විකුණා මුදල් සොයා ගැනීමේ අරමුණින් රුපියල් ලක්ෂ 5කට ආසන්න යතුරු පැදි දෙකක් සොරකම් කළ එකම පවුලේ සහෝදරයන් දෙදෙනෙකු ඊයේ (24දා) අත්අඩංගුවට ගත් බව අනුරාධපුර පොලිසිය පවසයි.

ශ්‍රී ලංකා වරාය අධිකාරියේ නව සභාපති ලෙස කීත් ඩී. බර්නාඩ් මහතා පත්කර තිබේ. වරාය හා නාවික අමාත්‍ය නිමල් සිරිපාල ද සිල්වා මහතා විසින් මෙම පත්කිරිම සිදුකර තිබේ.

ලංකා ධිවර සංස්ථාව නිරන්තරයෙන් පාරිභෝගිකයා වෙත ඉහළ සේවාවක් ලබාදිමේ අරමුණින් නවින වෙළදසැල් ජාලාවක් දිවයිනපුරා ආරම්භකරමින් සිටින අතර එහි තවත් පියවරක් ඉදිරියට යමින් මීරිගම සහ පෑලියගොඩ දි වෙළදසැල් දෙකක් විවෘත කිරිම ධිවර අමාත්‍ය ඩග්ලස්දේවානන්ද මහතාගේ ප්‍රධානත්වයෙන් ඊයේ (24දා) සිදු කෙරිණි.

ඇමෙරිකා භාණ්ඩාගාරයේ සහකාර ලේකම් රොබර්ට් කැප්රෝත් මහතා ඇතුළු දූත පිරිසක් යළිත් ශ්‍රී ලංකාවේ සංචාරයක් සඳහා පැමිණි බව ශ්‍රී ලංකාවේ ඇමෙරිකානු තානාපති ජුලි චුංග් මහත්මිය පවසයි.

යාල වනෝද්‍යානයේ වාහන භාවිත කරමින් අනිසි ලෙස කටයුතු කළ පිරිසක් පාලනය කිරිමට අපොහොසත් වූ වනජීවී නිලධාරීන්ගේ මෙන්ම සංචාරක මග පෙන්වන්නගේ සේවය අත්හිටවීමට තීරණය කර ඇති බව වනජීවී හා වන සම්පත් සංරක්ෂණ අමාත්‍යාංශය සඳහන් කරයි.සේවය අත්හිටුවීමෙන් පසු එම නිලධාරීන් සම්බන්ධයෙන් විමර්ශනයක් පැවැත්වීමට නියමිතය.

පේදුරුතුඩුව පොලිස් වස‌මේ වල්ලිපුරම් ප්‍ර දේශයේ වෙල් යායක මත්පැන් පානය කරමින් සිටිය තරුණයින් 06 දෙනෙකුගෙන් දෙදෙනෙක් වෙල්යායේ තිබූ ළිඳකට වැටි දියේ ගිලී බරපතල තත්ත්වයෙන් මන්දිගායි රෝහලට ඇතුළත් කිරීමෙන් අනතුරුව ජීවිතක්ෂයට පත්ව ඇතැයි පොලීසිය පවසයි.

දිවයින පුරා දැනට පවතින වැසි තත්ත්වය තරමක් දුරට අඩුවනු ඇතැයි කාලගුණ විද්‍යා දෙපාර්තමේන්තුව පවසයි. බස්නාහිර, සබරගමුව, මධ්‍යම, වයඹ හා උතුරු පළත්වලත් ගාල්ල හා මාතර දිස්ත්‍රික්කවලත් වැසිවාර කිහිපයක් ඇතිවිය හැකි බවත් එම දෙපාර්තතමේන්තුව අද පෙරවරුවේ නිකුත් කළ නිවේදනයක දැක්වෙයි.

විදේශ රැකියා හා කම්කරු අමාත්‍ය මනූෂ නානායක්කාර මහතා සඳහන් කළේ අද පෙරවරු 6.35 වන විට 254938ක් විදේශ රැකියා සඳහා ශ්‍රී ලංකාවෙන් පිටත්ව ගොස් ඇති බවයි.

නියාමනය කරන ත්‍රි රෝද රථ සඳහා ලබාදෙන ඉන්ධන කෝටාව ඉහළ දමන බව විදුලි බල හා බලශක්ති අමාත්‍ය කංචන විජේසේකර මහතා පවසයි.

රාජපක්‍ෂවරුන්ගේ ආධිපත්‍ය ජන බලයෙන් සහ ජන සවියෙන් පියවරෙන් පියවර ඉවත් කිරීමට කටයුතු කරන බව සමගි ජන බලවේගයේ නායක, විපක්‍ෂනායක සජිත් ප්‍රේමදාස මහතා පැවසීය.

21 වැනි ආණ්ඩුක්‍රම ව්‍යවස්ථා සංශෝධනය සම්මත කළ දින ඡන්ද විමසීමට සහභාගි නොවුණු මන්ත්‍රීවරුන්ගේ නාමලේඛනය ලබාගැනීම වෙනුවෙන් පිවිතුරු හෙළ උරුමයේ නායක පාර්ලිමේන්තු මන්ත්‍රී උදය ගම්මන්පිල මහතා පාර්ලිමේන්තුවේ තොරතුරු නිලධාරීවරයාගෙන් ඉල්ලීමක් කර තිබේ.

මෙවර අයවැයෙහි ’හාම්පුතා’ වන්නේ ජාත්‍යන්තර මූල්‍ය අරමුදල වන බව ප්‍රජාතන්ත්‍රවාදී වාමාංශික පෙරමුණෙහි නායක, පාර්ලිමේන්තු මන්ත්‍රී වාසුදේව නානායක්කාර මහතා ප්‍රකාශ කළේය.

මගේ පොත් ටික ගිනි තැබුව නිසා පොත් කියවන්න බැහැනේ, ජූනි 09 වනදා සිට මම බලන්නේ රට වෙනුවෙන් වු චිත්‍රපටියක්, කොටස් ගණනාවක් තිබෙනවා. එහි පළමු කොටසවත් තවම අවසන් වී නැහැ.

තාම මවගේ සුරයක් සහිත රන් මාලය, රන් අත් පළඳනාව සොරකම් කළ පුතෙයේ (23 දා) අත්අඩංගුවට ගත් බව අනුරාධපුර මූලස්ථාන පොලීසිය කියයි.

ලෝක වෙළෙඳපොළෙහි බොර තෙල් මිල අද (24) තවදුරටත් පහළ ගොස් තිබේ. ලොව විශාලතම බොර තෙල් අනයනකරුවා වන චීනය බොර තෙල් ආනයනය අඩු කිරීම මෙසේ බොරතෙල් මිල පහළ යාමට හේතුව වෙයි.

යාල වනෝද්‍යානය තුළ දී වන සතුන්ට හිංසා වන පරිදි කටයුතු කළ පුද්ගලයින්ට එරෙහිව නඩු පැවරීමට වනජීවී දෙපාර්තමේන්තුව තීරණය කර ඇත.

හෘද සාක්ෂියට එකඟව හැමවිටම නිවැරැදි දේශපාලන තීන්දු ගත් තමන් ජනමතයට හිස නමමින් අවශ්‍ය මොහොතේදී අවශ්‍ය දේශපාලන තීන්දුව ගැනීමට කිසිවිටෙකත් නොපැකිලෙන බවත් තමන් පිළිබඳ මෙතෙක් විශ්වාසය තැබූ ජනතාව කිසිසේත් පාවා නොදෙන බවත් නාගරික සංවර්ධන හා නිවාස අමාත්‍ය හා ආණ්ඩු පක්ෂයේ ප්‍රධාන සංවිධායක ප්‍රසන්න රණතුංග මහතා අවධාරණය කරයි.

සයිප්‍රසයේ සේවයේ නියුතු ශ්‍රී ලාංකිකයන්ට ගෙවා ඇති සමාජ ආරක්ෂණ මුදල් යුරෝ බිලියන ගණනක් එම ශ්‍රී ලාංකිකයන් අතට ගැනීමට අදාළ රාජ්‍යතාන්ත්‍රික සාකච්ඡාව සිදු කර අවශ්‍ය ඉදිරි පියවර ගැනීම ලෙහෙසියෙන් කළ හැකි කාර්යයක් බවත් පිලිපීන රජය එම පියවරයන් මේ වන විටත් සිදුකර ඇති බවත් පෙන්වා දෙන උත්තර ලංකා සභාගයේ සභාපති, ජාතික නිදහස් පෙරමුණේ නායක, හිටපු අමාත්‍ය විමල් වීරවංශ මහතා අර්බුදය වවාගෙන කෑමේ උපායමාර්ගයක සිටින වත්මන් ආණ්ඩුව එවැන්නක්වත් සිදු නොකරන බවට චෝදනා කර ස

සමගි ජන බලවේගයේ පළාත් පාලන කම්ටු සභාපතිවරයා ලෙස පාර්ලිමේන්තු මන්ත්‍රී හර්ෂණ රාජකරුණා⁣ මහතාව විපක්ෂ නායක හා සමගි ජන බලවේගයේ නායක සජිත් ප්‍රේමදාස මහතා විසින් පත් කර තිබේ. ඊට අදාල පත්වීම් ලිපිය ප්‍රදානය කළ අවස්ථාවට සමගි ජන බලවේගයේ මහලේකම් රංජිත් මද්දුමබණ්ඩාර මහතා ද සහභාගී විය.

යාපනය ඉලවාලෙයි පොලිස් වසමේ මාදගල් මුහුදු වෙරල ප්‍රදේශයේදී රුපියල් කෝටි 3 කට ආසන්න වටිනාකමින් යුතු කේරල ගංජා කිලෝ 100 ක් දමාගොස් තිබියදී ඊයේ (23දා) රාත්‍රියේ සොයාගත් බවට යුදහමුදාව පවසයි.

පන්දුවාර විස්සයි20 ලෝක කුසලාන තරගාවලියට ක්‍රීඩා කරන ශ්‍රී ලංකා කණ්ඩායමේ ක්‍රීඩකයන්ගේ ආබාධ තත්ත්වයන් වැඩි වීම හේතුවෙන් ශ්‍රී ලංකාවේ සිට ක්‍රීඩකයන් තිදෙනෙක් ඔස්ට්‍රේලියාව වෙත යොමුකිරීමට ශ්‍රී ලංකා ක්‍රිකට් ආයතනයේ අවධානය යොමුව තිබේ.

ප්‍රමිතියෙන් තොර අටපිරිකර අලෙවි කෙරෙන ගම්පහ දිස්ත්‍රික්කයේ වෙළඳසල් වැටලීමට පාරිභෝගික සේවා අධිකාරියේ ගම්පහ දිස්ත්‍රික් විමර්ශන ඒකකය පියවර ගෙන ඇති අතර බොහෝ පිරිකර තුල දැලි පිහිය ඇතුලු පිරිකර අට නොමැති බව විමර්ශන නිලධාරීන්ට පෙනී ගොස් ඇත.

මේ වසරේ දැනටමත් ක්‍රියාත්මක කර ඇති රුපියල් මිලියන 800 කට අධික ප්‍රධාන සුබසාධන සහ සහන වැඩසටහන් සඳහා වන පිරිවැය පියවා ගැනීම සඳහා 2023 අයවැයේදී රජයට තවදුරටත් බදු වැඩි කිරීමට සිදුවනු ඇතැයි භාණ්ඩාගාර ජ්‍යෙෂ්ඨ නිලධාරියෙක් පැවැසූ බව සන්ඩේ ටයිම්ස් පුවත්පත වාර්තා කරයි.

ලෝක වෙළෙඳපොළේ ගෑස් මිලේ උච්චාවචනයන් අනුව අපි හිතනවා නොවැම්බර් මස මුලදි නැවත වතාවක් ගෑස් මිල අඩු කරන්න යැයි ලිට්‍රෝ මාගමේ සභාපති මුදිත පීරිස් මහතා පවසයි.

විදේශ විනිමය අර්බුදය හේතුවෙන් පසුගිය ගෝඨාභය රාජපක්ෂ රජය සමයේදී වාහන ආයනනය තහනම් කිරීමට ගත් ක්‍රියාමාර්ගය ලබන වසර තුළදීද ක්‍රියාත්මක වෙනු ඇතැයි සන්ඩේ ටයිම්ස් පුවත් පත වාර්තා කරයි.

කවුරු කොහොම කීවත් කවුරු බලයට ආවත් ඉදිරි පාර්ලිමේන්තුවලත් නිමල් සිරිපාල සහ තමා ඇමතිවරු බව ප්‍රාථමික කර්මාන්ත රාජ්‍ය ඇමති , ශ්‍රීලංකා නිදහස් පක්ෂයේ හිටපු උප සභාපති මන්ත්‍රී චාමර සම්පත් දසනායක මහතා බදුල්ල පුහලේදී ඊයේ (23දා) පැවති පාක්ෂික හමුවකදී පැවසීය .

හැටන් නගරයේ පිහිටි සුපිරි වෙළදසැලක මත්පැන් අලෙවි සැලේ (23) දින පමණක් රුපයල් ලක්ෂ පනහක මත්පැන් අලෙවියක් සිදු කල බව එම සුපිර වෙලදසැල් නිලධාරියෙකු පැවසිය.

උඩරට දුම්රිය මාර්ගයේ හැටන් දුම්රිය ස්ථානයට යාබදව දුම්රය මාර්ගයට අද (24දා) අලුයම 05.00 ට පමණ කැලි කසල සහිත විශාල පස් කන්දක් කඩා වැටිමෙන් එම මාර්ගයේ දුම්රිය ධාවන කටයුතු පැය තුනක කාලයක් ඇන හිට තිබු බව හැටන් දුම්රිය ස්ථානාධිපතිවරයා පැවසිය.

ඉඩම් ප්‍රතිසංස්කරණ කොමිෂන් සභා පනත යාවත්කාලීන කොට එහි ක්‍රියාකාරීත්වය ප්‍රතිව්‍යුහගතකිරීමට අවශ්‍ය කටයුතු සිදු කරන ලෙස ඉඩම් අමාත්‍යාංශයේ ලේකම් චූලානන්ද පෙරේරා මහතා වෙත නිර්දේශ කිරීම පොදු ව්‍යාපාර පිළිබඳ කාරක සභාව විසින් පසුගිය දා සිදු කරන ලදී.