බව පෙනී යන බවත් සන්නිවේදන කටයුතු අඩාල වීම සහ ප්‍රවේශ මාර්ග අවහිර වීම හේතුවෙන් සැබෑ සංඛ්‍යාව ඊටත් වඩා වැඩි විය හැකි බවත් යුනිසෙෆ් ආයතනය නිවේදනය කරයි.

දිට්වා කුණාටුව සමඟ පැවැති අධික වර්ෂාව හේතුවෙන් කඳුකර ප්‍රදේශවල පොළොවේ පහළ පස් තට්ටු ජලයෙන් සන්තෘප්ත වී ඇති බැවින් දැනටම බොහෝ ස්ථානවල පොළොවෙහි ඉරිතැලීම් ඇතිවන නිසාත් ඉදිරි දින කිහිපයේ තද වැසී ඇති වුවහොත් නැවතත් දැඩි අවධානමක් මතුවිය හැකි බැවින් කඳුකරයේ අවධානම් කලාපවල ජීවත්වන පිරිස් දැඩි විමසිල්ලෙන් සිටිය යුතු බව ජාතික ගොඩනැගිලි පර්යේෂණ සංවිධානය ජනතාවගෙන් ඉල්ලා සිටී.

ඇතිවූ හදිසි ආපදා තත්ත්වය හේතුවෙන් දුම්රිය බලවේග කට්ටල 39ක් කොළමට රැගෙන ඒමට නොහැකිව දුම්රිය ස්ථාන කිහිපයකම නවතා ඇති බවත් මේ අතර කාර්යාල දුම්රිය වෙනුවෙන් යොදවා ඇති දුම්රිය බලවේග කට්ටල 18ක් ඇති බවත් දුම්රිය ස්ථානාධිපතිවරුන්ගේ සංගමය පවසයි. මේ අනුව දුම්රිය මගීන් දැඩි පිඩාවට පත්ව ඇති බවත් ප්‍රධාන මාර්ගයේ බුජ්ජොමුව දුම්රිය ස්ථානය අසළ සිදුව ඇති මාර්ගය කැඩීයාම හා හලාවත මාර්ගයේ දුම්රිය මාර්ගය පිළිසකර කිරීමෙන් පසුව දුම්රිය බලවේග කට්ටල කිහිපයක් ධාවනයට එක්කර

දකුණු කොරියාවේ කෘෂිකාර්මික අංශයේ රැකියා ලබාදෙන බව පවසා රුපියල් කෝටියකට අධික මුදලක් වංචාකළ පුද්ගලයෙකු ශ්‍රි ලංකා විදේශ සේවා නියුක්ති කාර්යාංශයේ විශේෂ විමර්ශන අංශයේ පොලිස් ඒකකයේ නිළධාරීන් විසින් ඊයේ දින (12/01) අත්අඩංගුවට ගන්නා ලදී.

මහනුවර දිස්ත්‍රික්කයේ අත්‍යාවශ සේවා සැපයුම් ඉදිරි දින දෙකක් තුල යථා තත්වයට පත් කිරීමට හැකි වන බව ප්‍රවාහන සහ මහාමාර්ග නියෝජ්‍ය අමාත්‍ය වෛද්‍ය ප්‍රසන්න ගුණසේන මහතා පවසයි.

කදපොළ ප්‍රදේශයට ඇදහැලුණු අධික වර්ෂාව හේතුවෙන් කදපොල චන්දිරිගම නායයැමකින් අතුරුදහන් වූ මව, දරුවන් දෙදෙනා සහ දරුවන් දෙදෙනාගේ මිත්තනිය සොයා නුවරඑලිය සිංහ රෙජිමේන්තුවේ භට පිරිසි විසින් (01) දින මෙහෙයුමක් දියත් කලහ.

වයඹ පළාතට අයත් පුත්තලම දිස්ත්‍රීක්යේ කරුවලගස්වැව ප්‍රාදේශීය ලේකම් කොට්ඨාසය තුළ පිහිටි මහාවාරි ගොවි ජනපදයක් වන නීලබැම්ම ව්‍යාපාරයට පසුගියදා කලාඔය පිටාර ගැළීමෙන් ඇතිවූ මහා ගංවතුනේ සිදුවූ විනාශයේ තරම කොතෙක්ද යත් මුළු ව්‍යාපාරයේම මෙවර මහ කන්නයේ වගාකර තිබූ කුඹුරු ඇතුළු වගා අක්කර දෙදහසක් පමණ හා නිවාස රැසක් බිමටම සමතලාවී ඇතැයි නීලබැම්ම නේවාසික ව්‍යාපාර කළමනාකරු එච්.එම්.දිසානායක මහතා කලාඔය හරස්කර බැඳි අමුණේ සිට යෝධ ඇළ ඔස්සේ පැය විසිහතර පුරාම වගාබිම් වෙත

ඉදිරි දින කිහිපයේදී දිවයින හරහා ඊසාන දිග මෝසම් තත්ත්වය ක්‍රමයෙන් ස්ථාපිත වෙතැයි අපේක්ෂා කරන බව කාලගුණ විද්‍යා දෙපාර්තමේන්තුව පවසයි.

ශ්‍රී ලංකාව මුහුණ දී ඇති ආපදා තත්වයෙන් පීඩාවට පත් වී සිටින මෙරට ජනතාව වෙත ලබා දීම සදහා එක්සත් අරාබි එමීර් රාජ්‍යය විසින් ආධාර රැගත් පළමු ගුවන් යානය 12/02 දින අලුයම 12.00 ට කටුනායක ගුවන් තොටුපොළ වෙත එවා තිබුණි.

අධ්‍යයන පොදු සහතික පත්‍ර උසස් පෙළ විභාගයේ ඉතිරි විෂයන් 2026 ජනවාරි මස මුල දී... අපදාවන්ට ලක්නොවූ පළා‍ත් සහ දිස්ත්‍රික්කවල පාසල් දෙසැම්බර් 16 වැනි දින ඇරඹේ... ආපදාවන්ට ලක් නොවූ විශ්වවිද්‍යාල, ජාතික අධ්‍යාපන විද්‍යා පීඨ සහ වෘත්තීය අධ්‍යාපන ආයතන දෙසැම්බර් මස 08 වැනි දින ආරම්භ කෙරේ...

රටට බලපෑ අයහපත් කාලගුණික තත්ත්වය මත රාජ්‍ය ආයතන අතුරින් වැඩිම හානිය සිදුව ඇත්තේ දුම්රිය දෙපාර්තමේන්තුවට බව දුම්රිය ස්ථානාධිපතිවරුන්ගේ සංගමය නිවේදනය කරයි.

හිටපු අමාත්‍ය සී. බී. රත්නායක මහතා අල්ලස් හෝ දූෂණ විමර්ශන කොමිෂන් සභාව විසින් අත්අඩංගුවට ගෙන ඇත. විමර්ශනයකට අදාළව ප්‍රකාශ ලබා ගැනීම සඳහා ඔහුව අද (02) පෙරවරුවේ අල්ලස් හෝ දූෂණ විමර්ශන කොමිෂන් සභාවට කැඳවීමෙන් අනතුරුව මෙම අත්අඩංගුවට ගැනීම සිදුකර තිබේ.

පසුගියදා ඇති වූ ඇතිවූ නායාමයෑම නිසා උලපනේ ගඩොල් බෝක්කුව ප්‍රදේශයේ සිදුවූ අනතුරෙන් දිවි අහිමි වූ හා මෙතෙක් සොයා ගැනීමට නොහැකිව අතුරුදහන් වුවත් වෙනුවෙන් සර්ව ආගමික වතාවත් සිදුකිරීම (01) දින එම ස්ථානයේදී පැවැත්වුනා.

පාසල් ආරම්භ කරන දිනයේ මේ දක්වා වෙනසක් සිදුකර නොමැති බව අධ්‍යාපන අමාත්‍යාංශය පවසයි. පාසල් නිවාඩු කාලයෙන් අනතුරුව නැවත පාසල් ආරම්භ කිරීමට තිබුණේ දෙසැ 8 දා වුවත් පසුව බලපෑ අයහපත් කාලගුණය හේතුවෙන් එම දිනය දෙසැම්බර් 16 දා තෙක් කල්දැමුණි. දෙසැම්බර් 16දා පාසල් නැවත ආරම්භ කරන දිනයේ වෙනසක් නොමැති බව අධ්‍යාපන අමාත්‍යාංශය නිවේදනය කරයි.

හිටපු අමාත්‍ය සී. බී. රත්නායක මහතා අද (02දා) පෙරවරුවේ අල්ලස් හෝ දූෂණ චෝදනා විමර්ශන කොමිෂන් සභාව හමුවට පැමිණි තිබේ.

දිට්වා සුළි කුණාටුවත් සමග ඇති වූ ආපදා තත්ත්වය හේතුවෙන් මෙරට නිවාස 432කට පූර්ණ හානි සිදුව ඇති බව ආපදා කළමනාකරණ මධ්‍යස්ථානය සඳහන් කරයි.