ඇමෙරිකාවේ හා ජපානයේ නිල සංචාරයක නිරත වී සිටි ජනාධිපති අනුර කුමාර දිසානායක මහතා සිය සංචාරය නිමා කර 10/01 දින උදෑසන කටුනායක ගුවන් තොටුපොළ වෙත පැමිණි බව ගුවන් තොටුපොළ කාර්යය භාර නිලධාරීවරයා සනාථ කළේය.

ඇමෙරිකාවේ ෆෙඩරල් රජය නිල වශයෙන් වසා දැමීමට සිදුව තිබේ. ඇරමුදල් සපයා ගැනීමේ පියවරන් සම්මත කර ගැනීමට අපොසොසත් වීම‌ හේතුවෙන් මෙසේ රජය නිල වශයෙන් වසා දැමීමට සිදුව තිබේ. 2019 න් පසුව ඇමෙරිකානු රජයක් නිල වශයෙන් වසා දැමුණ පළමු අවස්ථාව මෙය වෙයි.

මධ්‍යම පිලිපීනයේ රික්ටර් මාපකයේ 6.9 ක ප්‍රභලත්වයකින් යුත් භූමිකම්පාවක් හේතුවෙන් අවම වශයෙන් පුද්ගලයින් 26 දෙනෙකු මිය ගොස් ඇති බව එරට ආපදා කළමනාකරණ නිලධාරීන් පවසයි

වර්තමාන රජය මඟින් දණ්ඩ නීති සංග්‍රහයේ 82 වගන්තියට ශාරීරක දඩුවම් කිරීමේ වරද නමින් යෝජිත සංශෝධනය මෙන්ම සංචාරක සංවර්ධන අධිකාරිය මගින් සමලිංගික සේවනය පදනම් කරගත් සංචාරක ක්ෂේත්‍රය ප්‍රවර්ධනයට අනුග්‍රහය ලබාදීම බරපතළ සාරධර්මමය ආරාධිකත්වයක් හා සමාජ අර්බුද ගණනාවක් ඇති කිරීමට හේතු වන බවත් ඊට දැඩි අප්‍රසාදය පළ කරමින් ත්‍රෛනිකායික මහනාහිමිවරුන්ගේ අත්සනින්යුතුව විශේෂ සංදේශයක් ජනාධිපතිවරයාට දැනුම් දී තිබේ.

සැකකටුයුතු ලෙසට මෙම වාහනයට නගින පුද්ගලයා තමන්ගේ ස්වාමියා බවට හඳුනාගත හැකි බව මිය ගිය කජ්ජාගේ බිරිදද අපරාධ පරීක්ෂණ දෙපාර්තමේන්තුවට පවසා තිබේ. ඒ අනුව නව සාක්ෂි ඍස්සේ විමර්ශන කටයුතු අපරාධ පරීක්ෂණ දෙපාර්තමේන්තුව විසින් සිදුකරන බව පොලීසිය නිවේදනය කරයි.

අද (30) මධ්‍යම රාත්‍රී 12 සිට බලපැවැත්වෙන පරිදි ඉන්ධන වර්ග කිහිපයක මිල සංශෝධනය කිරීමට ලංකා ඛනිජ තෙල් නීතිගත සංස්ථාව පියවර ගෙන තිබේ. ඒ අනුව ලංකා සුදු ඩීසල් ලීටරයක මිල රුපියල් 06කින් අඩුකර ඇති අතර එහි නව මිල රුපියල් 277කි. ඔක්ටේන් 95 පෙට්‍රල් ලීටරයක මිල රුපියල් 06කින් අඩුකර ඇති අතර එහි නව මිල රුපියල් 335ක් වෙයි. ලංකා භූමිතෙල් මිල ද රුපියල් 05කින් අඩුකර ඇති අතර එහි නව මිල රුපියල් 180කි.

ජපාන රජයේ ආරාධනයකට අනුව ජපානයේ නිල සංචාරයක නිරත ජනාධිපති අනුර කුමාර දිසානායක මහතා අද (30) පෙරවරුවේ ටෝකියෝ හි ඉම්පීරියල් හෝටලයේදී නිපොන් පදනමේ ආරම්භක සභාපති යොහෙයි සසකාවා (Yohei Sasakawa) මහතා හමුවී සාකච්ඡාවක නිරත විය.

2021 ජනවාරි මාසයේ එක්සත් ජනපද කැපිටල් කෝලාහලයෙන් පසු තම ගිණුම අත්හිටුවීම සම්බන්ධයෙන් එක්සත් ජනපද ජනාධිපති ඩොනල්ඩ් ට්‍රම්ප් සමාගමට එරෙහිව ගොනු කළ නඩුවක් සමථයකට පත් කිරීම සඳහා ඇල්ෆබෙට් හිමිකාරීත්වය දරන යූ ටියුබ් සමාගම ඩොලර් මිලියන 24.5 ක් ගෙවීමට එකඟ වී ඇති බව සඳුදා අධිකරණ ගොනු කිරීමකින් පෙන්නුම් කෙරිණි.

නුවරඑලිය නගර මධ්‍යයේ පදික වේදිකාවේ කාලයක් තිස්සේ ව්‍යාපාර කටයුතු කරන ව්‍යාපාරිකයන් පිරිසක් නුවරඑලිය මහ නගරසභාවේ නාගරික කොමසාරිස්වරයා ඉවත් කරන ලෙස බල කරමින් (30) දහවල් නුවරඑලිය ප්‍රාදේශීය ලේකම් කාර්යාලය ඉදිරිපිට විරෝධතාවයක නිරතවිය.

සිංහල බෞද්ධ දරුවන් බහුතරයක් මේවන විට බුද්ධ ධර්මය විෂය අසමත් බවත් දරුවන් දහම් අධ්‍යාපනයෙන් ඈත් කිරීම පිළිබඳ වැඩිහිටියන් වගකිවයුතු බවත් සංගිලිකනදරාව ශ්‍රී සුමනාරාම විහාරාධිපති පුජ්‍ය ලිඳවැව අමරජෝති හිමියන් පැවසීය.

කොළඹ මෝදර ප්‍රදේශයේ මල්ලක තිබී අත්බෝම්බ 10ක් සොයාගෙන තිබේ. ත්‍රස්ත විමර්ශන කොට්ඨාසයට ලැබුණු තොරතුරක් මත සිදුකළ සෝදිසියකදී මෙම අත්අබෝම්බ සොයාගෙන තිබේ.

ජාත්‍යන්තර මූල්‍ය අරමුදලේ (IMF) ශ්‍රී ලංකාව සඳහා වන මෙහෙයුම් මණ්ඩල ප්‍රධානී, Evan Papageorgiou මහතා අද (29) අරලියගහ මන්දිරයේදී අග්‍රාමාත්‍ය ආචාර්ය හරිනි අමරසූරිය හමුවිය.

අම්පාර දිස්ත්‍රික්කයේ අකක්රපත්තුව පොලිස් බල ප්‍රදේශයේ අස්රෆ් නගර් ඔලුවිල් 4 වසා දමා ඇති රහුමාන් ජුම්මා පල්ලිය පිටුපස කැසිකිළිය තුළ දිනක පමණ වයස ඇති කුඩා දැරිවියක් බෑගයක දමා එම ස්ථානයේ දමා ගොස් තිබියදි හමුවි තිබේ.

රක්ෂිත බන්ධනාගාර ගත කර සිටි හිටපු රාජ්‍ය අමාත්‍ය ප්‍රසන්න රණවීර මහතා ඇප මත මුදා හැර තිබේ.

වර්තමානයේ ඉහළ මට්ටමේ දේශපාලන අල්ලස් ඉල්ලීම අඩු වී ඇති බව පෙනෙන්නට තිබුණද, වත්මන් රජය යටතේ පවා, විශේෂයෙන් මුල් බැසගත් නිත්‍ය උනන්දුවක් දක්වන පාර්ශ්වයන් තුළ ආයතනික දූෂණය දිගටම පවතින බව ශ්‍රී ලංකාවේ ආයෝජන වාතාවරණය පිළිබඳ එක්සත් ජනපදය නිකුත් කළ නවතම ප්‍රකාශයක දැක්වෙයි.

සිය වගාභූමිය වන අලින්ගෙන් රැක ගැනීම සදහා යතුරු පැදියකින් වගාභූමියට යමින් සිටි පුද්ගලයන් දෙදෙනෙකු සූරියවැව මහගල්වැව පරණ රන්මුදුවැව මාර්ගයේදී 29 රාත්‍රී 08ට පමණ වන අලි ප්‍රහාරයකට ලක්ව එක පුද්ගලයකු මියගොස් තවත් පුද්ගලයකු අතුරුදහන්ව තිබූ අතර ඔහුද වන අලි ප්‍රහාරයෙන් මියගොස් සිටියදී අද (30)පෙරවරුවේ සොයාගත් බව සූරියවැව පොලිසිය පවසයි.

මේ සම්බන්ධයෙන් අදහස් පළ කිරීමේදී ‘ගිනස් වාර්තාවක්’ යන්න වෙනුවට ‘නොබෙල් තෑග්ගක් යන වචනය මා අතින් අත්වැරදීමකින් ප්‍රකාශයට පත් වූ අතර ඒ පිළිබඳව කණගාටු වෙමි.

2025 කාන්තා ලෝක කුසලාන එක්දින ක්‍රිකට් තරගාවලියේ පළමු තරගය තව සුළු මොහොතකින් ආරම්භ වීමට නියමිතව තිබේ.

කොට්ටාව සිට මත්තල දක්වා දිවෙන දක්‍ෂිණ අධිවේගී මාර්ගයේ ගමනාගමනයේ යෙදෙන රියැදුරන්ට සහ මගී ජනතාවට විවේකය ලබා ගැනීම හා පහසුකම් සපයා ගැනීම වෙනුවෙන් මාතර, උඩුකාව ප්‍රදේශයේ ඉදිකිරීමට නියමිත විවේක ගැනීමේ මධ්‍යස්ථානයේ ඉදිකිරීම් කටයුතු ප්‍රවාහන, මහාමාර්ග, වරාය හා සිවිල් ගුවන් සේවා අමාත්‍යංශයේ ලේකම් මහාචාර්ය කපිල සී. කේ. පෙරේරා මහතාගේ ප්‍රධානත්වයෙන් ඊයේ (29) ආරම්භ කෙරිණ.

මහ මැතිවරණයේදී කළුතර දිස්ත්‍රික් පාර්ලිමේන්තු මන්ත්‍රීවරයකු ලෙස රෝහිත අබේගුණවර්ධන මහතා තේරී පත්වීම බල රහිත කිරීමේ තීන්දුවක් ලබාදෙන ලෙස ඉල්ලා රාජිත සේනාරත්න මහතා විසින් ඉදිරිපත් කළ මූලික අයිතිවාසිකම් පෙත්සමක් ශ්‍රේෂ්ඨාධිකරණය අද (30දා) ප්‍රතික්ෂේප කරනු ලැබිණි.

ජපාන - ශ්‍රී ලංකා ද්විපාර්ශ්වික වෙළඳ සහ ආයෝජන සබඳතා තවදුරටත් ශක්තිමත් කරමින් සහ පෞද්ගලික අංශය ඊට දිරි ගන්වමින්, ශ්‍රී ලංකාවේ නැගී එන ආර්ථික අවස්ථා සොයා බැලීමට එක් වන ලෙස ජනාධිපති අනුර කුමාර දිසානායක මහතා ජපාන ව්‍යාපාරික ප්‍රජාවට ඇරයුම් කළේය.

අල්ලස් චෝදනා මත රක්ෂිත බන්ධනාගාරගත කර සිටි පොලිස් ක්ෂේත්‍ර බළකා මූලස්ථානයේ සංස්කෘතික අංශයේ, ජ්‍යෙෂ්ඨ පොලිස් අධිකාරි සතීෂ් ගමගේ මහතාට ඇප ලබා දී තිබේ.

ඉන්දුනීසියාවේ පාසල් ගොඩනැගිල්ලක් කඩා වැටීමෙන් සිදුවූ අනතුරින් මේ වන විට පුද්ගලයන් 3 ක් මියගොස් ඇති බව ජාත්‍යන්තර මාධ්‍ය වාර්තා කරයි. මිය ගිය අය අතර එම පාසලට අලුතෙන් එක්වූ සිසුවෙක්ද සිටින බව ජාත්‍යන්තර මාධ්‍ය වාර්තා කරයි. සිසුන් හා කම්කරුවන් පිරිසක් සුන්බුන් අතර සිරවී ඇති අතර ඔවුන් බේරා ගැනීමට සහන කණ්ඩායම් කටයුතු කරමින් සිටියි.

ශ්‍රී ලංකාවේ පැවැත්වෙන 2025 ශ්‍රී ලංකා විවාහක රූ රැජින තරගාවලියේ (Mrs Sri Lanka World - 2025 ) ප්‍රධන විනිසුරුවරිය ලෙස කටයුතු කිරීම සදහා 2024 වසරේ ලෝක විවාහක රූ රැජින තරගාවලියේ දී ප්‍රථම ස්ථානය දිනා ගත් , දකුණු අප්‍රිකානු ජාතික ෂෙගෝ ගලේ ( Tshego Gaelae ) මහත්මිය 09/29 දින පස්වරුවේ කටුනායක ගුවන් තොටුපොළ වෙත පැමිණියාය .

කුරුණැගල ග්‍රාමිය මාර්ග සංවර්ධන වැඩසටහන යටතේ ඉකුත් වර්ෂය තුල (2024) රුපියල් දාහතරකෝටි, හැත්තැඑක්ලක්ෂ, හතලිස්දෙදහස්, හත්සියවිසිපහක (147,142,725) මුදලක් වැයකොට ව්‍යාපෘති 98ක් ක්‍රියාත්මක කොට තිබුණද කුරුණැගල දිස්ත්‍රික්කයේ ප්‍රා දේශිය ලේකම් කාර්යාල 10ක් තුල කිසිදු මාර්ග සංවර්ධන ව්‍යාපෘතියක් සැලසුම් කිරිමට හෝ ක්‍රියාත්මක කිරිමට පියවරගෙන නොතිබු බව ජාතික විගණන කාර්යාලය මගින් නිකුත්කොට ඇති විගණන වාර්තාවක සදහන් වේ.

හිටපු රාජ්‍ය අමාත්‍ය ශෂින්ද්‍ර රාජපක්ෂ මහතා ලබන 14 වැනිදා දක්වා යළි රක්ෂිත බන්ධනාගාර ගත කිරීමට කොළඹ මහේස්ත්‍රාත් අධිකරණය නියෝග කර තිබේ.

කාන්තා ලෝක කුසලාන එක්දින ක්‍රිකට් තරගාවලිය් අදින් (30දා) ඇරඹේ.

ගුවන් මගියෙකු නොවන පුද්ගලයෙකු , කටුනායක ජාත්‍යන්තර ගුවන් තොටුපොළ තීරු බදු රහිත සාප්පු සංකීර්ණය වෙත පිවිස , එයින් රුපියල් ලක්ෂ දහයක් පමණ වටිනා විදේශීය නිෂ්පාදිත මත්පැන් බෝතල් 75 ක් මිළදී ගෙන , ඒවා ගුවන් තොටුපොළ පැමිණීමේ පර්යන්තයේ , කිසිවක් ප්‍රකාශ කිරීමට නොමැති ’’ හරිත මාවත ’’ ( Green Channel ) ඔස්සේ පිට කර ගෙන යමින් සිටියදී , පොලිස් මත්ද්‍රව්‍ය කාර්යාංශයේ නිලධාරීන් පිරිසක් විසින් 09/30 දින අලුයම අත් අඩංගුවට ගෙන තිබේ .

ඇමරිකානු ජනාධිපති ඩොනල්ඩ් ට්‍රම්ප් සහ ඊශ්‍රායල අගමැති බෙන්ජමින් නෙතන්යාහු ගාසා තීරය සඳහා නව සාම සැලැස්මක් සඳහා එකඟ වී තිබේ.