ත්‍රස්තවාදය වැළැක්වීමේ පනත යටතේ අත්අඩංගුවට ගෙන රක්ෂිත බන්ධනාගාර ගත කර සිටි නීතීඥ හිජාත් හිස්බුල්ලා ඇප මත මුදා හරින ලෙස අභියාචනාධිකරණය නියම කර ඇත.

කොරෝනා තත්ත්වයක් පැවැතියද පාර්ලිමේන්තු රැස්වීම් ඉදිරි දින හතරේ සුපුරුදු පරිදි පවත්වන ලෙස රජයෙන් ඉල්ලීමක් කිරීමට තීරණය කල බව විපක්ෂයේ ප්‍රධාන සංවිධායක ලක්ෂ්මන් කිරිඇල්ල පවසයි.

පාස්කු ප්‍රහාරය ගැන ඇත්ත කතාව රටට හෙළි කරන ලෙස බදුල්ල දිස්ත්‍රික් පාර්ලිමේන්තු මන්ත්‍රි හරීන් ප්‍රනාන්දු මහතා ආණ්ඩුවට කළ අභියෝගයට අනුව කෘෂිකර්ම අමාත්‍ය මහින්දානන්ද අලුත්ගමගේ මහතා විපක්‍ෂයේ එකඟතාවය මත එම විවාදය ස්වර්ණවාහිනිය ඔස්සේ පැවැත්වීමට කැමැත්ත පළ කළා.

පනාමුර මුල්ඇඩියාව ප්‍රදේශයේදී කැත්තකින් හා පොරොවකින් පහරදි තම 41 හැවැරිදි සහෝදරයා ඝාතනය කළ අවුරුදු 27ක සහෝදරයා අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය පවසයි.

උසස්පෙළ විභාගය අද (07දා) සිට මාර්තු 05වැනිදා දක්වා කාලය තුළදී විභාග මධ්‍යස්ථාන 2,438කදී පැවැත්වේ.

අයවැයෙන් වෙන් කළ සීමා පමණයි වැඩිපුර ප්‍රතිපාදන නෑ මැති, ඇමති, නිලධාරී ඉන්ධන හා දුරකතන ගාස්තුවලට සීමා ගොඩනැගිලි ඉදිකිරිම, විදෙස් සංචාර හා නව බඳවා ගැනීම්වලටත් සීමා

’’මගේ පුතා චාල්ස් රජ වූ විට, ඔබ මට ලබා දුන් සහයෝගයම ඔබ ඔහුට සහ ඔහුගේ බිරිඳ කැමිලාට ලබාදෙන බව මම දනිමි.’’ සිය කිරුළේ 70 වැනි සංවත්සරය සමරන දෙවැනි එළිසබෙත් රැජින කියයි.

හෙද, පරිපූරක වෛද්‍ය සහ අතුරු වෛද්‍ය වෘත්තීයවේදීන්ට ඇති වී තිබෙන ගැටලු විසඳා ගැනීම සඳහා අද (07දා) උදෑසන 7.00 සිට සේවයෙන් ඉවත්ව සිටීමේ වෘත්තීය ක්‍රියාමාර්ගයක් ආරම්භ කරන බව සෞඛ්‍ය වෘත්තීයවේදීන්ගේ සම්මේලනය සඳහන් කරයි.

පැපුවා නිව්ගිනියාවේ අගමැති ජේම්ස් මාරපේ චීනයේ බීජිං නුවරදී ආරම්භ වූ 2022 ශීත ඍතු ඔලිම්පික් සමාරම්භක උත්සවය සඳහා පසුගියදා බීජිං වෙත පැමිණීමෙන් පසු කොවිඩ්-19 සඳහා ධනාත්මක බව තහවුරු වී තිබේ.

කෝවිඩ් මර්දන එන්නතෙහි බූස්ටර් මාත්‍රාව ලබා දීම සඳහා මෙරට තුළ පවතින ෆයිසර් එන්නත් තොගය කල් ඉකුත් වී නොමැති බවට තාක්ෂණික වශයෙන් වගකීමෙන් ප්‍රකාශ කරන බව සෞඛ්‍ය අමාත්‍යාංශයේ කෝවිඩ්-19 සම්බන්ධීකාරක සහ තාක්ෂණ සේවා අධ්‍යක්ෂ, වෛද්‍ය අන්වර් හම්දානි මහතා ප්‍රකාශ කළේය.

බ්‍රිතාන්‍යයේ පළමු සහ දෙවැනි කොවිඩ්-19 එන්නත් මාත්‍රාව ලබාගත් මුළු එකතුව 52,427,710 සහ 48,576,227ක් වූ අතර, තෙවැනි මාත්‍රාව ලබාගත් පිරිස 37,529,824ක් වෙයි.

මත්තල මහින්ද රාජපක්ෂ ජාත්‍යන්තර ගුවන් තොටුපොළ මේ වන විට වී වෙනුවට සංචාරකයන්ගෙන් පිරී ඇති බව දැකීමට ලැබීම සතුටක් බව මහ බැංකු අධිපති අජිත් නිවාඩ් කබ්රාල් මහතා පවසයි.

ප්‍රංශ ජනාධිපති එමානුවෙල් මැක්‍රොන් සඳුදා රුසියාවට සහ අඟහරුවාදා යුක්‍රේනයට ගොස් අර්බුදය උත්සන්න කිරීමට සහ එය වැළැක්වීමේ සාම සැලැස්මක් ඉදිරියට ගෙන යාමට උත්සාහ කරනු ඇතැයි අපේක්ෂා කෙරේ.

රට තුළ මේ වනවිට ඇති වී තිබෙන ආර්ථික හා දේශපාලන අර්බුදකාරී තත්ත්වයට මුහුණදිය යුතු ආකාරය පිළිබඳ රජයට භාරදීම සඳහා ශ්‍රී ලංකා නිදහස් පක්‍ෂය යෝජනාවලියක් සකස් කර තිබේ.

ඔටාවා නගරාධිපති ජිම් වොට්සන් ඉරිදා හදිසි තත්ත්වයක් ප්‍රකාශයට පත් කළේ කැනේඩියානු අගනුවර බොහෝ වීදි වසා දමා ඇති විරෝධතා ට්‍රක් රථ රියදුරන් විසින් සිදුකර ඇති අවහිරතා සමග කටයුතු කිරීමට උපකාර කිරීම සඳහාය.

ලංකා IOC සමාගම අද (06) මධ්‍යම රාත්‍රියේ සිට සිය ඉන්ධන මිල ගණන් ඉහළ දමා තිබේ.

මහා පරිමාණ මත්ද්‍රව්‍ය ජාවාරම්කරු වන පානදුර සලිදු’’ නැමැත්තා ගේ මත්කුඩු ජාවාරමේ ප්‍රවාහන කටයුතු කේතුමතී කාන්තා රෝහලට අයත් ගිලන් රථයකින් සිදුකිරීම සම්බන්ධයෙන් එම රෝහලේ ගිලන්රථ සහායකයෙක් ද අත්අඩංගුවට ගත් බව පොලිස් ආරංචි මාර්ග සඳහන් කරයි.

2021 අ.පො.ස. උසස් පෙළ විභාගයේදී කෝවිඩ්-19 වෛරසය ආසාදිත විභාග අපේක්ෂකයන් සහ නිරෝධායන වන විභාග අපේක්ෂකයන් සඳහා දිස්ත්‍රික් මට්ටමින් රෝහල් සහ අතරමැදි කෝවිඩ් ප්‍රතිකාර මධ්‍යස්ථාන ආශ්‍රිතව විභාග මධ්‍යස්ථාන පිහිටුවීමට විභාග දෙපාර්තමේන්තුව කටයුතු කර තිබේ.

තෙදින නිල ඉන්දීය සංචාරය ආරම්භ කරමින් විදේශ කටයුතු අමාත්‍ය ජී.එල්. පීරිස් මහතා ඉන්දියාවේ නව දිල්ලි නුවරට ළඟා වී තිබේ. විදේශ අමාත්‍යවරයා ඉන්දීය විදේශ අමාත්‍ය එස්. ජයිශංකර් හා එරට ජාතික ආරක්ෂක උපදේශක අජිත් දොවාල් මහතා හා සාකච්ඡා පැවැත්වීමට නියමිතව තිබේ.

කළුතර දිස්ත්‍රික් පාර්ලිමේන්තු මන්ත්‍රී ( ශ්‍රී ලංකා පොදුජන පෙරමුණ ) ලලිත් එල්ලාවල මහතාට කොරෝනා වෛරසය ආසාධිත වී ඇත. අද (6) රෝග ලක්ෂණ පහළ වීමෙන් අනතුරුව හල්තොට රෝහලට ගොස් සිදුකළ රැපිඩ් ඇන්ටිජන් පරීක්ෂාවේදී ඒ බව තහවුරු වී ඇත. මන්ත්‍රීවරයා මේ වන විට බණ්ඩාරගම අරුග්ගොඩ නිව්ඩාව නිවසේ නිරෝධායනය වෙමින් සිටියි.

ගම්පහ, අස්ගිරි වල්පොළ ප්‍රදේශයේදී යතුරු පැදියක් හා බවුසර් රථයක් ගැටීමෙන් සිදුවූ අනතුරකින් පියෙකු හා දිියණියක ජීවිතක්ෂයට පත්ව තිබේ.

තම පියාගේ ජීවිතය බේරා ගැනීමට හැකි බලයක් සහිත එකම පුද්ගලයා ජනපති ගෝඨාභය රාජපක්ෂ මහතා බවත් තමා අතින් අතීතයේදී ජනපතිවරයාට වරදක් සිදුවී ඇත්නම් ඒ සඳහා කණගාටුව ප්‍රකාශ කරන බවත් සමාජ ක්‍රියාකාරියෙක් මෙන්ම එක්සත් ජාතික පක්ෂයෙන් පසුගිය මහ මැතිවරණයට කොළඹ දිස්ත්‍රික්කයෙන් තරග කළ කළ ඕෂල හේරත් මහතා පවසයි.

එළඹෙන​ සිංහල හා හින්දු අලුත් අවුරුදු සමය හා ඉදිරි මාස සඳහා අත්‍යාවශ්‍ය ආහාර ද්‍රව්‍ය මිලදී ගැනීම සඳහා ශ්‍රී ලංකාව ණය මාර්ග දෙකක් පිළිබඳව අවධානය යොමුකර තිබේ. මේ අනුව ඉන්දියාවෙන් ඩොලර් බිලියනයක ණය පහසුකමක් හා ඕස්ට්‍රේලියාවෙන් ඩොලර් මිලියන 200 ක ණය පහසුමකට පිවිසීමට ශ්‍රී ලංකාව අපේක්ෂා කරයි.

මේ වන විට මෙරටට සංචාරකයන්ගේ පැමිණිම යථා තත්ත්වයට පත් වෙමින් තිබේ. පෙබරවාරි මාසයේ මුල් දින 04 තුළ මෙරටට පැමිණි සංචාරකයන්ගේ සංඛ්‍යාව 11535 කි. එම දින 04 දී වැඩිම සංචාරකයන් පිරිසක් මෙරටට පැමිණ ඇත්තේ පෙබරවාරි මස 02 වන දින වන අතර එම සංඛ්‍යාව 3335 කි. කොරෝනා වසංගතයත් සමග පසුගිය වසරේදී මෙරටට සංචාරකයන් 1,94,495 දෙනෙකු පැමිණි අතර පසුගිය මාසයේදී සංචාරකයන් 82,327 දෙනෙක් පැමිණියහ.

පානදුර මූලික රෝහලෙන් ඊයේ (05දා) ඥාතීන්ට මුදාහළ මළ සිරුරක් කොරෝනා බව දැන එම්බාම් කිරීමට සූදානම් කරමින් සිටියදී මහජන සෞඛ්‍ය පරීක්ෂකවරුන් විසින් නැවත රෝහලට රැගෙන ගොස් ඇත.

මෙකී වාහන ධාවනය කල කිලෝමිටර් සංඛ්‍යාව 678,097කි.ඒ අනුව කිලෝමිටරයක වියදමේ සාමාන්‍ය රුපියල් 21ක් වුවද එකිනෙක වාහනවල කිලෝමිටරයක වියදම රුපියල් 08ත් 290ත් අතර විචලනයක් පැවති බව විගණන වාර්තාවේ සදහන් වේ.

තම දේශපාලන ඉතිහාසයේ දුටු අසාර්ථකම දේශපාලඥයා විපක්ෂ නායක සජිත් ප්‍රේමදාස මහතා බව කෘෂිකර්ම අමාත්‍ය මහින්දානන්ද අලුත්ගමගේ මහතා පැවසිය.

ප්‍රවීණ ඉන්දීය ගායිකා ලතා මංගේෂ්කාර් මහත්මිය අභාවප්‍රාප්ත වී තිබේ. කොවඩ් හේතුවෙන් මෙසේ ඇය ජීවිතක්ෂයට පත්ව තිබේ. ඇය මිය යන විට 92 වැනි වියේ පසුවූයේය.

’’මේ මිත්‍යාවල් පිටුපස්සේ, වසංගතය ආරම්භයේදී අපි දිව්වා. මතකනේ මුල් කාලේ පැණිවලට තිබුණ ඉල්ලුම. පැණි බෝතලයක් ගෙනත් දෙන්න කියලා මට මේ මන්ත්‍රීවරු කීදෙනෙක් කියලා අත්ද? පැණි බීලා කොරෝනා සනීප කරන්න පුළුවන් කියලා අපි හිතුවා. මුට්ටි දැම්මා ගංඟාවලට ගිහිල්ලා. පිදේනි දුන්නා. මොනවද නොකළේ. පසුව තේරුම් ගත්තා මිත්‍යාවලින් මේකෙන් ගොඩ එන්න බෑ. විද්‍යාත්මක මතය එන්නත්කරණය කියලා’’