මාතලේ මහවෙල පොලිස් බල ප්‍රදේශයට අයත් අඹන් ගඟ හරහා ඉදිව ඇති ප්‍රධාන පාලම ආසන්නයෙන් දිය නෑමට ගිය තැනැත්තියන් සිව් දෙනෙකුගෙන් තිදෙනෙක් දිවි බේරාගෙන එක් තැනැත්තියක අතුරුදන් වී ඇතැයි මහවෙල පොලිසිය පවසයි.

එක්සත් ජනපදය හා ජපානය තායිවාන ප්‍රශ්නයට මැදිහත් වන බවට චෝදනා කරන චීනය, දිවයින සමග සාමකාමී යලි ඒකාබද්ධ කිරීමක් අවධාරණය කරයි.

ඖෂධ ආනයනකරුවන්ට සාධාරණ අනුපාතයකින් ඖෂධ මිල ඉහළ දැමීමට අවසර ලබා දීමට රජය තීරණය කර තිබේ.

යුද්ධය හේතුවෙන් කොවිඩ්-19 සිට සරම්ප දක්වා බෝවන රෝග පැතිරවීමට උපකාරී විය හැකි බව ලෝක සෞඛ්‍ය සංවිධානය අනතුරු අඟවයි.

අනුරාධපුර පොලිස් වසමේ වන්නියන්කුලම ප්‍රදේශයේ මවක් අද(10 දා) දහවල් තම එකම දරුවා සමග ළිදට පැනීම හේතුවෙන් එම දරුවා ජීවිතක්ෂයට පත්ව, මව ප්‍රතිකාර සඳහා අනුරාධපුර ශික්ෂණ රෝහලට ඇතුළත් කර ඇති බව අනුරාධපුර පොලිසිය පවසයි.

ලෝක වෙළදපොලේ ගෑස් මිල ඉහළ ගොස් තිබෙන බැවින් ඉදිරියේදී මෙරට තුල අනිවාර්යෙන් ගෑස් මිල වැඩි වීමේ ප්‍රවණතාවයක් තිබෙන බව සමූපකාර සේවා, අලෙවි සංවර්ධන හා පාරිභෝගික ආරක්ෂණ රාජ්‍ය අමාත්‍ය ලසන්ත අලගියවන්න මහතා පැවසීය.

කුරියර් සේවාව මගින් කොළඹ සිට මහනුවරට හෙරොයින් මත්කුඩු රැගෙන ඒමේ සංවිධානාත්මක වැඩපිළිවෙළක් හසුකරගැනීමට මහනුවර කොට්ඨාස දූෂණ මර්දන අංශය සමත්ව සිටී.

බලාගාරවලට අවශ්‍ය ඉන්ධන තොග නිසිලෙස නොලැබීම නිසා හෙට (11දා) දිනයේදීත්, විදුලි කප්පාදු කිරීම සිදුකරණ බව විදුලි බලමණ්ඩලය සදහන් කරයි.

පොල්ගහවෙල හා වලකුඹුර දුම්රිය ස්ථාන අතර මැද්දලන්ද ප්‍රදේශයේ දී මඩකලපුවේ සිට කොළඹ කොටුව බලා ධාවනය වූ දුම්රියක් අද (10දා) පීලි පැනීමට ලක්ව ඇත. එම පීලි පැනීම හේතුවෙන් දුම්රිය මාර්ගයේ සිල්පර කොට 400කට පමණ හානි සිදුවී ඇති අතර කොළඹ කොටුව දෙසට ඇති දුම්රිය මාර්ගයේ දුම්රිය ගමනාගමනයට බාධා සිදු වී ඇති බව ද වාර්තා වේ.

පුනර්ජනනීය බලශක්තිය යොදා ගනිමින් විදුලිබල පද්ධතියට තවත් මෙගාවොට් 1,000ක් එකතු කිරීමේ මූලික පියවර මෙම වසරේ ගන්නා බව විදුලිබල අමාත්‍ය පවිත්‍රා වන්නිආරච්චි මහත්මිය පැවසීය.

ප්‍රධාන නගර කිහිපයක සිදු කිරීමට අපේක්ෂිත නගර සංවර්ධන සැලසුම් අද (10දා) ජනාධිපති කාර්යාලයේ දී ජනාධිපති ගෝඨාභය රාජපක්ෂ මහතා වෙත ඉදිරිපත් කෙරිණි.

මෙරට විදුලි අර්බුදයත් සමග විදුලි බිල සියයට පනහකින් ඉහළ දැමීමට යෝජනා ඉදිරිපත් වී තිබෙන බවත් ඒකක 60 අඩුවෙන් භාවිතා කරන විදුලි පාරිභෝගිකයන්ගේ විදුලි බිල ඉහළ දැමීමට කටයුතු නොකරන ලෙස ආණ්ඩුවට සඳහන් කරන බවත් සමගි ජන බලවේගයේ පාර්ලිමේන්තු මන්ත්‍රී පාඨලී චම්පික රණවක මහතා පැවසීය.

සමගි ජන බලවේල ප්‍රධාන කාර්යාලය ඉදිරිපිට සිදු වුණු සිදුවීම තමා පිළිකුලෙන් යුතුව හෙළා දකින බවත් මේ පිළිබඳ ස්වාධීන පරීක්ෂණයක් කරන ලෙස තම පොලීසියට උපදෙස් ලබා දුන් බවත් ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී මධුර විතානගේ මහතා පැවසීය.

විදුලිබල මණ්ඩලයේ අර්බුද සඳහා ප්‍රධාන හේතුව වී තිබෙනුයේ ආණ්ඩු විසින් ගනු ලබන තීරණ විදුලිබල මණ්ඩලය ක්‍රියාත්මක නොකිරීම බවත් ඒ අනුව විදුලිබල මණ්ඩලය ප්‍රතිව්‍යූහගත කිරීමට කටයුතු කළ යුතු බවත් බතික්, අත්යන්ත්‍ර රෙදි හා දේශීය ඇඟළුම් නිෂ්පාදන රාජ්‍ය අමාත්‍ය දයාසිරි ජයසේකර මහතා පැවසීය.

බෙන්තොට පාරාදීස දූපතේ සංචාරක හෝටලයක නිවාඩුවක් ගත කිරීමට රුසියාවේ සිට සති දෙකකට මෙරටට පැමිණ සිටි රුසියන් ජාතිකයෙකු එම හෝටලය ඉදිරිපිට මුහුදේ දිය නාමින් සිටියදී දියේ ගිලී මියගොස් ඇති බව බෙන්තොට පොලිසිය පවසයි.

මේ අතර ඉන්ධන නොමැති වීමෙන් උතුරේ බොහෝ ඉන්ධනහල් ඉදිරිපිට ජනතාව පොලීම් ගැසී සිටින අතරම ඉන්ධන හිගයට රජය වගකිව යුතු බව පවසමින් එයට විරෝධය පා කිලිනොච්චියේ සහ මුලතිව්හි ප්‍රාදේශීය සභා මන්ත්‍රීවරුන් කරත්තවලින් ඉන්ධන හල් වෙතට සහ මාසිකසභා සභාරැස්වීම් වෙතට පැමිණියහ.

ශ්‍රී ලංකා පොදු ජන පෙරමුණට බලය හිමි මාතලේ - අඹන්ගගකෝළේ ප්‍රාදේශිය සභාව දින නියමයක් නොමැතිව කල් තැබීමට සභාපති එන්.යෝගරාජ් මහතා (ශ්‍රී ලං පො ජ පෙ) විසින් පියවර ගෙන තිබේ

මුලතිව් නට්ටාන්කණ්ඩල් පොලිස් වසමේ සිරාට්ටිකුලම් ප්‍රදේශයේ කැලෑවක ඊයේ (09දා) සිදු වූ පිපිරීමටකට හසුවු පුද්ගලයෙකු බරපතල තුවාල ලබා මල්ලාවි රෝහලට රැගෙන යාමෙන් අනතුරුව මිය ගොස් ඇති බව පොලීසිය පැවසීය.

ගුදම් පහසුකම්, බහාලුම්, අංගන, වරාය සැපයුම් සහ බෝට්ටු හා නැව් කර්මාන්ත සංවර්ධන නව රාජ්‍ය අමාත්‍යවරයා ලෙස ලොහාන් රත්වත්තේ මහතා අද (10දා) පෙරවරුවේ ජනාධිපති කාර්යාලයේ දී ජනාධිපති ගෝඨාභය රාජපක්ෂ මහතා ඉදිරියේ දිවුරුම් දුන්නේය.

මෙරට තිබෙන ආර්ථක ප්‍රශ්නය විදේශ රටකින් ඩොලර් මිලියන 200 හෝ 300ක් හිඟාකමින් විසඳා ගත නොහැකි බව ආණ්ඩු තේරුම්ගත යුතු බව සමගි ජන බලවේගයේ පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා පැවසීය. පාර්ලිමේන්තුවේ අද(10දා) පැවති විවාදයට එක්වෙමින් හෙතෙම මේ බව සඳහන් කළේය.

ඩොලරයේ අගය රුපියල් 260 දක්වා ඉහල ගොස් තිබේ.

සූරියවැව පොලිස් ස්ථානයේ අපරාධ අංශයේ ස්ථානාධිපතිවරයා අද (10දා) අළුයම අනතුරට ලක්වීමෙන් මියගොස් ඇතැයි සූරියවැව පොලිසිය පවසයි.

කිරිවදින අක්කර දෙකහමාරක අති සාර්ථක වී වගාවක් සමසමස්ත ගොවි පරපුරට පිංන් අනුමෝදන් කිරීම සඳහා කිරි එළදෙනුන් ට දන්දීමේ අපූරු පුවතක් ගලේවෙල දේවහුවකොස්ගගහින්න ප්‍රෙද්ශයෙන් අද (10දා) වාර්තා විය.

මේ වනවිට රට තුල නිර්මාණය වී ඇති ඖෂධ හිඟය හේතුවෙන් ඔසුසල් සහ රෝහල්වලින් ඖෂධ නිකුත් කිරීමේදි ඇතැම් ඖෂධ නොමැති බවට ප්‍රකාශ කරන තත්ත්වයක් නිර්මාණය වී ඇති බැවින් මේ සම්බන්ධව අවධානය යොමුකරන්නැයි ඉල්ලා වෛද්‍ය සහ සිවිල් අයිතිවාසිකම් පිලිබඳ වෛද්‍යවරුන්ගේ වෘත්තිය සමිති සන්ධානය විසින් ඖෂධ නිෂ්පාදනය, සැපයීම හා නියාමන රාජ්‍ය අමාත්‍ය චන්න ජයසුමන මහතා වෙත ලිපියක් යොමුකර තිබේ.

නිව්ඩාව-සිට පානදුර දක්වා ධාවනය වන ලංගම බස් රථයට අරුක්ගොඩ කිරිබේරිය ප්‍රදේශයේදී යතුරුපැදියෙන් මග හරස් කර එහි රියදුරුට ආරක්ෂක හිස්වැස්ම කින් සහ අතින් පයින් පහර දුන් තරුණයන් දෙදෙනෙකු අත්අඩංගුවට ගත් බව හිරණ පොලිසිය පවසයි.

පුත්තලම හා ආණමඩුව ඇතුළු ප්‍රදේශ රැසකට අද(10දා) උදෑසන කාලයේ දැඩි මීදුම් තත්වයක් ඇතිව තිබු ආකාරය දැක ගත හැකි විය. මෙම මීදුම් තත්වය මත පරිස්සමේන් රථ වාහන ධාවනය සිදුකල බව රියදුරන් පවසති. මීදුම් තත්වය මධ්‍යම රාත්‍රියේ සිට උදෑසන 7.30 පසුවනතුරුත් පැවති ආකාරය දැක ගත හැකි විය.

හිටපු ජනපති මූන් ජේ-ඉන්ගේ අනුප්‍රාප්තිකයා කවුරුන්ද යන්න තීරණය කිරීම සඳහා පැවති තරගයේදී, එරට පාලක පක්ෂයේ අපේක්ෂක ලී ජේ-මියුන් පරාජය කරමින් කොන්සර්වේටිව් දේශපාලඥ යූන් සුක්-යෙඕල් දකුණු කොරියාවේ ජනාධිපතිවරයා ලෙස තේරී පත්වී ඇත.

මත්තල ජාත්‍යන්තර ගුවන් තොටුපළ ආරම්භ කළ දින සිට මේ දක්වා කාළය තුළ එම ගුවන් තොටුපළ වෙත පළමු වරට ස්ථිර කාළසටහනකට ( Schedule Flights ) අනුව පැමිණෙන ගුවන් සේවය ලෙස එක්සත් අරාබි එමීර් රාජ්‍යයේ අබුඩාබි සිට ’’ විස් එයා ’’ (Wiss Air ) ගුවන් සේවයේ ගුවන් යානා එළඹෙන ජූනි මස 01 දින සිට පැමිණීමට නියමිත බව සිවිල් ගුවන් සේවා, අපනයන ප්‍රවර්ධන කළාප සංවර්ධන රාජ්‍ය අමාත්‍ය ඩී.වී.චානක මහතා පැවසීය.

ඇමෙරිකාව විසින් වර්ජනය කළ රුසියානු තෙල් නිසා ඉහළ යන ඉන්ධන මිල පාලනයට සෞදියෙන් හා එක්සත් අරාබි එමීර් රාජ්‍යයෙන් තෙල් නිෂ්පාදනය වැඩි කරන ලෙස ජෝ බයිඩන් කළ ඉල්ලීම් එම රාජ්‍යයන් දෙකේම කුමාරවරුන් විසින් ප්‍රතික්ෂේප කර ඇති බව විදෙස් වාර්තා පවසයි.