මාතලේ විල්ගමුව හදුන්ගමුව ගැඹුරු ඔය ප්‍රදේශ්යේ ගොවි සංවිධාන නියෝජිතයන් පිරිසක් අද (31දා) හඳුන්ගමුව ගොවිජන සේවා කාර්යාලය වහලය මත නැඟ උපවාසයක් ආරම්භ කොට තිබේ.

’’මට මගේ එන්නත් මාත්‍රා තුනම ලැබී තිබීම ගැන මා ස්තූතිවන්ත වෙනවා. ඒ නිසා මට වැඩි අපහසුවක් දැනෙන්නේ නැහැ. මම ස්වයං හුදකලාවේ සිටින අතරතුර නිවසේ සිට රාජකාරී සිදුකරනවා’’ ට්‍රස් ට්විටර් පණිවුඩයක් නිකුත් කරමින් පැවසීය.

කෝවිඩ් -19 මර්දනයට අදාළ චක්‍රලේඛය පෙබරවාරි මස 28 වන දින දක්වා දීර්ඝ කර ඇති බව නියෝජ්‍ය සෞඛ්‍ය සේවා අධ්‍යක්ෂ ජනරාල් වෛද්‍ය හේමන්ත හේරත් මහතා පැවසීය. මේ දක්වා බලාත්මකව තිබු, දෙසැම්බර් අග දී නිකුත් කරනු ලැබු ජනවාරි මස 31ක දක්වා ක්‍රියාත්මක වීමට නියමිත මාර්ගෝපදේශ චක්‍රලේඛය මේ අවස්ථාවේ දී සෞඛ්‍ය සේවා අධ්‍යක්ෂ ජනරාල්වරයා විසින් පෙබරවාරි මස 28 දක්වා එය දීර්ඝ කිරීමට කටයුතු කර තිබේ.

මොඩෙර්නා සමාගමේ කොවිඩ්-19 මර්දන එන්නත එක්සත් ජනපද ආහාර හා ඖෂධ පරිපාලනයෙන් (FDA) පූර්ණ අනුමැතිය ලබාගෙන තිබේ.

රුපියල් කෝටි 350කට අධික වටිනාකමකින් යුත් හෙරොයින් කිලෝ 350 කට අධික ප්‍රමාණයක් සමඟ දකුණු මුහුදු තීරයේදී අත්අඩංගුවට ගෙන රඳවාගෙන ප්‍රශ්න කළ සැකකරුවන් 17 දෙනාගෙන් 12 දෙනෙකු රිමාන්ඩ් බාරයට පත් කළ කොළඹ ප්‍රධාන මහේස්ත්‍රාත් බුද්ධිකග සී රාගල මහතා ඉතිරි සැකකරුවන් 05 දෙනා මුදා හැරීමට අද (31දා) නියම කළේය.

මේ වන විට කොවිඩ් ආසාධිතව සිටින කථානායක මහින්ද යාපා අබේවර්ධන මහතාට චීන මහජන කොන්ග්‍රසයේ ස්ථාවර කමිටු සභාපති (චීන පාර්ලිමේන්තුවේ කථානායක) ලී ෂන්සු මහතා ලිපියක් මගින් ඉක්මන් සුවය ප්‍රාර්ථනා කර ඇත.

අනුරාධපුර නුවර වැවේ රක්ෂිතය ගොඩ කරමින් හෝටලයක් සහ පිහිනුම් තටාකයක් ඉදි කිරීමට විරෝධය පළ කරමින්, අනුරාධපුර දිස්ත්‍රික්කයේ ගොවීහු පිරිසක් ඊයේ (31දා) අනුරාධපුර නගර මධ්‍යයේ ඇති, ඩී.එස් සේනානායක ප්‍රතිමාව ඉදිරිපිට පොල් ගසා, දැවැන්ත උද්ඝෝෂණයක නිරත වූහ.

ගැහැනු දරුවන්ගේ විවාහ වීමේ අවම වයස 21 හෝ 25 කිරීමට යෝජනාවක් ගැහැණු දරුවකු විවාහ වීමේ වයස සම්බන්ධයෙන් අදහස් එක් රටක් එක් නීතියක කාර්ය සාධක බළකාය හමුවේ අදහස් දැක්වූ මරීනා රිෆායි මහත්මිය කාන්තාවක් විවාහ වීමේ අවම වයස අවුරුදු 21 විය යුතු බව ප්‍රකාශ කළ අතර එය අවුරුදු 25ක් පමණ විය යුතු බව සුහා කාසීම් මහත්මිය ප්‍රකාශ කළාය. මිට හේතුව ලෙස ඔවුන් පෙන්වා දුන්නේ ජාති ආගම් බේදයකින් තොරව දරුවන් උසස් අධ්‍යාපනය සදහා යොමු කිරීමට සියලු දෙනා උනන්දු විය යුතු බවයි

ඔස්ට්‍රේලියාව හා පැවත්වීමට නියමිත තරග පහකින් සමන්විත තරගාවලිය සඳහා නම්කළ ශ්‍රී ලංකා සංචිතයේ ණුවන් තුෂාර කොවිඩ් ආසාදනය වී ඇති බව ශ්‍රී ලංකා ක්‍රිකට් ආයතනය නිවේදනය කරයි.

දුම්රිය දෙපාර්තමේන්තුවේ විවිධ ප්‍ර දේශවල සේවය කරන දුම්රිය නියාමකවරුන් 31ක් කොවිඩ් ආසාදිතව ඇති බව දුම්රිය දෙපාර්තමේන්තුව කියයි.

පළාත් සභා ඡන්දය නොපැවැත්වීම නිසා, විශාල මුදල් ප්‍රමාණයක් මහජන නියෝජිතයින්ගේ සහභාගිත්වයෙන් තොරව පරිහරණය වීම පළාත් සභා මට්ටමින් සිදුවන බවත් එම නිසා ඉක්මනින් මහජන නියෝජිතයන් සිටින ආයතනවලට මුදල් ප්‍රමාණය ලබා දීම වඩාත් යහපත් බව අධ්‍යාපන අමාත්‍ය දිනේෂ් ගුණවර්ධන මහතා සඳහන් කළේය. ඔහු මෙම අදහස් පළ කළේ ඊයේ(30දා) හෝමාගම ගොඩගමදී පැවැති උත්සවයකින් පසු මාධ්‍යවේදීන් නැගූ ප්‍රශ්නවලට පිළිතුරු වශයෙනි.

නැවත දැනුම්දෙන තුරු විදුලිය කප්පාදුවක් සිදුනොවන බව ශ්‍රි ලංකා මහජන උපයෝගීතා කොමිෂන් සභාව පවසයි.

නියමු ව්‍යාපෘතියක් වශයෙන් කොළඹ දිස්ත්‍රික්කය තුළ මෙම ව්‍යාපෘතිය දියත් කරන බව අමාත්‍යවරයා සඳහන් කළේය. මෙහිදී පොල් ගෙඩියක් රු.75/=කට අළෙවි කරනු ලබන බව ප්‍රකාශ කළ අමාත්‍යවරයා, වෙළෙඳපොල පොල් මිල පහළ යාමට සාපේක්ෂ්ව ඉදිරියේ දී ලංකා සතොස හරහා අළෙවි කරනු ලබන පොල් වල මිලගණන් ද අඩු වනු ඇති නමුත් වෙළෙඳපොලේ පොල් මිල ඉහළ ගියද, රු. 75/=ක ස්ථාවර මිලකට පොල් අළෙවි කිරීමට ලංකා සතොස කටයුතු කරනු ලබන බව ද සඳහන් කරන ලදී.

සිරගතව සිටින හිටපු රාජ්‍ය ඇමති රංජන් රාමනායක මහතා නිදහස් කර දෙන ලෙස ඉල්ලා ප්‍රජාත්‍රන්ත්‍රවාදී සංවිධාන එකමුතුව සහ එක්සත් ස්වයං රැකියා වෙළද ව්‍යාපාරිකයින්ගේ සංසදය මගින් අද (31දා) පෙරවරුවේ නීතිඥවරුන්ගෙන් අත්සන් ලබාගැනීමේ වැඩසටහනක් ගාල්ල අධිකරණ සංකීර්ණයෙහි රථ ගාල අසලදී සිදුකරණු ලැබිය.

කාසල්රී ජලාශයේ පිටාර මට්ටම ද ඉක්ම වු ප්‍රමාණයක් දක්වා ජලය රඳවා තබා ගැනීම සදහා ජලාශ වේල්ල මත නව ජාත්‍යාන්තර ක්‍රම වේදයක් අනුගමනය කරමින් විශේෂ ගෙට්ටු පද්ධතියක් ඉදිකිරිම ආරම්භ කර තිබේ.

දුම්රිය සේවකයන් කොවිඩ් ආසාදිත වීම හේතුවෙන් අද (31දා) ධාවනය වීමට නියමිතව තීබූ දුම්රිය 16ක් පමණ අවලංගු කිරීමට සිදුව තිබේ.

මෙරට ඉංග්‍රීසි ඒජන්තයින් සමග රාජකාරි කල ,දැනට ජීවතුන් අතර සිටි,එකම සහ අවසන් වෙල් මුලාදෑනියා බව කියන කොටවෙහෙර ප්‍රදේශයේ පදිංචි එම්.ඩබ්.මුදියන්සේ ( 106) මහතා අද(31දා) දිවියෙන් සමුගත් බව කොටවෙහෙර ප්‍රාදේශීය ලේකම් කාර්යාලය පවසයි.

වික්ටෝරියා ජලාශ ප්‍රදේශයට මේ දිනවල බලපා ඇති අධික වියලි කාලගුණය හේතුවෙන් කිලෝ මීටර 26 ක් පුරා පැතිරී තිබෙන මෙම ජලාශයේ ජලය ඝන මීටර් මිලියන දෙකක් දිනකට වාෂ්ප වන බව එම ජලාශය බාර ප්‍රධාන ඉංජිනේරු වසන්ත ඇහැළපිටිය මහතා පවසයි .

වියට්නාමයෙන් බිහිවී බුදුදහමට අනුපමේය සේවයක් කළ සෙන් බෞද්ධ භික්ෂූන් වහන්සේ නමක් වූ තිච් නට් හාන් භික්ෂුව පසුගියදා (22දා) අපවත් වී වදාළහ. සිය මූලික ඉගැන්වීම වූ සාමය හා සිහිකල්පනාව පෙරදැරිව ජීවිතයේ පරමායුෂ විඳි උන්වහන්සේ සිය ඉගැන්වීම්වලට අනුකූලවම සාමයෙන් සිය අවසන් කාලය ගත කළ බව උන්වහන්සේ විසින්ම ආරම්භ කළ ප්ලම් විලේජ් ආයතනය ප්‍රකාශ කළේය. වර්තමානයේ ලොව වඩාත් පිළිගැනීමට ලක්වූ බෞද්ධ භික්ෂුවක් ලෙසින් සැලකෙන තිච් නට් හාන් භික්ෂූන් වහන්සේ අපවත් වන විට 95වැ

ව්‍යාජ මුදල් නෝට්ටු තොගයක් සහ මුද්‍රණ උපකරණ තොගයක් සමග පුද්ගලයෙකු අත්අඩංගුවට ගත්බව කළුතර උතුර පොලීසිය පවසයි. සැකකරු ඊයේ (30දා) පස්වරුවේ යතුරුපැදියකින් පැමිණ කළුතර පාලම් දෙක ආසන්නයේ ඇති පලතුරු වෙළඳ සැලක් වෙත ගොස් රුපියල් 1000 ක නෝට්ටුවක් ලබාදී අන්නාසි පැකට්ටුවක් සහ අඹ පැකට්ටුවක් මිළදීගෙන තිබේ.

කටාර් රාජ්‍යෙය් දොහා හි සිදුවු වෙඩි තැබිමෙන් මියගිය පුද්ගලයා ශ්‍රී ලාංකික ශ්‍රමිකයකු නොවන බව තහවුරු වී ඇතැයි ශ්‍රී ලංකා විදේශ සේවා නියුක්ති කාර්යාංශය සදහන් කරයි.

ජනතා විමුක්ති පෙරමුණේ නායක අනුර කුමාර දිසානායක මහතාට ඊයේ (30දා) ගම්පහ කලගෙඩිහේන ප්‍ර දේශයේදී එල්ල වූ මැර ප්‍රහාරය පිළිබඳව විධිමත්, අපක්ෂපාතී පරීක්ෂණයක් කරන මෙන් පොලිස්පතිවරයාට ලිපියක් යොමුකරමින් සංචාරක අමාත්‍ය ප්‍රසන්න රණතුංග මහතා ඉල්ලා සිටියි.

හමුදා පුහුණුවෙන් ලබන ආරක්ෂාවට වඩා ජනතා විමුක්ති පෙරමුණේ සහෝදරයන් තුළින් ලැබෙන් ආරක්ෂාව බලවත් බව පාර්ලිමේන්තු මන්ත්‍රී විජිත හේරත් මහතා පවසයි.

සාම සාධක හමුදාවේ රාජකාරි සඳහා මෙරට පාබල හමුදාවේ භටපිරිසක් ලෙබනන් රාජ්‍යයට පිටත් කර හැරීමට ලැබීම තුළින් රටේ පවතින ඩොලර් අර්බුදය විසඳීමට සුළු හෝ සහයක් ලබාදීමට හැකිවීම ශ්‍රී ලංකා යුද හමුදාව ලැබූ භාග්‍යයක් බව ශ්‍රී ලංකා යුද හමුදාපති ආරක්ෂක මාණ්ඩලික ප්‍රධානී ජෙනරාල් ශවේන්ද්‍ර සිල්වා මහතා පැවසීය

පසුගිය දිනවල මාධ්‍ය මගින් අම්පාරේ කැළිකසල බැහැර කරන ස්ථානයක වන අලි මරණයට පත්වීම ගැන පුවතක් පළ වුනා. මහාසාගරයත් දැන් අම්පාරේ කැළිකසළ කන්දට දෙවැනි නැහැ. මහාසාගරයේ මාළුන්ට වඩා දැන් තියෙන්නේ ප්ලාස්ටික්. මේ සියල්ලම මිනිසුන්ගේ ක්‍රියාකාරකම්. නැතුව වෙන කවුරුවත් ගෙනැවිත් බැහැර කරන දේවල් නොවෙයි. පරිසර හිතකාමී යම් තීරණයක් ගතහොත් එම තීරණය අගයන්නේ සුළු පිරිසක්. තවත් පිරිසක් ඒක නිර්දය ලෙස විවේචනය කරනවා.

දකුණු පළාතෙන් බස්නාහිර පළාතට කලුතරින් ගමන් කරමින් සිටි යතුරුපැදි රැළියක ලංකාවේ මාර්ග වල ධාවනයට තහනම් රුපියල් ලක්ෂ එකසිය විස්සක් වටිනාකම කින් යුතු අධි බලති යතුරුපැදි දෙකක් පැද වූ තරුණයන් දෙදෙනෙක් එම යතුරුපැදි දෙක ද සමග ඊයේ (30දා) රාත්‍රියේ අලුත්ගම පොලීසිය අත්අඩංගුවට ගත් බව කියයි .

පවතින තත්ත්වය තුළ දෛනිකව විදුලි කප්පාදු කිරීමසඳහා අවසර ලබාදෙන ලෙසවිදුලිබලමණ්ඩලය විසින් සිදුකර තිබෙන ඉල්ලීම පිළිබඳ සලකා බැලීම සඳහා තුන්වැනි වතාවටත් අද (31දා) දින මහජන උපයෝගීතා කොමිෂම රැස්වේ.

අක්‍රීයව පැවැති නොරොච්චෝලේ ලක්විජය බලාගාරයේ තෙවැනි ජනන යන්ත්‍රයද ක්‍රියාත්මක කිරිමට හැකිවී තිබේ. ඒ අනුව අද දිනයේ පටන් මෙගාවොට් 160ක ධාරිතාවක් එම ජනන යන්ත්‍රය මගින් ජාතික විදුලි සැපයුමට එක්වෙයි.

මෙරට තුළ ගතවූ සතියේදී වාර්තා වූකෝවිඩ් ආසාදිතයන් සංඛ්‍යාව ඊට පෙර සතියට සාපේක්ෂව 15%-20%ත් අතර ප්‍රමාණයකින් ඉහළ ගොස් ඇති බවත්,කෝවිඩ් මරණ සංඛ්‍යාවද 5%-6%ත් අතර ප්‍රමාණයකින් ඉහළ ගොස් ඇති බවත් සෞඛ්‍ය අමාත්‍යාංශයේ කෝවිඩ්-19 සම්බන්ධීකාරක සහ තාක්ෂණ සේවා අධ්‍යක්ෂ, වෛද්‍ය අන්වර් හම්දානි මහතා ප්‍රකාශ කළේය.