එළඹෙන පළාත් පාලන මැතිවරණයේ දී එක්ව කටයුතු කිරීමට 43 වන සේනාංකයේ නායක පාඨලී චම්පික රණවක මහතා, නව ලංකා නිදහස් පක්ෂය සමග එකඟතාවයකට පැමිණ තිබේ.

ජෝන් හොප්කින්ස් විශ්ව විද්‍යාලයේ ව්‍යවහාරික ආර්ථික විද්‍යාව පිළිබඳ මහාචාර්ය ස්ටීව් හැන්කේ මහතාගේ උද්ධමනය පිළිබඳ නවතම දර්ශකයේ ශ්‍රී ලංකාව ස්ථානයක් පහළට පැමිණෙමින් ලෝකයේ උද්ධමනය වැඩිම රටවල් අතර පස්වන ස්ථානය ලබාගෙන ඇත. පසුගිය දර්ශකයේ ශ්‍රී ලංකාවට හතරවෙනි ස්ථානය හිමිවී තිබුණි.

දුම්රිය සේවය සඳහා නව සේවකයින් 3,000ක් බඳවා ගැනීම සිදුකරන බව ප්‍රවාහන අමාත්‍ය බන්දුල ගුණවර්ධන මහතා පවසයි. බහුකාර්ය කාර්ය සාධන බළකායේ සිටින සේවකයන් පිරිසක් මෙසේ දුම්රිය වෙත බදවා ගැනීමට නියමිතය.

ආර්ථික අහේනියක් පැවැතියත් ප්‍රජාතන්ත්‍රවාදය ආරක්ෂා කිරීමත් වැදගත් බවත් ඒ අනුව මැතිවරණය පැවැත්වීමේ කිසිම වරදක් නොමැති බවත් තතානායක මහින්ද යාපා අබේවර්ධන කියයි

පාස්කු ඉරුදින එල්ල වූ මරාගෙන මැරෙන බෝම්බයට අදාළව ගොනුකළ මූලික අයිතිවාසිකම් පෙත්සම්වලට අදාළව ශ්‍රේෂ්ඨාධිකරණය ලබදුන් තින්දුව පිළිබඳව හිටපු ජනපති මෛත්‍රීපාල සිරිසේන මහතා පාර්ලිමේන්තුවට ප්‍රකාශයක් කිරීමට නියමිතය.

කෝටි 10ක වන්දියක් ගෙවන්න තරම් ආර්ථිකයක් මට කොහෙත්ම නෑ. මම ඒ සම්බන්ධව කරුණු කියන්නේ නෑ. මම සහ මගේ හිතවතුන් මේ සම්බන්ධව තීරණය කර තිබෙන්නේ අපි අපට හිතවත් අයගෙන් අප සල්ලි එකතු කරමු කියල. නමුත් මම එතැනදි ඇහුව කොළඹ කොටුවේ බෝගහ යට මම ටින් එකක් හොලව හොලව ඉන්නද කියල. නමුත් මගේ හිතවත් මිත්‍රයින් රාශියක් මට කියපු දේ තමා ඔබතුමාට කිසිදු ආදායම් මාර්ග නෑ ඒ නිසා ඔබතුමාගේ ආර්ථිකය කොහොමද කියා අප දන්නව කියල.

එක්දින ඉතිහාසයේ වැඩිම ලකණු ප්‍රමාණයකින් පරාජයට පත්වූ කණ්ඩායම ලෙස ශ්‍රී ලංකා ක්‍රිකට් කණ්ඩායම වාර්තා අතරට එක්විය. ඒ ඉන්දියාව සමගින් පැවැති තෙවැනි හා අවසන් එක්දින තරගයේදී ලකුණු 317ක දැවැන්ත පරාජයක් ලබමිනි.

රට ආර්ථික වශයෙන් වැටි තිබෙන අවස්තාවේ රට තුළ මැතිවරණයක් පැවැත් වුව හොත් රටේ ජනතාව කොටස් වශයෙන් බෙදි වෙන්වන බවත්, පවත්නා තත්ත්වය මත පළාත් පාලන මැතිවරණයක් අනවශ්‍ය බවත් බුද්ධ ශාසන , ආගමික කටයුතු සංස්කෘතික අමාත්‍ය විදුර වික්‍රමනායක මහතා පැවසිය.

ඉන්දියානු නාවික හමුදාවට අයත් ‘INS DELHI’ යුද නෞකාව නිල සංචාරයක් සඳහා අද දින (15දා) උදෑසන ත්‍රීකුණාමලය වරායට සේන්දු වූ අතර, ශ්‍රී ලංකා නාවික හමුදාව විසින් එම නෞකාව නාවික හමුදා සම්ප්‍රදායානුකුලව පිළිගැනීමට කටයුතු කෙරිණි.

කොම්පඤ්ඤ වීදිය සුපිරි අවන්හලක 30 වෙනි මහලේ පැවැත්වූ මත්ද්‍රව්‍ය සාදයක් අද (15දා) අලුයම වටලා තරුණියක් ඇතුළු සිව් දෙනෙක් මත්ද්‍රව්‍ය සමග අත්අඩංගුවට ගත් බව පානදුර වලාන මධ්‍යම දුෂණ මර්ධන ප්‍රහාරක ඒකකය කියයි.

ඉන්දීය සුපිරි පිතිකරු විරාත් කෝලි සිය එක්දින දිවියේ 46 වැනි ශතකය වාර්තා කිරිමට මීට සුළු මොහොතකට පෙර සමත්විය. ඒ ශ්‍රී ලංකාව සමගින් පැවැත්වෙන තෙවැනි එක්දින තරගයේදීය.

ජනපති රනිල් වික්‍රමසිංහ මහතා මෙහිදී පවසා ඇත්තේ ශ්‍රී ලංකාවේ ණය ප්‍රතිව්‍යුහ ගත කිරීමේදී චීනයේ සහාය අපේක්ෂා කරන බවත් ශ්‍රී ලංකාවේ ආර්ථිකය සම්බන්ධයෙන් චීනයේ සහාය නුදුරු අනාගතයේදීම අපේක්ෂා කරන බවයි.

මම කියන්න කැමතියි, ඡන්දය කල්යන්නේ නැහැ කියලා. ඡන්දය පවත්වාවි. හිටපු ජනාධිපති මෛත්‍රිපාල සිරිසේන මහතාට ඇතිවු තත්වය පිළිබද අපි කණගාටු වෙනවා. එතුමා සමග අපිට පුද්ගලික ප්‍රශ්නයක් නැහැ. ඉදිරි මැතිවරණයේ දි අපේ කණ්ඩායම තරග වදිනවා.

අම්බලන්තොට නගරයේ ගොඩනැගිලි ද්‍රව්‍ය අලෙවිසැලක ප්‍රධාන දොර කඩා ඇතුළු වූ පුද්ගලයෙකු වෙළඳසැලේ ලාච්චුවේ තිබූ මුදල්ගෙරැගෙන ගොස් ඇති බවට වෙළඳසැල් හිමියා විසින් අද (15දා) අම්බලන්තොට පොලිසිය වෙත පැමිණිලි කර තිබේ.

මහකුඹුක්කඩවල ගල්කුලිය විහාරස්ථානය අසන්නයෙ නිවෙස් වල විදුලි බිල නිකුත් කරමින් සිටි විදුලි මනු කියවන්නෙකුට පුද්ගලයකු පොලු මුගුරු වලින් අමානුෂීක ලෙස පහර දීමේන් බරපතල ලෙස තුවාල හා අස්ථි බිදිමකට ලක්ව හලාවත මූලික රෝහලට ඇතුලත් කර ඇති බව මහකුඹුක්කඩවල පොලිසිය කියයි.

මෙවර මැදවච්චිය විවිධ සේවා සමූපකාර ඡන්දය සමගි ජන බල වේගය නියෝජනය කළ කණ්ඩායම ජයග්‍රහණය කර ඇති බවත් එම ඡන්ද විමසීමේදී මැදවච්චිය විවිධ සේවා සමූපකාරයේ සාමාන්‍යඅධිකාරිවරයා ජනතා විමුක්ති පෙරමුණට සහය දක්වමින් අක්‍රමිකතා රැසක් සිදු කර ඇති බව මැදවච්චිය සමගි ජන බලවේගයේ ආසන සංවිධායක පාර්ලිමේන්තු මන්ත්‍රී රෝහණ බණ්ඩාර මහතා ප්‍රකාශ කළේය.

ඇතිමලේ පොලිස් ස්ථානාධිපතිවරයා වෙනුවෙන් පෙනීසිටින ලද නීතීඥවරුන් කරුණු දක්වමින් තම සේවාදායකයා අධිකරණයට රහස්‍ය ප්‍රකාශයක් සිදුකිරීමට කැමැත්ත ප්‍රකාශකරන හෙයින් ඊට අවස්ථාව ලබාදෙන ලෙස ඉල්ලීමක් කරන ලදි. ඒ අනුව ජනවාරි (18) වෙනි දින සැකකරු අධිකරණයට ඉදිරිපත්කරන ලෙස පොලීසියට නියෝග කරනු ලැබුවාය.

මොනරාගල පොලිස් කොට්ඨාසයයේ නව පොලිස් අධිකාරීවරයා ලෙස ජ්‍යෙෂ්ඨ පොලිස් අධිකාරී බුද්ධි උඩුගමසූරිය මහතා පොලිස්පති සී.ඩී වික්‍රමරත්න මහතා විසින් පත්කොට ඇත.

මහජනතාව තුළ පොලීසිය කෙරෙහි අප්‍රසාදයක් ඇති කිරීමට යම් සංවිධානාත්මක පිරිසක් සමාජ මාධ්‍ය ඔස්සේ කුමන්ත්‍රණයක නිරතවනවා... සමහර පොලිස් ස්ථානාධිපතිවරුන් අරගලකරුවන්ට උදව් කළා. අන්තිමට අරගලකරුවන් පොලීසියටම පහර දුන්නා... ඇතැම් නිළධාරින් ජාවාරම්කරුවන් සමඟ සම්බන්ධයි... පොලීසිය ජාවාරම්කරුවන්ට එරෙහිව තදින් ක්‍රියාත්මක වුවහොත් මහජන ගෞරවය හිමිවේවි....

පැවැත්විමට නියමිත පළාත් පාලන මැතිවරණයේදි මාතලේ මහ නගර සභාවේ නගරාධිපතිධුරය සදහා අපෙක්ෂකයකු ලෙස නව ලංකා නිදහස් පක්ෂයෙන් ඉදිරිපත් වන බව හිටපු කැබිනට් අමාත්‍ය නන්දිමිත්‍ර ඒකනායක මහතා අද (15දා)මාධ්‍ය අමතා පැවසිය.

මෙරට ආදීවාසින් මෙවර පළාත් පාලන මැතිවරණයට ඉදිරිපත්වන්නේ ප්‍රථම වතාවට නොවන බවත් දැනටමත් තම ලේලියක් දෙහිඅත්තකණ්ඩිය ප්‍රාදේශීය සභා මන්ත්‍රීවරියක්ව සිටින බවත් ආදිවාසි නායක වනස්පති ඌරුවරිගේ වන්නියලැ ඇත්තෝ අද පුවත්පතට පැවසීය.

පනාගොඩ යුද්ධ හමුදා මූලස්ථානයේ ප්‍රධාන කාර්යාලයේ ජනෙලයක ඉහළින් තිබෙන කොන්ක්‍රීට් පියස්සක් මතින් බිමට වැටීමෙන් ලාන්ස් කෝප්‍රල්වරයකු මියගොස් ඇතැයි හෝමාගම පොලිසිය කියයි.

ඕමානයේ ශ්‍රී ලංකා තානාපති කාර්යාලයේ ’’ සුරක්ෂා’’ මැදුරෙහි සිටි ශ්‍රී ලාංකික ගෘහ සේවිකාවන් 15 දෙනෙකු අද (15දා) අලුයම කටුනායක ගුවන් තොටුපළ වෙත එවා තිබුණි.

මත්ද්‍රව්‍ය මෙරටින් පිටු දැකීම සඳහා ශ්‍රී ලංකා නාවික හමුදාව, ශ්‍රී ලංකා පොලීසිය, පොලිස් මත්ද්‍රව්‍ය නාශක කාර්යංශය, රාජ්‍ය බුද්ධි සේවාව හා පොලිස් විශේෂ කාර්ය බලකාය සමග එක්ව බුද්ධි තොරතුරු හුවමාරු කරගනිමින් සිදු කල මෙහෙයුම් මඟින් පසුගිය 2022 වසරේ හෙරොයින් කිලෝ 1363 ග්‍රෑම් 503 ක් අත්අඩංගුවට ගැනීමට හැකිවූ බව නාවික හමුදාව නිවේදනය කරයි.

නීති විරෝධී ලෙස මුහුදු මාර්ගයෙන් ප්‍රංශයට අයත් රී-යූනියන් දූපත වෙත සංක්‍රමණය වීමට උත්සාහ කිරීමේදී අත්අඩංගුවට පත් ශ්‍රීලාංකිකයන් 46 දෙනෙකු 2023 ජනවාරි මස 13 වන දින සවස නැවතත් ගුවන් මගින් මෙරටට පිටුවහල් කිරීමට රී-යූනියන් දූපතේ ප්‍රංශ බලධාරීන් විසින් කටයුතු කර ඇත.

ජනාධිපති රනිල් වික්‍රමසිංහ මහතා වැඩිදුරටත් සඳහන් කළේ රටක් ලෙස විශ්වාසය ගොඩනඟා ගැනීමට හැකිවීම තුළින් ජාත්‍යන්තර මුල්‍ය අරමුදල සමඟ පැවැත්වෙන සාකච්ඡා වඩා සාර්ථක කර ගැනීමට රජය සමත් වී ඇති බවයි.

ඉදිරි දින කිහිපයේදී දිවයිනේ දකුණු අර්ධයේ වැසි සහිත කාලගුණයක් ඇතිවීම වෙනුවෙන් සුදුසු වායුගෝලීය තත්ත්වයක් ස්ථාපිත වෙමින් පවතින බව කාලගුණ විද්‍යා දෙපාර්තමේන්තුව පවසයි. ඒ් අනුව ඉදිරි දින කිහිපයේදී දිවයිනේ දකුණු අර්ධයේ අපරභාගයේදී වැසි ඇතිවිය හැකි බව එම දෙපාර්තමේන්තුව දන්වා සිටියි.

හෙට දිනට යෙදී ඇති තෛපොංගල් හින්ද ආගමික උත්සව දිනය නිමිතතෙනේ නුවරඑළිය දිස්ත්‍රික්කයේ සියලුම මත්පැන් හල් හා බදුල්ල දිස්ත්‍රික්කයේ මහියංගනය හා රිදීමාලියැද්ද හැර අනෙකුත් ප්‍රා දේශීය ලේකම් කොට්ඨාසවලට ඇයත් සියලුම මත්පැන් හල් හෙට (15දා) දිනයේදී වසා දමන බව සුරා බදු දෙපාර්තමේන්තුව පවසයි.

නීතිවිරෝධී ලෙස රත්තරන් ශ්‍රී ලංකාවට ගෙන එන නවතම ක්‍රමයක් ලෙස යොදා ගත් රත්තරන් වලින් සකස් කළ ක්‍රෙඩිට් කාඩ් පත් ( ණය පත් ) ( Credit Card) උපයෝගී කර ගනිමින් රුපියල් එකොළොස් කෝටි පහළොස් ලක්ෂ පනස් දහසක් වටිනා කැරට් 24 රත්තරන් තොගයක් ශ්‍රී ලාංකික ගුවන් මගී කාන්තාවක සමග 01/12 දින කටුනායක ගුවන් තොටුපළ පැමිණීමේ පර්යන්තයේ දී රේගු ආදායම් අධීක්ෂණ අංශයේ නිලධාරීන් පිරිසක් විසින් අත් අඩංගුවට ගෙන තිබේ .