පොලිසයේ රාජකාරිය පැහර හැර තිබෙනවා. ඒ නිසා අපේ පැත්තේ අය කියනවා පොලීසයේ ඉන්නේ IGP නෙමෙයි PIG කියලා. මම දන්නේ නෑ ඒකේ තේරුම මොකක්ද කියලා. ආරක්ෂක ලේකම්වරයෙක් ඉන්නවා. දේපළ හා නි ජීවිත හානි වළක්වා ගන්න තිබුණා. ඒ අයටම පරීක්ෂණ කටයුතු සිදු කරන්න දෙනවනම් වෙන්නේ මොකක්ද කියලා දන්නේ නෑ.

“ගෑස් නැව ආවා. ලොරි දාලා ගෙනියන්න කියලා නියෝග දිලා තිබුණේ. ඊයේ රෑ අට වෙනකම් ලොරි දාලා තිබුණේ නෑ. ඒ නිසා මම ඒ නිලධාරීන් මෙහාට කැඳවනවා. ඒත් මම විශේෂයෙන්ම අපේ කෝප් කමිටුවේ සභාපතිතුමා කියන්න කැමතියි. හෙට ලිට්‍රෝ ගෑස් සමාගම ගෙනල්ලා ඇයි ප්‍රමාද කළේ කියලා හොයලා වාර්තාවක් දෙන්න කියලා. මිනිස්සු දුක් විදින අවස්ථාවේ මේ අය කල්ගන්න හදනවා. අපි ඔක්කොම දුවලා වැඩ කරනවා. රෑ එකලොහ දොලහ වෙනකම්. “

ඉන්ධන ලබාදීමට නොහැකිනම් පාර්ලිමේන්තු සතියේදී පාර්ලිමේන්තු පැමිණෙන මන්ත්‍රීවරුන්ට නැවතී සිටීමට හෝටල් වෙන්කර දෙන ලෙස ඇතැම් මන්ත්‍රීවරුන් ඉල්ලා සිටි බව කථානායක මහින්ද යාපා අබේවර්ධන මහතා පැවැසීය.

අග්‍රාමාත්‍ය රනිල් වික්‍රමසිංහ මහතා පාර්ලිමේන්තුවේ කළ ප්‍රකාශය අනුව හෙට දිනයේ රජයේ සේවාවන් පවත්වාගෙන යාමට අවශ්‍ය නිලධරයන් හැර අනෙකුත් නිලධාරීන් සේවයට වාර්තා කිරිම අවශ්‍ය නොවන බව සඳහන් කරමින් රාජ්‍ය පරිපාලන හා ස්වදේශ කටයුතු අමාත්‍යාංශ ලේකම් ජේ.ජේ. රත්නසිරි මහතා විසින් චක්‍රලේඛය නිකුත් කර තිබේ.

ඉන්ධන මිල ඉහළයාම සහ ඉන්ධන හිගය නිසා මාළු ප්‍රවාහනයට හා එළවළු ප්‍රවාහනයට සිදුව ඇති අහිතකර බලපෑමත් සමග බදුල්ලේ මාළු මිල සහ එළවළු මිල දෙතුන් ගුණයකින් ඉහළගොස් තිබේ .

අඟුණකොළපැලැස්ස බන්ධනාගාරයේ රඳවා සිටි රැඳවියකු රෝහල්ගතව ප්‍රතිකාර ලබමින් සිටියදී අද(19දා) අළුයම පැනගොස් ඇතැයි රෝහල් ආරංචි මාර්ග කියයි.

ගරු අගමැතිතුමා (මහින්ද රාජපක්ෂ). එතුමාගේ ජනාධිපතිධුර දෙක ඉවරවුණාට පස්සේ සමුගත්තානම් හොඳයි. ඒ නැති නිසා අද සියලුම දුක් වේදනාවටල ලක්වෙනවා. විශාල පරිත්‍යාගයක් කරලා තියෙනාවා අවුරුදු 50ක දේශපාලන ඉතිහාසයේ. අද ඒ සියල්ලම නැතිවෙලා තියෙනවා. අපි දේශපාලනය කරනවානම් අත්හැරිමත් කරන්න ඕන. අපි මේ තනතුරුවට ලෝභ වුණොත් මෙවැනි දේවල්වලට මුහණ දෙන්න වෙනවා. නියම වෙලාවේදී දැනගත්තෝත් අපිට මේ දේ කරන්න පුළුවන් වෙයි. රනිල් වික්‍රමසිංහ මැතිතුමා හරිම වාසනාවන්තයි.

තිරිඟු පිටි මිල ඉහළ යෑමට සාපේක්ෂව පාන් රාත්තලක මිල රුපියල් 30කින් ඉහල දැමීමට බේකරි හිමියන් තීරනය කර තිබේ.

මේ වන විට ලොකු කථාවක් යනවා දුටු තැන වෙඩි තියන්න කියලා නියෝගයක් නිකුත් කරලා තියෙනවා කියලා. එහෙම නියෝගයක් නිකුත් කරලා නෑ. ලිඛිතවත් නෑ. අපිට මිනිස්සුන්ට වෙඩි තියන්න ඕන නෑ. අපි ඔවුන්ව වෙඩි තැබීමෙන් වළක්වා ගත යුතුයි.

යුද්ධයේ දී තුවාල ලැබූ සොල්දාදුවෙකු වශයෙන් මම ඔබේ වටිනා ජීවිතයේ අනාගතය සුරක්‍ෂිත කිරීම සඳහා අවශ්‍ය සෑම දෙයක්ම කරනවා යැයි ආරක්‍ෂක මාණ්ඩලික ප්‍රධානි සහ යුද හමුදාපති ජෙනරල් ශවේන්ද්‍ර සිල්වා මහතා යුද්ධයෙන් ආබාධිත තත්වයට පත්ව සිටින රණවිරුවන් අමතමින් පැවසීය.

“අපි තීරණයක් ගත්තා ඇමතිවරුන් පත් කිරිමේදී ඇමති වැටුප් ලබාගන්නේ නෑ කියලා මම කියන්න කැමතියි. ඒ වගේම ඇමතිවරුන්ට තියන වරප්‍රසාද අඩු කරන්නත් අපි සාකච්ඡා කරලා දැනුම් දෙනවා කියලා මම විශේෂයෙන්ම කියන්න කැමතියි.”

ඉදිරියේදි ආහාර හිඟයක් ඇතිවෙන බවත් උවමනා ආහාර වගා කර ගැනිමට කටයුතු කරන ලෙසත් අග්‍රාමාත්‍ය රනිල් වික්‍රමසිංහ මහතා පාර්ලිමේන්තුවේදී අද (19දා) පැවැසීය.

හෙට දිනයේදී රජයේ අත්‍යාවශ්‍ය නොවන සේවකයන් සේවයට වාර්තා නොකරන ලෙසත් අත්‍යාවශ්‍ය නොවන ගමන් බිමන් යෑමෙන් වළකින ලෙසත් අග්‍රාමාත්‍ය රනිල් වික්‍රමසිංහ මහතා පාර්ලිමේන්තුවේදී පැවැසීය.

මේ රට ඉල්ලන්නේ තෙල් ගහගත්තේ කොහොන්ද කවුද පෝලිමේ ඉන්නේ කියන එක නෙමෙයි. මොකක්ද විසඳුම කියලා. ඇයි ගහලා මරපු පාර්ලිමේන්තු මන්ත්‍රීවරයෙක් ඉන්න කොට ඇපි අපිට එකතු වෙන්න බැරි. අඩුම ගානේ මාස තුනකට එකතු වෙලා මේ රටේ තියෙන ප්‍රශ්නේ විසඳගමු.

ශ්‍රී ලංකා පොදු ජන පෙරමුණ නියෝජනය කළ පොළොන්නරුව දිස්ත්‍රික් පාර්ලිමේන්තු මන්ත්‍රී අමරකීර්ති අතුකෝරළ මහතාගේ අභාවයෙන් හිස් වූ මන්ත්‍රීධූරය සඳහා එස්. ජගත් සමරවික්‍රම මහතා අද(19දා) කථානායක මහින්ද යාපා අබේවර්ධන මහතා ඉදිරියේ දිවුරුම් දුන්නේය.

ඊයේ රෑ එකක් අවා අද තව එකක් එනවා. එතකොට පෙට්‍රල් එක්ක නැව් දෙකක් ඇවිත් තියෙනවා. ඒත් පෝලම් ඉවර කරන්නේ නෑ. පොල්ම් කෙටි කරන්න බලන්නේ. මොකද අපි ආපහු ඉන්ධන සංචිතයක් ඇති කරන්න ඕන. නැත්නම් එක නැවක් කල් ගිහොත් ආපසු මේ ප්‍රශ්නය එනවා. ජූනි මැද වෙනකම් තියෙනවා. දැන් තෙල් සංස්ථාව ජූනි මාසයට ඇණවුම් කරගෙන යනවා.”

මඩකලපුවේ සිට ඕස්ට්‍රේලියාවට යාමට තැත්කල 21 දෙනෙකු අද (19දා) උදේ නාවික හමුදාව විසින් අල්ලා කාත්තාන්කුඩි පොලිසියට බාර දුන් බව ස්ථානාධිපති දුමින්ද නයනසිරි මහතා පවසයි.

ඊයේ රාත්‍රී 10.30ට තමයි ගරු අග්‍රාමාත්‍යතුමාත් ජනාධිපතිතුමත් කථා කරලා එලියේ තියෙන නෞකාවට මුදල් ටික ගෙව්වේ. අද උදේ 8.30ට තමයි නෞකාව අපේ වරායට ආවේ. අද රාත්‍රීය වෙනවා නෞකාවෙන් ඉන්ධන ගොඩබාන්න. ඒ ගොඩබාලා දවස් දෙකක් යනවා අනිවාර්යයෙන්ම මේ හැම ඉන්ධන පිරවුම්හලකටම ඉන්ධන ලබාදෙන්න. ඒ නිසා කාරුණිකව ජනතාවගෙන් ඉල්ලා සිටිනවා රැස්වෙලා ඉන්න එපා අපිට අද දිනයේදී පෙට්‍රල් ලබාදීමට විදිහක් නෑ

’’පසුගිය 09 වැනි සඳුදා තිබූ තත්ත්වයට වඩා අද හොඳ තත්ත්වයක් තිබෙනවා. ඒ නිසා මම හිතන්නෙ නෑ, මම එදා කිව්වා වගේ ඉවත් වෙන්න අවශ්‍යතාවක් තියෙනවා කියලා.’’ මහ බැංකු අධිපති කියයි.

වෙළඳපොලේ වටිනාකමට සතයක අඩුවෙන් අපි ඉන්ධන ලබාදීලා නෑ. ඉදිරියටත් අපි දෙන්නේ නෑ. මාධ්‍ය මේක නොදන නෙමෙයි වෛරය හිතා මතා ඇති කරන්න කරපු දෙයක්.

’’මෙම බිය උපදවන සංඛ්‍යා සමග අවියෝජනීය ලෙස බැඳී තිබෙනවා. අපි මිනිසුන්ට පෝෂණය නොකරන්නේ නම්, අපි ගැටුම් පෝෂණය කරනවා.’’ ඇන්ටෝනියෝ ගුටරෙස් පැවසීය.

අපි මාතර දිස්ත්‍රික්කයේ එහා කෙළවරේ ඉදලා එන්නේ පැය ගාණක් පෝලිමේ ඉදලා තෙල් ගහගෙන. කොළඹින් ආයෙත් යනකොට තෙල් ගහන්න තැනක් නෑ. ඊයේ පැය හතරක් මාදිවෙල සෙඩ් එකේ පෝලිමේ ඉදලා තමයි මගේ රියදුරු තෙල් ගහ ගත්තේ. පැය හතරක්. අද තෙල් පෝලිමක් ළගින් තෙල් ගහන්න නෙමෙයි මේ 225 එකෙකුටවත් යන්න බැරි තත්ත්වයක් තියෙන්නේ.මරුම් කන්න වෙනවා. මිනිස්සු එච්චර වෛරයකින් ඉන්නේ.

දශක හතරකට වැඩි කාලයක් තුළ ඉහළම මිල ගණන් යටතේ අප්‍රේල් මාසයේදී එරට පාරිභෝගික භාණ්ඩ මිල ඉහළ ගොස් තිබේ.

බූස්ස ඉන්ධන පිරවුම්හලේ ඉන්ධන ලබා ගැනිම සදහා පෝලිමේ තිබු ත්‍රිරෝද රථ පහකට හා මෝටර් රථයක් අනතුරකට ලක්කොට එක් අයෙකුට තුවාල සිදුකිරිම සම්බන්ධයෙන් පොලිස් පරික්ෂකවරයෙකු අද (19දා) අත්අඩංගුවට ගත්බැව් රත්ගම පොලිසිය පවසයි.

“මන්ත්‍රීවරුන්ට රුපියල් 121ට ඩිසල් දෙනවා කියන්නේ මේක මහ පජාත වැඩක්. මගෙ බල්ලෙක්වත් එතනින් ඩීසල් අරගෙනත් නෑ, ගන්නෙත් නෑ. ඔය පුටුවේ වාඩි වෙලා හිටපු කරූ ජයසූරිය මහත්තයා මන්ත්‍රීවරුන්ට දෙන්නේ කල්කිරි එහෙම නැත්නම් ප්‍රෙෂ් මිල්ක් මන්ත්‍රීවරු බය වෙන්න එපා කියපු දවසේ මම පාර්ලිමේන්තුවෙන් තේ එකත් බොන එකත් නැවැත්තුවා මොකද එළියේ මිනිස්සුන්ට වහ පිටිකිරි දෙදදී මන්ත්‍රිවරුන් ප්‍රේෂ් මිල්ක් හෝ කල්කිරිදීම මම සැලකුවා බලු වැඩක් විදිහට.

’’මානව වර්ගයා අපගේ එකම නිවහන පුළුස්සා දැමීමට පෙර පොසිල ඉන්ධන දූෂණය අවසන් කර පුනර්ජනනීය බලශක්ති සංක්‍රාන්තිය වේගවත් කළ යුතුයි’’ ඇන්ටෝනියෝ ගුටරෙස් අනතුරු අඟවයි.

එහිදී එක් අවස්ථාවක ඉන්ධන මීටරය තුළ ලීටරයක මිල රුපියල් 121.19ක් ලෙස සටහන්ව තිබෙන අයුරු දක්නට ලැබෙයි. සාමාන්‍ය වෙළඳපොළ තුළ ඩීසල් වේවා ප්‍රෙට්‍රල් වේවා සාමාන්‍ය ජනතාව වෙත අලෙවි කරන්නේ ඊට වඩා වැඩි මිල ගණන් යටතේය.

ප්‍රංශ රාජ්‍ය තාන්ත්‍රිකයින් 34දෙනාට සති දෙකක් ඇතුළත රුසියාවෙන් පිටවන ලෙස නියෝග කෙරෙනු ඇති බව වාර්තා වෙයි.

දේශිය වෙලදපොලේ උඩරට සහ පහතරට සැම එලවළු වර්ගයකම මිල ඉහල ගොස් ඇති බව හැටන් නගරයේ එලවළු වෙලෙන්දන් පවසති.