පාස්කු ඉරුදින ප්‍රහාරයට අදාළව සිරිල් ගාමිණි පියතුමා සහ වෙනත් අය විසින් කරන ලද චෝදනාවන්ට විරෝධය පළ කරමින් රාජ්‍ය බුද්ධි සේවාවේ අධ්‍යක්ෂ ජනරාල් මේජර් ජෙනරල් සුරේෂ් සලේ මහතා අද (25) අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කර තිබේ.

අග්‍රාමාත්‍ය ආර්යා ශිරන්ති රාජපක්ෂ මහත්මිය අද (25දා) පස්වරුවේ කොළඹ නයින්වේලස් පෞද්ගලික රෝහලට ගොස් සය නිවුන් දරුවන්ගේ සුව දුක් විමසා ඔවුන්ගේ දෙමාපියන් සමඟ සුහඳ කතාබහක නිරත වූවාය.

කොරෝනා වෛරස් සීමා කිරීම් හේතුවෙන් ලොව විශාලතම නගර කිහිපයක් මාස ගණනාවක් තිස්සේ වසා දමා තිබියදීත් ගෝලීය හරිතාගාර වායු මට්ටම් පසුගිය වසරේ වාර්තාගත ඉහළම මට්ටමට ළඟාවී තිබේ.

බංග්ලාදේශ යොවුන් කණ්ඩායමත් සමග අද පැවති අවසන් එක්දින තරගයෙන් ද ශ්‍රී ලංකා යොවුන් කණ්ඩායම ලකුණු 4ක තියුණු ජයක් වාර්තා කිරීමත් සමග සංචාරක බංග්ලාදේශ යොවුන් කණ්ඩායම සමග පැවැති තරග 5කින් යුත් එක්දින ක්‍රිකට් තරගාවලිය තරග 5-0ක් ලෙස ජය ගැනීමට ශ්‍රී ලංකා යොවුන් කණ්ඩායම අද (25) සමත් විය.

ලෝකයේ තිබෙන ඉහළම තාක්ෂණය සහිත ජාතික හැඳුනුම්පතක් ලබන වසරේ දී මෙරට ජනතාවට හඳුන්වාදෙන බව අමාත්‍ය නාමල් රාජපක්ෂ මහතා පැවැසීය.

උතුරු නයිජීරියාවේ මුස්ලිම් පල්ලියක අලුයම යාඥාවක් අතරතුර තුවක්කුකරුවන් විසින් මෙම ප්‍රහාරය එල්ල කර ඇත.

ශ්‍රී ලංකා රූපවාහිනී සංස්ථාවේ සේවකයන්ට මෙම මාසයට නියමිත වැටුප ගෙවන ලෙසත් වැටුප් කප්පාදු නතර කරන ලෙසත් ඉල්ලා රූපවාහිනී සංස්ථාවේ සේවකයෝ අද විරෝධතාවයක නිරත වූහ.

ශ්‍රී ලංකා වරාය අධිකාරියේ නව දහස් පන්සියකට ආසන්න සේවක පිරිසකට වසර ගණනාවක් තිස්සේ බලපෑ සේවක වැටුප් විෂමතාව නිරාකරණය කරන ලද බව වරාය සම්බුද්ධත්ව ජයන්ත චෛත්‍ය පරිශ්‍රයේ දී පැවැති උත්සවයකට සහභාගී වෙමින් වරාය හා නාවිකඅමාත්‍ය රෝහිත අබේගුණවර්ධන මහාතා අද (25දා) ප්‍රකාශ කළේය.

කොවිඩ් සමයේ නෞකා දෙකක් නිපදවමින් රටට විදේශ විනිමය ලබාදීමට ලැබුණු සහය සම්බන්ධයෙන් කොළඹ නැව් තටාකාංගන සමාගම අග්‍රාමාත්‍යවරයා වෙත ප්‍රසාදය පළ කළේය.

කුලියාපිටිය සෞඛ්‍ය වෛද්‍ය කාර්යාලය මගින් කොවිඩ් ආශ්‍රිත පුද්ගලයින් 73 වෙනුවෙන් සිදු කළ ඇන්ටිජන් පරික්ෂණයෙන් 43 දෙනෙකුට කොවිඩ් ආසාදිත වි ඇති බවට තහවුරු වි ඇතැයි කුලියාපිටිය සෞඛ්‍ය වෛද්‍ය කාර්යාලය පවසයි.

2021 පන්දුවාර 20-20 ලෝක කුසලාන තරගාවලිය යටතේ ඊයේ (24) පැවැති ශ්රී ලංකා – බංග්ලාදේශ තරගයේ දී ළහිරු කුමාර හා බංග්ලාදේශ පිතිකරු ලිටොන් දාස් අතර ඇති වූ උණුසුම් වචන හුවමාරුව හේතුවෙන් ඔවුන් දෙදෙනාට ජගත් ක්‍රිකට් කවුන්සලය (අයි.සී.සී) විසින් දඩ නියම කර තිබේ.

ඇතැම් පළාත් පාලන ආයතන නියෝජිතයන්ගේ හැසිරීම සහ ක්‍රියාකලාප සම්බන්ධයෙන් ජනතා විශ්වාසය බිඳ වැටෙමින් පවතින බව මැතිවරණ කොමිසන් සභාව පවසයි.

ලෝකයටම ඇදුම් මහන අපේ රට වාර්ෂිකව නිමි ඇදුම් ආනයනයට විශාල මුදලක් වැය කරන බව රාජ්‍ය අමාත්‍ය දයාසිරි ජයසේකර මහතා ප්‍රකාශ කළේය.

ජාතික ළමාරක්ෂක අධිකාරියේ සභාපති මහාචාර්ය මුදිත විදානපතිරණ මහතා එම තනතුරින් ඉල්ලා අස්වී ඇතැයි වාර්තා වෙයි.

ජනාධිපති ගෝඨාභය රාජපක්ෂ මහතාගේ සෞභාග්‍යයේ ප්‍රතිපත්ති ප්‍රකාශය අනුව යමින් හරිත රටක් වස විසෙන් තොර හෙටක් සංකල්පය යථාර්ථයක් බවට පත් කිරීම සදහා කාබනික පොහොර නිෂ්පාදන ව්‍යාපෘතියක් ශ්‍රී ලංකා ගුවන් හමුදාව ද ආරම්භ කර තිබෙනවා.

සේවය අවසන් කර දිවයිනෙන් පිටත්ව යාමට නියමිත ජපාන තානාපති සුගියාමා අකිරා මහතා (Sugiyama Akira) අද (25) පෙරවරුවේ ජනාධිපති කාර්යාලයේ දී ජනාධිපති ගෝඨාභය රාජපක්ෂ හමුවිය.

ඉදිරි වසරක කාලය තුල වැවිලි භෝග මගින් මෙරට අපනයන ආදායම ඇමරිකානු ඩොලර් බිලියන පහ ඉක්මවා යනු ඇතැයි වැවිලි කර්මාන් අමාත්‍ය වෛද්‍ය රමේෂ් පතිරණ මහතා ඉකුත් දා ලුණුවිලදී පැවසීය.

ශ්‍රී ලංකාව තුළ කටුපොල් වගාව ප්‍රවර්ධනය නොකිරීමේ තීරණය අඛණ්ඩව ක්‍රියාත්මක කරන්නැයි පරිසර අමාත්‍ය මහින්ද අමරවීර මහතා මධ්‍යම පරිසර අධිකාරියට උපදෙස් දෙයි.

මහාධිකරණ විනිසුරු ගිහාන් පිලපිටිය මහතාට එරෙහිව නීතිපතිවරයාගේ උපදෙස් මත නුගේගොඩ මහෙස්ත්‍රාත් අධිකරණය හමුවේ ආරම්භ කෙරුණු නඩු කටයුත්ත අහෝසි කරමින් අභියාචනාධිකරණය අද (25) රිට් ආඥාවක් නිකුත් කළේය.

2020 උසස් පෙළ ප්‍රතිඵල මත විශ්ව විද්‍යාලවලට සිසුන් බඳවා ගැනිමේ ඉසෙඩ් ස්කෝර් අගයන් මෙම සතියේ ප්‍රකාශයට පත් කරන බව විශ්ව විද්‍යාල ප්‍රතිපාදන කොමිසමේ සභාපති මහාචාර්ය සම්පත් අමරතුංග ප්‍රකාශ කළේය.

මුතුරාජවෙල වගරු බිමේ හෙක්ටයාර 5839.4646 ක ඉඩම් කොටස් ඔක්තෝබර් මස 07දා අති විශේෂ ගැසට් පත්‍රයක් මගින් නාගරික සංවර්ධන අධිකාරියට පවරා ගෙන තිබේ.

ශ්‍රී ලංකාවේ ප්‍රධාන වරාය පර්යන්ත ව්‍යාපෘතියක් සංවර්ධනය කිරීම සඳහා තෝරාගෙන ඇති අදානි සමූහ ව්‍යාපාරයේ සභාපති ගෞතම් අදානි මහතා විශේෂ ගුවන් යානා දෙකකින් තවත් නව දෙනෙකු සමග ඊයේ රාත්‍රියේ කටුනායක බණ්ඩාරනායක ජාත්‍යන්තර ගුවන් තොටුපළට පැමිණියේය.

යම් රෝග ලක්ෂණ පෙන්වන දරුවන් පාසල් යැවීමෙන් වළකින ලෙස නියෝජ්‍ය සෞඛ්‍ය සේවා අධ්‍යක්ෂ ජෙනරාල් විශේෂඥ වෛද්‍ය හේමන්ත හේරත් මහතා දෙමව්පියන්ගෙන් ඉල්ලා සිටිනවා.

බස්නාහිර පළාත් හිටපු ආණ්ඩුකාර අසාද් සාලිට අද (25) කොළඹ මහාධිකරණය හමුවේ අධිචෝදනා පත්‍ර භාර දී තිබේ.

වෙළෙඳපොළේ මේ වන විට සුදු සිනි තොග අවසන් වි ඇති බවට වෙළෙඳපල ආරංචි මාර්ග පවසයි.

ජාතික හැදුනුම්පත් ලබාගැනීමේ එක්දින සේවාව අද සිට ආරම්භ කරන බව පුද්ගලයින් ලියාපදිංචි කිරීමේ දෙපාර්තමේන්තුව පවසනවා.

බස්නාහිර පළාත තුළ පමණක් දුම්රිය ධාවනය අද (25) ආරම්භ විය. නමුත් දුම්රිය වාර ප්‍රවේශපත්‍ර හිමි පුද්ගලයින්ට පමණක් අද සිට දුම්රිය භාවිත කළ හැකියාව පවතින බවයි දුම්රිය දෙපාර්තමේන්තුව සඳහන් කර සිටියි.

ආණ්ඩුව කඩිමුඩියේ නැනෝ නයිට‍්‍රජන් දියර ගෙන්වමින් බරපතළ වංචාවකට මග විවර කොට ඇතැයි ද, ඒවා ගෙන්වා ඇත්තේ රාජතාන්ත‍්‍රික පදනමකින් හෝ නිසි ප‍්‍රසම්පාදන ක‍්‍රමවේදයකින් නොවේ යැයි ද විපක්ෂ නායක සජිත් පේ‍්‍රමදාස මහතා පැවසීය.

දිවයින පුරා පිහිටි රජයේ සියලූම පාසල්වල ප‍්‍රාථමික අංශය (1 සිට 5 දක්වා ශ්‍රේණි) අද (25) ආරම්භ වේ.