ගස් යට වැටිලා යන කොස් වලින් රටටම ආදර්ශයක් දෙන්න කොස්වලින් කොත්තු හදා කොස් ජනප්‍රිය කරවීමට ආපනශාලා හිමියන්ගේ සංගමය මේ දිනවල දැවැන්ත උත්සාහයක නිරත වන බව එම සංගමයේ සභාපති අසේල සම්පත් මහතා අද (21) ඇල්පිටියේ පැවති මාධය හමුවකදී කීවේය.

ශ්‍රී ලාංකිකයන් 303 ක් රැගත් වියට්නාම් ධජය සහිත ධීවර යාත්‍රාවක් පසුගිය 2022 වර්ෂයේ නොවැම්බර් මස 07 වන දින වියට්නාම් මුහුදේදී ආපදාවට පත් වූ අතර, එම පිරිස ශ්‍රී ලංකා නාවික හමුදා මූලස්ථානයේ පිහිටි කොළඹ සමුද්‍රීය සෙවිම් සහ මුදවා ගැනීම් සම්බන්ධීකරණ මධ්‍යස්ථානයේ සම්බන්ධීකරණයෙන් නිරුපද්‍රිතව මුදවා ගැනීමෙන් අනතුරුව, වියට්නාමයේ සරණාගතයින් ලෙස තාවකාලිකව රඳවා සිටින ලදි.

යුරෝපා සංගමය හා එක්සත් ජාතීන්ගේ ආහාර හා කෘෂිකර්ම සංවිධානය විසින් මෙවර යල කන්නයේ දී ගොවි ජනතාවට ලබා දෙන සහනාධාරයක් වශයෙන් රුපියල් මිලියන 15,000ක යුරියා පොහොර හා කෘෂි උකරණ කට්ටල රැසක් කෘෂිකර්ම අමාත්‍යාංශයට නිල වශයෙන් බාර දීම හෙට (22) දින සිදු කරනු ලබයි.

විදුලිබල මණ්ඩලයේ ප්‍රතිව්‍යුහගත කිරීමේ වැඩපිළිවෙල පිළිබඳව දැනුවත් කිරීමට විදුලිබල මණ්ඩලය නියෝජනය කරන වෘත්තීය සමිති 31ක නියෝජිතයන් සමග ඊයේ (20දා) සවස සාකච්ඡාවක් පැවැත්වූ ලැබූ බව විදුලි බල හා බලශක්ති අමාත්‍ය කංචන විජේසේකර මහතා පවසයි.

ජපානයෙන් ගෙනවිත් ඌව වෙල්ලස්ස විශ්වවිද්‍යාල භූමියේ රෝපනය කරන ලද සකුරා මල් ගසේ මේ දිනවල ඉතාමත් අලංකාර සකුරා මල් පිපී ඇතැයි ඌව වෙල්ලස්ස විශ්වවිද්‍යාලයේ උපකුලපති මහචාර්ය ජයන්ත ලාල් රත්නසේකර මහතා පවසයි.

’’චීන නවීකරණය සහ ලෝකය යන්න තේමාව කරගත් ලන්ටින් සංසදය චීනයේ ෂැංහයි හිදී අද (21දා) ආරම්භ විය. මෙහි ප්‍රධාන දේශනය චීනයේ විදේශ කටයුතු අමාත්‍යංශයේ රාජ්‍ය මන්ත්‍රී Qin Gang මහතා විසින් සිදු කළේය. මෙම සංසදය ෂැංහයි හි පැවැත්වෙන පළමු වතාව ද මෙය වේ.

නුවරඑලිය සැණකෙලිය අතරතුරදී, ඇතිවූ ගැට්ම්කාරී සිද්ධිය පිළිබඳව ස්වාධීන අපක්ෂපාතී පරීක්ෂණයක් පැවැත්වීම සඳහා මධ්‍යම පළාත් ආණ්ඩුකාරවර නීතිඥ ලලිත් යූ. ගමගේ මහතා පළාත් ප්‍රධාන ලේකම් ගාමිණී රාජරත්න මහතා වෙත (19) උපදෙස් ලබා දී ඇත.

ඉන්දුනීසියානු නාවික හමුදාවට අයත් ‘KRI Bima Suci’ පුහුණු නෞකාව සුහද සංචාරයක් සඳහා අද දින (2023 අප්‍රේල් 20) උදෑසන කොළඹ වරායට සේන්දු වූ අතර, ශ්‍රී ලංකා නාවික හමුදාව විසින් එම නෞකාව නාවික හමුදා සම්ප්‍රදායානුකුලව පිළිගැනීමට කටයුතු කෙරිණි.

කවුරු මොන වෙට්ටු දැම්මත් ඉදිරි සති දෙක තුළ බිත්තර මිල අනිවාර්යෙන්ම අඩු කරන බව වෙළද හා ආහාර සුරක්ෂිතතා අමාත්‍ය නලීන් ප්‍රනාන්දු මහතා ජා-ඇල කපුවත්ත ප්‍රදේශයේ ඊයේ (20දා) පැවති උත්සවයකින් අනතුරුව මාධ්‍ය වෙත අදහස් දක්වමින් පවසා සිටියහ.

ශ්‍රී ලංකා විදේශ සේවා නියුක්ති කාර්යංශය සහ ඊශ්‍රායලයේ ජනගහන හා සංක්‍රමණ අධිකාරිය අතර 2020 වසරේ ඇතිකර ගත් ගිවිසුම ප්‍රකාරව ශ්‍රි ලාංකිකයින්ට ඊශ්‍රායලයේ සාත්තු සේවා රැකියා අවස්ථා හිමිවේ.

ත්‍රිකුණාමලය දිස්ත්‍රික් සම්බන්ධීකරණ කමිටු රැස්වීම එහි සම සභාපතිවරුන් වන නැගෙනහිර පලාත් ආණ්ඩුකාර අනුරාධා යහම්පත් මහත්මියගේ සහ පාර්ලිමේන්තු මන්ත්‍රී කපිල නුවන් අතුකෝරාල මහතාගේ ප්‍රධානත්වයෙන් අද (20)පෙරවරුවේ ත්‍රිකුණාමලය දිස්ත්‍රික් ලේකම් කාර්යාලයේ දී පැවැත්විණි.

බණ්ඩි පොහොර හෙවත් එම්.ඕ.පී. පොහොර මිටියක මිල රුපියල් 4500කින් අඩු කිරීම කෙරෙහි රජයේ අවධානය යොමුව ඇතැයි කෘෂිකර්ම අමාත්‍ය මහින්ද අමරවීර පවසයි.

ඇඹිලිපිටිය දිස්ත්‍රික් මහ රෝහල ඇතුළු දිවයිනේ රෝහල් කිහිපයක් සඳහා වැඩබලන නිර්වින්දන විශේෂඥ වෛද්‍යවරුන් 08 දෙනෙකු වහා ක්‍රියාත්මක වන පරිදි සෞඛ්‍ය අමාත්‍යාංශය මගින් පත් කරනු ලැබ තිබේ.

ශ්‍රී ලංකාව සදහා ජාත්‍යන්තර මූල්‍ය අරමුදලේ (IMF) විස්තීර්ණ අරමුදල් පහසුකම (EFF) යටතේ වූ සැකසුම ක්‍රියාත්මක කිරීම සදහා වූ යෝජනා සම්මතය ලබන 26, 27 සහ 28 ‍තෙදින විවාදයට ගැනීමට අද (20) පැවති පාර්ලිමේන්තු කටයුතු පිළිබඳ කාරක සභාවේදී තීරණය වූ බව පාර්ලිමේන්තුවේ වැඩබලන මහලේකම් කුෂානි රෝහණදීර මහත්මිය පැවසුවාය.

බදුල්ල දිස්ත්‍රික්කයේ පවුල් 47665 ක් උග්‍ර ආහාර අනාරක්ෂිත තාවයෙන් පෙලෙන බවත් සමස්ථ පවුල් සංඛ්‍යාවේ ප්‍රතිශතයක් ලෙස එය 17 % ක් බවත් බදුල්ල දිස්ත්‍රික් ලේකම් දමයන්ති පරණගම මහත්මිය , අග්‍රාමාත්‍ය දිනේෂ් ගුණවර්ධන මහතාගේ ප්‍රධානත්වයෙන් අද 20) බදුල්ල දිස්ත්‍රික් ලේකම් කාර්යලයීය ශ්‍රවනාගාරයේදී පැවැති විශේෂ දිස්ත්‍රික් සමබ්න්ධීකරන කමිටු රැස්වීමේද අනාවරණය ක‍ළාය.

අධිකරණ, බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය ජනාධිපති නීතිඥ, ආචාර්ය විජයදාස රාජපක්ෂ මහතා සහ ශ්‍රී ලංකාවේ ඇමෙරිකානු තානාපතිනී ජුලී චන්ග් ( Julie j. Chung) මහත්මිය අතර හමුවක් අධිකරණ අමාත්‍යාංශයේදී අද පෙරවරුවේ ( 20) සිදුවිණි.

රජය මගින් ගෙන ඒමට නියමිත ප්‍රතිතස්ත පනත මගින්රටට අහිතකර තත්ත්වයක් ඇති වන්නේ නම් ඒ සම්බන්ධව පාර්ලිමේන්තුව තුළත් ඉන් පරිබාහිරවත් කරුණු දක්වමින් ජනතාව දැනුවත් කිරීම මහජන නියෝජිතයන්ගේ වගකීම යැයි අස්ගිරි පාර්ශවයේ අනුනායකපූජ්‍ය ආණමඩුවේ ධම්මදස්සි හිමියන් පැවැසූහ.

2022 වර්ෂයේ පැවැත්වූ 05 ශ්‍රේණි ශිෂ්‍යත්ව පරීක්ෂණයේ ප්‍රතිඵල මත 2023 වර්ෂයේ 06 ශ්‍රේණිය සඳහා පාසල්වලට ඇතුළත් වීමේ අභියාචනා ඉදිරිපත් කිරීම මාර්ගගත ව සිදු කිරීම සඳහා 2023.04.20 දින දහවල් 12.00 සිට මැයි මස 08 දින රාත්‍රී 12.00 දක්වා කාලය වෙන් කර ඇතැයි අධ්‍යාපන අමාත්‍යාංශය පවසයි.

විහාරස්ථානයකට සැදැහැවතෙක් පූජා කරන ලද සද්දන්ත හස්තියකුගේ ඇත් දළ යුගලය ජාවරම්කරුවන් මාර්ගයෙන් රුපියල් ලක්ෂ 50 ක මුදලකට විකිණීමට සැලසුම් කල බව කියන විහාරාධිපති හිමිනමක් අත්අඩංගුවට ගත් බව පානදුර වලාන මධ්‍යම දුෂණ මර්ධන ප්‍රහාරක බලකාය කියයි.

මෑත කාලයේ ඉහළම බලශක්ති ඉල්ලුම ඊයේ වාර්තා වූ බව විදුලි බල හා බලශක්ති අමාත්‍ය කංචන විජේසේකර මහතා පවසයි. එම ඉල්ලුම සම්පූර්ණ කිරීමට අවශය බලශක්තිය උත්පාදනය සඳහා 49.53 GWh ශුද්ධ ජනනයක් අවශ්‍ය වූ බවද අමාත්‍යවරයා පවසයි.

කොළඹ කොටුව දුම්රියපොළ ඉදිරිපිට මගී ගුවන් පාලම කඩිනමින් නඩත්තු කිරීමට වගකිවයුතු බලධාරීන් කටයුතු නොකළොත් විශාල ජීවිත අනතුරක් වැලැක්විය නොහැකි වනු ඇතැයි අවට වෙළඳුන් පවසයි.

පානදුර පොලිස් කොට්ඨාසයේ පොලිස් වසම් තුනක පිහිටා තිබෙන මුස්ලිම් දේවස්ථාන 23 ක් සහ පොදු ස්ථාන සඳහා විශේෂ පොලිස් ආරක්ෂාවක් යෙදවූ බව පානදුර කොට්ඨාසයේ ජේෂ්ඨ පොලිස් අධිකාරී (වෙනුවට වැඩබලන) සහකාර පොලිස් අධිකාරී නිශාන්ත සේනාරත්න මහතා පැවසීය.

අයර්ලන්තයට එරෙහිව ශ්‍රී ලංකාව වාර්තා කරන ලද ඉනිමක සහ ලකුණු 280 ක ජයග්‍රහණයෙන් අනතුරුව එම තරගයේදී කැපී පෙනෙන දක්ෂතා දක්වන ලද ක්‍රීඩකයින් ටෙස්ට් ක්‍රීඩකයින් ශ්‍රේණිගත කිරීම්හි ඉදිරි ස්ථානවලට පැමිණීමට සමත්ව සිටියි.

රුපියල් බිලියන 40 කට ආසන්න පසුගිය කාලසීමාවේ මෙරටට ගෙන්වන ලද ඖෂධ වලට අදාල හිඟ බිල්පත් නොගෙවීම නිසා ද රටට ගෙන්වන ඖෂධවල ගුණාත්මක භාවය සම්බන්ධයෙන් දිගින් දිගටම ප්‍රශ්න මතුවන නිසා මේ වන විට මෙරට සෞඛ්‍ය සේවය බරපතළ අර්බුදයකට ලක්ව ඇතැයි වෛද්‍ය හා සිවිල් අයිතිවාසිකම් පිළිබඳව වෛද්‍යවරුන්ගේ වෘත්තීය සමිති සන්ධානයේ සභාපති විශේෂඥ වෛද්‍ය චමල් සංජීව මහතා අද පැවති මාධ්‍ය හමුවකදී අනාවරණය කළේය.

2023 සිංහල හා දෙමළ අලුත් අවුරුදු උත්සවයේ අවසන් නැකැත් චාරිත්‍රය වන පැළ සිටුවීමේ ජාතික උත්සවය අද දින (20) අගුනකොලපැලැස්ස ගොවිජන සේවා මධ්‍යස්ථානයේ දී පැවැත්විනි.

සුදු හා දුඹුරු බිත්තර වෙනුවෙන් නව උපරිම සිල්ලර මිලක් නියම කරමින් පාරිභෝගික කටයුතු අධිකාරිය විසින් අතිවිශේෂ ගැසට් නිවේදනයක් නිකුත් කර තිබේ.

පොලිස් කොස්තාපල්වරයාගේ අතුරුදන්වීම දැනුම් දීමෙන් අනතුරුව යුද හමුදාව සහ විශේෂ කාර්ය බලකාය පොලිසිය සමඟ එක්ව ඔහු සෙවීමේ මෙහෙයුමක් ආරම්භ කළ ද ඊයේ රාත්‍රිය වන තෙක්ම කොස්තාපල්වරයා හමු වී නොමැත.

පසුගිය වසරේ මැයි 9 දා ඇතිවූ කලබලකාරී තත්ත්වය තුළදී පංචිකාවත්ත ප්‍ර දේශයේදී පොලිස් කාර් රථයකට පහරදී කොටස් ගලවා ගිනි තබා අනර්ථය කිරීම සම්බන්ධයෙන් අපරාධ පරීක්ෂණ සිදුකළ විමර්ශනයකට අදාළව ඊට සම්බන්ධ සැකකරුවන් තිදෙනෙක් ඊයේ (19දා) අත්අඩංගුවට ගෙන තිබේ.

නවක වෛද්‍යවරුන් 1320 කට ලබන 25 වනදා සිට පත්වීම් ලබාදීමට සෞඛ්‍ය අමාත්‍යාංශය පියවර ගෙන තිබේ. ඒ අනුව මෙම වෛද්‍යවරුන් එදින සිට දිවයින පුරා රෝහල් සඳහා අනුයුක්ත කිරීමට පියවර ගෙන ඇති අතර එම වෛද්‍යවරුන් වැඩි වශයෙන් දුෂ්කර ප්‍රදේශයන්හි රෝහල් කරා යොමු කිරීමට පියවර ගැනේ.