චීනයේ ජපානයට එරෙහි යුද්ධයේ 80 වන සංවත්සරය සහ දෙවන ලෝක යුද්ධයේ අවසානය සනිටුහන් කිරීම වෙනුවෙන් පැවැත්වෙන ’’ජයග්‍රාහී දින’’ චීන හමුදා පෙළපාළියට උතුරු කොරියානු නායක කිම් ජොන් උන්එක්වන බව චීන විදේශ අමාත්‍යාංශය කියයි.

කර්මාන්ත සහ ව්‍යවසායකත්ව සංවර්ධන අමාත්‍යාංශයට 2025 වසරේ වෙන් කෙරුණු අයවැය ප්‍රතිපාදන මත ක්‍රියාත්මක ව්‍යාපෘති පිළිබඳ සමාලෝචනය සහ 2026 වසරට අදාළ පූර්ව අයවැය සාකච්ඡාව ජනාධිපති අනුර කුමාර දිසානායක මහතාගේ ප්‍රධානත්වයෙන් ජනාධිපති කාර්යාලයේදී පැවැත්විණි.

කෙහෙල්බද්දර පද්මේ, කමාන්ඩෝ සලින්ත ඇතුළු සංවිධානාත්මක අපරාධකල්ලි සාමාජිකයන් පිරිසක් ඉන්දුනීසියාවේදී අත්අඩංගුවට ගෙන තිබේ.

අස්ගිරි මහා විහාර පාර්ශ්වයට නව අනුනායක හිමිනමක තෝරා ගැනීම සඳහා එම පාර්ශවයේ මහා නායක හිමියන් ප්‍රමුඛ මහා කාරක සංඝ සභාව අද (28) රැස්වීමට නියමිතය.

අනුර කුමාර දිසානායක මහතා ජනාධිපති ධුරයට පත්ව අවුරුද්දකට ආසන්න වන විට මෙරට පැහැදිලිවම ආර්ථිකය ශක්තිමත්ව සහ ස්ථාවරව ඉදිරියට යන බව විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා පැවසීය.

දියවැඩියාවට ගොදුරුවූවන්ගෙන් 80%ක් පමණ නිසි අවබෝධයකින් ප්‍රතිකාර නොගන්නා බවට පවතින සංඛ්‍යා ලේඛන මගින් අනාවරණය වී ඇතැයි සෞඛ්‍ය අමාත්‍ය, වෛද්‍ය නලින්ද ජයතිස්ස මහතා ප්‍රකාශ කළේය.

පොලිස් නිලධාරීන් හා පොලිස් විශේෂ කාර්ය බලකායෙහි නිලධාරීන් 86000 කට ආසන්න පිරිසක් දිවයින පුරා පොලිස් රාජකාරිය ඉටුකළත් තවත් 30000ක ඌනතාවක් පවතින බව පොලිස්පතිවරහා විසින් සිදුකරන ලද සමීක්ෂණයකදී අනාවරණය කරගෙන ඇතැයි පොලිස් මූලස්ථානය සඳහන් කරයි.

අග්‍රාමාත්‍ය හරිනි අමරසුරිය මෙනවියගෙන් සහ ඇගේ ආරක්‍ෂාවට යොදවා සිටින නිලධාරීන්ගෙන් ප්‍රකාශ සටහන් කරගන්නා ලෙස මාලිගාකන්ද මහේස්ත්‍රාත් ලෝචනී අබේවික්‍රම මහත්මිය රහස් පොලීසියට අද (27දා) නියම කළාය.

“වැවට සවියක්” ජාතික වැඩසටහන යටතේ මහවැලි කලාපයෙහි පිහිටි කුඩා හා මධ්‍ය පරිමාණ සියලුම වැව් ප්‍රතිසංස්කරණය කිරීමේ ජාතික වැඩසටහනක් ‘ක්‍රියාත්මක කරන බව කෘෂිකර්ම පශූ සම්පත් ඉඩම්‍ හා වාරිමාර්ග අමාත්‍යංශය සඳහන් කරයි.

දුම්රිය ස්ථානාධිපතිවරුන් සඳහා පිරිමි අයදුම්කරුවන්ට පමණක් ඉදිරිපත්වීමට හැකි බවට සඳහන් කරමින් නිකුත් කර ඇති ගැසට් නිවේදනය සංශෝධනය කිරීම සඳහා අමාත්‍ය මණ්ඩලයට යොමුකර ඇති බව නීතිපතිවරයා ශ්‍රේෂ්ඨාධිකරණයට අද (27) දැනුම් දුන්නේය.

මෙරට විදුලිබල පද්ධතියේ ස්ථායිතාවය පවත්වාගෙන යාමේදී ඉතා වැදගත් කාර්යයක් ඉටුකරන නොරොච්චෝලේ ලක්විජය ගල් අඟුරු විදුලි බලාගාරයේ ප්‍රධාන දුර්වල කමක් වුයේ රට පුරා විදුලිය බිඳ වැටීමකදී බලාගාරයේ සිසිලන පද්ධතියට සහ බොයිලර් පෝෂක ජල සැපයුම් පද්ධතියට ආධාරක විදුලි සැපයුම අකර්මන්‍යය වීමයි. එවැනි තත්වයකදී සිසිලනය සඳහා දින හතරක හෝ පහක කාලයක් මෙහෙයුම් කටයුතු අත්හිටුවීමට සිදු වීමයි. එ නිසා සැළකිය යුතු මූල්‍ය අලාභයක් ද සිදු වේ.

මහනුවර නගරයේ පවතින අධික වාහන තදබදයට පිළියමක් වශයෙන් නගරය හරහා දිවෙන මගි ප්‍රවාහන බස් රථ එකාබද්ධ කාල සටහනකට අනුව ධාවනය කරවීමේ පෙරහුරු වැඩසටහනක් සැප්තැම්බර් මස 15 වැනි දින සිට ක්‍රියාත්මක කරන ප්‍රවාහන නියෝජ්‍ය අමාත්‍ය වෛද්‍ය ප්‍රසන්න ගුණසේන මහතා පවසයි.

අධිකරණයට අපහාස කිරීම සම්බන්ධයෙන් සිරදඬුවම් නියම වු බොදු බල සේනා සංවිධානයේ ලේකම් පූජ්‍ය ගලගොඩ අත්තේ ඥානසාර හිමියන් ජනාධිපති සමාව මත නිදහස් කිරීමට හිටපු ජනාධිපති මෛත්‍රිපාල සිරිසේන මහතා ගත් තීරණය ආණ්ඩුක්‍රම ව්‍යවස්ථාවට පටහැනි හෙයින් එම තීරණය බල රහිත කරන්නැයි ඉල්ලා ගොනුකළ පෙත්සම් විභාගය අවසන් කළ ශ්‍රේෂ්ඨාධිකරණය එහි තීන්දුව ඉදිරියේදී ප්‍රකාශයට පත් කරන බව දැනුම් දුන්නේය.

හිටපු ජනාධිපති රනිල් වික්‍රමසිංහ මහතාගේ සෞඛ්‍ය තත්ත්වය පිළිබඳව මාධ්‍ය වෙත ප්‍රසිද්ධ ප්‍රකාශ නිකුත් කිරීම සම්බන්ධයෙන් කොළඹ ජාතික රෝහලේ නියෝජ්‍ය අධ්‍යක්ෂ වෛද්‍ය රුක්ෂාන් බෙල්ලන මහතාට එරෙහිව විනය පරීක්ෂණයක් ආරම්භ කර තිබේ.

ලංකික පුරවැසියන් සඳහා ඩිජිටල් හැදුනුම්පත් නිකුත් කිරීමේ ව්‍යාපෘතිය ක්‍රියාත්මක කිරීම සඳහා ශ්‍රී ලංකා රජය ඉන්දියාව සමග ඇතිකරගෙන ඇති අවබෝධතා ගිවිසුම බලරහිත කිරීමේ නියෝගයක් නිකුත් කරන්නැයි ඉල්ලා හිටපු අමාත්‍ය විමල් වීරවංශ මහතා ඇතුළු පිරිසක් ගොනු කර ඇති පෙත්සම් දෙක ඔක්තෝබර් 17 වැනිදා කැඳවීමට ශ්‍රේෂ්ඨාධිකරණය අද (27) නියෝග කළේය.

සමථකරණ (සිවිල් සහ වාණිජ ආරවුල්) පනත් කෙටුම්‍පතට රාජ්‍ය පාලනය, යුක්තිය සහ සිවිල් ආරක්ෂණය පිළිබඳ ආංශික අධීක්ෂණ කාරක සභාවේ අනුමැතිය.

රුපියල් කෝටි දහයක් වටිනා අති නවීනතම ජංගම දුරකථන තොගයක් , ශ්‍රී ලංකා විදුලි සංදේශ නියාමන කොමිසමේ නිසි අවසරයකින් තොරව මෙරටට රැගෙන ඒමට තැත් කළ ශ්‍රී ලාංකික ගුවන් මගීන් දෙදෙනෙකු 08/27 උදෑසන රේගු මත්ද්‍රව්‍ය පාලන අංශයේ නිලධාරීන් පිරිසක් විසින් කටුනායක ගුවන් තොටුපොළ කිසිවක් ප්‍රකාශ කිරීමට නොමැති ’’ හරිත මාවත ’’ ( Green Channel ) ඔස්සේ පිට වී යාමට තැත් කරමින් සිටියදී අත් අඩංගුවට ගෙන තිබේ .

උඩරට දුම්රිය මාර්ගයේ මහනුවර සිට බදුල්ල දුම්රිය ස්ථානය දක්වා ගෙවී ගොස් ඇති රේල් පීලි වෙනුවට අලුතින් රේල් පීලි සවි කිරිමේ කටයුතු දුම්රිය දෙපාර්තමේන්තුවේ මාර්ග නඩත්තු අංශය විසින් මේ වන විට ආරම්භ කර ඇත.

ඖෂධ වල උපරිම සිල්ලර මිල නිර්ණය කිරීම සඳහා වන නියෝගය පාර්ලිමේන්තුවේ අනුමැතිය සඳහා ඉදිරිපත් කිරීමට කැබිනට් මණ්ඩලයේ අනුමැතිය හිමි වූ බව අමාත්‍ය විජිත හේරත් මහතා පැවසීය.

ගාලු මුවදොර ’ගෝඨා ගෝ ගම’ අරගලයට පහරදීමේ සිද්ධිය සම්බන්ධයෙන් අත්අඩංගුවට ගෙන රක්ෂිත බන්ධනාගාරගත කර සිටි සේවයෙන් පහ කළ හිටපු පොලිස්පති දේශබන්දු තෙන්නකෝන් මහතා ඇප මත මුදාහරින ලෙස කොළඹ කොටුව මහෙස්ත්‍රාත් අධිකරණය නියම කළේය.

වී අලෙවි මණ්ඩලයට අයත් මොනරාගල නගරයේ හුලංදාව හංදියේ පිහිටි වී ගබඩාවට මේ වන විට වී කිලෝ එක් ලක්ෂ තිස්දහසක් පමණ ලැබී ඇත.

කොළඹ ත්‍රිකුණාමලය ප්‍රධාන මාර්ගයේ හිරිවඩුන්න ප්‍රදේශයේදී අද අලුයම 03.ට පමන ත්‍රිකුණාමලයේ සිට කොළඹ දෙසට සිමෙන්ති ප්‍රවාහනය කරමින් තිබූ බර වාහනයකට සීගිරිය වනජීවී රක්ෂිත කලාපය නිජ භූමිය කරගෙන සැරිසරූ වයස අවුරුදු 10 ක පමන අලි පැටියකු ගැටීමෙන් එම වන අලියා බරපතල තුවාල ලබා ප්‍රධාන මාර්ගය ආසන්නේ වැටී සිටි.

කඳුකර වනාන්තර ආසන්නයේ පදිංචි පාරම්පරික හේන් ගොවියන්ට රජය ඇතුලු විවිධ පාර්ශව මගින් යොදා ඇති තහංචි හේතුවෙන් ඔවුහු හේන් ගොවිතැන අත්හැර දමන තත්වයකට පත්ව සිටින අතර දැඩි ආර්ථීක පසුබෑමකට ලක්ව සිටිති.

ශ්‍රී ලංකා ආරක්ෂක හමුදාව ලෝකයේ ඉහළම වෘත්තීයභාවයක් සහිත ආරක්ෂක හමුදාවක් බවට පත්විය යුතු බවත්, ඒ සඳහා අවශ්‍ය පුහුණුව සහ පහසුකම් සැලසීම වෙනුවෙන් අවශ්‍ය ප්‍රතිපාදන නිසි පරිදි යොදවන ලෙසත් ජනාධිපති අනුර කුමාර දිසානායක මහතා නිලධාරීන්ට උපදෙස් දුන්නේය.

කුලියාපිටියේදී අද (27දා) උදෑසන සිදුවූ රිය අනතුරකින් පාසල් සිසුන් දෙදෙනෙකු ඇතුළු තිදෙනෙකු ජීවිතක්ෂයට පත්ව තිබේ.

වෙඩි තබා මනුෂ්‍ය ඝාතනයක් සිදු කිරීමේ අපරාධයකට සම්බන්ධ සැකකරුවෙකු හා වෙඩි තබා මනුෂ්‍ය ඝාතනයකට තැත් කිරීමේ අපරාධයකට සම්බන්ධ සැකකරුවෙකු හා සැකකාරියක් අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය පවසයි.

ගලේවෙල දේවහුව ප්‍රදේශයේ මීට වසර හයකට ඉහතදී අඹු සැමි යුවලක් නිවස තුළින් කපා කොටා ඝාතනය කිරීමේ සිද්ධියකට පලි ගැනීමක් වෙනුවෙන් පුද්ගලයෙකුට පහරදී ඝාතනය කොට සිරුර පුළුස්සා වල දැමූ කියන සිද්ධියක් සම්බන්ධයෙන් සැකපිට නාවික හමුදාවේ සේවය කරන තරුණයෙකු 26 දින පෙරවරුවේ අත්අඩංගුවට ගත් බව ගලේවෙල මකුළුගස් වැව පොලිසිය කියයි.

2025 වසරේ පළමු කාර්තුවෙහි (ජනවාරි පළමු වැනිදා සිට මාර්තු තිහ දක්වා) ඉහළම විරැකියා අනුපාතය වාර්තා වනුයේ අ. පො. ස( උසස් පෙළ) සහ ඊට ඉහළ කාණ්ඩය බව ජනලේඛන හා සංඛ්‍යා ලේඛන දෙපාර්තමේන්තුව මඟින් නිකුත් කරන ලද වාර්තාවකින් අනාවරණයවේ.

අධිවේගී මාර්ගවල ධාවනය බස්රවල මගීන්ට , ලබන මස 01 වන දින සිට ආසන බඳපටි පැලඳීම අනිවාර්ය කලත් මේ වන විට ආසන පටි හිගයක් රට තුල පවතින නිසා නීතිය ක්‍රියාත්මක කිරිම යම් කාලයක කල් දැමිය යුතු බව බස් හිමියන් හා පාසල් ළමුන් ප්‍රවාහන රථ හිමියන් සදහන් කරති