අනික මේ සියලු අර්බුද මැද ඉතා ප්‍රවේශමෙන් අනාගතයට මුහුණ දෙන්න වෙනවා. අතට සල්ලි හම්බවුනා ම සියල්ල වියදම් නොකර ඉතිරි කර ගන්න.

අප්‍රේල් මාසයේදී පැවැත්වීමට නියමිත ජාත්‍යන්තර මූල්‍ය අරමුදලේ හා ලෝක බැංකුවේ සැසිවාර දෙකට එක්වීම සඳහා මුදල් අමාත්‍ය බැසිල් රාජපක්ෂ මහතා එක්වීමට නියමිත බව සන්ඩේ ටයිම්ස් පුවත්පත වාර්තා කරයි.

යුක්රේනය ආක්‍රමණය කිරීමහේතුවෙන් රුසියාව හා යුක්රේනය අතර ඇතිවූ ගැටුම් වලින් මේ දක්වා රුසියානු ආරක්ෂක අංශ සාමාජිකයන් 4300ක් පමණ ඝාතනය වී ඇති බව යුක්රේන නියෝජ්‍ය අමාත්‍යවරිය පවසයි.මීට අමතරව රුසියානු ගුවන් යානා 27ක්, හෙලිකොප්ටර් 26ක්, යුධ ටැංකි 146ක්ද යුක්රේන ආරක්ෂක අංශ විසින් විනාශ කර ඇති බවයි.

පාස්කු ඉරිදා ප්‍රහාරය සම්බන්ධයෙන් තමන්ට කිසිදු තොරතුරක් සිංගප්පූරුවේ ක්වීන් එලිසබෙත් රෝහලේ නේවාසිකව ප්‍රතිකාර ලබද්දී නොලැබුණ බව ඕනෑම දේවස්ථානයක කුරුසියේ අත ගසා දිවුරා සපත කළ හැකි බව හිටපු ජනාධිපති මෛත්‍රීපාල සිරිසේන මහතා පවසයි.

අද (28දා) දිනයේදී පැය පහකට ආසන්න කාලයක් විදුලිය කප්පාදුකරන බව ශ්‍රී ලංකා මහජන උපයෝගීතා කොමිෂන් සභාව පවසයි.

රජ දවසින් පසුව මෙරට ඉදි කරන විශාලම පිච්ච මල් උයන සඳහා පිච්ච මල් රෝපණය කිරීමේ සමාරම්භක උත්සවය ඊයේ (26 දා) අනුරාධපුර ඔයාමඩුව ප්‍රදේශයේදී සිදු කෙරිණි .

පූර්ණ එන්නත්කරණයට ලක්කර විදේශයක සිට ශ්‍රී ලංකාවට පැමිණෙන පුද්ගලයන් සඳහා පී.සී.ආර්. හෝ රැපිඩ් ඇන්ටිජන් පරීක්ෂණ අවශ්‍ය නොවන බවට සඳහන් කරමින් සෞඛය සේවා අධ්‍යක්ෂ ජනරාල්වරයා විසින් නව මාර්ගෝපදේශ නිකුත් කර තිබේ.

නුවරඑලිය ප්‍රදේශයේ සංචාරකයක් සදහා පැමිණි අඹුසැමි යුවලක් නුවරඑලිය කලුකැලේ ප්‍රදේශයේ නවාතැන්පොලක කාමරයක් තුළ අද (27දා) දින අලුයම මියගොස් ඇති බව නුවරඑලිය පොලිසිය පැවසිය.

මාලදිවයිනේ දිවේහි ප්‍රිමියර් ලීග් තරඟාවලියට ක්‍රීඩා කරමින් සිටි ශ්‍රී ලංකා ජාතික පාපන්දු ක්‍රීඩක ඩක්සන් පුස්ලාස් මිය ගොස් ඇති බව ශ්‍රී ලංකා පාපන්දු සම්මේලනය පවසයි.

රුසියානු හමුදා යුක්රේනයේ දෙවන විශාලතම නගරය වන ඛාර්කිව් වෙත ඇතුළු වී ඇති බව ප්‍රාදේශීය බලධාරීහු පවසති.

රුසියානු හා යුක්රේන ගැටුම හේතුවෙන් සිය රට බලා යාමට නොහැකිව සිටින යුක්රේන සංචාරකයන්ගේ වීසා කාලය දීර්ඝ කිරීමට රජයේ අවධානය යොමුව ඇතැයි සංචාරක ඇමති ප්‍රසන්න රණතුංග මහතා පවසයි.

සංචාරක ව්‍යාපාරය නංවාලීම සඳහා ශ්‍රී ලංකා සංචාරක සංවර්ධන අධිකාරියේ ලියාපදිංචි වී ඇති සියලුම හෝටල්වල, ආගන්තුක නිවාසවල සහ නිවාස නවාතැන් පහසුකම් සපයන ස්ථාන වෙත බියර් සහ වයින් විකිණීමට රජය අවසර දීමට තීරණය කර ඇතැයි සන්ඩේ ටයිම්ස් පුවත්පත වාර්තා කරයි.

ඒකාබද්ධ උත්සාහයක් හරහා මානව වර්යා සඳහා ඒකීය අනාගතයක් සහිත ප්‍රජාවක් ස්ථාපිත කිරීමට චීනය සැමදා ශ්‍රී ලංකාව හා එක්ව සිටින බව ශ්‍රී ලංකාවේ චීන තානාපති චී ෂෙන් හොන් මහතා ප්‍රකශ කළේය .

දෙරටේ ආරක්ෂක හමුදාවන් අතර වෙඩි හුවමාරුවට මැදිවූ අවුරුදු 06ක දරුවෙක් මේ අනුව මියගොස් තිබේ.

යුක්රේන ජාතික යුවතියක් ඊයේ (26දා) පෙරවරුවේ දළදා මාලිගාව ඉදිරිපිට මහනුවර වැවේ වලාකුළු බැම්ම අසල තනිව විරෝධතාවයක නිරත වූයේ තම රට ආක්‍රමණය කර සිටින රුසියානු හමුදා වහාම තම රටෙන් පිට වියයුතු බවට බල කරමිනි.

ඉන්ධන හිගය හේතුවෙන් ගෑස් බෙදා හැරීමට බාධා පැමිණ ඇති බව හැටන් සහ බගවන්තලාව ප්‍රදේශයේ ලිට්‍රෝ ගැස් අලෙවි නියෝජිතයන් කියා සිටියි.

රුසියාව හා යුක්රේනය අතර ඇතිව තිබෙන යුධමය තත්ත්වය හේතුවෙන් අවම වශයෙන් පුද්ගලයන් 240 ක් ජීවිතක්ෂයට පත්ව ඇති බව එක්සත් ජාතීන්ගේ මහ කොමසාරිස් කාර්යාලය කියයි.

දැඩි ලෙස සන්නද්ධ රුසියානු හමුදා යුක්රේනයේ කියෙව් අගනුවර දෙසට වේගයෙන් ඇදෙමින් පවතින පසුබිමක, දින කිහිපයකින් නගරයේ බලය රුසියාව අතට පත්වනු ඇති බවට බටහිර සෙසු බලවේග කණස්සල්ලට පත්ව සිටී.

සංචාරක ශ්‍රි ලංකා කණ්ඩායම හා සත්කාරක ඉන්දීය කණ්ඩායම අතර පැවැති දෙවැනි විස්සයි20 තරගයද කඩුලු 7කින් ජය ගැනීමට ඉන්දීය කණ්ඩායම සමත්වූයේය.

සියලුම රාජ්‍යයන්හි ස්වෛරීභාවය සහ භෞමික අඛණ්ඩතාව ආරක්ෂා කිරීම සහ එක්සත් ජාතීන්ගේ ප්‍රඥප්තියේ අරමුණු සහ මූලධර්මවලට අවනත වීමේ චීනයේ ස්ථාවරය තවදුරටත් ස්ථාවර බව ෂී නැවත අවධාරණය කළේය.

රසායනික පොහොර ගෙන්වීම සීමා කිරීමත් සමග විප්ලවවාදීන් යැයි කියාගන්නා පක්ෂ ගොවි ජනතාව පාරට බැස්සූ බවත් වගා කළ කුඹුරුවලට ගිනි තබමින් භෝග විනාශ කරමින් කළ උද්ඝෝෂණ ගොවියාට ආදරයෙන් කළ ඒවා නොව දේශපාලන වාසි ගැනීමට කළ ඒවා බවත් අග්‍රාමාත්‍ය මහින්ද රාජපක්ෂ මහතා පැවැසීය.

ශ්‍රී ලංකාවෙන් එක්සත් අරාබි එමීර් රාජ්‍යය බලා පිටත්ව යන සම්පූර්ණ එන්නත්කරණය වූ ගුවන් මගීන්ට පිටත්වීමට පෙර ලබා ගත යුතු පී.සී.ආර්.පරීක්ෂණ එළඹෙන මාර්තු මස 01 දින සිට අවශ්‍ය නොවන බව ශ්‍රී ලංකා සිවිල් ගුවන් සේවා අධිකාරියේ සභාපති උපුල් ධර්මදාස මහතා ප්‍රකාශ කර සිටියේය.

රට පාලනයේ දී ජනතාවගේ නිදහස සහ අපේක්ෂා තහවුරු කෙරෙන ප්‍රජාතන්ත්‍රවාදී ක්‍රමවේදයෙන් බැහැර නොවන බව ජනාධිපති ගෝඨාභය රාජපක්ෂ මහතා පවසයි. එහෙත් ඉන් ලැබෙන නිදහස වැරදි ලෙස පාවිච්චි නොකරන්නැයි ජනාධිපතිවරයා සියලු පාර්ශ්වයන්ගෙන් ඉල්ලා සිටී.

බගවන්තලාව ප්‍රදේශයේ ස්ථාන කිහිපයකට අද (26දා) පස්වරුවේ අයිස් වැස්සක් පතිත වි ඇත.

ශ්‍රී ලංකන් ගුවන් මගීන්ට ශ්‍රී ලංකාවට ආවේණික ආහාර වට්ටෝරුවක් හඳුන්වාදීමට එම සමාගම කටයුතු යොදා තිබෙනවා.

රට තුළ ඇතිවීමට ගිය විනාශකාරී තත්ත්වය කොවිඩ් එන්නත්කරණ වැඩසටහන මගින් පාලනය කිරීමට හැකි වූ බව ජනාධිපති ගෝඨාභය රාජපක්ෂ මහතා පවසයි.

රුසියානු හමුදාවන්ට යටත් වන ලෙස තම හමුදාවෙන් ඉල්ලා ඇති බවට පැතිර යන කටකතා අසත්‍ය බව යුක්රේන ජනපතිි සෙලෙන්ස්කි පවසයිි.

ඉන්දියාවේ සිට ශ්‍රීී ලංකාව තුළ මෙහෙයවන මත්ද්‍රව්‍ය ජාවාරමක තොරතුරු හෙළි වීි ඇතැයි පොලිස් මාධ්‍ය ප්‍රකාශක ජ්‍යෛෂ්ඨ පොලිස් අධිකාරීී නිිහාල් තල්දූව මහතා කියයි.

ශ්‍රී ලංකාවේ කොවඩ් ප්‍රතිශක්තිකරණ වැඩසටහන යටතේ තෙවැනි මාත්‍රාව ලබාගත් පිරිස මිලියන 07 ඉක්මවා තිබේ. වසංගත රෝග විද්‍යා ඒකකය නිකුත් කළ නවතම වාර්තාව දැක්වෙන්නේ ඊයේ (25දා) දිනය වන විට ශ්‍රී ලංකාවේ 7 013 578ක් තෙවැනි මාත්‍රාව ලබාගෙන ඇත බවයි. ඊයේ දිනයේදි පුද්ගලයන් 36 606ක් තෙවැනි මාත්‍රාව ලබාගෙන තිබේ.