සියදිවි හානි කර ගැනීමට තැත් කිරීම මෙරට වසර 03ක සිට ඒකාකාරී මට්ටමේ පවතින බවත්, මාධ්‍ය වාර්තාකරණය සිදු කරන ආකාරය අනුව සියදිවි හානි කර ගැනීම වැඩිවන බවට පෙනී ගොස් ඇති බවත් මනෝ විශේෂඥ වෛද්‍යවරුන්ගේ විද්‍යායතනය සඳහන් කරයි.

මෙරට තුළ විකිණීමට ඇති තෙල් වර්ගවල දුර්ගන්ධය ඉවත් කිරීමට හා පිරිසුදු කිරීමට භාවිත කරන රසායනික ද්‍රව්‍ය පිළිකා ඇති කිරීමට ඍජුවම බලපාන බව මහජන සෞඛ්‍ය පරීක්ෂක, සඳුන් රත්නායක මහතා පෙන්වා දෙයි.

බ්‍රික්ස් සමුළුවට (BRICS Summit) රටක් ලෙස සහභාගී විය යුතු බවත්, ඊට රටේ ජනාධිපතිවරයා සහභාගී නොවීමට තීරණය කිරීම පිළිබඳ කනගාටු වන බවත්, සමගි ජන බලවේගයේ මහ මැතිවරණ අපේක්ෂක ඉරාන් වික්‍රමරත්න මහතා පැවසීය.

විදුහල්පති ගුරු වැටුප් විෂමතා සම්බන්ධයෙන් වත්මන් ආණ්ඩුව යටතේද අපේක්ෂා භංගත්වයට පත්වන තත්ත්වයක් ඇති වී තිබෙන බවත්, අඩුම තරමින් ගුරු වැටුප් විෂමතාව සම්බන්ධයෙන් පැහැදිලි ප්‍රකාශයක් හෝ නොකරන තත්ත්වයට ආණ්ඩුව පත්ව ඇති බවත්, පාසල් පද්ධතිය තුළ දරුවන් ලක්ෂ ගණනින් මන්දපෝෂණයෙන් පෙළෙන බැවින් ඒ වේදිකාවල පොරොන්දු වූ කතා කළ පරිදි ඒ සඳහා විසඳුම් ලබා දිය යුතු බවත් ලංකා ගුරු සංගමයේ සභාපති ප්‍රියන්ත ප්‍රනාන්දු මහතා සඳහන් සඳහන් කළේය.

අක්‍රමවත්ව පවතින ශ්‍රී ලංකාවේ කෘෂි කර්මාන්තය සංවිධිත තත්ත්වයකට ගෙන ඒම සඳහා දිගු කාලීන ඒකාබද්ධ ජාතික සැලැස්මක් ක්‍රියාත්මක කළ යුතු බව ජනාධිපති අනුර කුමාර දිසානායක මහතා පවසයි.

ලංකාවේ ප්‍රථම කේබල් කාර් ව්‍යාපෘතියට කිසිදු බාධා කිරීමක් හෝ මැදිහත්වීමක් කිරීමෙන් ගම්පොළ ප්‍රාදේශීය ලේකම්වරිය වළකාලමින් අභියාචනාධිකරණය අතුරු තහනම් නියෝගයන් අද (16) නිකුත් කළේය.

රුපියල් තුන් දහසක මාසික අන්තර් කාලීන දීමනාව අද (16) සියලු විශ්‍රාමිකයින්ගේ ගිණුම්වලට මුදා හැරේ තැපැල් කාර්යාල හා උපකාර්යාල හරහා විශ්‍රාම වැටුප් ලබන විශ්‍රාමිකයින්ට 18 වන දා සිට මුදල් ලබා ගත හැකියි

රුපියල් කෝටියක් පමණ වටිනා විස්කි බෝතල් තොගයක් සහ විදේශීය නිෂ්පාදිත දුම්වැටි තොගයක් නීතිවිරෝධී ලෙස මෙරටට ගෙනැවිත් , කටුනායක ගුවන් තොටුපොළෙන් පිට කර ගෙන යාමට තැත් කිරීමේ දී 10/16 දින අලුයම අපරාධ පරීක්ෂණ දෙපාර්තමේන්තු නිලධාරීන් විසින් අත් අඩංගුවට ගෙන තිබේ.

ගෑන්ඩ්පාස් මාදම්පිටිය සූසාන භූමියේ ඉදිරිපිටදී ත්‍රී රෝද රථයක යමින් සිටි පුද්ගලයෙකු ඉලක්ක කරගෙන සිදුකළ වෙඩි තැබීමකින් එම පුද්ගලයා මියගොස් ඇතැයි ග්‍රෑන්ඩ්පාස් පොලිසිය කියයි.

2024 ඔක්තෝබර් 2 දින සිට 15 දක්වා දවස් 13 ට රජය රුපියල් කෝටි 41,900 ක් හෙවත් රුපියල් මිලියන 419,000 ක භාණ්ඩාගාර බිල්පත් හා බැඳුම්කර ණය ලබා ගෙන ඇතැයි මාතලේ දිස්ත්‍රික් සජබ කණ්ඩායම් නායිකා රෝහිණී කවිරත්න පැවසුවාය.

පැය 48ක කාලයක් තුළදී ඉන්දීය ගුවන් යානා 10ක පමණ බෝම්බ ඇති බවට වූ තර්ජන හේතුවෙන් එම ගුවන් යානා ප්‍රමාද කිරීම හෝ හරවා යැවීම සිදු කර තිබේ.

රුපියල් බිලියන 3.5ක වැට් බදු නොගෙවීම හේතුවෙන් අත්අඩංගුවට ගත් ඩබ්.එම්.මෙන්ඩිස් සහ සමාගමේ අධ්‍යක්ෂ අර්ජුන ඇලෝසියස් ඇතුළු දෙදෙනෙකුට කළ ඇප ඉල්ලීම අද(16දා) දෙවන වරටත් කොළඹ අතිරේක මහේස්ත්‍රාත්වරයා ප්‍රතික්ෂේප කර තිබේ.

අනුරාධපුර මධ්‍යම නූවරගම් පළාත් ප්‍රාදේශීය ලේකම් කොට්ඨාසයේ උලුක්කුලම ප්‍රදේශයේ සත්ත්ව ගොවිපලවල් තුල සීඝ්‍රයෙන් පැතිර යන වෛරස් රෝගයක් හේතුවෙන්, ඌරන් විශාල වශයෙන් මිය යමින් සිටින බව එම සත්ත්ව ගොවීහු පවසති.

ඉතාලි ජාතිකයෙකුට අයත් ගමන් බලපත්‍රයකින් මෙරටට ඇතුළු වීමට තැත් කළ ඉරාන ජාතිකයෙකු 10/16 දින අලුයම කටුනායක ගුවන් තොටුපොළේ දී අත් අඩංගුවට ගත් ආගමන විගමන දෙපාර්තමේන්තු නිලධාරීන් , ඔහු ආපසු පිටුවහල් කිරීමට ද පියවර ගෙන තිබුණි .

පාර්ලිමේන්තු මැතිවරණයට අදාළ අපේක්ෂකයින්ගේ මනාප අංක අද (16) දිනයේදී අදාළ දිස්ත්‍රික් ලේකම් කාර්යාලවලින් ලබාගත හැකි බව මැතිවරණ කොමිෂන් සභාව පවසයි.

තමන් දේශපාලනයෙන් විශ්‍රාම නොගත් බවත් තාවකාලික සමුගැනිමක් පමණක් සිදුකළ බවත් හිටපු ජනපති මහින්ද රාජපක්ෂ මහතා පැවැස‍ිය.

ඉංදියානූ ශ්‍රී ලංකා ඒකාබද්ධ නිර්මාණය ක් ලෙස උඩරට දුම්රිය මාර්ගයේ ඇල්ල අහස්නවය ආරුක්කු පාලම අසල රූගත කිරිම් කල මිරායි චිත්‍රපටයේ රූගත කිරිම් හේතුවෙන් දින කීපයක් සීමා කර තිබූ කොළඹ කොටුව බදුල්ල අතර දුම්රිය ධාවනය අද (16) සිට යලි සුපුරුදු පරිදි ධාවනය කැරෙන බව නාවලපිටිය දුම්රිය පාලක මැදිරිය පවසයි .

තමා සතු පාස්කු වාර්තා දෙක ලබා දුන් පසු ප්‍රසිද්ධ කරන බවට විජිත හේරත් ඇමතිවරයා හෝ ආණ්ඩුව ප්‍රතිඥාවක් නොදෙන්නේ නම් එම වාර්තා කිසිදු හේතුවක් මත ආණ්ඩුවට භාර දීමට තමා සූදානම් නොමැති බව පිවිතුරු හෙළඋරුමයේ නායක උදය ගම්මන්පිල මහතා පැවසීය.

දඹුල්ල ආර්ථික මධ්‍යස්ථානය ආශ්‍රිතව ඉදි කොට වැඩ අවසන් කොට ඇති ශිතාගාරය ගොවිජනතාවගේ කටයුතු වෙනුවෙන් කඩිනමින් විවෘත කරන ලෙස ගොවි සංවිධාන නියෝජිතයින් රජයෙන් ඉල්ලා සිටි.

දිවයිනේ නිරිත දිග කොටසේ පැවති තද වැසි තත්ත්වය ක්‍රමයෙන් අඩුවනු ඇතැයි බලාපොරොත්තු වන බව කාලගුණවිද්‍යා දෙපාර්තමේන්තුව සඳහන් කරයි.

මෙරට වයස අවුරුදු පහට අඩු දරුවන් 10,323දෙනෙකු උග්‍ර පෝෂණ ඌනතාවයෙන් පෙළෙන බැව්, පෝෂණ මාසය නිමිත්තෙන් 2024 වර්ෂයට අදාළව පවුල් සෞඛ්‍ය සේවා කාර්යාංශය මගින් නිකුත් කොට ඇති වාර්තාවේ සඳහන් වේ.

දින 67ක් මුහුදේ අතරමංව සිටි රුසියානු ජාතිකයෙකු ​බේරාගෙන තිබේ.

ලොව පුරා සංචාරකයන්ගේ මනාපය අනුව ට්‍රිප්ඇඩ්වයිසර් සංචාරක මාර්ගෝපදේශක වෙබ්අඩවිය BEST OF THE BEST RESTAURANTS නමින් කළ මත විමසුමකදී, ලොව හොඳම රෙස්ටුරන් අතර දෙවැනි ස්ථානය, ඇල්ල චිල් රෙස්ටුරන් හිමිකර ගෙන තිබේ.

පාස්කු ප්‍රහාරය සම්බන්ධයෙන් මෙතෙක් පැවති සියලු පරීක්ෂණ කතෝලික සභාව පිළිනොගන්නා බැවින් පිළිගත හැකි යුක්තිසහගත පරීක්ෂණයක් පවත්වා කතෝලික ජනාතවට සාධාරණය ඉටු කරන්නැයි අනුර කුමාර දිසානායක ජනාධිපති වරයාගෙන් ඉල්ලා සිටින බව හිටපු පාර්ලිමේන්තු මන්ත්‍රී නිමල් ලාංසා මහතා පැවසීය.

ආහාර ප්‍රතිපත්ති කමිටු නිලධරයන්ගේ සංයුතියේ සංශෝධනය කිරීමට කැබිනට් අනුමැතිය ලබා දී ඇත.

ශ්‍රී ලංකාවේ රාජ්‍ය ණය කළමනාකරණය කිරීම සඳහා අවශ්‍ය වන ණය කළමනාකරණ මෘදුකාංග පද්ධතියක් මිලදී ගැනීම සඳහා කැබිනට් අනුමැතිය ලබා දී තිබේ.

ශ්‍රී ලංකා පොලීසිය සැකපිට චීන ජාතිකයන් ඇතුළු විදේශිකයින් පිරිසක් අත්අඩංගුවට ගත් බවට පළවන නවතම වාර්තා පිළිබඳව චීන තානාපති කාර්‍යාලයේ අවදානය යොමුව ඇති බව තානාපති කාර්‍යාලය පවසයි. මෙය චීනයේ කීර්තිනාමයට බරපතල හානියක් බව ද තානාපති කාර්‍යාලය සඳහන් පවසන්නේ, මෙම පරීක්ෂණ කටයුතු සිදුකර නීතිමය ක්‍රියාමාර්ග ගැනීම සඳහා පූර්ණ සහයෝගය ලබාදෙන බවයි.

මාතර පොලිස් වසමේ රුවන්වැල්ල ප්‍ර දේශයේදී ත්‍රී රෝද රථයකින් ගමන් කරමින් සිටි පුද්ගලයෙකුට නාඳුනන තුවක්කුකරුවෙක් විසින් වෙඩි තබා පළාගොස් ඇති බව පොලීසිය කියයි.වෙඩි වැදීමෙන් තුවාල ලැබූ පුද්ගයා එම ස්ථානයේදීම මියගොස් ඇති තිබේ.

නාවලපිටිය සිට නානුඔය බලා ධාවනය වු දුම්රියක් තලවකැලේ සහ වටගොඩ දුම්රිය ස්ථානය අතරදී අද (15) සවස පීලි පැනීමකට ලක්වීම හේතුවෙන් උඩරට දුම්රිය මාර්ගයේ දුම්රිය ධාවනයට බාධා එල්ල වී පැවැති බව නාවලපිටිය දුම්රිය පාලක මැදිරිය පවසයි.