තමන් මින් පෙර සඳහන් කළ පරදීම ජනපති ධුරයෙන් ඉල්ලා අස්වන බව ජනපති ගෝඨාභය රාජපක්ෂ මහතා අග්‍රාමාත්‍ය රනිල් වික්‍රමසිංහ මහතා වෙත නිලවශයෙන් දන්වා ඇති බව අග්‍රාමාත්‍ය මාධ්‍ය ඒකකය සඳහන් කරයි.

ශ්‍රී ලංකාවේ පවතින අර්බුදකාරි තත්ත්වය විසඳිම වෙනුවෙන් රාජපක්ෂවරුන් ඉන්දීය හමුදා ඉල්ලා සිටියි නම් ඉන්දියාව විසින් සිය හමුදා ශ්‍රි ලංකාව වෙත පිටත් කර හැරිය යුතු බවට ඉන්දිය භාරතීය ජනතා පක්ෂයේ ජ්‍යෙෂ්ඨ මන්ත්‍රීවරයෙක් මෙන්ම ඉන්දියාවේ හිටපු අමාත්‍යවරයෙක්ද වන සුබ්‍රමනියම් ස්වාමි ඊයේ සිය ට්විටර් ගිණුමෙන් ප්‍රකාශයක් කරමින් පැවැසීය.

සර්වපාක්ෂික අන්තර්වාර පාලනයේ ජනාධිපතිධුරය හා අග්‍රාමාත්‍ය ධුරය සඳහා පාර්ශ්ව කිහිපයකින් නම් යෝජනා කර ඇති බව වාර්තා වෙයි. සජිත් ප්‍රේමදාස, අනුර කුමාර දිසානායක, ඩලස් අලහප්පෙරුම,පාඨලී චම්පික රණවක, සරත් ෆොන්සේකා යන මහත්වරුන්ගේ නම් ඒ අතර.

විරෝධතාකරුවන් ඉලක්ක කර ගනිමින් යුද හමුදාව වෙඩි ප්‍රහාර එල්ල කළ බවට දැක්වෙන වීඩියෝව පිළිබඳව යුද හමුදාව කරුණු පැහැදිලි කර තිබේ. මේ පිළිබඳව නිවේදනයක් නිකුත් කරමින් යුද හමුදාව ප්‍රකාශ කරන්නේ වළක්වාලීමේ උපක්‍රමයක් ලෙස අහසට මෙන්ම ජනාධිපති මන්දිරයට ඇතුළුවන ප්‍රධාන ගේට්ටුවේ පැති බැම්මට වෙඩි ප්‍රහාර කිහිපයක් එල්ල කළ බවයි.

ජාතික ධජය සමග ලයිට් කණුවට නගිමින් අරගලය ජයග්‍රහණය කිරීමේ සතුටු ඊයේ (09දා) ප්‍රකාශ කළ පුද්ගලයාගේ මළසිරුර අද (10) අලව්ව කපුවරල දුම්රිය මාර්ගයේ තිබි හමුවී ඇත.

පාර්ලිමේන්තු කටයුතු පිළිබඳ කාරක සභාවේ විශේෂ රැස්වීමක් හෙට (11දා) පස්වරු 2.00ට පැවැත්වීමට නියමිතය. එහිදී කඩිනමින් පාර්ලිමේන්තුව රැස්කිරීම සහ පවතින අර්බුදකාරී තත්ත්වයන්ට පාර්ලිමේන්තුව තුළින් ගනු ලබන තීරණ ඇතුළු කරුණු කිහිපයක් සාකච්ඡා කිරීමට නියමිතව ඇත.

මේ වන විට ජනතාව විසින් අත්පත්කරගෙන ඇති කොළඹ ජනපති මන්දිරය, අරලිය ගහ මන්දිරය හා ජනපති ලේකම් කාර්යාලයේ රැදී සිටින ජනතාව ජනපති ගෝඨාභය රාජපක්ෂ මහතා හා අග්‍රාමාත්‍ය රනිල් වික්‍රමසිංහ මහතා සිය ධුරවලින් ඉල්ලා අස්වෙන තෙක් ඉන් ඉවත් නොවන බව ගෝල්ෆේස් අරගලකරුවෝ කොළඹදි මාධ්‍ය හමුවක් කැඳවමින් පැවැසීය.

සමගි ජන බලවේගය තුළ සැලුම් දොරක් නොමැති බැවින් පක්ෂයෙන් ඉවත්ව ගිය කිසිවෙකු නැවත පක්ෂයට නොගන්නා බව සමගි ජන බලවේගයේ මහ ලේකම් පාර්ලිමේන්තු මන්ත්‍රී රංජිත් මද්දුමබණ්ඩාර මහතා පැවසීය.

අග්‍රාමාත්‍ය රනිල් වික්‍රමසිංහ මහතාගේ නිවසට ප්‍රහාරයක් එල්ල වන අවස්ථාවේදී කොළඹ පස්වන පටුමගේ විදුලිය විසන්ධි වී තිබීම පිළිබඳව මහජන උපයෝගීතා කොමිෂම විසින් විමර්ශනයක් ආරම්භ කිරීමට තිරණය කර තිබේ.

වත්මන් ජනපතිවරයාගේ සිට වැඩ බලන ජනපතිවරයා දක්වා බලය හුවමාරුව ඉතාමත් ඉක්මනින් සාමකාමීව සිදු කළ යුතු බව ශ්‍රී ලංකා නීතිඥ සංගමයේ සභාපති ජනාධිපති නීතිඥ සාලිය පීරිස් මහතා පැවැසීය.

ශ්‍රි ලංකා චීන තනාපති කාර්යාලය සහ චීන රතු කුරුස සමාජය මගින් නුවරඑළිය දිස්ත්‍රික්කයේ අඩු ආදායම්ලාභි තොරාගත් පවුල් 2500 ක් සඳහා වියලි ආහාර ද්‍රව්‍ය බෙදා දිමේ වැඩසටහනේ සමාරම්භක උත්සවය ශ්‍රි ලංකාවේ චීන තානාපති චී ෂෙන්හොන්ග් මහතා සහ නුවරඑළිය දිස්ත්‍රික් ලේකම් නන්දන ගලබඩ මහතාගේ ප්‍රධානත්වයෙන් ඊයේ (09) දින නුවරඑළිය සිනිසිටා නගර ශාලාවේදි පැවැත්විණ.

පාර්ලිමේන්තු ප්‍රජාතන්ත්‍රවාදයක් පවතින රටක විකල්ප අගමැති වන්නේ විපක්ෂනායක බව පාර්ලිමේන්තු මන්ත්‍රී රාජිත සේනාරත්න මහතා පැවැසීය. අද කොළඹදී පැවැති මාධ්‍ය හමුවකදී ඔහු සඳහන් කලේ විපක්ෂනායකවරයාගේ නායකත්වයෙන් බලය බෙසාගෙන ආණ්ඩුවක් පිහිටුවා ජනතාවගේ ගැටලු විසඳීමට ඉක්මන් ක්‍රියාමාර්ග ගන්නා බවයි.

ආයෝජන ප්‍රවර්ධන අමාත්‍ය ධම්මික පෙරේරා මහතා සිය අමාත්‍යධුරයෙන් ඉවත්වීමට තීරණය කර තිබේ. ඒ අනුව ධම්මික පෙරේරා මහතා අමාත්‍යධුරයේ කටයුතු කරනු ලැබුවේ සති දෙකකට ආසන්න කාලයක් පමණි.

මේ මොහොතේ ජනතාව ඉල්ලා සිටින සර්වපාක්ෂික අන්තර්වාර ආණ්ඩුවට ඉඩ ලබා දීම මහජන නියෝජිතයන්යගේ වගකීම විය යුතු බව අමාත්‍ය ප්‍රසන්න රණතුංග මහතා නිවේදනයක් නිකුත් කරමින් පවසයි.

’’අපි මෙම රජයෙන් හෝ ඕනෑම නව, ව්‍යවස්ථාපිතව තෝරාගත් රජයකින් ඉල්ලා සිටින්නේ දිගු කාලීන ආර්ථික ස්ථාවරත්වයක් ළඟා කර ගැනීමට සහ විදුලිය, ආහාර සහ ඉන්ධන හිඟය ඇතුළු නරක අතට හැරෙන ආර්ථික තත්ත්වයන් පිළිබඳව ශ්‍රී ලාංකීය ජනතාවගේ අතෘප්තියට විසඳුම් සෙවීමට සහ ක්‍රියාත්මක කිරීමට කඩිනමින් කටයුතු කරන ලෙසයි.’’

පළමු නෞකාව අද (10) පස්වරු 3ට කෙරවලපිටියට පැමිණීමෙන් පසු ගෑස් ගොඩබෑම සහ බෙදාහැරීම කඩිනමින් සිදුකරන ලෙස ජනාධිපති ගෝඨාභය රාජපක්ෂ මහතා නිලධාරීන්ට උපදෙස් දී තිබේ.

ජාත්‍යන්තර මූල්‍ය අරමුදල විසින් ලංකාවට ලබාදීම සම්බන්ධනේ වන ණය පැකේජය පිළිබඳව සාකච්ඡා නැවත ආරම්භ කිරීමට ඉඩ සලසමින් ශ්‍රී ලංකාවේ දේශපාලන කැලඹීම සඳහා විසඳුමක් බලාපොරොත්තු වන එම සංවිධානය පවසයි.

ඇමෙරිකාව චීනයේ ස්වෛරීභාවයට සහ භෞමික අඛණ්ඩතාවයට ගරු කළ යුතු අතර, චීනයේ අභ්‍යන්තර කටයුතුවලට මැදිහත් වීම නැවැත්විය යුතුයි.

ජනපති මන්දිරයට ඊයේ (9දා) ඇතුළු වූ විරෝධතාකරුවන් එහි තිබී රුපියල් කෝටියකට අධික මුදලක් සොයාගෙන තිබේ. එම මුදල් ඔවුන් විසින් ආරක්ෂිතව පොලීසියට භාර දීමට කටයුතු කර තිබේ.

එක්සත් ජනපද අණ්ඩුව, යුක්රේනයේ සන්නද්ධ ගැටුම හැකිතාක් දුරට දිග්ගැස්සීමට ඉලක්ක කර ඇති අතර, වොෂිංටනය කියෙව් පාලනය වෙත් තවත් HIMARS ඒකක හතරක් ලබා දෙන්නේ මේ සඳහා බව වොෂිංටනයේ රුසියානු තානාපති කාර්යාලය පවසයි.

අග්‍රාමාත්‍ය රනිල් වික්‍රමසිංහ මහතාගේ පෞද්ගලික නිවසට ගිනි තැබීමේ සිද්ධිය සම්බන්ධයෙන් පුද්ගලයන් තිදෙනෙකු කොල්ලුපිටිය පොලීසිය මගින් අත්අඩංගුවට ගෙන ඇතැයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිඥ නිහාල් තල්දූව මහතා පැවසීය. අත්අඩංගුවට පත් වූවන් අතර වයස අවුරුදු 19 ක ගල්කිස්ස පදිංචිකරුවෙක් එමෙන්ම වයස අවුරුදු 24 හා 28 පසුවන ගාල්ල පදිංචිකරුවන් දෙදෙනකු වන බවත් මාධ්‍ය ප්‍රකාශක වරයා කීය.

සැකකරු විශ්වාස කළේ හිටපු අගමැතිවරයා කිසියම් ආගමික කණ්ඩායමක අවශ්‍යතා ප්‍රවර්ධනය කරන බවය .

ආණ්ඩුවට විරෝධය දක්වමින් ඊයේ පැවැති විරෝධතා අතරතුළ ඇතිවූ සිදුවීම් හේතුවෙන් පුද්ගලයන් 103ක් තුවාල ලබා කොළඹ ජාතික රෝහලට ඇතුළත් කර තිබේ. මෙයින් තවමත් පුද්ගලයන් 55ක් නේවාසිකව ප්‍රතිකාර ලබයි. තුවාල ලැබූවන් අතර මාධ්‍යවේදීන් 11 ක් හා ආරක්ෂක අංශ සාමාජිකයන් 05ක්ද වෙයි.

චීනය ඉතා අඩු වියදමකින්, එක්සත් ජනපදයට වඩා පස් ගුණයක් වේගයෙන් ආයුධ ලබා ගන්නා බවට පෙන්ටනගයේ ඉහළ නිලධාරියෙක් අනතුරු අඟවා තිබේ.

රටේ ඇතිවී තිබෙන අර්බුදකාරී වාතාවරණ සාමකාමීව සහ ව්‍යවස්ථානුකුලව නිරාකරණය කරගැනීම සඳහා අවස්ථාවක් උදාවී ඇති බවත් රටේ සාමය පවත්වාගෙන යාම සඳහා ආදරණිය ශ්‍රී ලංකා වාසි ජනතාවගේ සහයෝගය ත්‍රිවිධ හමුදාව සහ පොලීසිය වෙත ලබාදෙන ලෙසත් ආරක්ෂක මාණ්ඩලික ප්‍රධානී ජෙනරාල් ශවේන්ද්‍ර සිල්වා මහතා ජනතාවගෙන් ඉල්ලා සිටියි.

එක්සත් ජනපදයේ, ඔක්ලහෝමා ප්‍රාන්තයේ මෙඩ්ෆෝර්ඩ් අසල ONEOK ගෑස් බලාගාරයක පිපිරීමකින් පසු ගින්නක් ඇති වූ බව විදෙස් වාර්තා පවසයි.

ඉන්දීය ණය යෝජනා ක්‍රමය යටතේ ශ්‍රී ලංකාවෙට ගෙන්වූ යූරියා මෙට්‍රික් ටොන් 40000ක් රැගත් නෞකාව ඉන්දීය මහ කොමසාරිස්වරයාගෙන් නිල වශයෙන් භාර ගැනීමෙන් අනතුරුව තමන් අමාත්‍යධුරයෙන් ඉල්ලා අස්වන බව කෘෂිකර්ම අමාත්‍ය මහින්ද අමරවීර මහතා පවසයි.

විදේශ රැකියා හා කම්කරු අමාත්‍ය මනූෂ නානායක්කාර මහතා හා සංචාරක හා ඉඩම් අමාතය හරීන් ප්‍රනාන්දු මහතා සිය අමාත්‍යධුර වලින් ඉල්ලා අස්විමට තීරණය කර තිබේ. සිය ටිවිටර් ගිණුමෙන් ඔවුන් ප්‍රකාශ කරන්නේ නව අන්තර්වාර රජයක් පත්කිරීම වෙනුවෙන් තමන් අමාත්‍යධුරවලින් ඉල්ලා අස්වෙන බවයි.

කොළඹ පස්වන පටුමගේ පිහිටි අග්‍රාමාත්‍ය රනිල් වික්‍රමසිංහ මහතාට අයත් පෞරාණික භාණ්ඩ තිබූ නිවස විරෝධතාකරුවන්ට මුවා වී සිටි කඩාකප්පල්කාරීන් පිරිසක් විසින් ගිනි තැබිමට කටයුතු කළේය.