නානුඔය ප්‍රදේශයේදි බූම් ට්‍රක් රථයක් මාර්ගයෙන් ඉවතට පැන අඩි 25ක් පමණ ප්‍රපාතයට පෙරලිමෙන් එම බූම් ට්‍රක් රථයේ පසුපස ගමන් ගත් අයෙකු බරපතල ලෙස තුවාල ලබා නුවරඑලිය මහ රෝහල වෙත ඇතුලත් කිරිමෙන් පසු අද(23දා) දින මියගොස් ඇති බව නානුඔය පොලිසිය පැවසිය.

ඉන්දීය ණය ආධාර යටතේ පෙට්‍රල් මෙ‌ට්‍රික්ටොන් 40,000ක් රැගත් නෞකාවක් අද (23දා) කොළඹට ළගා වූ බව ශ්‍රී ලංකාවේ ඉන්දීය මහකොමසාරිස් කාර්යාලය පවසයි.

කෝවිඩ් 19 ප්‍රතිශක්තිකරණ එන්නත ලබා ගැනීම සඳහා යුද හමුදාව විසින් ක්‍රියාත්මක කරනු ලබන කොළඹ විහාර මහා දේවී උද්‍යානයේ පිහිටි එන්නත් කරන මධ්‍යස්ථානය ආරක්‍ෂක මාණ්ඩලික ප්‍රධානී සහ යුද හමුදාපති ජෙනරල් ශවේන්ද්‍ර සිල්වාගේ උපදෙස් මත නැවතත් එම ස්ථානයේ ක්‍රියාත්මක කර ඇත.

බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාට ස්ථාන මාරුවීමක් ලබා දෙන ලෙස නීතිපතිවරයා විසින් පොලිස්පතිවරයාට උපදෙස් ලබාදී ඇති බව වාර්තා වේ.

සමගි ජන බලවේගයේ ඇතැම් පිරිස් විසින් රෙද්දක් ඇඳන් අමාත්‍යධූරය භාරගන්නේ කෙසේදැයි යන්න ප්‍රශ්න කරනු ලබන බවත් එයට තමාට පිලිතුරු ලෙස ලබා දිය හැක්කේ සජිත් ප්‍රේමදාස මහතාත් අගමැතිකම ලබා ගැනීමට කැමැත්ත පල කල බවත් එසේනම් ඔහුට එය ලබා ගැනීමට සිදුවන්නේද ජනාධිපති ගෝඨාභය රාජපක්ෂ මහතාගේ අතින්ම බව සංචාරක අමාත්‍ය හරීන් ප්‍රනාන්දු මහතා පවසයි.

බේරුවල පිටවල ප්‍රදේශයේ කුඩා යන්ත්‍රයකින් තණකොළ කපා දිවිගෙවන පුද්ගලයෙකු එම යන්ත්‍රය ක්‍රියාකරවීමට අවශ්‍ය ඉන්ධන ලබාගැනීමට බේරුවල ඉන්ධනහලටගිය විට එහිදී තණකොළ කපන මැෂිමේ ටැංකියට ලබා දී ඇති රුපියල් 250ක පෙට්‍රල් ප්‍රමාණය පැය කීපයක තණකොළ කැපීමේ කුළී රස්සාව කර ගැනීමටවත් ප්‍රමාණවත් නැතැයි ඔහු චෝදනා කරයි.

යුද හමුදා භට පිරිස් විසින් ප්‍රතිසංස්කරණය කරන ලද පුරාවිද්‍යාත්මක වටිනාමකකින් යුත් ප්‍රාග් ඓතිහාසික විහාරස්ථානයක් වන කල්තොට, කූරගල ආරණ්‍ය සේනාසනයේදී සතියක් පුරා පැවති රාජ්‍ය වෙසක් උත්සවයේ සමාප්ති උත්සවය මැයි මස 21-22 යන දෙදින තුළ බෞද්ධ ජනතාවගේ සහභාගීත්වයෙන් පවත්වන ලදී.

මේ වසරේ මුල් මාස පහ තුල මේ දක්වා ස්වයං මාර්ගයෙන් හා බලපත්‍රලාභී විදේශ රැකියා නියෝජිතායතන මාර්ගයෙන් විදේශ රැකියා සඳහා පුද්ගලයන් 105,821 දෙනකු පිටත්ව ගොස් ඇති බව ශ්‍රී ලංකා විදේශ නියුක්ති කාර්යාංශය සඳහන් කරයි.

යාපනය කොඩිකාමම් පොලිස් වසමේ කෙත්පේලි ප්‍රදේශයේ ඉඩමක් එලිපෙහෙලි කරමින් සිටි අයෙකුට අත්බෝම්බ 36 ක් අඩංගු පෙට්ටියක් ඊයේ (22දා) හමු වී ඇතැයි පොලීසිය පවසයි.

නාවලපිටිය නගරයේ පිහිටි පෞද්ගලික ඉන්ධන පිරවුම්හලක අයිතිකරු , අයිතිකරුගේ පුත්‍රයා සහා එහි සේවකයින් එක්ව ඊයේ (22දා) රාත්‍රියේ පෙට්‍රල් ලබා ගැනිමට පැමිණ සිටි ත්‍රිරෝද රථ රියදුරෙකුට අමානුෂික ලෙස පහර දි තුවාල සිදු කර ඇති බව නාවලපිටිය පොලිසිය පැවසිය.

අද දිනයේ පටන් ඔක්ටේන් 95 පෙට්‍රල් දිවයින පුරා බෙදා හරින බවත් සති 6කට ප්‍රමාණවත් ඔක්ටේන් 95 පෙට්‍රල් මේ වන විට ඇති බවත් විදුලි බල හා බල ශක්ති අමාත්‍ය කාංචන විජේසේකර මහතා පවසයි.

පොතුවිල යුද හමුදා කඳවුරේ 23 වැනි සිංහ රෙජිමේන්තුවට අනුයුක්ත සෙබලෙකු අද (23දා) අළුයම 12-30 ට පමණ රාජකාරි ගිනි අවියෙන් හිසට වෙඩි තබා‍ගෙන සියදිවි නසා ගෙන ඇති බව දෙහිඅත්තකණ්ඩිය පොලීසිය පවසයි.

කිලිනොච්චිය පලෙයි පොලිස් වසමේ කිලාලි ප්‍රදේශයේදී සිදුවූ කිසියම් පිපිරීමක් හේතුවෙන් මෙවර සාමාන්‍ය පෙළ විභාගයට පෙනී සිටීමට සූදානම්ව සිටි සිසුවියක් තුවාල ලබා රෝහලගත කොට ඇතැයි පොලීසිය පවසයි.

නව කැබිනට් අමාත්‍යවරු මීට සුලු මොහොතකට පෙර ජනාධිපති මන්දිරයේදී ජනාධිපති ගෝඨාභය රාජපක්ෂ ඉදිරියේ දිවුරුම් දී තිබේ.

ආර්ථිකය අර්බුධය නැවත පදිංචි වූ උතුරේ ජනතාවට දරාගත නොහැකි බැවින් ජනපතිවරයා වහාම ඉවත්විය යුතු බව පවසමින් කිලිනොච්චියේ වැසියෙක් ගෝඨාගෝගම දක්වා පාපැදියෙන් ගමන් කිරීමට පියවර ගෙන ඇත.

බදුල්ල නගරයේ සමුපකාර ඉන්ධන පිරවුම් හලෙන් ඉන්ධන ලබා ගැනීමට ඉන්ධන පෝලිමේ සිටි බදුල්ල වැලිමඩ පෞද්ගලික බස්රථ රියදුරෙකුට තියුණු ආයුධයකින් ගෙල කපා බරපතළ තුවාල සිදු කලැයි බදුල්ල කොළඹ පෞද්ගලික බස්රථ කොන්දොස්තරවරයකු සමඟ මාර්ගය අවහිර කරමින් කලහකාරී ලෙස හැසිරුණු පෞද්ගලික බස්රථ සේවකයන් හයදෙනෙකු ඊයේ (22දා) රාත්‍රී අත්අඩංගුවට ගත් බව බදුල්ල පොලිසිය පවසයි .

හිටපු මහ බැංකු අධිපති අජිත් නිවාඩ් කබ්රාල් මහතාට පනවා තිබු විදෙස් ගමන් තහනම එලැඹෙන ජූලි 25 වැනි දින දක්වා දීර්ඝ කිරීමට කොළඹ ප්‍රධාන මහේස්ත්‍රාත්වරයා නියෝග කර තිබේ.

ජනපති ගෝඨාභය රාජපක්ෂ මහතා හා අග්‍රාමාතය රනිල් වික්‍රමසිංහ මහතාගේ ප්‍රධානත්වයෙන් යුත් නව රජයේ තවත් අමාත්‍යවරු කිහිප දෙනෙක් දිවුරුම් දීම මේ වන විට ජනපති ලේකම් කාර්යාලයේ ආරම්භ වී තිබේ.

මීටර් 100 ඉසව්වේ දකුණු ආසියානු වාර්තාවට මෙන්ම ශ්‍රී ලංකා ජාතික වාර්තාවටද හිමිකම් කියන යුපුන් අබේකෝන් මිටර් 200 ඉසව්වේද දකුණු ආසියා මෙන්ම ශ්‍රි ලංකා වාර්තාව තමන් සතු කර ගැනීමට සමත්ව තිබේ.

තෙවැනි පාර්ශ්වයන්ගෙන් පෙට්‍රෝලියම් නිශ්පාදන මිලදි නොගන්නා ලෙස විදුලි බල හා බලශක්ති අමාත්‍ය කාංචන විජේසේකර මහතා පවසයි.

පසුගිය 09 වැනි දින සිදුවූ ප්‍රචණ්ඩකාරි හා කලහකාරී සිදුවීම්වලදී දිවුලපිටිය පොලිස් වසමේ පිහිටි පාර්ලිමේන්තු මන්ත්‍රීවරයෙකුගේ කාර්යාලයකට පහරදී ගිනිතබා විනාශ කිරීම පිලිබඳව අපරාධ පරීක්ෂණ දෙපාර්තමේන්තුව විසින් සිදුකල විමර්ශණයකට අදාලව එම සිදුවීමට සම්බන්ධ ප්‍රධාන සැකකාරියක් අත්අඩංගුවට ගැනීම සඳහා පොලීසිය මහජන සහය පතනු ලබයි.

ජනපති ගෝඨාභය රාජපක්ෂ මහතා සිය ධුරයෙන් වහාම ඉවත් විය යුතු බව ශ්‍රී ලංකා හිටපු සුපිරි ක්‍රිකට් නායක මහේල ජයවර්ධන සිය ට්විටර් ගිණුමෙන් පවසයි.

සීදුව සිට බදුල්ල දක්වා මත්පැන් තොගයක් ප්‍රවාහනය කළ ලොරියක් අද (23දා) අළුයම බදුල්ල-බණ්ඩාරවෙල අතර ප්‍රධාන මාර්ගය මත පෙරලීමෙන් මත්පැන් බෝතල් විශාල ප්‍රමාණයක් විනාශ වී ඇතැයි පොලිසිය කියයි. මත්පන් බෝතල් නම දහස් එකසිය හතලිහක් රැගත් ලොරියක් මෙසේ අනතුරට ලක් වී තිබේ.

බිලාවල් පැවසුවේ, චීනය සන්නාහයකින් සැරසුණු මිතුරෙකු ලෙස පාකිස්තානය සලකන බවත්, එහි ජයග්‍රහණ දැකීමට සතුටු වන අතරම, එය ඉදිරියට යාම වැළැක්විය නොහැකි බව සෑම බලවේගයකටම ඒත්තු ගොස් ඇති බවද සඳහන් කළේය.

ඒ යටතේ ශ්‍රී ලංකා පොදුජන පෙරමුණ නියෝජනය කරමින් ෂෙහාන් සේමසිංහ, ජානක වක්කුඹුර, එස්.එම්. චන්ද්‍ර සේන. විදුර වික්‍රමනායක, ඩග්ලස් දේවානන්දා, දිලුම් අමුණුගම ඇතුළු තවත් මන්ත්‍රීවරුන් තිදෙනෙකුට අමාත්‍යධුර ලැබීමට නිමිත බව වාර්තා වෙයි.

බෙල්ජියම් සෞඛ්‍ය බලධාරීන් විසින් රෝගීන් කිහිප දෙනෙකු අනාවරණය කිරීමෙන් පසු දින 21ක ස්වයං හුදකලාවක් නියම කර ඇති අතර, සියලු රෝගීන් ජාත්‍යන්තර සමලිංගික උත්සවයකට සහභාගි වී පැමිණි අයයි.

සර්වපාක්‍ෂික ආණ්ඩුවේ ඇමති ධුර ලබා නොගැනීමට ශ්‍රී ලංකා නිදහස් පක්‍ෂය තීරණය කර තිබෙන නිසා මෙම තීරණය උල්ලංඝනය කරන සියලුම සාමාජිකයන්ට විනය ක්‍රියාමාර්ග ගැනීමට කටයුතු කරන බව ශ්‍රී ලංකා නිදහස් පක්‍ෂය සඳහන් කරයි.

මෙය අතිශය අවදානම්සහගත සන්ධිස්ථානයක් ලෙස ලෝකය පිළිගත යුතු බව එම මහ කොමසාරිස් කාර්යාලය වැඩිදුරටත් පෙන්වා දෙයි.

සමාන්‍ය පෙළ විභාගයට අදාළව දිවයිනම ආවරණය වන පරිදි විශේෂ ආරක්ෂක වැඩපිළිවෙළක් ක්‍රියාත්මක කරන බවත්, සෑම විභාග මධ්‍යස්ථානයකටම පොලිස් අවි සහිත සැරයන්වරයෙකු හා කොස්තාපල්වරුන් දෙදෙනෙකු බැගින් යොදවන බවත් පොලිස් මූලස්ථානය සඳහන් කරයි.