තනි සිදුවීමක් දෙකක් ජාතික ආරක්ෂාවට බාධාවක් සැලකීමට අවශ්‍ය නොමැති බව මහජන ආරක්ෂක අමාත්‍ය ආනන්ද විජේපාල මහතා පැවසීය.

වී අලෙවි මණ්ඩලයට මේ වන විට සුළු වශයෙන් ගොවීන් වී ලබා දෙමින් තිබෙන බවත් අස්වැන්න නෙලන ප්‍රදේශවල වී ගබඩා විවෘත කර තිබෙන බවත් එම මණ්ඩලයේ සභාපති මංජුල පින්නලන්ද මහතා සඳහන් කළේය.

පාර්ලිමේන්තු අද (20දා) පෙරවරු 09.30ට රැස්විය.

පාර්ලිමේන්තුවේ ආරක්ෂාව තර කර තිබේ.

සෞඛ්‍ය කාර්යමණ්ඩල මෙතෙක් බුක්ති විඳි අතිකාල රෙට් අගය සහ නිවාඩු දින දීමනාවලට අදාළව අයවැයෙන් සිදුකළ වෙනස සතියක් තුළ නිවැරදි කළ යුතු බව සෞඛ්‍ය වෘත්තීයවේදීන්ගේ සම්මේලනය සඳහන් කරයි.

ගල්ඔය ප්‍රදේශයේදී මීනගයා ශීඝ්‍රගාමී දුම්රියේ ගැටී වන අලි 05 දෙනෙකු මියගොස් තිබේ.

අද (20දා) ගාල්ල, මාතර, කළුතර සහ රත්නපුර දිස්ත්‍රික්කවල සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකි බව කාලගුණ විද්‍යා දෙපාර්තමේන්තුව සඳහන් කරයි.

ස්මාර්ට් යූත් ප්‍රදර්ශනය හා සංගීත ප්‍රසංගය වෙනුවෙන් වැයකළ රු. මිලියන 188 ක පමණ චෙක්පත් නිවැරදි ක්‍රියාලියකින් තොරව ජනාධිපතිවරණයට පෙර දින ජාතික තරුණසේවා සභාවේ හිටපු සභාපතිවරයාගේ අත්සනින් ලබා දී ඇති බව කෝප් කමිටුවේදී අනාවරණය වෙයි.

තැඹිලි කෝම්බ උපයෝගී කරගන්මින් ස්වාභාවික සායම් සෑදීම සඳහා තාක්ෂණ ක්‍රමවේද ද්විත්වයක් හඳුන්වා දුන් බවත් තම ආයතනය සතුව ව්‍යවසායකයා නගා සිටුවන්නට අවශ්‍ය නිපුණත්වය පවත්නා බවත් ඔවුන් විසින් තව දුරටත් අදහස් දක්වන ලදී.

ශ්‍රී ලංකා නීතීඥ සංගමයේ 29වන සභාපතිවරයා ලෙස නීතිඥ රජිව් අමරසූරිය මහතා අද(19දා) තේරී පත්ව තිබේ.

කොළඹ ප්‍රධාන මහෙස්ත්‍රාත් අධිකරණ සංකීර්ණයේ ඇති සිය`ථම සී.සී.ටී.වී. කැමරා වල දර්ශන කෙසෙල්වත්ත පොලිසියට ලබාදෙන ලෙස කොළඹ ප්‍රධාන මහෙස්ත්‍රාත් තනුජා ලක්මාලි මහත්මිය අධිකරණ ලේඛාධිකාරීවරියට අද (19) නියම කළාය.

අලුත්කඩේ අධිකරණ සංකීර්ණය තුළ සිදු කළ වෙඩි තැබීමෙන් ජීවිතක්ෂයට පත්වූ සංවිධානාත්මක අපරාධ කල්ලි සාමාජික ගණේමුල්ලේ සංජීවගේ ඉතිහාසය පිළිබඳ විශ්‍රාමික නියෝජ්‍ය පොලිස්පති ප්‍රියන්ත ජයකොඩි මහතා සිය ෆේස් බුක් ගිණුමේ විශේෂ සටහනක් තබා තිබේ.

2024 වර්ෂයේ නොගත් අසනීප නිවාඩු වෙනුවෙන් ලබා දෙනු ලබන ප්‍රසාද දීමනාව එළැඹෙන 05 වැනි දිනට පෙර ලබා නොදුනහොත් වෘත්තීය ක්‍රියාමාර්ග ගන්නා බවට ලංකා රාජ්‍යය පොස්පේට් සමාගමේ ඒකාබද්ධ වෘත්තීය සමිති සංසදය එම සමාගමේ සභාපතිවරයා ඇතුළු නිලධාරීන් ලිඛිතව දැනුම්වත් කර ඇත.

විදේශ ගමන් බලපත්‍ර ලබා දීමේ ප්‍රමාදයට විසඳුම් ලෙස ආගමන හා විගමන දෙපාර්තුමේන්තු බත්තරමුල්ල ප්‍රධාන කාර්යාලය පැය 24 පුරා විවෘත කිරීමට තීරණය කර තිබේ.

කොළඹ අංක 5 මහේස්ත්‍රාත් අධිකරණය තුළදී ගණේමුල්ල සංජීව නැමැති සංවිධානාත්මක අපරාධකරු වෙඩි තබා ඝාතනය කිරීමේ ප්‍රධාන සැකකරු අත්අඩංගුවට ගෙන තිබේ.

පළාත් පාලන ආයතන ඡන්ද විමසීම සඳහා තැන්පත් කළ ඇප මුදල් ලබා ගැනීම සඳහා ඇප තැන්පත් මුදල් ආපසු ඉල්ලීමේ ලිපියක් ඉදිරිපත් කළ යුතු බව මැතිවරණ කොමිෂන් සභාව සඳහන් කරයි.

ශ්‍රී ලංකා පොලිසියේ දැනුවත් කිරීම මත ජාත්‍යන්තර පොලිසිය විසින් රතු නිවේදන නිකුත් කර තිබූ මෙරට තුළ අපරාධ රැසකට සම්බන්ධ පුද්ගලයන් දෙදෙනෙකු අද (19දා) පස්වරුවේ කටුනායක ගුවන් තොටුපොළ වෙත රැගෙන විත් තිබුණි .

පරිසර අමාත්‍යාංශය යටතේ පාලනය වන භූ විද්‍යා, පතල් කැණීම් කාර්යාංශය අනුබද්ධ මනම්පිටිය වැලි සමාගමේ ජ්‍යෙෂ්ඨ භූ විද්‍යාඥයෙකු විසින් මෙම ආක්‍රමිකතාවය සිදුකර ඇති බවත්, ඒ පිළිබඳ සිදුකරන අභ්‍යන්තර විගණන විමර්ශනය මගින් වැරදිකරුකර එම මුදල් නැවත ප්‍රතිපූර්ණය කර ගන්නා ලෙසට නිර්දේශ ලබාදී ඇතත්, ආයතනයේ ඉහළ නිලධාරීන් මේ වෙන තුරුත් කිසිම ක්‍රියාමාර්ගයක් ගෙන නොමැති බවත් එම තොරතුරු අනාවරණය කළේය.

සූර්ය බල ශක්තිය ලබා ගැනීම සීමා කිරීමට, අඩු කිරීමට හෝ නැවැත්වීමට කිසිඳු අදහසක් නොමැති බවත් ඒ වෙනුවෙන් කිසිඳු කමිටුවක් පත් කර නොමැති බවත් බලශක්ති අමාතර ඉංජිනේරු කුමාර ජයකොඩි මහතා පාර්ලිමේන්තුවේදී පැවැසීය.

සංවිධානාත්මක අපරාධ කල්ලි නායකයෙක් වන ගනේමුල්ල සංජීව නොහොත් , මාකිලංගමුවේ සංජීව කුමාර සමරත්න නැමැත්තාට අද (19) අලුත් කඩේ අධිකරණ සංකීර්ණය තුළදී වෙඩි තබා ඝාතනය කළ සැකකරුවන් අත්අඩංගුවට ගැනීම සඳහා කොළඹ අපරාධ කොට්ඨාසයේ මූලිකත්වයෙන් විමර්ශන කණ්ඩායම් කිහිපයක් පත්කර ඇතැයි බස්නාහිර පළාත බාර ජ්‍යෙෂ්ඨ නියෝජ්‍ය පොලිස්පති සංජීව ධර්මරත්න මහතා පැවසීය.

ජනාධිපති අනුර කුමාර දිසානායක මහතා ඉදිරිපත් කළ අයවැය හිටපු ජනාධිපති රනිල් වික්‍රමසිංහ මහතා ඉදිරිපත් කළ තුන්වන අයවැය ලෙස දකින බව සමගි ජන බලවේගයේ පාර්ලිමේන්තු මන්ත්‍රි කබීර් හෂීම් මහතා පැවසීය.

අලුත්කඩේ අධිකරණ සංකීර්ණය තුළ සිදු වූ වෙඩිතැබීම සම්බන්ධ පුද්ගයන් මේ වන විට හඳුනාගෙන ඇති බව මහජන ආරක්ෂක නියෝජ්‍ය අමාත්‍ය නීතීඥ සුනිල් වටගල මහතා පැවසීය.

තිරිගු පිටි සමාගම් පාන් නිෂ්පාදනය සදහා භාවිත කරනු ලබන පිටි කිලෝවක මිල රු 10 කින් (18) දින සිට අඩු කිරිමත් සමග (19) දින ග්‍රැම් 450 ක පාන් ගෙඩියක මිල රු 10 කින් අඩු කරන ලෙසට බේකරි හිමියන්ගේ සංගමයෙන් කල ඉල්ලිමට ඇතැම් වෙළදසැල් හිමියන් පාන් ගෙඩියක් රු 140 ක මිලකට අලෙවි කරන අතර, තවත් වෙළදසැල් හිමියන් පිරිසක් පැරණි මිලටම පාන් අලෙවි කරන අයුරු අප කැමරාවේ සටහන් විය.

මෙවර මහ කන්නයේ දී වී අලෙවි මංඩලයට අයත් නිකවැරටිය ගබඩාවටද ප්‍රථම වතාවට 18 දින එම ප්‍රදේශයේ ගොවීන් දෙදෙනකු ද ප්‍රමිතියෙන් යුතුව සිය වී අස්වනු තොගයක් රැගෙනවිත් අලෙවි කළ බව වී අලෙවි මංඩලයේ වයඹ කලාපය බාර වැඩ බලන කළමනාකරු ජී.එස් ධර්මකීර්ති මහතා පැවසීය .

රජයේ ඩිජිටල් ආර්ථික ප්‍රතිපත්තියට සමගාමිව සයිබර් ආරක්ෂණ ක්‍රියාවලිය ශක්තිමත් කිරිම සදහා අවශ්‍ය පියවර ගැනීමේ වැදගත්කම අවධානයට ලක් කරමින් ඩිජිටල් ආර්ථික කටයුතු පිලිබඳ ජනාධිපති ජේෂ්ඨ උපදේශක ආචාර්ය හාන්ස් විජේසුරිය මහතාගේ මුලිකත්වයෙන් සාකච්චාවක් ශ්‍රී ලංකා සර්ට් ආයතනයේදී පැවැත්විණ.

දුරකථන ඇමතුමක් දී පුද්ගලයකු බ්ලු මැන්ඩල් දුම්රියපොළ පාරඅසලට ගෙන්වාගෙන තියුණු ආයුධ වලින් පහරදි ඝාතනය කර ඇතැයි කොටහේන පොලිසිය කියයි

(UPDATE) අතුලත්කඩේ අධිකරණ සංකීරණය තුළ සිදු කළ වෙඩි තැබීමකින් සංවිධානාත්මක අපරාධ කල්ලි සාමාජිකයෙකු වන ගණේමුල්ලේ සංජීවට ජීවිතක්ෂයට පත්ව තිබේ.

රුපියල් මිලියන එක්ලක්ෂ පහළොස් දහසක් වටිනා භාණ්ඩාගාර බිල්පත් නිකුතු වෙන්දේසියක් අද (19) පවත්වන බව ශ්‍රී ලංකා මහ බැංකුව නිවේදනය කරයි.

නාම යොජනා අහෝසි කළ පළාත් පාලන ආයතන ඡන්ද විමසීමට අදාළව තැන්පත් කර තිබෙන ඇප මුදල් නැවත මුදා හැරීමට කටයුතු කරන බව මැතිවරණ කොමිෂන් සභාවේ සභාපති ආර්.එම්.එල්. රත්නායක පැවසීය.