රුසියානු ජනපති ව්ලැඩ්මීර් පූටින් සමග පැවැති පැය දෙකකට ආසන්න දුරකතන සංවාදයකින් අනතුරුව ඇමෙරිකානු ජනපති ඩොනල්ඩ් ට්‍රම්ප් ප්‍රකාශ කළේ රුසියාව සහ යුක්රේනය සටන් විරාමයක් සහ යුද්ධය අවසන් කිරීම සඳහා ’’වහාම’’ සාකච්ඡා ආරම්භ කිරිමට සූදානම් බවයි.‍‍

රටේ ක්‍රියාත්මකවන ප්‍රධාන අපරාධ කල්ලි 10ක් සමග විවිධ දේශපාලන කණ්ඩායම්වල සබඳතා පවතින බවට බුද්ධි අංශ තොරතුරු වලින් හෙළිවී ඇතැයිද අමාත්‍යවරයා මෙහිදී පෙන්වා දුන්නේය.

අල්ලස් කොමිසම විසින් අත්අඩංගුවට ගෙන රක්ෂිත බන්ධනාගාර ගත කර සිටි හිටපු අමාත්‍ය කෙහෙළිය රඹුක්වැල්ල මහතා අද දිනයේදි යළි අධිකරණය වෙත ඉදිරිපත් කිරීමෙන් අනතුරුව ලබන 03දා දක්වා රක්ෂිත බන්ධනාගාර ගත කරන ලෙස කොළඹ ප්‍රධාන මහෙස්ත්‍රාත් අධිකරණය නියෝග කළේය.

බස්නාහිර, සබරගමුව, වයඹ, මධ්‍යම, දකුණු සහ උතුරු පළාත්වල විටින් විට වැසි හෝ ගිගුරුම් සහිත වැසි ඇතිවේ. බස්නාහිර, සබරගමුව සහ උතුරු පළාත්වලත් ගාල්ල, මාතර, පුත්තලම, නුවරඑළිය සහ මහනුවර දිස්ත්‍රික්කවලත් ඇතැම් ස්ථානවල මි.මී. 100 ට වැඩි තද වැසි ඇතිවිය හැකි බවද පෙන්වා දෙයි.

බීමත්ව පාසල් සිසුන් පිරිසක් ප්‍රවාහනය කළ බස් රථ රියදුරෙක් අත්අඩංගුවට ගත්බව පොලිස් මාධ්‍ය ප්‍රකාශක කාර්යාලය පවසයි.

අල්ලස් කොමිසම විසින් පැමිණිලි තුනකට අදාළව අත්අඩංගුවට ගෙන රක්ෂිත බන්ධනාගාරගත කර සිටින හිටපු අමාත්‍ය කෙහෙළිය රඹුක්වැල්ල මහතා බන්ධනාගාර නිලධාරින් විසින් කොළඹ මහෙස්ත්‍රාත් අධිකරණයට රැගෙන විත් තිබේ. එම නඩුව අද (20) කොළඹ ප්‍රධාන මහෙස්ත්‍රාත් අධිකරණයේදී කැඳවීමට නියමිතය.

ශ්‍රී ජයවර්ධනපුර මහ රෝහලේ කාමර 50ක ව්‍යාපෘතිය නිම කිරීමට පෙර රූපවාහිනි යන්ත්‍ර සහ වායු සමීකරණ යන්ත්‍ර මිලදී ගෙන ඇති බව පොදු ව්‍යාපාර පිළිබඳ කාරක සභාවේදී (කෝප්) අනාවරණය විය.

පාර්ලිමේන්තුව අද(20දා) පෙරවරු 9.30ට ආරම්භ වීමට නියමිතව තිබේ.

ජාතික පොසොන් උත්සවය අනුබුදු මිහිඳු මහරහතන් වහන්සේ වෙනුවෙන් සිදුකරන ගෞරවයක් ලෙස සලකා කටයුතු කරන ලෙස අටමස්ථානාධිපති, නුවර කලාවියේ ප්‍රධාන සංඝනායක, ආචාර්ය පූජ්‍ය පල්ලේගම හේමරතන නාහිමිපාණෝ සියලු ජනතාවගෙන් ඉල්ලීමක් කර සිටිති.

කොළඹ සිට මඩකලපුව බලා ධාවනය කරමින් තිබූ මීනගයා දුම්රියට ගල්ඔය සහ හබරණ අතර 20 අලුයම හතරට පමණ හබරණ ප්‍රදේශයේදී වන අලියෙකු ගැටීමෙන් දුම්රිය පීලි පැන ඇති බව හබරණ පොලිසිය කියයි.

නාවික හමුදා කිමිදුම් අංශය මීටර් 100 ගැඹුර දක්වා කිමිදුම් මෙහෙයුම් පුළුල් කළ බව නාවික හමුදා මූලස්ථානය සඳහන් කරයි.

වැඩබලන සෞඛ්‍ය හා ජනමාධ්‍ය අමාත්‍යවරයා ලෙස වෛද්‍ය හංසක විජේමුණි මහතා ජනාධිපති අනුර කුමාර දිසානායක මහතා විසින් පත් කර ඇත.

“ලුණු නිෂ්පාදනය කරන්නේ මාලිමා රජයෙ උවමනාවට නොවෙයි. එය සිදුවන්නේ ස්භාවික ක්‍රියාවලියක් මතයි. ඒ නිසා මාලිමා රජය නිසා ලුණු නැහැ කියලා කියන අයට අපි කියනවා මේ තත්වය අපි නිසි ලෙස කළමණාකරණය කරමින් තිබුණා ලුණු රටපුරා ලබා දීමට කටයුතු කළා”

ගම්පොළ වෙලම්බොඩ ප්‍රදේශයේ ව්‍යාපාරිකයෙකුගෙන් රුපියල් කෝටි 22ක මුදලක් කොල්ලකෑම සඳහා කොල්ලකරුවන් පැමිණි වෑන් රථයේ හිමිකාරණිය අත්අඩංගුවට ගත් බව පොලිසිය කියයි.

කොටහේන ප්‍රදේශයේ මහල් නිවාසයකින් පැන සියදිවි නසාගත් පාසල් දැරිය අපයෝජනය ්කලේ යැයි කියන සිද්ධිය සම්බන්ධයෙන් නියෝජ්‍ය පොලිස්පතිවරයාගේ උපදෙස් පරිදි කොළඹ උතුර කාන්තා හා ළමා කාර්යාංශයේ ස්ථානාධිපතිවරයාගේ මූලිකත්වයෙන් විශේෂ විමර්ශනයක් සිදු කරන බව බම්බලපිටිය පොලිසිය කොළඹ අතිරේක මහේස්ත්‍රාත් පසන් අමරසේන මහතා හමුවේ කරුණු දක්වමින් අද(19) පැවසීය.

කිරිබත්ගොඩ නගරයේ ඉදි කිරීමට රජයට පවරා ගෙන තිබු ඉඩමකට කූට ලේඛණ සකස් කිරිම සම්බන්ධව අපරාධ පරීක්ෂණ දෙපාර්තමේන්තුවේ මුල්‍ය අපරාධ විමර්ශන අංශය මගින් අත් අඩංගුවට ගෙන දැනට රක්ෂිත බන්ධනාගාර ගත කර සිටින සැකකරුවන් පස් දෙනාගෙන් හිටපු රාජ්‍ය ඇමැති ප්‍රසන්න රණවීර හා හිටපු ඇමැති මර්වින් සිල්වාගේ එවකට පාර්ලිමේන්තු කටයුතු හිටපු ලේකම් දොන් සරත් කුමාර එදිරිසිංහ නොහොත් සිංගප්පූරු සරත් යන දෙදෙනාට ඇප ලබා දීම සම්බන්ධව ඉදිරිපත්වු ඇප අයදුම්පත් ගැන සලකා බලා තීන්දුව ප්

උතුරේත් දකුණේත් බලය ලබා ගැනීම වෙනුවෙන් ජාතිවාදය නැවත කරළි ගහන්න පටන් අරගෙන ඇති බව ජනපති අනුර කුමාර දිසානායක මහතා පැවැසීය. ජාතික රණවිරු සැමරුම් උත්සවය අමතමින් ඔහු මේ බව පැවැසීය.

ශ්‍රී ලංකා නාවික හමුදාවේ නිලධාරීන් 22 දෙනෙකුට සහ සෙසු නිලයන් 1,256 දෙනෙකුට, ශ්‍රී ලංකා ගුවන් හමුදාවේ නිලධාරීන් 12 දෙනෙකුට සහ සෙසු නිලයන් 848 දෙනෙකුට, ශ්‍රී ලංකා යුද හමුදාවේ සෙසු නිලයන් 10,093 දෙනෙකු වෙනුවෙන් මෙසේ උසස්වීම් ලබා දී තිබේ.

මුහුදුබඩ දුම්රිය මාර්ගයට අයත් ඉදුරුව, ගිංතොට, දොඩන්දුව යන පාළම් දුර්වල පාළම් ලෙස හදුනාගෙන ඇති බවත් පේරාදෙණිය විශ්වවිද්‍යාලයේ සිවිල් ඉංජිනේරු අංශය මගින් එකි පාළම්වල කල්පැවැත්ම පිළිබද ඉදිරි සති දෙක තුල පරික්ෂණයක් කිරිමට නියමිතව ඇති බැව් ශ්‍රිලංකා දුම්රිය දෙපාර්තමේන්තුව පවසයි.

ලංකා සීනි සමාගමට අයත් බුත්තල පැල්වත්ත සීනි කර්මාන්තායතනයේ නිෂ්පාදිත සීනි අලෙවිනොවීම නිසාත් එතනෝල් මිල පහත වැටීම නිසාත් කර්මාන්තශාලාව පවත්වාගෙන යාමේ අවධානමකට ලක්වී ඇතැයි ප්‍රධාන මෙහෙයුම් නිලධාරී නුවන් ධර්මරත්න මහතා පැවසීය.

උසස් පෙළ වෘත්තීය විෂය ධාරව යටතේ 12 ශ්‍රේණියට සිසුන් ඇතුළත් කර ගැනීම සඳහා අයැදුම්පත් කැඳවීම ආරම්භ කර ඇතැයි අධ්‍යාපන අමාත්‍යාංශය නිවේදනය කරයි.

අල්ලස් කොමිසම මඟින් අත්අඩංගුවට ගෙන අධිකරණයට ඉදිරිපත් කළ හිටපු පාර්ලිමේන්තු මන්ත්‍රී මිලාන් ජයතිලක මහතා ඇප මත මුදා හරින ලෙස කොළඹ මහෙස්ත්‍රාත් අධිකරණය නියම කළේය.

ලංකා සතොස සමාගම රු.කෝටි 20 වැය කරමින් ස්ථාපිත කර ERP System මගින් එහි ප්‍රමුඛ අරමුණ වන වැටුප් කළමණාකරණය සහ අය වැය කරණය ඉටු නොවන බව මෑතකදී කරන ලද විගණන වාර්තාවකින් අනාවරණය වෙයි.

දෙහිවල, නැදිමාල ප්‍රදේශයේ පොලිතීන් අලෙවි කරන ස්ථානයකට අද (19දා) වෙඩි ප්‍රහාරයක් එල්ල කර තිබේ.

හිටපු කෘෂිකර්ම අමාත්‍ය මහින්දානන්ද අලුත්ගමගේ මහතා ලබන 26 වැනිදා දක්වා රක්ෂිත බන්ධනාගාරගත කර කිරීමට කොළඹ ප්‍රධාන මහේස්ත්‍රාත් අධිකරණය නියෝග කළේය.

ජනාධිපති කාර්යාලය විසින් පසුගිය මැයි 15 වන දින පවත්වන ලද වාහන ටෙන්ඩර් ක්‍රමයට විකිණීමේ දෙවෙනි අදියර පිළිබඳව විවිධ අසත්‍ය ප්‍රචාර ඇතැම් ජනමාධ්‍ය ඔස්සේ සහ විශේෂයෙන් සමාජ මාධ්‍ය ඔස්සේ පළ කෙරෙමින් පවතින බව රජය නිවේදනය කරයි. අසත්‍ය ප්‍රචාරයන් කරමින් මහජනතාව නොමග යැවීමට එරෙහිව දැනටමත් අපරාධ පරීක්ෂණ දෙපාර්ත්තමේන්තුවට පැමිණිලි කර ඇතැයි රජය නිවේදනය කරයි.

ශ්‍රී ලංකා පොදුජන පෙරමුණේ හිටපු පාර්ලිමේන්තු මන්ත්‍රී මිලාන් ජයතිලක මහතා අල්ලස් හෝ දූෂණ චෝදනා විමර්ශන කොමිෂන් සභාව විසින් අද(19දා) අත්අඩංගුවට ගෙන තිබේ.

අධික වර්ශාවත් සමග අධිවේගී මාර්ගයේ රථවාහන ධාවනයේදී දැඩිලෙස සැලකිලිමත් වන ලෙස මාර්ග සංවර්ධන අධිකාරිය රියදුරන්ට දැනුම් දී සිටියි.

අධ්‍යාපන අමාත්‍යාංශයේ ප්‍රතිපත්ති හා සැලසුම් අංශයෙන් 2026 වර්ෂයේ නව අධ්‍යාපන පරිවර්තනයට සමගාමීව දිවයින පුරා ප්‍රාථමික පාසල් 312ක් නවීන පහසුකම් සහිත ’’ප්‍රාථමික පාසල් ප්‍රතිසංවිධාන ව්‍යාපෘතිය’’ මැයෙන් සාකච්ඡාවක් අධ්‍යාපන උසස් අධ්‍යාපන හා වෘත්තීය අධ්‍යාපන අමාත්‍යතුමිය ගේ ප්‍රධානත්වයෙන් පසුගියදා රාත්‍රී අධ්‍යාපන අමාත්‍යාංශයේදී පැවැත්විණි.