මහනුවර ඇතුළු ප්‍රදේශ වලට පසුගිය කාලයේ බලපෑ වැසි රහිත කාලගුණය නිමා කරමින් අද (31දා) සවස ධාරානිපාත වර්ෂාවක් ඇද වැටීමත් සමග මහනුවර නගරයේ ස්ථාන කීපයකටම අයිස් වර්ෂාවක් පතිත වී තිබේ .

බලාගාර සඳහා ඉන්ධන තොග නොමැති වීම හේතුවෙන් හෙට (01දා) දිනයේදී පැය 12ක විදුලි කප්පාදුවක් සිදුවන බව මහජන උපයෝගිතා කොමිසම සඳහන් කරයි.

සුඛෝපභෝගී මෝටර් රථයකින් ප්‍රවාහනය කිරීම සඳහා සූදානම් වූ රුපියල් කෝටි දහයක් පමණ වටිනා කේරළ ගංජා තොගයක් සමඟ සැකකරුවන් දෙදෙනෙකු අද (31දා) මීගමුව කලපුව අසලදී අත්අඩංගුවට ගත් බව පානදුර වලාන දූෂණ මර්ධන ප්‍රහාරක ඒකකය කියයි.

ශ්‍රී ලංකාව සිය ඉතිහාසය තුළ බරපතළම ආර්ථික අර්බුදයට පත්ව ඇති මේ මොහොතේ එමඟින් සමාජයේ සෑම ජන කොටසක්ම දැඩි පීඩාවට පත්ව තිබේ. එම අර්බුදයෙන් රට ගොඩගැනීම ඉලක්ක කරගත් ’’මුළු රටම හරිමගට’’ ජාතික වැඩපිළිවෙළ ජාතික නිදහස් පෙරමුණ ඇතුළු ආණ්ඩුව නියෝජනය කරනු ලබන පක්ෂ එකොළහ විසින් කඩිනමින් ඉදිරිපත් කරනු ලැබුවේ ඒ කෙරෙහි අප බලවත් සේ සවිඥානක නිසාය.

තංගල්ල රන්න නගරයේ ටයර් වෙලඳසැලක් කඩා බස් ටයර් සොරකම් කරන ලද ප්‍රධාන සැකකරු හා සොරකම් කරන ලද ටයර් ප්‍රවාහනය කල කුඩා ලොරි රථය සමඟ එහි රියදුරුද තංගල්ල කොට්ඨාශ අපරාධ විමර්ශන කාර්යාංශයේ නිළධාරින් මගින් අද (31දා) අත්අඩංගුවට ගෙන ඇත.

පළාත් පාලන ආයතනවල දැනට සිටින කාන්තා මන්ත්‍රී ධුර සංඛ්‍යාව අඩුකරමින් කාන්තා නියෝජනය 25% සිට 16% දක්වා පහත හෙලීමට රජය පිඹුරුපත් සකස්කරන්නේ යැයි පවසමින් බදුල්ල දිස්ත්‍රික්කයේ මහ නගර සභා සහ ප්‍රාදේශීය සභා නියෝජනය කරන සියළුම මන්ත්‍රීවරියන් ඊයේ (30දා) බදුල්ල හෙරිටේජ් හෝටලයට රැස්වි එම තීරණ පිළිබදව දැඩි විරෝධය පලකළහ .

ශ්‍රී ලංකා වෙරළ ආරක්‍ෂක දෙපාර්තමේන්තුව යාපනය, කොවිලන් ප්‍රදීපාගාරය‍ට උතුරින් වූ මුහුදු ප්‍රදේශයේ අද (31දා) සිදුකළ විශේෂ සෝදිසි මෙහෙයුමක් මඟින් කේරළ ගංජා කිලෝග්‍රෑම් 66 ග්‍රෑම් 600 කට ආසන්න තොගයක් සමඟ සැකකරුවන් තිදෙනෙකු සහ යාත්‍රාවක් අත්අඩංගුවට ගැනීමට කටයුතු කෙරිණි.

මෙම අර්බුදය නිසා ජනතාව පත්ව ඇති දුෂ්කරතාව පිළිබඳ අප රජයක් ලෙස ඉතා ම සංවේදී අතර එම සීමා ජය ගැනීම සඳහා ගත හැකි සියලු ක්‍රියා මාර්ග යුහුසුළුව ගනිමින් සිටින බව අවධාරණය කරමි.

රටේ ජනතාව පෝලිම් වල රැඳී සිටීම සම්බන්ධයෙන් අමාත්‍යවරුන් වශයෙන් වගකිය යුතු බව මහජන ආරක්ෂක රාජ්‍ය අමාත්‍ය රියර් අද්මිරාල් සරත් විරසේකර මහතා පැවසිය.

මේ අවස්ථාවේ අත්‍යාවශ්‍ය සේවා පමණක් පවත්වාගෙන යමින් රට වසා දැමීමට කටයුතු කළ යුතු බව හිටපු අමාත්‍ය පාඨලී චම්පික රණවක මහතා පවසයි. විශේෂ ප්‍රකාශයක් සිදු කරමින් ඔහු පවසන්නේ විදුලිබල මණ්ඩලය වහාම විශේෂඥ මණ්ඩලයකගේ පාලනයට භාර දිය යුතු බවය.

නිර්නාමික කණ්ඩායම් විසින් සංවිධානය කරන කිසිදු විරෝධතාවයකට එක්සත් ජාතික පක්ෂය සම්බන්ධ නොවන බව එම පක්ෂය පවසයි.

අධික වේගයෙන් ධාවනය වු ලොරි රථයක් අඩි 150 පමණ ප්‍රපාතයෙන් පාසල් ගොඩනැගිල්ලක් මතට පෙරලිමෙන් එම ලොරි රථයේ ගමන් ගත් රියදුරා බගවන්තලාව ප්‍රාදේශිය රෝහල වෙත ඇතුලත් කර ඇති බව බගවන්තලාව පොලිසිය පැවසිය.

ඉහළ විනිමය අනුපාත පිරිනමන බවට මහජනතාවගෙන් ලැබුණු පැමිණිලි සැලකිල්ලට ගනිමින්, ශ්‍රී ලංකා මහ බැංකුවෙහි විදේශ විනිමය දෙපාර්තමේන්තුව විසින් ප්‍රසන්න මනි එක්ස්චේන්ජ් (පුද්ගලික) සමාගමෙහි බලපත්‍රය අහෝසි කළ බව ශ්‍රී ලංකා මහ බැංකුව නිවේදනය කරයි.

කොළඹ කොටස් වෙළඳපොළ අද (31දා) දැවැන්ත කඩා වැටිමකට ලක්විය. ඒ අනුව සියලු කොටස් මිල දර්ශකය අද දිනයේදී ඒකක 391කින් පහළ ගොස් ඒකක 8903ක් බවට පත්විය.

පානදුර උතුර කෙසෙල්වත්තේ ගම්මැද පාර ඉදිකරමින් පවතින තෙමහල් නිවසක දෙවන මහලේ අනාරක්ෂිත කොරිඩෝවෙන් පහලට ඇදවැටීමෙන් ප්‍රධාන පෙදරේරුවා ඊයේ (30දා) රාත්‍රී මියගොස් ඇතැයි පානදුර උතුර පොලීසිය සඳහන් කරයි.

දිවයිනේ පොලිස් වසම් දාහතරකින් රන්මාල කොල්ලකෑම් එකසිය පනහකට සම්බන්ධ සිව් දෙනකුගෙන් යුත් කල්ලියක මහ මොළකරු ඇතුළු තිදෙනකු සොරා ගත් යතුරු පැදි දෙකක් ද සමග අද (31) දා අත්අඩංගුවට ගත් බව කොට්ටාව පොලිසිය පවසයි .

විදුලි බිල වැඩිකිරීමට යෝජනාවක් නොමැති බව විදුලි බල අමාත්‍ය පවිත්‍රා වන්නිආර්ච්චි මහත්මිය පැවැසුවාය. කොළඹදී අද පැවැති මාධ්‍ය හමුවකට එක්වෙමින් ඇය මේ බව පැවැසුවාය.

යුද සමයේදී කොටි ත්‍රස්ත සංවිධානය විසින් සඟවන ලද බෝම්බ තොගයක් මුලතිව් ඉරට්ටෙයි වයික්කාල් ප්‍රදේශයේ තිබීඊයේ ඊයේ (30දා) සොයාගත් බවට පොලිස් විශේෂ කාර්ය බලකාය පවසයි.

රනිල් වික්‍රමසිංහ මහතා අගමැතිධූර කිහිප වරක් හෙබවූ අත්දැකීම් ඇති පරිණත දේශපාලකයකු බවත් ඔහුගේ යෝජනා වලට කන් දීමට සූදානම් වුවත් ඔහුට අගමැති ධුරය පිරිනැමීමට කිසිදු බලාපොරොත්තුවක් නොමැති බව පාර්ලිමේන්තුවේ සභා නායක සහ අධ්‍යාපන අමාත්‍ය දිනේෂ් ගුණවර්ධන මහතා පැවසීය .

වගකිවයුත්තෙක් නොමැති අසංවිධානාත්මක විරෝධය පෑම්වලට එක්වීමේදී පරිස්සම් වන ලෙසත් එවැනි වගකීමක් නොමැති අවංක මහජන විරෝධයන් පසුපස පවා අනතුරක් තිබිය හැකි බව ජනතා විමුක්ති පෙරමුණ පවසයි.

සත්වෝද්‍යාන දෙපාර්තමේන්තුව යනු අපේ රටට විශාල විදේශ විනිමය උපයන ආයතනයක්ද වනවා .මේ අනුව මේ ආයතන හරියට කළමණාකරනය කර සංවර්ධනය කලහොත් පමණයි නිසි ආදායම් ලබාගත හැක්කේ යැයි දෙහිවල ජාතික සත්වෝද්‍යානයේ තුන්වන අධ්‍යක්ෂ ජෙනරාල් වරයා වශයෙන් අද (31දා) පත්වූ හිටපු වනසංරක්ෂක ජෙනරාල් තිලක් ප්‍රේමකාන්ත මහතා රාජකාරි භාර ගැනීමෙන් අනතුරු මාධ්‍ය හමුවේදී අදහස් දක්වමින් පැවසීය.

විදේශීය ආයෝජනයක් හරහා හම්බන්තොට මුහුදේ මෙගාවොට් 5000ක සුළං බලාගාරයක් ඉදිකිරීමට යෝජිත බවත් එයින් මෙගාවොට් 1000ක් ලංකාවට ලබාගෙන මෙගාවොට් 4000ක් සිංගප්පූරුවට අපනයනය කිරීමට අපේක්ෂා කරන බව විදුලි බල රාජ්‍ය අමාත්‍ය දුමින්ද දිසානායක මහතා පැවැසීය.

රටේ පවතින ගෑස්,ඉන්ධන, භූමිතෙල් ඇතුළු පවතින භාණ්ඩ හිඟයට විසදුම් ලබාදෙන ලෙස ඉල්ලා රජයට විරෝධය පළකිරීමේ විරෝධතා කාන්තා උද්ඝෝෂණයක් අද (31දා) දහවල් ඇල්පිටිය කුරුදුගහහැතැක්ම නගරයේදී පැවැත්විණි.

අකුරැස්ස නිල් මැණික්ගම නිවසක් ඉදිකිරීම සඳහා පැරණි නිවස කඩා ඉවත් කිරීමේදී එම නිවසේ බිත්තියකට යට වී දරුවෙක් ජීවිතක්ෂයට පත්වී අනිත් දරුවා බරපතළ තුවාල ලබා ඇත.

වසර ගනනාවක් පළාත් පාලන ආයතන වල අනියම් සහ ආදේශක ලෙස සේවය කළ සුලු සේවකයින් ස්ථීර නොකර සේවාවෙන් ඉවත් කර වත්මන් ආණ්ඩුව ලබා දුන් රැකියා ලක්ෂයේ සේවකයින් එම් පුරප්පාඩු වලට යොමු කිරීම අසාධාරණ සහ සේවක අයිතිවාසිකම් උල්ලංඝණය කිරීමක් බව පවසමින් උතුරු මැද පළාත් අනියම් ,ආදේශක සේවකයින් මේ වන විට දින තුනකට ආසන්න කාලයක් අනුරාධපුර නගරසභාව ඉදිරිපිට අඛණ්ඩ සත්‍යග්‍රහයක නිරතව ඇත.

ජනතාවට වැරදි මතයක්, එහෙම නැත්නම් කටකතාවක් යවලා තියෙනවා මම බණ්ඩාරවෙල එන නිසා පෝලිම් වෙනස් කළා කියලා. පළමු කාරණය තමයි අපි යම්කිසි කාරණයකට රාජකාරී මට්ටමින් හෝ පෞද්ගලිකව යන විට අපි කිසිසේත් සාමාන්‍ය ජනතාවගේ ජන ජීවිතයට බාධාවන ආකාරයෙන් අපි උත්සවයක් හෝ වැඩසටහනක් සංවිධානය කරන්නේ නෑ. යම්කිසි ක්‍රමවේදයක් තිබුණනම් එය වෙනස් කිරීමට අපි යන නිසා සිදුකරන්න අපි කවදාවත් කටයුතු කරන්නේ නෑ. මෙය හුදෙක් මඩ ගැසීම වෙනුවෙන් ජනතාව නොමග යැවීමට කළ උත්සාහයක්.

ඉතිහාසයේ පළමු වරට ආනයනික ඇපල් ගෙඩියක මිල රුපියල් එකසිය අසූවක් දක්වා ඉහළ ගොස් ඇතැයි මාතලේ පාරිභෝගික ජනතාව පවසයි.

මවුස්සාකැලේ ජලාශයේ සිට කැනියොන් ජල විදුලි බලාගාරය දක්වා ජලය රැගෙන යන භුගත උමං මාර්ගයේ නඩත්තු කටයුත්තක් හේතුවෙන් පුරා මාස තුනක් තිස්සේ විදුලි උත්පාදනය නතර කර තිබු කැනියොන් ජල විදුලි බලාගාරයේ විදුලි උත්පාදන කටයුතු අද (31) දින සිට ආරම්භ කළ බව එම විදුලි බලාගාරයේ නිලධාරියෙකු පැවසිය.

වර්තමාන රජය කෙරෙහි දෙස් විදෙස් සියළු පාර්ශවයන්හි විශ්වාසය සම්පූර්ණයෙන්ම බිඳවැටී ති⁣බෙන නිසා වෙළෙඳපොළවල් හිරවී අගුලු වැටී තිබෙන බවත් මේ ආකාරයෙන් මේ ආණ්ඩුවට තවදුරටත් ඉදිරියට යා නොහැකි බවත් සමගි ජන බලවේගයේ පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා අවධාරණය කරයි.