විදේශ රැකියා ලබාදෙන බව පවසමින් මුදල් වංචාකළ පුද්ගලයින් දෙදෙනෙකු ශ්‍රි ලංකා විදේශ සේවා නියුක්ති කාර්යාංශයේ විමර්ශන නිළධාරීන් විසින් අත්අඩංගුවට ගෙන තිබේ.

ස්වීඩන සුපිරි පාපන්දු ක්‍රීඩක ස්ලාටන් ඊබ්‍රාහිමෝවිච් එරට ජාතික සංචිතයට නැවතත් කැඳවා ඇත. ඒ මෙම වසරේ පැවැත්වෙන යුරෝපානු කුසලාන සුදුසුකම් ලබාගැනීමේ තරගාවලියටයි.

කළුතර ප්‍රාදේශීය සභාව සඳහා පළාත් පාලන ඡන්ද විමසීම පැවැත්වීම වළක්වාලමින් ශ්‍රේෂ්ඨාධිකරණය අතුරු තහනම් නියෝගයක් නිකුත් කර තිබේ.

වැඩ වර්ජන ආදිය නිසා දිගින් දිගටම ගැටළු මතු වුවහොත් සිය ව්‍යාපාරික කටයුතු වලට බලපෑම් එල්ල විය හැකි බැවින් කණගාටුවෙන් වුවද තම ගිණුම් මහජන බැංකුවෙන් ඉවත් කර ගැනීමට සිදුවනු ඇතැයි ව්‍යාපාරිකයන් මෙලෙස ජනාධිපතිවරයාට දැනුම් දී ඇතැයි වාර්තා වෙයි.

සේවය නිමවා නිවසට යමින් සිටී 18 හැවිරිදි තරුණියක නිවසට ඇරලවීමට යැයි පවසා ලොරි රථයක නංවාගෙන ගෙලට කිනිස්සක් තබා ලොරි රථය තුලදීම සමූහ දූෂණයක් කළ සිද්ධිය සම්බන්ධයෙන් පුද්ගලයන් තිදෙනෙකු අත්අඩංගුවට ගත්බව පානදුර දකුණ පොලිසිය පවසයි .

වගා කන්න 03කට පසු පළමු වරට මෙරට ගොවි ජනතාවට වී වගාවට අවශ්‍ය මඩ පොරොහ හෙවත් TSP පොහොර රැගත් MV INCE PACIFIC නෞකාව අද (16) අළුයම කොළඹ වරායට පැමිණ තිබේ.

සාමාන්‍ය විකිරණ යන්ත්‍ර මගින් සිදුකරන එක්ස්-රේ පරීක්‍ෂාවට අදාළ දළ සේයාපටල සේදීමට අවශ්‍ය රසායනික ද්‍රව්‍ය දෙකම මේ වනවිට හිඟ වී ඇති බවත්, පවතින තත්ත්වය තුළ බොහෝ රෝහල්වල මෙම පරීක්‍ෂණ කටයුතු ඇණහිට තිබෙන බවත් රජයේ විකිරණ විද්‍යා තාක්‍ෂණවේදීන්ගේ සංගමය සඳහන් කරයි.

රජයේ රස පරීක්ෂක දෙපාර්තමේන්තුවේ කටයුතු සොයා බැලීමේ විශේෂ නිරීක්ෂණ චාරිකාවකට අද පෙරවරුවේ (15) අධිකරණ, බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය ජනාධිපති නීතිඥ, ආචාර්ය විජයදාස රාජපක්ෂ මහතා සහ අමාත්‍යාංශයේ ලේකම් වසන්තා පෙරේරා මහත්මිය නිරත ව තිබේ.

පිළියන්දල සුවාරපොල නිවසක් තුළ සැකකටයුතු අයුරින් මියගොස් තිබූ කාන්තාවකගේ මළ සිරුරක් පෙරේදා සවස හමුවූ බව පිළියන්දල පොලිසිය සඳහන් කරයි.

ඉන්දියාවේ ප්‍රධාන නගරවලින් පැමිණෙන දුරගමන් ශීඝ්‍රගාමී දුම්රිය සාංචි හි නතරකර ශ්‍රී ලාංකික බැතිමතුන්ගේ ගමන් බිමන් පහසුකරන ලෙස සාංචි විහාරවාසී භික්ෂූන් වහන්සේලා ඉන්දියාවේ ශ්‍රී ලංකා මහ කොමසාරිස් මිලින්ද මොරගොඩ මහතාගෙන් ඉල්ලීමක් කරයි.

මැලේසියානු රජය මෙරටට අනුමත කළ රැකියා දසදහසක කෝටාවට අමතර ව මෙරට ආරක්ෂක අංශ සාමාජිකයන් සඳහා අතිරේක රැකියා දසදහසක කෝටාවක් වෙන් කර ඇති බව කම්කරු හා විදේශ රැකියා අමාත්‍ය මනුෂ නානායක්කාර මහතා අද කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ දී ඊයේ (14) ප්‍රකාශ කළේ ය.

දිවයිනේ බොහෝ ප්‍ර දේශවල සවස් කාලයේ ගිගුරුම් සහිත වැසි ඇතිවීමට හිතකර වායුගෝලීය තත්ත්වයක් නිර්මාණය වෙමින් පවතින බව කාලගුණ විද්‍යා දෙපාර්තමේන්තුව නිවේදනයක් නිකුත් කරමින් පවසයි.

2022 වර්ෂයේ පැවැති තත්වය මත අනුයුක්ත කරන ලද ගුරු සේවයේ ගුරුවරුන් සඳහා ගුරු මාරු මණ්ඩලය මඟින් ලබා දෙන ස්ථාන මාරු ක්‍රියාත්මක වන බැවින්, මාර්තු මස 24න් පසු අනුයුක්ත තවදුරටත් දීර්ඝ කිරීම සිදු නොකරන බව දැනුම් දෙනු බව අධ්‍යාපන අමාත්‍යාංශය නිවේදනය කරයි.

ලංකා සීනි සමාගමට අයත් පැල්වත්ත සහ සෙවනගල සීනි කර්මාන්ත ආයතන වල සේවකයින්ට සහ උක්ගස් සපයන ගොවීන්ට සිංහල අලුත් අවුරුද්දට දිරිදීමනා ලබාදෙන බැව් ලංකා සීනි සමාගමේ සභාපති විශ්‍රාමික මේජර් ජෙනරාල් සාරද සමරකෝන් මහතා පැවසීය.

2022 ජනවාරි මාසයේ සිට 2023 වසරේ ජනවාරි මාසය දක්වා කාලය තුළ ඉන්ධන භාවිතය විශාල ලෙස අඩුවීම බරපතල ආර්ථික හැකිලීමක් පිළිබිඹු කරන බව හිටපු මහ බැංකු අධිපති අජිත්යි නිවාඩ් කබ්රාල් මහතා පවසයි.

ජෝන් හොප්කිංස් විශවවිද්‍යාලයේ ආර්ථික විද්‍යාඥ ස්ටීව් හැංකි මහතා සති දෙකකට වරක් ප්‍රකාශයට පත්කරන ලෝකයේ ඉහළම උද්ධමනයක් ඇති රටවල් ලැයිස්තුවෙන් ශ්‍රී ලංකාව තවදුරටත් පහළට ගොස් තිබේ.

මෑත කාලීනව ඇති වූ බරපතල අභියෝගයන් රැසකට මුහුණ දෙමින් මෙරට සෞඛ්‍ය සේවාව මේ වන විට සාමාන්‍ය තත්ත්වයට පත් කරලීමට කටයුතු කරමින් සිටින මොහොතක රෝගී ජීවිත බිල්ලට දෙමින් ඇතැම් පිරිස් සිදු කරන පදනම් විරහිත වර්ජනයන්ට සහභාගී නොවී , රටෙහි මිලියන 22 ක ජනතාව උදෙසා උපරිම සේවාවක නිරත වෙමින් මේ මොහොතේ රාජකාරියේ යෙදෙන වෛද්‍යවරුන්ගේ සිට සෞඛ්‍ය සේවාවේ සමස්ත කාර්යය මණ්ඩලය ඇගයීමට ලක් කෙරෙන බව සෞඛ්‍ය අමාත්‍ය ආචාර්ය කෙහෙලිය රඹුක්වැල්ල මහතා පවසයි.

බස් රථ වලින් (14) දින නුවරඑලියට පැමිණ එම සංචාරකයන් (15) දින නුවරඑලියේ පැරණි තැපැල් කාර්යාලය නරඹා පසුව නානුඔය දුම්රිය ස්ථානයේ සිට ඇල්ල දුම්රිය ස්ථානය දක්වා ගමන් කිරිමට සැලසුම් කර සිටියද වෘත්තිය සමිති වැඩ වර්ජනය හේතුවෙන් එම විදේශිය සංචාරකයන් පිරිසට සැලසුම් කල පරිදි එම සංචාරක ස්ථානය නැරඹිමට නොහැකි වු බවයි සංචාරකයන් සමග පැමිණි මග පෙන්වන්නන් කියා සිටියේ.

දුම්රිය වැඩවර්ජනය ක්‍රියාත්මක වීම නිසා අද (15දා) පස්වරුවේදී දුම්රිය ගමන්වාර 9 ක් ක්‍රියාත්මක කිරීමට කටයුතු කර තිබේ.

වෘත්තීය සමිති විසින් ක්‍රියාත්මක කරන වැඩ වර්ජනය හෙණ ගහන අපරාධයක් බවත් එය ජාතික අපරාධයක් බවත් හිටපු අමාත්‍ය එස්.එම්. චන්ද්‍ර සේන මහතා පවසයි. අද කොළඹදී පැවැති මාධ්‍ය හමුවකදී ඔහු මේ බව පැවැසීය.

වර්ජනයක් ක්‍රියාත්මක වුවද මහජන බැංකු හා ලංකා බැංකු ශාඛා රාශියක් අද දිනයේදී සාමාන්‍ය පරිදි සේවා ක්‍රියාත්මක බව රජය නිවේදනය කරයි.

ලංකා ගමනා ගමන මණ්ඩලයේ ක්‍රියාත්මක වෘත්තීය සමිති 8න් 7ක් අද දිනයේදී රාජකාරි සිදුකරන බව ලංගම සභාපති ලලිත් ද අල්විස් මහතා උපුටා දක්වමින් ජනපති මාධ්‍ය අංශය නිවේදනය කරයි.

වර්ජනය නොතකා කටයුතු කළ දුම්රිය සේවකයන් හේතුවෙන් අද පෙරවරුවේ කාර්යාල හා වෙනත් අවශ්‍යතා වෙනුවෙන් දුම්රිය 20ක් ධාවනය කළ බව දුම්රිය සාමාන්‍යාධිකාරී සඳහන් කළේ යැයි ජනපති මාධ්‍ය අංශය කියයි.

ඩීසල් හා පෙට්‍රල් ඉන්ධන ලීටර් 6600 ධාරිතාවයෙන් යුත් බවුසර් 300 කට වැඩි ප්‍රමාණයක් ඉන්ධන බෙදා හැරීම වෙනුවෙන් මේ වන විට නිකුත් කර ඇති බව ලංකා ඛනිජ තෙල් නීතිගත සංස්තාවේ සභාපති එම්.යූ. මොහොමඩ් මහතා තහවුරු කළ බව ජනපති මාධ්‍ය අංශය පවසයි.

ගුවන් ගමන් පාළකවරුන් අද දින ක්‍රියාත්මක වෘත්තීය අරගලයට සහාය පළ කරමින් අද දහවල් 12.00 සිට පස්වරු 02.00 දක්වා කාළය තුළ ’’අකුරට වැඩ කිරීමේ’’ වෘත්තීය ක්‍රියාමාර්ගක නියැලීමට තීරණය කර ඇති බව ශ්‍රී ලංකා ගුවන් ගමන් පාලකවරුන්ගේ සංගමයේ සභාපති තිසර අමරනන්ද මහතා පැවසීය.

ගුරු විදුහල්පතිවරුන් ඉල්ලිම් කිපයක් මුල් කරගනිමින් ආරම්භ කළ වැඩ වර්ජනය හේතුවෙන් පාසල් වැසි ගොස් තිබු අයුරු දැක ගත හැකි විනි.

යාපනයේ ප්‍රසිද්ධ ස්වර්ණාභරණ අලෙවි මධ්‍යස්ථානයක හිමිකරු සහ එහි සේවය කළ සේවිකාවක් ඊයේ (14) දින ගෙලවැලලාගෙන සියදිවි හානිකරගෙන සිටියදී මළසිරුරු හමු වූ බවට යාපනය පොලීසිය පවසයි.

විදේශයන්හි රැදී සිටිමින් ශ්‍රී ලංකාව තුළ අපරාධ කටයුතු මෙහෙයවමින් සිටි පාතාල කල්ලි නායකයින් වන ’’ හරක්කටා ’’ සහ ’’ කුඩු සළිදු ’’ අද උදෑසන අපරාධ පරීක්ෂණ දෙපාර්තමේන්තු නිලධාරීන් පිරිසක් විසින් කටුනායක ගුවන් තොටුපළ වෙත රැගෙන විත් තිබේ.

කිලෝමීටර 16 ක දිගින් හා නැවතුම්පොළ 16 කින් සමන්විත වන සේ ඉදිකිරීමට නියමිතව තිබූ මෙම දුම්රිය සේවාව හරහා මාලබේ සිට කොළඹ කොටුව දක්වා මිනිත්තු 30 කින් ගමන් කිරීමට හැකියාව ලැබෙනු ඇත. කාර්ය බහුල වේලාවලදී සෑම මිනිත්තු 4 කට වරක් ද,සාමාන්‍ය වේලාවලදී මිනිත්තු 10 කට වරක් ද නැවතුම්පොළකට දුම්රියක් පැමිණෙන ආකාරයට මෙම දුම්රිය සේවාව ක්‍රියාත්මක කිරීමට සැළසුම් කරතිබේ.