පෙට්‍රල් බෝතල් සහ බූලිවලට සැපයීම අත්හිටුවීමට ඉන්දියන් ඔයිල් සමාගම (IOC) තීරණය කර තිබේ.

ශ්‍රී ලංකාවේ ඇමෙරිකානු තානාපති වශයෙන් කටයුතු කරනු ලබන ජූලි ජේ. චන්ග් මහත්මිය අද (20දා) නාවික හමුදා මූලස්ථානයේදී නාවික හමුදාපති වයිස් අද්මිරාල් නිශාන්ත උළුගේතැන්න මහතා හමුවිය.

රජයේ ඇමැතිධුර ගත් සමගි ජන බලවේගයේ මන්ත්‍රීවරුන්ට විනය පියවර ගන්නා බව විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා අද (20දා) පාර්ලිමේන්තුවේදී පැවසීය.

පොලිස් මත්ද්‍රව්‍ය කාර්යංශයේ නිලධාරීන්ට ලද තොරතුරක් මත ගොඩගම අතුරුගිරිය ප්‍රදේශයේදී ඉකුත් (18දා) වැටලීමක් සිදුකර හෙරොයින් ග්රෑම් 294 ක් සමඟ පුද්ගලගයකු අත්අඩංගුවට ඇත.

රාජ්‍ය ගිණුම් කාරක සභාවේ (COPA), පොදු ව්‍යාපාර කාරක සභාවේ (COPE) සහ අනෙකුත් කාරක සභාවල බලතල වැඩි කිරීම සඳහා පාර්ලිමේන්තුවේ ස්ථාවර නියෝගවලට සංශෝධන ඉදිරිපත් කරන කෙටුම්පතක් කථානායකවරයාට කඩිනමින් ඉදිරිපත් කරන බව, සභානායක දිනේෂ් ගුණවර්ධන මහතා අද(20දා) පාර්ලිමේන්තුවේදී විශේෂ ප්‍රකාශයක් කරමින් සඳහන් කළේය.

අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් යුත් නව රජයේ නව අමාත්‍යවරුන් පත්කර තිබේ.

කෙසේ වෙතත් නව අමාත්‍යවරුන්ට වැටුප් හිමි නොවන අතරට ඔවුන්ගේ වරප්‍රසාද වල කප්පාදුවක්ද සිදුවෙයි.

මේ වන විට ඉන්ධනවල පවතින ගැටලුකාරී තත්ත්වය යටතේ පෙට්‍රෝලියම් නිශ්පාදන පිළිබඳව තොරතුරු දැන ගැනිම වෙනුවෙන් නව යෙදවුමක් සකස් කිරිමට ඛනිජ තෙල් නීතිගත සංස්ථාව පියවර ගනිමින් තිබේ.

ලංකා ඛනිජ තෙල් නීතිගත සංස්ථාව විසින් නිකුත් කර ඇති මාර්ගෝපදේශවලට පටහැනිව කටයුතු කළ ඉන්ධන පිරවුම්හල් 4ක් වෙත ඉන්ධන නිකුත් කිරීම නවතාලීමට ලංඛා ඛනිජ තෙල් නිතිගත සංස්ථාව කටයුතු කර තිබේ.

ශ්‍රී ලංකාව තුළ වෙසෙන නේවාසිකයෙකුට හෝ ආයතනයකට නෝට්ටු වශයෙන් තමන් ළඟ තබාගත හැකි විදෙස් මුදල් ප්‍රමාණය ඇ.ඩොලර් 15,000ක් බවත්, මෙම සීමාව 10,000ක් දක්වා අඩු කිරීමට සලකා බලමින් සිටින බවත් මහ බැංකු අධිපති නන්දලාල් වීරසිංහ මහතා පවසයි.

යුක්රේනයේ සිදුවන යුද ගැටුම් ගෝලීය ආහාර අනාරක්ෂිතභාවයේ ගින්නට ඉන්ධන එකතු කර ඇති බවට ජාත්‍යන්තර ප්‍රජාවේ සාමාජිකයන්ට අනතුරු අඟවා තිබේ.

පසුගිය 09 දා ගෝල්ෆේස් හා කොළඹ අරලිය ගහ මන්දිරය ආසන්නයේ ඇතිවූ නොසන්සුන්කාරී සිදුවීම් සම්බන්ධයෙන් පාර්ලිමේන්තු මන්ත්‍රී පවිත්‍රා වන්නිආරච්චි මහත්මිය ඇයගේ සැමියා වන කාංචන ජයරත්න මහතා මෙන්ම පාර්ලිමේන්තු මන්ත්‍රී ඉන්දික අනුරුද්ධ යන අයගෙන් අපරාධ පරීක්ෂණ පැය 5ක පමණ ප්‍රකාශයක් සටහන් කරගෙන තිබේ. ඊයේ දිනයේදී ඔවුන්ගෙන්‌ මෙම ප්‍රකාශ සටහන් කර තිබේ.

රුපියල් ලක්ෂ 170කට අධික වටිනාකමකින් යුත් මුදල් හා තවත් රුපියල් ලක්ෂ 300කට අධික වටිනාකමකින් යුත් හොරොයින් කිලෝ ග්‍රෑම් 3.300ක ප්‍රමාණයක් සමග සැකකරුවක් තිදෙනෙක් අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය පවසයි.

රටවල් ’’ඔබ - දිනන - මම - පරදින’’ යන සීතල යුධ මානසිකත්වයෙන් ඔබ්බට ගොස් සෑම රටකම ආරක්ෂාවට ගරු කිරීම සහ එය සහතික කළ යුතු බව චීන රාජ්‍ය මන්ත්‍රී සහ විදේශ අමාත්‍ය වැන්ග් යී අවධාරණය කරයි.

බ්‍රිතාන්‍ය, පෘතුගාලය, ස්පාඤ්ඤය සහ කැනඩාව යන රටවලින් මෙම නවතම monkeypox වෛරසය ආසාදිත රෝගීන් හඳුනාගෙන ඇති බව කියයි.

පවතින ගෑස් හිගය සහ ඊට අදාළ විසදුම් පිළිබඳව විමර්ශනය සදහා ලිට්‍රෝ ගෑස් ආයතනයේ ඉහළ කළමනාකාරීත්වය හෙට (20) පෙ.ව 11.00 ට පොදු ව්‍යාපාර පිළිබඳ කාරක සභාව (කෝප් කමිටුව) හමුවට කැඳවා ඇත.

එදිනම මිචිගන්හි ගාර්ඩන් සිටි හි සිදුවූ වෙඩි තැබීමකින් එක් අයෙකු මිය ගොස් තවත්, දෙදෙනෙකු තුවාල ලැබීය.

විදුලි බලය නිෂ්පාදනයට අද වනවිට අවශ්‍ය ජල විදුලිබලයේ දායකත්වය 50%ක් දක්වා ඉහළට ගොස් ඇති බවත් මේ තත්ත්වය තරමක් දුරට හිතකර දෙයක් වන බවත් වාරිමාර්ග දෙපාර්තමේන්තුවේ අධ්‍යක්‍ෂ, (ජල විද්‍යා) ඉංජිනේරු එස්.පී.සී. සුගිෂ්වර මහතා පැවසීය.

මෙම ගින්න මැඬපැවැත්වීම සඳහා ප්‍රාදේශීය ගිනි නිවන භටයන් යොදාගෙන ඇති අතර, ඒ සඳහා තවමත් කටයුතු කරමින් සිටින බව එරට මාධ්‍ය වාර්තා පවසයි.

පසුගිය 09 දා දිවයින පුරා ඇති වූ ප්‍රචණ්ඩත්වය සම්බන්ධයෙන් අත්අඩංගුවට ගත් 450ක පිරිස අතර ජවිපෙ සාමාජිකයන් 150ක් සිටින බවට පොලිස්පති තමන්ට පැවසූවා යැයි අරුන්දික ප්‍රනාන්දු මන්ත්‍රීවරයා පාර්ලිමේන්තුවේදී කළ බරපතල ප්‍රකාශය සම්බන්ධයෙන් කඩිනම් පැහැදිලි කිරීමක් කර ගැනීමට මෙසේ ජවිපෙ පොලිස්පතිවරයා හමුවන බව අනුර කුමාර දිසානායක මහතා පැවැසීය.

මැයි 09 වැනි දින කොල්ලුපිටිය සහ ගාළු මුවදොර පිහිටි අරගල භූමිය වෙත පහරදීමේ සිද්ධිය සම්බන්ධයෙන් ප්‍රකාශයක් ලබා දීම සඳහා හිටපු ඇමතිනී පවිත්‍රා වන්නිආරච්චි මහත්මිය අපරාධ පරීක්ෂණ දෙපාර්තමේන්තුව වෙත පැමිණ තිබේ.

බස්නාහිර ප්‍රදේශය බාර ජේ්‍යෂ්ඨ නියෝජ්‍ය පොලිස්පති දේශබන්ධු තෙන්නකෝන් මහතාට පහරදුන් බව කියමින් රිමාන්ඩ් බාරයට පත් කොට සිටි සැකකරුවන් තිදෙනා ඇප මත මුදාහැරීමට කොටුව මහෙස්ත්‍රාත් තිළිණ ගමගේ මහතා අද (19දා) නියම කළේය.

ගෝල්ෆේස් හා අරලිය ගහ මන්දිරය අවට සිදුවූ ප්‍රචණ්ඩකාරී සිදුවීම් සම්බන්ධයෙන් තවත් සැකකරුවෙක් හා සැකකාරියක් අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය පවසයි.

2022 වර්ෂයේ පළමු පාසල් වාරයේ පළමු වන අදියර අවසන් කිරීම හා ‍හෙට (20දා) වන දින පාසල් නිවාඩු දිනයක් ලෙස ප්‍රකාශයට පත්කෙරේ.

විපක්ෂයෙන් හුස්ම වැඩ සටහන යටතේ අත්‍යාවශ්‍ය ඖෂධ වර්ග දෙකක් සමගි ජන බලවේගයේ මන්ත්‍රීවරුන්ගේ සහ සාමාජිකයන්ගේ අරමුදලින් ගෙන්වීමට කටයුතු කරන බවත්, ඒ සඳහා රජය වියදම් කරන මුදල් ජනතාව වෙනුවෙන් වෙනත් වැඩසටහනකට යෙදවිය හැකි බවත් විපක්ෂනායක සජිත් ප්‍රේමදාස මහතා පැවසීය.

විධායක ජනපතිධුරය අහෝසි කිරිම ඇතුළු ඉල්ලීම් කිහිපයක් මුල් කර ගනිමින් අන්තර් විශ්වවිද්‍යාල ශිෂ්‍ය බල මණ්ඩලය පවත්වන විරෝධතාව විසුරුවා හැරීමට පොලීසිය ජල හා කඳුුළු ගෑස් ප්‍රහාරයක් එල්ල කළේය.

13 වන ජාතික රණවිරු අනුස්මරණ සැමරුම ජනාධිපති ගෝඨාභය රාජපක්‍ෂ මහතාගේ ප්‍රධානත්වයෙන් ශ්‍රී ජයවර්ධනපුර කෝට්ටේ පිහිටි රණවිරු ස්මාරකය අභියසදී අද (19දා) අභිමානවත්ව හා ඉතා චාම් අයුරින් පැවැත්විය.

පොලිසයේ රාජකාරිය පැහර හැර තිබෙනවා. ඒ නිසා අපේ පැත්තේ අය කියනවා පොලීසයේ ඉන්නේ IGP නෙමෙයි PIG කියලා. මම දන්නේ නෑ ඒකේ තේරුම මොකක්ද කියලා. ආරක්ෂක ලේකම්වරයෙක් ඉන්නවා. දේපළ හා නි ජීවිත හානි වළක්වා ගන්න තිබුණා. ඒ අයටම පරීක්ෂණ කටයුතු සිදු කරන්න දෙනවනම් වෙන්නේ මොකක්ද කියලා දන්නේ නෑ.

“ගෑස් නැව ආවා. ලොරි දාලා ගෙනියන්න කියලා නියෝග දිලා තිබුණේ. ඊයේ රෑ අට වෙනකම් ලොරි දාලා තිබුණේ නෑ. ඒ නිසා මම ඒ නිලධාරීන් මෙහාට කැඳවනවා. ඒත් මම විශේෂයෙන්ම අපේ කෝප් කමිටුවේ සභාපතිතුමා කියන්න කැමතියි. හෙට ලිට්‍රෝ ගෑස් සමාගම ගෙනල්ලා ඇයි ප්‍රමාද කළේ කියලා හොයලා වාර්තාවක් දෙන්න කියලා. මිනිස්සු දුක් විදින අවස්ථාවේ මේ අය කල්ගන්න හදනවා. අපි ඔක්කොම දුවලා වැඩ කරනවා. රෑ එකලොහ දොලහ වෙනකම්. “