පවතින මූළ්‍ය අර්බුදය හමුවේ අවශ්‍ය කෙරෙන ඖෂධ සහ රසායනගාර පහසුකම් සැපයීමට නොහැකි වීම හේතුවෙන් කොළඹ ජාතික රෝහලේ රසායනික පරීක්ෂාවන් සීමා කරන ලෙස එම රෝහලේ නියෝජ්‍ය අධ්‍යක්ෂවරයි විසින් දැනුම් දී තිබේ.

යුක්රේනයේ මධ්‍යස්ථභාවය සහ න්‍යෂ්ටික නොවන තත්ත්වය පිළිබඳ ගිවිසුමක් සකස් කිරීම මෙන්ම, යුක්රේනයට ආරක්‍ෂක සහතික ලබාදීම පිළිබඳ සාකච්ඡා ප්‍රායෝගික අවධියට පිවිසීම හේතුවෙන් මෙම තීරණය ගත් බව රුසියානු නියෝජ්‍ය ආරක්ෂක ඇමති කියයි.

මීට පෙර පැය 10ක විදුලිය කප්පාදවක් සිදුකරන බවට ඇතැම් මාධ්‍ය සිදුකළ වාර්තා ශ්‍රී ලංකා මහජන උපයෝගීීතා කොමීෂන් සභාව විසින් බැහැර කළේය.

පකිස්ථානය, ඉරානය, රුසියාව, ටජිකිස්තානය, ටර්ක්මෙනිස්තානය සහ උස්බෙකිස්තානය යන රටවල් මෙම රැස්වීමට සහභාගී වෙයි.

රට තුළ උද්ගතව ඇති බලශක්ති අර්බුදය හමුවේ සංචාරක කර්මාන්තය බාධාවකින් තොරව පවත්වාගෙන යාම සදහා සුදුසු වැඩපිළිවෙලක අවශ්‍යතාව සංචාරක ඇමති ප්‍රසන්න රණතුංග මහතා කැබිනට් මණ්ඩලයට පෙන්වා දෙයි.

ට්‍රම්ප් මැතිවරණයට ඉදිරිපත් වන්නේද යන්න තවමත් නිල වශයෙන් ප්‍රකාශ කර නැතත්, මෙම අනාවරණය ඔහුට තවත් හොඳ ආරංචියක් ගෙනවිත් තිබේ.

සෞදි සංවර්ධන අරමුදලේ සහාය අඛණ්ඩව ශ්‍රී ලංකාවට ලබාදීමට අපේක්ෂා කරන බව සෞදි තානාපති අබ්දුල්නසර් හුසේන් අල් හාර්ති (Abdulnasser Hussain Al-Harthi) මහතා ජනාධිපති ගෝඨාභය රාජපක්ෂ මහතා සමග පවසයි.

නැගෙනහිර කොංගෝවේදී පකිස්ථාන, රුසියානු සහ සර්බියානු සාම සාධක හමුදා සාමාජිකයන් රැගත් හෙලිකොප්ටරයක් අනතුරට පත්වීමෙන් එම සෙබලුන් ජීවිතක්ෂයට පත්ව තිබේ.

නාමල් ඇමතිතුමාගේ අවාසනාවට මේ ආණ්ඩුව අවසන් වන දාට රාජපක්ෂවරුන්ගේ දේශපාලනය විතරක් නොවේ වසර 80ක් පුරාවට තිබුණු පවුල් පාලනය ද අවසන් වෙනවා. අපිට නැවත රාජපක්ෂවරයෙකු රජ කිරීමේ උවමනාවක් නෑ. මොන රාජපක්ෂ රජ වුණත් අවසානයේ රට පාලනය කරන්නේ බැසිල් රාජපක්ෂ. බැසිල්ගේ කල් ක්‍රියාව දුටු විට අපට සිහිපත් වෙන්නේ ඔටෝමාන් අධිරාජ්‍යයේ සිටි කෝසම් සුල්තානා.

මීට පෙර සිදුකරන ලද ප්‍රහාරයන්හි වගකීම IS ඉස්ලාම් රාජ්‍ය ත්‍රස්ත සංවිධානය භාරගෙන තිබුණද, මෙම ප්‍රහාරයේ වගකීම මෙතෙක් කිසිවෙකු විසින් භාරගෙන නොමැති බවද විදෙස් වාර්තා පෙන්වා දෙයි.

රක්ෂණ ආවරණ ගැටළුවක් හේතුවෙන් අත්හිටවු ශ්‍රී ලංකන් ගුවන් සමාගමේ ශ්‍රී ලංකාව හා රුසියාව අතර ගුවන් ගමන් කඩිනමින් යළි ආරම්භ කිරිමට කටයුතු කරමින් සිටින බව සංචාරක ඇමති ප්‍රසන්න රණතුංග මහතා පවසයි.

ඉන්දීය විදේශ අමාත්‍ය එස්. ජයශංකර් මහතා සහ 1990 සුවසැරිය නිර්මාතෘ පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා අතර විශේෂ සාකච්ඡාවක් අද (29දා) පස්වරුවේ රාජගිරියේ පිහිටි 1990 සුවසැරිය ප්‍රධාන මූලස්ථානයේදී පැවැත්වුණා.

ප්‍රධාන පෙලේ මත්ද්‍රව්‍ය ජාවාරම් කරුවකු වූමියගිය රත්මලාන රෝහාගේ මත්ද්‍රව්‍ය ජාවාරම් හා මනුෂ්‍ය ඝාතන හා මංකොල්ලකෑම් වල නිරත වූ රෝහාගේ සමීපතමයකුවන ’’බායිවත්තේ රොෂාන්’’ නමැති ජාවාරම්කරු අද (29දා) වන දින බායිවත්ත ප්‍රදේශයේදී හෙරෝයින් මිලිග්‍රෑම් 5100 ක් , අයිෂ් මත්ද්‍රව්‍ය මිලිග්‍රෑම් 25000ක් සමග ගල්කිස්ස දූෂණ මර්දන ඒකකය මගින් අත්අඩංගුවට ගෙන ඇතැයි පොලීසිය පවසයි.

“හරිත දැයක්” ජාතික ගෙවතු වගා සංග්‍රාමය - 2022 ජාතික වැඩසටහනේ සමාරම්භය සනිටුහන් කරමින් අද (29දා) අග්‍රාමාත්‍ය මහින්ද රාජපක්ෂ මහතා අරලියගහ මන්දිර පරිශ්‍රයේ දී කොස් පැලයක් රෝපණය කළේය.

පේරාදෙණිය රෝහලේ ඇතිවී තිබූ ඖෂධ හිඟය සම්බන්ධයෙන් ඉන්දියානු විදේශ අමාත්‍යවරයාගේ මැදිහත් වීම පිළිබඳව බරපතල ගැටළුවක් මතුවන බව රජයේ ඖෂධවේදීන්ගේ සංගමය පවසයි.

පානදුර, පින්වත්ත ප්‍රදේශයේ සංචාරක හෝටලයක වැසිකිළි වලක් තුල තිබී තරුණ කාන්තාවකගේ මළසිරුරක් අද (29දා) පස්වරුවේ ගොඩගත් බව පින්වත්ත පොලිසිය පවසයි .

සමස්ත ලංකා ගොවිජන සම්මේලන සංවිධානය කරන ලද පොළොන්නරුව ගොවි පා ගමන 5000 කට වැඩි වැඩි පිරිසකගේ සහභාගිත්වයෙන් යුතුව අද (29දා) දහවල් පොලොන්නරුව ජාතික වකුගඩු රෝහල වකුගඩු රෝහල ඉදිරිපිට දී ආරම්භ කෙරුණු අතර එය ඓතිහාසික දීප උයන දක්වා ගමන් කෙරිණි.

නිවස අසල කපමින් තිබූ පොල්ගසක් ඇඟ මතට කඩාවැටීමෙන් අද (29දා) දහවල් දෙදරු පියෙකු මියගොස් ඇතැයි මොනරාගල පොලීසිය පවසයි. මෙම අනතුරෙන් මියගොස් ඇත්තේ මොනරාගල තිස්සපාර පදිංචි කේ.ඩබ්ලිව්.ආර්.පී ශාන්ත ලංකා (46) නැමති අයෙකි.

රුසියාව හා යුක්රේනය අතර මේ මස මුලදී පැවති සාම සාකච්ඡාවලට එක්වූ රුසියානු ප්‍රකෝටිපතියෙකු වන රෝමන් ඒබ්‍රමොවිච්ට විෂ ශරීරගත වූ බවට සැක කෙරෙන සිද්ධිය අසත්‍ය බව රුසියාව පවසයි.

ඉන්දියාවේ නාගලන් ප්‍රාන්තයේ පැවති , දකුණු ආසියානු රට හරහා දිවීමේ තරඟාවලියේදී රිදී පදක්කමක් ශ්‍රී ලංකාවට අත්කර දුන් වැලිවේරිය පදිංචි ජාලිය සංජීව ක්‍රීඩකයා පිළිගැනීමේ උත්සවයක් අද (29දා) වැලිවේරිය නගරයේදී සවස පැවැත්විණි.

මධ්‍යම කඳුකරයේ පවතින වැසි රහිත අධික වියලි කාලගුණය හේතුවෙන් වික්ටෝරියා ජලාශයේ ජල මට්ටම මේ වන විට පතුලටම සිඳී පැරණි තෙල්දෙණිය නගරයේ නටබුන් මතු වී ඇති අයුරු දක්නට ලැබෙයි.

නිර්වින්දය සඳහා භාවිතා කරන Neostigmin නමැති ඖෂධ ප්‍රමාණවත් ‍තරම් නොමැතිවීම හේතුවෙන් එම ඖෂධ්‍ය අවශ්‍ය විය හැකි ජීවිත අවධානමක් නොමැති සියලුම සැත්කම් තාවකාලිකව දැමීමට කරාපිටිය රෝහල් අධ්‍යක්ෂවරයා තීරණය කර තිබේ.

විදේශ විනිමය මෙරටට ඉතිරි කර ගැනීම සඳහා අග්‍රාමාත්‍ය මහින්ද රාජපක්ෂ මහතාගේ උපදෙසින් රථ වාහන අංක තහඩු මෙරට ප්‍රථම වරට නිෂ්පාදනය කිරීම සඳහා කොළොන්නාවේ පිහිටි රජයේ කර්මාන්තශාලාව තීරණය කර ඇති බව නාගරික සංවර්ධන හා නිවාස අමාත්‍යාංශය ප්‍රකාශ කරයි.

ශ්‍රී ලංකාව බංග්ලාදේශයෙන් තවත් ඇමෙරිකානු ඩොලර් මිලියන 250ක මූල්‍ය පහසුකමක් ඉල්ලා ඇති බව අභ්‍යන්තර වාර්තා උපුටා දක්වමින් ඩෙිලි මිරර් පුවත්සේවය තොරතුරු වාර්තා කරයි.

රජයේ ආයතන පරිශ්‍රවල සහ ඉඩම්වල ගෙවතු වගාව ප්‍රචලිත කිරීම වෙනුවෙන් වූ හරිත ලංකා ජාතික ගෙවතුවගා සංග්‍රාමයට සමගාමීව ශ්‍රී ලංකා යුද හමුදා මූලස්ථාන පරිශ්‍රයේ ගෙවතු වගාව ආරම්භ කිරීමේ අවස්ථාව හරිත කෘෂිකර්ම ක්‍රියාන්විත මධ්‍යස්ථාන ප්‍රධානී, ආරක්ෂක මාණ්ඩලික ප්‍රධානී සහ යුද හමුදාපති ජෙනරල් ශවේන්ද්‍ර සිල්වාගේ ප්‍රධානත්වයෙන් ශ්‍රී ජයවර්ධනපුර ශ්‍රී ලංකා යුද හමුදා මූලස්ථාන ගොවිපළ පරිශ්‍රයේ දී අද (29දා) ආරම්භ කරන ලදී.

පොලීසියේ රාජකාරියට බාධා කිරීමේ චෝදනා යටතේ ඉන්ධන පෝලිමක රැදී සිටි පුද්ගයෙක් හබරණ පොලීසිය විසින් අත්අඩංගුවට ගෙන තිබේ.

තෙදින නිල සංචාරයක් සඳහා දිවයිනට පැමිණ සිටින ඉන්දීය විදේශ අමාත්‍ය ආචාර්ය එස්. ජයශංකර් මහතා සහ අග්‍රාමාත්‍ය මහින්ද රාජපක්ෂ මහතා අතර හමුවක් ඊයේ (28දා) අරලියගහ මන්දිරයේදී පැවැත්විණි.

ප්‍රමාණවත් පරිදි රුපියල් පැවැතියත් වෙළඳපොළින් මිලදී ගැනීමට ඩොලර් නොමැතිවීම හේතුවෙන් මෙවර ඉන්දීය ප්‍රිමියර් ලීග තරගාවලියේ තරග පියෝ ටීවී හරහා විකාශය කිරීමට නොහැකි තත්ත්වයක් උද්ගත ව තිබෙන බව වාර්තා වෙයි.

පානදුර සංචාරක හෝටලයක් තුලදී තරුණ කාන්තාවක ඝාතනය කොට වැසිකිළි වලක් තුල දමා ඇති බවට ලද පැමිණිල්ලක් ඔස්සේ පින්වත්ත පොලිසිය අද (29දා) පරීක්ෂණ ආරම්භ කර තිබේ.