2024 නොවැම්බර් මස 2 දින ඉවත් කිරීමට නියමිතව තිබූ රුපියල් 50 ක් වූ සීනි බද්ද නැවත පැණවීම, දුප්පත් මිනිසාට අල්ලට සීනි ටිකක් ලෙව කා තේ කෝප්පයක් බීමට තිබූ අවස්ථාවත් අහිමි කිරීමක් යැයි මාතලේ සමගි ජනබලවේගය දිස්ත්‍රික් නායිකා රෝහිණී කවිරත්න පවසයි.

රුපියල් කෝටි තුනකට අධික බදු මුදල් රජයට ගෙවීම පැහැර හැරී බවට චෝදනා කරමින් ශ්‍රී ලංකා මහජන උපයෝගීතා කොමිසමේ හිටපු සභාපතිවරයකු සහ පසුගිය ජනාධිපතිවරණයේ ජනාධිපති අපේක්ෂකයෙකු වූ ජනක රත්නායක මහතාට සහ ඔහුගේ බිරිඳට එරෙහිව දේශීය ආදායම් දෙපාර්තමේන්තුව කොළඹ අතිරේක මහේස්ත්‍රාත් බණ්ඩාර ඉලංගසිංහ මහතා හමුවේ නඩු පැවරීය.

ඉන්දියාවේ උත්තර්කාන්ද් ප්‍රාන්තයේ සිදු වූ බස් රථ අනතුරකින් පුද්ගලයන් 36 දෙනෙකු ජීවිතක්ෂයට පත්ව තිබේ.

සංචාරක පාකිස්තාන කණ්ඩායමට එරෙහිව පැවති පළමු එක්දින ක්‍රිකට් තරගයෙන් කඩලු 2ක ජයක් අත් කර ගැනීමට ඕස්ට්‍රේලියානු කණ්ඩායම අද සමත් විය.

දැනට වසර 10කට පමණ පෙර මේ දරුවන්ගේ අම්මා මියගියා. ඒ වනවිටත් මගේ මල්ලී මේ දරුපවුල අතහැර ගිහින් හිටියේ. අම්මත් තාත්තත් නැති මේ දරු දෙදෙනා මගේම දරුවන් වගේ මම හදා ගත්තා.

වර්ෂ 2023 දී 70% ක් සහ 2024 වසරේදී 80% ක් වශයෙන් ශ්‍රී ලංකාවේ පාසල්වල දරු දැරියන් සඳහා පරිත්‍යාග කර ඇති බවත් 2025 වර්ශය සඳහා එම ප්‍රමාණය සියයට සියයක් දක්වා වැඩිකරන බවටත් තානාපතිවරයා වැඩිදුරත් පවසා සිටියේය.

විදේශ ගමන් බලපත්‍ර ලබා ගැනීමට දිනයක් වෙන් කරවා ගැනීම අද(04දා) සිට මාර්ගගත ක්‍රමයට සිදු කරන බව ආගමන විගමන පාලක ජනරාල් (වැඩබලන) බී. එම්. ඩී. නිලුෂා බාලසූරිය මහත්මිය පැවසීය.

ඉන්දුනීසියාවේ Laki-Laki ගිනිකන්ද පුපුරා යාමෙන් පුද්ගලයන් 10 දෙනෙකු ජීවිතක්ෂයට පත්ව තිබේ.

රුපියල් මිලියන එක්ලක්ෂ හැත්තෑපන් දහසක් වටිනා භාණ්ඩාගාර බිල්පත් වෙන්දේසියක් අනිද්දා (06 ) පවත්වන බව ශ්‍රී ලංකා මහ බැංකුව නිවේදනය කරයි.

නොවැම්බර් මාසයට අදාළව ලිට්‍රෝ ගෑස් මිලෙහි වෙනසක් සිදු නොවන බව එම සමාගම නි​​වේදනය කරයි.

ශ්‍රී ජයවර්ධනපුර රෝහලේ ප්‍රතිකාර ලබා බිල්පත් නොගෙවා රෝහලෙන් බැහැරවී ගිය රෝගීන්ගෙන් රුපියල් මිලියන 23.07 ක මුදලක් රෝහලට අයවිය යුතුව ඇතැයි ජාතික විගණන කාර්යාලය එම රෝහල් මන්ඩලය සම්බන්ධයෙන් නිකුත් කළ විගණන වාර්තාවකින් අනාවරණය කරයි.

මෝටර් රථ සිද්ධිය සම්බන්ධයෙන් රක්ෂිත බන්ධනාගාර ගත කළ හිටපු පාර්ලිමේන්තු මන්ත්‍රී ලොහාන් රත්වත්තේ මහතාගේ බිරිඳ වන රෂි ප්‍රභා රත්වත්තේ මහත්මියවද රක්ෂිත බන්ධනාගාර ගත කර තිබේ.

ගෙවල් වල ඉන්නවා ’’ගේ ගෙම්බෝ ’’ කියලා ජාතියක් ඒයා මිදුලට විසි කරාම බිමට වැටෙන්නේ ගේ දිහා බලාගෙනම අන්න ඒ් වගේ අය පාර්ලිමේන්තුවේ ඉන්නවා හැමදාම ඒකම පංතියක් අතේ බලය තියාගන්න හිතන් හිතපු අයට මේ පරාජය දරාගන්න බෑ

නොවැම්බර් 14 වැනිදා මහ මැතිවරණය පැවැත්වීම ආණ්ඩුක්‍රම ව්‍යවස්ථාවට පටහැකි බවට තීන්දුවක් ලබා දෙන ලෙස ඉල්ලා ඉදිරිපත් කළ පෙත්සම විභාගය නොගෙන නිෂ්ප්‍රභ කිරීමට ශ්‍රේෂ්ඨාධිකරණය නි​යෝග කර තිබේ.

ත්‍රිකුණාමලය වරාය අවට මුහුදේ මසුන් හදිසියේ මිය ගොස් ගොඩ ගැසීම සම්බන්ධයෙන් සොයා බැලීම සඳහා සාම්පල් ජාතික ජලජ සම්පත් පර්යේෂණ නියෝජිතායතනය වෙත යොමු කළ බව දිසාපති චාමින්ද හෙට්ටිආරච්චි මහතා පැවසීය.

කුරුණෑගල ශික්ෂණ රෝහල තුළ හෘද හා උරස් ශල්‍යකර්ම සේවාව කඩිනමින් ආරම්භ කිරීමට පියවර ගන්නා මෙන් සෞඛ්‍ය අමාත්‍යංශයේ ලේකම් විශේෂඥ වෛද්‍ය පාලිත මහීපාල මහතා ඊයේ දින (03 ) අදාල නිළධාරීන්ට උපදෙස් ලබා දුන්නේය.

විදේශ තානාපතිවරුන් හා මහකොමසාරිස්වරුන් 16 දෙනෙකු නැවත මෙරටට කැඳවා තිබේ. ඒ අනුව දේශපාලන හිතවත්කම් මත පත් කර යවන ලද විවිධ දේශපාලන නෑ සබඳතා ඇති තානාපතිවරුන් හා මහකොමසාරිස්වරුන් මෙරටට කැඳවීමට නියමිතය.

රුපියල් පනස්දහසකට වඩා වැඩි වටිනාකම් සහිත ජල බිල්පත් නොගෙවීම නිසා ජල සැපයුම විසන්ධි කරනු ලැබූ දිවයිනේ ජල පාරිභෝගිකයන් 4,448දෙනෙකුගෙන් අය විය යුතු රුපියල් මිලියන 695.48ක මුදලක් අය කර ගැනීමට ජල සම්පාදන හා ජලාපවහන මණ්ඩලය විසින් කටයුතු කර නොමැති බැව්, 2024 නොවැම්බර් මස 02වෙනිදා විගණන කාර්යාලය මගින් නිකුත් කර ඇති විගණන වාර්තාවක සඳහන් වේ.

දිවයිනේ බොහෝ ප්‍රදේශවල අද (04දා) සවස් කාලයේ ගිගුරුම් සහිත වැසි ඇති වීමට හිතකර වායුගෝලීය තත්ත්වයක් පවතින බව කාලගුණවිද්‍යා දෙපාර්තමේන්තුව සඳහන් කරයි.

අස්වැසුම සුබසාධක ප්‍රතිලාභ ලබාදීම සඳහා ප්‍රතිලාභීන් තෝරා ගැනීමේදී සිදුවූ අසාධාරණ පිළිබඳව පරීක්ෂණයක් කිරීම සඳහා බුද්ධ ශාසන, ආගමික සහ සංස්කෘතික කටයුතු, ජාතික ඒකාබද්ධතා, සමාජ ආරක්ෂණ සහ ජනමාධ්‍ය අමාත්‍යාංශයේ ලේකම් රංජිත් ආරියරත්න මහතා විසින් දස පුද්ගල කමිටුවක් පත් කර තිබේ. අමාත්‍ය විජිත හේරත් මහතාගේ උපදෙස් පරිදි මෙම කමිටුව පත්කර ඇත.

ඇඹිලිපිටිය වලව කලාපයේ මුං අස්වැන්න අලෙවි කිරීමට අදාලව ගැටළු මතු වී නැති බව ගොවි සංගම් නියෝජිතයින් අද (03)) සඳහන් කළේය.

හිටපු ජනාධිපති ගෝඨාභය රාජපක්ෂ මහතාගේ වසර දෙකහමාරක සහල් සම්බන්ධයෙන් ගැසට් දොළහ පැනවීමට උපදෙස් දුන් කණ්ඩායමම වත්මන් ජනාධිපති අනුර කුමාර දිසානායක මහතාට උපදෙස් දී, ලණු ලබාදෙමින් සිටින බවත්, රටේ මහා පරිමාණ සහල් ව්‍යාපාරිකයෝ රුපියල් 220 සහතික මිලට සහල් ලබාදෙන බව මාධ්‍ය සාකච්ඡා පවත්වා, ඔවුන් සිල්ලර වෙළෙඳසල් වලට රුපියල් 220 ක් වැනි මිලකට සහල් ලබාදෙමින් විහිළු සපයන බව එක්සත් සහල් නිෂ්පාදකයින්ගේ සංගමයේ සභාපති මුදිත පෙ‍රේරා මහතා සඳහන් කළේය.

ජනතාවට සහන සැපයීමේ අරමුණින් ලංකා සතොස මගින් අලෙවි කරන අත්‍යවශ්‍ය භාණ්ඩ තුනක මිල පහළ දැමූ බව ලංකා සතොස ආයතනය පවසයි.

කොළඹ පාරිභෝගික මිල දර්ශකයෙහි (කො.පා.මි.ද., 2021=100) වාර්ෂික ලක්ෂ්‍යමය වෙනස මගින් මනිනු ලබන මතුපිට උද්ධමනය, ශ්‍රී ලංකා මහ බැංකුව විසින් සිදු කරන ලද කෙටි කාලීන උද්ධමන පුරෝකථන හා අනුකූලව, අඛණ්ඩව දෙවන මාසයටත් ඍණ අගයක පවතිමින් 2024 සැප්තැම්බර් මාසයේ දී වාර්තා වූ සියයට 0.5ක අවධමනයට සාපේක්ෂව 2024 ඔක්තෝබර් මාසයේ දී සියයට 0.8ක අවධමනයක් වාර්තා කරන බව ශ්‍රී ලංකා මහ බැංකුව පවසයි.

මේ වසරේ අගෝස්තු මාසයට සාපේක්ෂව සැප්තැම්බර් මාසයේදී විදෙස් ශ්‍රමික ප්‍රේෂණවල පහළ යාමක් පෙන්නුම් කරන බව ශ්‍රී ලංකා මහ බැංකුව පවසයි. අගෝස්තු මාසයේදී විදෙස් ශ්‍රමික ප්‍රේෂණවල අගය ඇමෙරිකානු ඩොලර් මිලියන 577ක් ලෙස සටහන් වුවත් සැප්තැම්බර් මාසයේදී එම අගය ඩොලර් මිලියන 556ක් දක්වා පහළ ගොස් තිබේ.

ආගමික ස්ථාන වෙත ලබාදී තිබූ ත්‍රිවිධ හමුදාවේ හා සිවිල් ආරක්ෂක බලකායේ ආරක්ෂාව ඉවත් කර නොමැති බව ආරක්ෂක අමාත්‍යාංශයේ මාධ්‍ය ප්‍රකාශක කර්නල් එම්. බී. බී. නලින් හේරත් මහතා පැවැසීය. කොළඹදී පැවැති මාධ්‍ය හමුවක් අමතමින් ඔහු මේ බව පැවැසීය.

තෙල්දෙණිය පොලිස් වසමේ දිගන ප්‍රදේශයේ නිවාස සංකීර්ණයක් තුළ සඟවා තිබූ ව්‍යාජ අංක තහඩු සහිත සුඛෝපභෝගී ජීප් රථය භාවිත කළ බවට තෙල්දෙණිය කොට්ඨාස අපරාධ විමර්ශන කාර්යාංශය මගින් සැකපිට අත්අඩංගුවට ගත් ගාල්තැන්න ප්‍රදේශයේ සුප්‍රසිද්ධ දේවාලයක දේවගතිවරයා තෙල්දෙණිය මහේස්ත්‍රාත් ස්වර්ණා කරලියද්ද මහත්මිය හමුවට ඉදිරිපත් කිරීමෙන් පසු මේ මස 11 දින දක්වා රක්ෂිත බන්ධනාගාර ගත කරන ලෙස නියෝග කළේය.

එහිදී තවත් 34 දෙනෙකු තුවාල ලබා රෝහල් ගත කර ඇති බව විදෙස් මාධ්‍ය වාර්තා කර ඇත.

අස්වැසුම සුභසාධන ප්‍රතිලාභ ලබාදීම සඳහා ප්‍රතිලාභීන් තෝරා ගැනීමේදී අසාධාරණයට ලක්වූ සමෘද්ධිලාභීන් පිළිබඳ පරීක්ෂනයක් පැවැත්වීමට වීමට විශය භාර අමාත්‍ය විජිත හේරත් මහතාගේ උපදෙස් මත කමිටුවක් පත් කර තිබේ.