පේරාදෙණිය විශ්ව විද්‍යාලයේ සිසු සිසුවියන් 64කට කෝවිඩ්
පේරාදෙණිය විශ්ව විද්‍යාලයේ සිසු සිසුවියන් 64 දෙනෙකු කෝවිඩ් ආසාදිතව විශ්වවිද්‍යාල අතරමැදි ප්‍රතිකාර මධ්‍යස්ථාන වල ප්‍රතිකාර ලබමින් සිටින බව එම විශ්ව විද්‍යාලයේ නියෝජ්‍ය උපකුලපති මහාචාර්ය ටෙරන්ස් මධුජිත් මහතා පවසයි .
විශ්වවිද්‍යාලය 100% ක් විවෘත කිරීම අපහසුයි . සෞඛ්‍ය මාර්ගෝපදේශයන්ට අනුකූලව විශ්ව විද්‍යාල ප්‍රතිපාදන කොමිෂන් සභාවේ ක්‍රමවේදයන් අනුගමනය කරමින් උපරිම සිසුන් සංඛ්‍යාව විශ්වවිද්‍යාලය තුළ රඳවා ගනිමින් අවශ්‍ය අධ්‍යයන කටයුතු වල යෙදෙනවා .
පේරාදෙණි විශ්ව විද්‍යාලයේ සිසුන් දැනට මාස 03 – 04 ක් තිස්සේ සාමාන්‍ය ආකාරයෙන් අධ්‍යන කටයුතුවල නිරත වෙනවා වෙනවා . සමහර සිසුන් කණ්ඩායම් මාර්ගගත ක්‍රමය යටතේ අධ්‍යයන කටයුතුවල යෙදෙනවා . කැඳවිය යුතු අනෙක් සෑම කණ්ඩායමක්ම අධ්‍යයන කටයුතු සඳහා විශ්වවිද්‍යාලයට කැඳවා තිබෙනවා . මේ වන විට සිසුන් 4400 කට ආසන්න ප්‍රමාණයක් නේවාසිකාගාර වල රැඳෙමින් අධ්‍යයන කටයුතු වල නිරත වනවා . ප්‍රායෝගික පුහුණුවීම් හා විභාග කටයුතු සඳහා අවශ්‍ය සිසුන් කැඳවනවා . වෛද්‍ය පීඨයේ, දන්ත වෛද්‍ය පීඨයේ සහ සම සෞඛ්‍ය විද්‍යා පීඨයේ සිසුන් ඔවුන්ට අවශ්‍ය සායනික පුහුණුවීම් කටයුතු වල ද යෙදෙනවා .
රෝගය සිසුන් අතර සම්ප්‍රේෂණය වීම වැළැක්වීම සඳහා අපගේ වෛද්‍ය පීඨයේ සුද්‍රජීවී විද්‍යා පිළිබඳ විශේෂඥයන් එකතුව කමිටුවක් සකසා තිබෙනවා . එ් අය අපට අවශ්‍ය මාර්ගෝපදේශයන් ලබා දෙනවා . ක්‍රීඩා පිටි, ක්‍රීඩාගාර, පිහිනුම් තටාක, පවා එම කමිටුවේ මාර්ගෝපදේශයන්ට අනුව විවෘත කොට තිබෙනවා
ෂේන් සෙනෙවිරත්න
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
