හැටන් නගරයෙ සැරිසරන යාචකයකන්ව හැටන් පොලිසියේ නිළධාරින් විසින් (25) දින අල්ලා පොලිසිය වෙත රැගෙන ගොස් ආදර්ශමත් ක්‍රියාවක් සිදු කරනු ලැබූහ.

නාල්ල පොලිස් අසමට අයත් තලහේන වත්ත ප්‍රදේශයේදී අද 25 අලුයම සොරකම් කරන ලද ගවයන් 05 ක් ප්‍රවාහනය කළ ලොරි රථයක් පොලිස් අණ නොතකා ධාවනය කිරීම හේතුවෙන් පොලිසිය විසින් සිදු කළ වෙඩිතැබීමේදී ලොරි රථයේ රියදුරු තුවාල ලබා සීදූව රෝහලට ඇතුළත් කිරීමෙන් අනතුරුව වැඩිදුර ප්‍රතිකාර සඳහා කොළඹ ජාතික රෝහල වෙත මාරු කර යවා ඇති බව නාල්ල පොලිසිය කියයි.

කතෝලික පියතුමෙකුට පහරදුන් බව කියන සිද්ධිය සම්බන්ධයෙන් අත්අඩංගුවටගත් ගම්පහ කොට්ඨාස අපරාධ විමර්ශන කාර්යංශයේ පොලිස් නිලධාරීන් හයදෙනා හෙට (26දා) දක්වා රක්ෂිත බන්ධනාගාරගත කිරීමට ගම්පහ මහෙස්ත්‍රාත්වරයා නියෝග කර තිබේ.

දිවයින පුරා රජයේ රෝහල්වල හෙට (26දා) පෙරවරු 8 සිට අඛණ්ඩ වෘත්තීය සමිති ක්‍රියාමාර්ගයක් ආරම්භ කිරීමට තීරණය කළ බව රජයේ වෛද්‍ය නිලධාරීන්ගේ සංගමයේ ලේකම් වෛද්‍ය ප්‍රභාත් සුගතදාස මහතා පැවසීය.

ඉන්දුනීසියාවේ බටහිර ජාවා පළාතේ සිදු වූ නාය යාම හේතුවෙන් ජීවිතක්ෂයට පත් වූ සංඛ්‍යාව 10 දක්වා ඉහළ ගොස් තිබේ.

අම්පාර, දෙහිඅත්තකණ්ඩිය සීමා සහිත විවිධ සේවා සමුපකාර සමිතියේ බලය සමගි ජන බලවේගය ප්‍රමුඛ පොදු විපක්ෂයට හිමිව තිබේ.

2024 වසරට සාපේක්ෂව 2025 වසරේ හක්ගල ජාතික උද්භිද උද්‍යානයේ වාර්ෂික ආදායම රුපියල් විසි ලක්ෂ විසි නව දහස් එක සිය අසු තුනකින් (20,29,183) පහත බැස තිබේ.2025 වසරේ හක්ගල උද්භිද උද්‍යානයේ වාර්ෂික ආදායම රුපියල් දහ අට කෝටි අසු හතර ලක්ෂ හැත්තෑ අට දහස් නවසිය එකක් (18,84,78,901) බවත්, 2024 වසරේදී උද්‍යානයේ වාර්ෂික ආදායම ලෙස රුපියල් දහනව කෝටි පන්ලක්ෂ අටදහස් අසු හතර දහසක (19,05,08,084) මුදලක් ලැබී ඇති බව ජාතික උද්භිද උද්‍යාන දෙපාර්තමේන්තුව පවසයි.

අත්අඩංගුවට ගැනීම සදහා ජාත්‍යන්තර රතු නිවේදන නිවේදන නිකුත් කර තිබූ , සංවිධානාත්මක අපරාධකරුවෙකු වන හේවාපේඩිගේ දිනූෂ චතුරංග නොහොත් කෙසෙල්වත්තේ දිනූක ඉන්දියාවේ සිට විශේෂ පොලිස් නිලධාරීන් කණ්ඩායමක් විසින් 01/24 දින සවස කටුනායක ගුවන් තොටුපොළ වෙත රැගෙන විත් ගුවන් තොටුපොළ අපරාධ පරීක්ෂණ දෙපාර්තමේන්තු නිලධාරීන් වෙත භාර දී තිබේ .

රුපියල් දහ තුන් කෝටි තිස් නව ලක්ෂ හතලිස් දහසක් වටිනා ’’ කුෂ්’’ සහ ’’ හෂීෂ්’’ මත්ද්‍රව්‍ය තොගයක් කටුනායක ගුවන් තොටුපොළ වෙත රැගෙන විත් , ඒවා ගුවන් තොටුපොළ පැමිණීමේ පර්යන්තයේ කිසිවක් ප්‍රකාශ කිරීමට නොමැති ’’ හරිත මාවත ’’ ( Green Channel ) ඔස්සේ පිට කර ගෙන යාමට තැත් කළ ගුවන් මගීන් තිදෙනකු 01/25 දින අලුයම , ගුවන් තොටුපොළ රේගු නිලධාරීන් සහ රේගු මත්ද්‍රව්‍ය පාලන අංශයේ නිලධාරීන් පිරිසක් විසින් අත් අඩංගුවට ගෙන තිබේ .

රුපියල් අට කෝටි විසි දෙලක්ෂයක් වටිනා ’’ කුෂ්’’ මත්ද්‍රව්‍ය තොගයක් , මෙරටට රැගෙන විත් , ඒවා කටුනායක ගුවන් තොටුපොළෙන් පිට කර ගෙන යමින් සිටි ශ්‍රී ලාංකික ගුවන් මගියෙකු 01/25 දින ගුවන් තොටුපොළ පොලිස් මත්ද්‍රව්‍ය කාර්යාංශයේ නිලධාරීන් පිරිසක් විසින් අත් අඩංගුවට ගෙන තිබේ .

මෙම වසරේ රාජ්‍ය වෙසක් උත්සවය මැයි මස 30 වැනිදා පැවැත්වීමට තීරණය කළ බව රාජ්‍ය පරිපාලන, පළාත් සභා හා පළාත් පාලන අමාත්‍ය මහාචාර්ය චන්දන අබේරත්න මහතා මල්වතු සහ අස්ගිරි මහානාහිමිවරුන් දැනුවත් කර තිබේ.

පුද්ගල පහරදීමක් සම්බන්ධයෙන් සමත මණ්ඩලයේදී විභාගවූ පැණිල්ලක් සමතකරණය කිරීමේදී ඇතිකර ගත් එකඟතාවයට අනුව විත්ති පාර්ශවය විසින් තමන්ට ගෙවිය යුතු රුපියල් පනස් දහසක මුදලක් මෙතෙක් ගෙවා නැතැයි කියමින් පුද්ගලයෙක් අද (24) පෙරවරුවේ සාලියවැව අලුත්ගම ශ්‍රී ලුම්බිණි විහාරස්ථානය පරිශ්‍රයේ පිහිටි දිවුල් ගසකට නැග විරෝධාවයක නිරත විය.

පෙබරවාරි මාසයේ පළමු පාර්ලිමේන්තු සතියට අදාළ පාර්ලිමේන්තු කටයුතු කථානායක වෛද්‍ය ජගත් වික්‍රමරත්න මහතාගේ ප්‍රධානත්වයෙන් පැවති පාර්ලිමේන්තු කටයුතු පිළිබඳ කාරක සභා රැස්වීමේදී තීරණය වූ බව පාර්ලිමේන්තුවේ මහලේකම් කුෂානි රෝහණදීර මහත්මිය පැවසුවාය.

ලංකා විදුලිබල මණ්ඩලය ප්‍රතිව්‍යුහගත කිරීමේ වැඩ පිළිවෙල අඛණ්ඩව ක්‍රියාත්මක වෙමින් එහි අවසන් අදියරට ලඟා වෙමින් පවතින බව ලංකා විදුලි බල මණ්ඩලය පවසයි.

ඇඹිලිපිටිය හා මහනුවර තියුණු ආයුධවලින් පහරදී ඝාතන දෙකක්

ඉන්දීය අග්‍රාමාත්‍ය නරේන්ද්‍ර මෝදී මහතාගේ මැදිහත්වීම යටතේ, ඉන්දීය රජයේ පූර්ණ අනුග්‍රහයෙන් මෙරටට වැඩම කරවීමට නියමිත ‘ශ්‍රී සර්වඥ ධාතුන් වහන්සේ වන්දනාව’ සඳහා විශේෂ ආරක්ෂක වැඩපිළිවෙලක් ක්‍රියාත්මක කරන බව කොළඹ දිසාව භාර නියෝජ්‍ය පොලිස්පති ජී. නිශාන්ත ද සොයිසා මහතා පවසයි.

​මේ දිනවල දිවයිනේ බොහෝ ප්‍රදේශවලින් ගොයම් කහවීමේ තත්ත්වයක් වාර්තා වන අතර, මේ සඳහා ප්‍රධාන වශයෙන් වටපණු හානිය සහ පෝෂණ ඌනතා බලපා ඇති බව නාච්චාදූව කෘෂිකර්ම උපදේශක කාර්යාලය පවසයි. මෙම තත්ත්වය හේතුවෙන් වගාවන් දුඹුරු පුල්ලි දිලීර රෝගයට පාත්‍රවීමේ වැඩි ප්‍රවණතාවක් පවතින බවද නිරීක්ෂණය වී ඇත.

දිට්වා සුළි කුණාටුවෙන් පසු රට යළි ගොඩනැංවීම සඳහා රජය විසින් ආරම්භ කළ Rebuilding Sri Lanka අරමුදල වෙත ශ්‍රී ලාංකික ව්‍යාපාර ආයතන සහ පුරවැසියන් විසින් මේ වන විට පරිත්‍යාග කර ඇති මුදල රුපියල් බිලියන 8.5 සීමාවද ඉක්මවා ගොස් ඇති බව මුදල් අමාත්‍යාංශ ලේකම් හර්ෂණ සූරියප්පෙරුම මහතා සඳහන් කළේය.

දිත්වා නිසා ආපදාවට ලක්වූ කුඩා හා මධ්‍ය පරිමාණ්‍ ව්‍යාපාරිකයන් වෙනුවෙන් ලබාදෙන සහන ඳපිළිබව නව චක්‍ර ලේඛයක් මුදල් හා ක්‍රමසම්පාදන අමාත්‍යාංශය විසින් නිකුත් කර තිබේ.

නීතිපතිවරයාගේ පමණක් නොව රජය යටතේ ඕනෑම ආයතනයක ස්වාධීනත්වය ආරක්ෂා කරන බව ස්ථාවර නියෝග 27/2 යටතේ විපක්ෂ නායක සජිත් ප්‍රේමදාස මහතා විසින් පාර්ලිමේන්තුවේදී අද (23) අසන ලද ප්‍රශ්නයට පිළිතුරු ලබා දෙමින් අධිකරණ සහ ජාතික ඒකාබද්ධතා අමාත්‍ය නීතිඥ, හර්ෂණ නානායක්කාර මහතා පැවැසීය.

විදුලි සංදේශ නියාමන කොමිසමේ හිටපු අධ්‍යක්ෂ ජෙනරාල් හා හිටපු අමාත්‍යාංශ ලේකම්වරයෙකද වූ අනූෂ පැල්පිට මහතා ලබන මස හයවැනිදා දක්වා රක්ෂිත බන්ධනාගාර ගත කර තිබේ. අල්ලස් කොමිසම විසින් අත්අඩංගුවට සැකකාර අනූෂ පැල්පිට මහතා කොළඹ මහේස්ත්‍රාත් අධිකරණය වෙත ඉදිරිපත් කිරීමෙන් අනතුරුව මෙසේ ඔහුව රක්ෂිත බන්ධනාගාර ගත කරනු ලැබීය.

සමාරම්භක උත්සවය සෞඛ්‍ය හා ජනමාධ්‍ය අමාත්‍යවරයාගේ ප්‍රධානත්වයෙන් කළුතර කණන්විල සහ හීනටියන්ගල දී. මෙරට ජීවත්වන ජනතාවට ගෞරවයෙන් හා අභිමානයෙන් යුතුව ‌සෞඛ්‍ය සේවා රැකවරණ පද්ධතියේ ප්‍රශස්ත ප්‍රතිලාභ වඩාත් සමීපව භුක්ති විදීමේ අයිතිය තහවුරු කිරීම උදෙසා දිවයින පුරා ආරෝග්‍යා සුවතා මධ්‍යස්ථාන දහසක් පිහිටුවීමේ වැඩසටහනේ නියමු ව්‍යාපෘතියේ දෙවන අදියර යටතේ මධ්‍යස්ථාන 42 ක් ජනතා අයිතියට පත් කිරිම ලබන 24 දින දිවයින පුරා දිස්ත්‍රික්ක 21 දී සිදු කෙරේ.

හිටපු අමාත්‍යාංශ ලේකම්වරයකු වූ අනූෂ පැල්පිට මහතා අල්ලස් හෝ දූෂණ විමර්ශන කොමිසම මගින් අද අත්අඩංගුවට ගත්තේය. රුපියල් කෝට් 4කට අධික අයථා වත්කම් ඉප වූයේ යැයි කියන චෝදනාවකට අදාළව සැකකරු අත්අඩංගුවට ගත්තේය. අනූෂ පැල්පිට මහතා අද දින කොළඹ ප්‍රධාන මහේස්ත්‍රාත්වරයා හමුවට ඉදිරිපත් කිරීමට නියමිතය.

E- ග්‍රාම නිලධාරි ව්‍යාපෘතිය සදහා 2024 වර්ෂය තුල රුපියල් මිලියන 1,150ක මුදලක් වෙන්කර තිබුණද එම මුදලින් ව්‍යාපෘතියේ අරමුණු සදහා වැයකොට ඇත්තේ රුපියල් මිලියන 117ක මුදලක් බැව් විගණකාධිපතිවරයා විසින් නිකුත්කොට ඇති වාර්ෂික විගණන වාර්තාවේ සදහන් වේ.

මෙරට රබර් නිෂ්පාදනය ඉකුත් වර්ෂයේ (2025) ජනවාරි මස සිට නොවැම්බර් මස දක්වා වු මාස 11ක කාලය තුලදි කිලෝග්‍රැම් මිලියන 61.5ක දක්වා සියයට 4.9කින් පහත වැටි ඇති බැව් ශ්‍රිලංකා මහබැංකුව විසින් නිකුත්කොට ඇති වාර්තාවක සදහන් වේ.

රජයේ වෛද්‍ය නිළධාන්ගේ සංගමය විසින් ඉල්ලීම් කිහිපයක් මුල් කරගෙන (23) දින ආරම්භ කල සංකේත වැඩ වර්ජනය හේතුවෙන් රෝගීන් දැඩි ලෙස පීඩාවට පත් වී ඇත.

වසර 17කට ආසන්න කාලයකට පසුව නුවරඑළිය නගර සීමාව අභයවල පට්ටිපොළ ලෝකාන්තය ඇතුළු ප්‍රදේශවලට සෙල්සියස් අංසක 05ට අඩු දැඩි සීතලක් සහිතව සෙන්ටිමීටරයක පමණ උසකින් සුදු වර්ණයෙන් මල් තුහින පතිත වී තිබීම අද (23) උදෑසන දක්නට ලැබින.

අද සවස් කාලයේ සිට උතුරු, උතුරු-මැද, නැගෙනහිර පළාත්වලත් මාතලේ සහ නුවරඑළිය දිස්ත්‍රික්කවලත් විටින් විට වැසි ඇතිවන බව කාලගුණ විද්‍යා දෙපාර්තමේන්තුව පවසයි.

කර්මාන්තපුර 09ක් සංවර්ධනය කිරිම සදහා රජය විසින් රුපියල් මිලියන 1542ක මුදලක් වැයකොට තිබුණද 2024 වර්ෂය අවසන් වනවිටත් එවායේ කිසිදු කර්මාන්තයක් ආරම්භකර නොතිබු බව අනාවරණය වි ඇත.