හිටපු රාජ්‍ය අමාත්‍ය ශෂීන්ද්‍ර රාජපක්ෂ මහතා අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් අද(06දා) අත්අඩංගුවට ගෙන තිබේ.

ධර්ම විකෘතින් සහ ශාසන විකෘතින් සිදු කරමින් ශාසන විලෝපනයන්හි නියුක්ත බදුලුගම්මන සුමනසාර හිමියන් මහා විහාර වංශික ශ්‍යාමෝපාලි මහා නිකායේ මල්වතු විහාර පාර්ශ්වයෙන් නෙරපීමට සහ ඓතිහාසික බිබිල නාගල රජමහා විහාරාධිපතිත්වයෙන් ඉවත් කිරීම මල්වතු පාර්ශ්වයේ මහානායක හිමිපාණන් වහන්සේගේ අනුමතියට යටත්ව කාරක මහා සංඝ සභාවේ සම්මතයෙන් සිදුකොට තිබේ.

සෙංකඩගල ඓතිහාසික ඇසළ පෙරහරේ තුන්වැනි රන්දෝලි පෙරහර අද (06දා) වීදි සංචාරය කිරීමට නියමිතය.

ශ්‍රී ලංකා විදුලි බල (සංශෝධන) පනත් කෙටුම්පත දෙවැනිවර කියවීමේ විවාදය අද (06දා) පැවැත්වීමට නියමිතව තිබේ.

පාර්ලිමේන්තු මන්ත්‍රිවර‍ැන් සඳහා වන සමූහ රක්ෂාවරණය රුපියල් මිලියනයක සීමාවේ සිට රුපියල් 250000 දක්වා අඩු කිරීමට කැබිනට් අනුමැතිය ලැබී තිබේ. පාර්ලිමේන්තු මන්ත්‍රීවරයෙක් එක් පාර්ලිමේන්තු වර්ෂයක් සඳහා රුපියල් මිලියනයක උපරිම රක්ෂාවරණයකට යටත්වන අයුරින් සමූහ රක්ෂණාවරණයක් ක්‍රියාත්මක කිරීමට 2023/05/15 දින පැවැති අමාත්‍ය මණ්ඩ රැස්විමේදි අනුමැතිය දි ති‍බේ.

1 වසරට ළමුන් ඇතුලත් කිරීමේදී වසර 05ට පෙර 360,000ක් පැවති සංඛ්‍යා වර්තමානෙය් වන 298,000ක් දක්වා අඩුවෙලා, මේක භයානක අඩුවීමක් - පා.ම.රවී කරුණානායක උපත් සංඛ්‍යාව අඩු වීම ඊට ප්‍රධාන වශයෙන් බලපාලා, 2030 වන විට පුරෝකතනය අනුව මෙම සංඛ්‍යාව 196,209ක් විය හැකියි - අධ්‍යාපන සහ උසස් අධ්‍යාපන නියෝජ්‍ය අමාත්‍ය වෛද්‍ය මධුර සෙනෙවිරත්න

නිසි මිලක් නොමැතිකම හේතුවෙන් තම අස්වැන්න විකුණා ගැනීමට නොහැකිව සිටි මහවිලච්චිය ප්‍රාදේශීය ලේකම් කොට්ඨාසයේ වට්ටක්කා ගොවීන්ගේ එම අස්වැන්න අතර මැදියන්ගෙන් තොරව, සෘජුවම සාධාරණ මිලකට මිලදී ගැනීමේ වැඩ සටහනක් අද (5දා) කාගිල්ස් ආයතනය මගින් මහවිලච්චියේදී සිදු කෙරිණි.

මාවනැල්ල නගරයේ නිවසක පිටු පස වළලා තිබූ බිලිු මල සිරුරක් අද (5) ගොඩගත් බව මාවනැල්ල පොලීසිය පවසයි. මහනුවර දංගොල්ල ප්‍රදේශයේ අයෙකු විසින් පොලීසියට ලබාදුන් තොරතුරක් අනුව මෙම මළ සිරුර සොයාගෙන තිබේ.

රු.10000ක අල්ලස් මුදලක් ලබා ගත් පොලිස් සැරයන්වරයෙකු අත් අඩංගුවට ගෙන අධිකරණයට ඉදිරිපත් කළ පසු මේ මස 18 වැනි දින දක්වා රක්ෂිත බන්ධනාගාර ගත කළ බව අල්ලස් කොමිසම සඳහන් කරයි.

අල්ලස් කොමිසමේ නිලධාරීන්ට මරණීය තර්ජන එල්ල කිරීම සම්බන්ධයෙන් එම නිලධාරීන්ගෙන් කොන්දේසි විරහිතව සමාව අයැදීමට සූදානම් බව ස්නායු ශල්‍ය උපකරණ වැඩි මිලට විකුණුවේ යැයි කියන ශ්‍රී ජයවර්ධනපුර රෝහලේ විශේෂඥ ස්නායු ශල්‍ය වෛද්‍යවරියගේ දියණිය කොළඹ ප්‍රධාන මහේස්ත්‍රාත් තනූජා ලක්මාලී මහත්මියට අද (05) දැනුම් දුන්නාය.

රුපියල් මිලියන 425 ක් පමණ වැය කර “Clean Sri Lanka ” වැඩසටහන යටතේ පිටකොටුව මධ්‍යම බස් රථ නැවතුම්පොළ සංවර්ධනය කිරීමට රජය තීරණය කර තිබේ.

අද (06) සිට වැසි තත්වයේ වැඩිවීමක් අපේක්ෂා කළ හැකි බව කාළගුණ විද්‍යා දෙපාර්තමේන්තුවේ අධ්‍යක්ෂක ජනරාල් අතුල කරුණානායක මහතා පවසයි.

ගන්දර කපුගම ප්‍රදේශයේ නිවසක සිටි ව්‍යාපාරිකයෙකුට වෙඩි තබා තුවාල සිදු කිරිමේ සිද්ධියට පැමිණි සැකකරුවන් දෙදෙනාට නවාතැන් පහසුකම් සැපයීම සම්බන්ධයෙන් පින්තාරුකරුවෙකු ඊයේ (04) සැක පිට ප්‍රශ්න කිරීම සදහා අත්අඩංගුවට ගත් බව ගන්දර පොලීසිය පවසයි.

හිටපු නාවික හමුදාපති නිශාන්ත උළුගේතැන්න මහතා අත්අඩංගුවට ගත්තේ කොටිකොටි නායකයෙකු ලබා දුන් බොරු සාක්ෂි මත යන්න බව පැහැදිලිවම තහවුරු ව ඇති බව හිටපු පාර්ලිමේන්තු මන්ත්‍රී උදය ගම්මන්පිල මහතා පැවැස‍ිය. අද කොළඹදී පැවැති මාධ්‍ය හමුවකදී ඔහු මේ බව පැවැසීය.

චීන මහජන විමුක්ති හමුදාව සැමවිටම ලෝක සාමයේ සහ ආරක්ෂාවේ ප්‍රධානතම බලවේගය වී ඇත බවත් චීන ජනාධිපති ෂී ජින් පිං මහතා මානව වර්ගයා සඳහා බෙදාගත් අනාගතයක් සහිත ප්‍රජාවක් ගොඩනැගීම සඳහා පොදු, පුළුල්, සහයෝගී සහ තිරසාර ආරක්ෂාව පිළිබඳ දැක්ම වෙනුවෙන් පෙනී සිටින බවත්ශ්‍ රී ලංකාවේ චීන තානාපති ෂී ශෙන්හොන් මහතා පැවැසීය.

දේශබන්ධු තෙන්නකෝන් මහතා, 2002 අංක 5 දරන නිලධරයන් ඉවත් කිරීමේ (කාර්ය පටිපාටිය) පනතේ 17 වගන්තිය ප්‍රකාරව පොලිස්පති ධුරයෙන් ඉවත් කිරීම සඳහා වන යෝජනා සම්මතය වැඩි ඡන්ද 177කින් සම්මත වූ බව කථානායක වෛද්‍ය ජගත් වික්‍රමරත්න මහතා අද(05දා) පැවසීය.

පොලිස්පති දේශබන්දු තෙන්නකෝන් පොලිස්පති ධුරයෙන් ඉවත් කිරීම සඳහා පැවැති ඡන්ද විමසීමේදී යෝජනාවට පක්ෂව ඡන්ද 177ක් ලැබුණ අතර ඒ අනුව එම යෝජනාව තුනෙන් දෙකකටත් වඩා වැඩි බහුතරයකින් සම්මත විය. විරුද්ධව කිසිම ඡන්දයක් නොලැබුණ අතර පාර්ලිමේන්තු මන්ත්‍රීවයෙකු ඡන්දය දීමෙන් වැළැකී සිටියේය.

රහස් පොලිස් අත්අඩංගුවෙන් පළායෑමට කුමන්ත්‍රණය කිරීම ඇතුළු චෝදනා යටතේ පාතාල අපරාධකරුවන් වන නදුන් චින්තක වික්‍රමරත්න හෙවත් හරක් කටා මිදිගම රුවන් සහ රහස් පොලිස් කොස්තාපල්වරයකු ඇතුළු විත්තිකරුවන් පස්දෙනෙකුට එරෙහිව පවරා ඇති නඩුවේ අධිචෝදනා පත්‍ර කොළඹ මහාධිකරණ විනිසුරු සුජීව නිශ්ශංක මහතා හමුවේ අද (05) බාර දුන්නේය.

2005 සිට 2014 දක්වා කාලය තුඝ දේශපාලඥයන්ගේ දරුවන් , ඥාතීන් සහ හිතවතුන් ජනාධිපති අරමුදලින් මුදල් ලබාදී අධ්‍යාපන කටයුතු සඳහා මුදල් ලබා ගෙන ඇති බව අද (05දා) පාර්ලිමේන්තුවේදී අනාවරණය විය.ක

මේ දිනවල පවතින වැසි රහිත කාලගුණික තත්ත්වය නිසාවෙන් කලා බළලු වැවේ ජලය විශාල වශයෙන්ම සිඳී ගොස් තිබේ ,සිදී ගිය වැව් තාවුල්ලේ සරුසාරව බෙරු තණ වැඩීමත් සමඟ අලි ඇතුන් තුන් සියයකට අධික පිරිසක් මේ දිනවල කලා බළලු වැවේ තෘණ උලා කෑම දැකගැනීමට හැකි වී තිබේ.

පැරණි මානව ජනාවාසකරණය පිළිබඳ මෙතෙක් ගවේෂණය නොවූ අද්විතීය පුරාවිද්‍යා ස්ථානයක් ලෙස සැලකෙන ත්‍රිකුණාමලය පුරාවිද්‍යා කලාප අංක එකට අයත් රිදී කන්ද පුරාවිද්‍යා කලාපයේ කුච්චවේලි ප්‍රාදේශීය ලේකම් කොට්ඨාසයේ පිහිටි පල්ලවංක කුලම ඉපැරණි ජනාවාස සහිත පැරැණි වරායේ ගවේෂණ කටයුතු ආරම්භ කළ බව පුරාවිද්‍යා දෙපාර්තමේන්තුව කියයි .

කල්පිටිය ප්‍රාදේශීය ලේකම් බල ප්‍රදේශයට අයත් එකම සක්‍රීය වැව වන ඒත්තාල ග්‍රාම නිළධාරී කොට්ඨාසයට අයත් තඹර වැව හෙවත් නෙලුම් වැවේ අනවසර ඉදිකිරීම් සිදු වෙමින් පවතින බවට ප්‍රදේශවාසී ජනතාව චෝදනා කර සිටිති.

බඩල්කුඹුර පොලිස් වසමට අයත් මාලිගාතැන්න ප්‍රදේශයේ පුද්ගලයෙකු තම කුකුළෙකු බැල්ලියක විසින් රැගෙන ගොස් මරා දැමීම නිසා කෝපවී බැල්ලියකට (03) වෙනිදා කැප්ප තුවක්කුවකින් වෙඩි තබා මරා දමා ඇත.

මනුෂ්‍ය ඝාතන තුනකට සම්බන්ධ සැකකරුවන් හා සැකකාරියන් කිහිප දෙනෙක් අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය පවසයි.

ලැයිස්තුගත සමාගම් සඳහා ආයෝජන සීමාව ඇ.ඩො 500,000 සිට 750,000 දක්වා ඉහළට -ලැයිස්තුගත නොකළ සමාගම් සඳහා සීමාව ඇ.ඩො 150,000 සිට 200,000 දක්වා ඉහළ නංවයි - ඇ.ඩො මිලියන 2 ඉක්මවන ඕනෑම ආයෝජනයක් සඳහා විශේෂ අනුමතියක් අවශ්‍ය වේ.

සිනි කර්මාන්තශලාවල ඇති වි තිබෙන අර්බුදය විසදිමට නම් දුඹූරු සිනි මත යොදා තිබෙන සියයට දහ අටේ (18) වැට් බද්ද කඩිනමින් ඉවත් කළ යුතු බව ගොවි අරගල ව්‍යාපාරය සඳහන් කරයි

මාස 11 තුළදී ෆාම් ඔයිල් කිලෝවක මිල දෙගුණයකට වැඩි මුදලකින් ඉහළ යාම නිසා ආහාර සකස් කරන පිරිස් දැඩි දුෂ්‍කරතාවන්ට පත්ව සිටින බවසමස්ත ලංකා ආපනශාලා සහ අවන්හල් හිමියන්ගේ සංගමය සඳහන් කරයි.

දෙවිනුවර උත්පලවර්ණ ශ්‍රී වීෂ්ණු දේවාලයේ තෙවැනි පේලි පෙරහැරේ ගමන් කල “භානුක” නැමැති අලියෙකු ඊයේ (04) රාත්‍රි හදීසියේ කුලප්පු වීමෙන් දැඩි කලබලකාරී තත්වයක් ඇති විය.

කණ්ඩලමේ විව් එක නැති කරන්න දෙන්නේ’/ නෑ හිමි නමක් වැව රැකගන්න මේක කරන්නේ / ඉංජිනේරු