වැලිකඩ බන්ධනාගාරයේ ‘සුචරිතෝදය’ දහම් පාසලේ ඉගෙනුම ලැබූ රැඳවියන් සිවුදෙනකු ධර්මාචාර්ය විභාගයෙන් විශිෂ්ට ලෙස සමත්ව ඇති බව බන්ධනාගාර මාධ්‍ය ප්‍රකාශක, බන්ධනාගාර කොමසාරිස් චන්දන ඒකනායක මහතා පවසයි.

තමාට නිත්‍යානුකූලව හිමිව තිබූ ජංගම දුරකතන ගාස්තු සීමාව ඉක්මවමින් භාවිතා කොට එම දුරකතන බිල රාජ්‍ය මුද්‍රණ නීතීීගත සංස්ථාව මඟින් පියවා ගැනීමට කටයුතු කර අල්ලස් පනතේ ‘දූෂණය’ වරද සිදුකළ බවට චෝදනා ලැබූ සෞඛ්‍ය අමාත්‍ය කෙහෙළිය රඹුක්වැල්ල මහතාට සහ රාජ්‍ය මුද්‍රණ නීතීීගත සංස්ථාවේ හිටපු සභාපති ජයම්පති බණ්ඩාර හීන්කෙන්ද මහතාට අධිචෝදනා පත‍්‍ර බාරදුන් කොළඹ මහාධිකරණ විනිසුරු දමිත් තොටවත්ත මහතා ඔවුන් ඇප මත මුදාහැරීමට අද (28) නියම කළේය.

උඩුවේ ධම්මාලෝක හිමි අත්අඩංගුවට ගන්නා ලෙසට කොළඹ ප්‍රධාන මහේස්ත්‍රාත් අධිකරණය අද (28දා) වරෙන්තුවක් නිකුත් කළේය.

ලෝක වෙළද පොළ තුළ රන් මිල ක්‍රමයෙන් පහළ යන තත්ත්වයක් පෙනෙන්නට තිබේ. ඉහළ යන උද්ධමනය මැඩපැවැත්වීම සඳහා ආක්‍රමණශීලී ප්‍රතිපත්ති ආස්ථානයක් පවත්වා ගැනීම සඳහා එක්සත් ජනපද මහ බැංකුවේ යෝජනාව ෆෙඩරල් සංචිත නිලධාරීන් නැවත අවධාරණය කිරීමෙන් පසු ඩොලරය නැවත ඉහළ යාමත් සමඟ මෙසේ රන් මිල පහළ ගොස් තිබේ.මේ අනුව ලෝක වෙළද පොළ තුළ රන් අවුන්සයක මිල අද දිනයේදී ඩොලර් 1624ක් ලෙස සටහන් විය.

පින්නවල අලි සුරැකුම් මධ්‍යස්ථානයේ ’’සුරංගි’’ ඇතින්නට උපන් නිවුන් පැටවුන් දෙදෙනා බැලීමට වන ජීවී සහ වන සංරක්ෂණ අමාත්‍ය මහින්ද අමරවීර මහතා එහි ගොස් තිබේ.

ආනයනික ලොකු ළුෑණු කිලෝග්‍රෑමයක් සඳහා රුපියල් 50ක විශේෂ වෙළඳ භාණ්ඩ බද්දක් පැනවීමට මුදල් අමාත්‍යාංශය තීරණය කර තිබේ.

අපි ඇමතිගේ මිනිස්සු යැයි මරණීය තර්ජනය කරමින් මහරගම ඉන්ධන හලකට කඩා වැදුණු මැර පිරිසක් එහි සේවකයන්ට සහ කළමනාකරුට පහර දී පළා ගොස් ඇතැයි මහරගම පොලිසිය පවසයි.

එප්පාවල පත්කොලවැටිය ප්‍රදේශයේ සිදුකළ වැටලීමකදී රුපියල් ලක්ෂ දෙකකට ආසන්න හෙරොයින් මත්කුඩු සමග පුද්ගලයන් දෙදෙනකු ඊයේ (27දා) අත්අඩංගුවට ගත් බව එප්පාවල පොලිසිය පවසයි.‍

ශ්‍රී ලංකා යුද හමුදාවේ අභිමානවත් 73 වන සංවත්සරය සැමරුමට සමගාමීවයුද හමුදාවේ සියලු රෙජිමේන්තු ධජවලට ආශිර්වාද ලබාගැනීමේවැඩ සටහනක් යුද හමුදාපතිවරයා ඇතුළු හමුදා නිලධාරීන්ගේ සහභාගීත්වයෙන් අද (28දා) මහනුවර ඓතිහාසික ශ්‍රී දළදා මාලිගාවේ දී පැවැත්විණි

මෝදර, මාදම්පිටිය, කජීමා වත්තෙහි නිවාස පෙළ හදිසියේම ගිණි ගැනීමට ලක්වීම සම්බන්ධයෙන් කොළඹ දිසාපතිවරයාගේ ප්‍රධානත්වයෙන් කමිටුවක් පත්කර විධිමත් හා අපක්ෂපාතී පරීක්ෂණයක් පවත්වන ලෙසට නාගරික සංවර්ධන හා නිවාස අමාත්‍ය ප්‍රසන්න රණතුංග මහතා කොළඹ දිස්ත්‍රික් සම්බන්ධීකරණ කමිටු රැස්වීමේදී අද (28) අග්‍රාමාත්‍ය දිනේෂ් ගුණවර්ධන මහතාගෙන් ඉල්ලීමක් කළේය.

පවතින ආර්ථික අර්බුදය හමුවේ බැංකුවල මූල්‍ය තත්ත්වයන් ආරක්ෂා කරගනිමින් ණය ලබාගෙන ඇති ව්‍යවසායකයන් වෙත උපරිම සහන ලබා දෙන ලෙස මුදල් රාජ්‍ය අමාත්‍ය රංජිත් සියඹලාපිටිය මහතා රාජ්‍ය බැංකු ප්‍රධානීන්ගෙන් ඉල්ලීමක් කරයි.

ශ්‍රී ලංකාවේ ඇමරිකා එක්සත් ජනපද තානාපතිනි ජූලි චන්ග් මහත්මිය මහනුවර ඓතිහාසික ශ්‍රී දළදා මාලිගාවට පැමිණ ලෝක සංචාරක දිනයට සමගාමීව මහනුවර ඓතිහාසික ස්ථාන දැකබලා ගැනීමේ සංචාරයක නිරත විය.

ජාත්‍යන්තර මූල්‍ය අරමුදල සමග කටයුතු කිරිමේදී චීනය එහි සාමාජිකයකු වන බැවින් ශ්‍රී ලංකාවට උපරිම සහය ලබාදෙන බවද ප්‍රකාශ කළේය. ශීු ලංකික ජනතාව වෙනුවෙන් මානුෂීය ආධාර ලබාදිමට චිනය නිරන්තරව කටයුතු කරන බවද වැඩි දුරටත් චීන තානාපති කියා සිටියේය.

ජපාන හිටපු අග්‍රාමාත්‍ය ෂින්සෝ අබේ මහතාගේ අවමංගල්‍ය උත්සවයට එක්වීම සඳහා ජපානයට ගොස් සිටින ජනපති රනිල් වික්‍රමසිංහ මහතා හා ජපාන අග්‍රාමාතය ෆුමියෝ කිෂිඩා මහතා අතර හමුවක් පැවැත්වූ බව ජනපති මාධ්‍ය අංශය නිවේදනය කරයි.

තලෛමන්නාරම, වැලිපර ආශ්‍රිත මුහුදු ප්‍රදේශයේ ඊයේ (27දා) සිදුකළ විශේෂ සෝදිසි මෙහෙයුමක් මඟින්, නීති විරෝධී ලෙස මුහුදු මාර්ග ඔස්සේ මෙරටින් විදෙස් රටකට සංක්‍රමණය වීමට උත්සහ කළ බවට සැකකෙරෙන පුද්ගලයන් 06 දෙනෙකු නාවික හමුදා භාරයට ගත් බව ශ්‍රී ලංකා නාවික හමුදාව පවසයි.

හිටපු පාතාල නායකයින් වන දෙමටගොඩ සංජීව සහ සමයන්ගේ ගෝලයකු වන දැනට විදේශගතව සිට මෙරට මත්කුඩු ජාලය මෙහෙයවන දෙමටගොඩ ප්‍රියන්ත නමින් හඳුන්වන පුද්ගලයා ගේ අනියම් බිරිඳ වන යුද හමුදාවේ හිටපු ලාන්ස් කෝපල් වරියක් සහ තරුණයකු ලක්ෂ 40 කට වැඩි හෙරොයින් මත්කුඩු තොගයක් සමග ඊයේ (27දා) අත්අඩංගුවට ගත් බව අනුරාධපුර කොට්ඨාශ අපරාධ විමර්ශන අංශය පවසයි.

ශ්‍රී ලංකාව තුළ ළමයෙකු විය යුතු තැනැත්තෙකුගේ වයස අවුරුදු දහසයේ සිට දහඅට දක්වා ඉහළ නැංවිය යුතු බව ළමයින් සහ තරුණ තැනැත්තන් ආඥාපනත සංශෝධනය කිරීම සඳහා ඉදිරිපත් කොට ඇති යෝජනා වල සඳහන් වේ.

මොනරාගල ජීලෝන් කඳුවැටියේ ඊයේ (27දා) රාත්‍රියේ සිට ඇවිලෙමින් පවතින ගින්නෙන් කඳු වැටියේ විශාල ප්‍රමාණයක් විනාශවී ගොස් ඇතැයි ආපදා කලමනාකාර ඒකකයේ මොනරාගල සහකාර අධ්‍යක්ෂක ඒ.එච් රවීන්ද්‍ර කුමාර මහතා පැවසීය.

පාතාල සාමාජිකයන් දෙදෙනෙක් විදේශීය රටක නිෂ්පාදිත ගිනි අවියක් සමග මුල්ලේරියාව වල්පොල ප්‍රදේශයේදී ඊයේ (27දා) රාත්‍රී අත්අඩංගුවට ගත් බව මුල්ලේරියාව පොලිසිය පවසයි.

නොරොච්චෝල ගල් අඟුරු බලාගාරයේ තෙවනි ජනන යන්ත්‍ර යේ බිඳ වැටීමත් සමග ඊයේ දිනයේදී ශ්‍රී ලංකාවේ වැඩිම විදුලිය නිපදවීම ජල විදුලිය හරහා සිදුකර තිරබේ. එය සමසත් විදුලිය නිශ්පාදනයෙන් සියයට 52කි.

තොටලග කජීමා වත්ත නිවාස සංකීර්ණයක ඇතිවූ ගින්න හේතුවෙන් නිවාස 80ක් සම්පූර්ණයෙන්ම විනාශ වී තිබේ. මෙම ගින්න හේතුවෙන් පුද්ගලයන් 226ක් අවතැන් වී තිබේ. ඔවුන් කැළණි නදී උයනේ හා මුවදොර උයන ප්‍රජා ශාලාවේ රඳවා සිටියි.

මහේල උඩවත්ත ලකුණු 43 (පන්දු 27), සනත් ජයසූරිය ලකුණු 37 (පන්දු 25), තිලකරත්න ඩිල්ෂාන් ලකුණු 51 (පන්දු 30), චාමර සිල්වා ලකුණු 34 (පන්දු 24), ඉසුරු උදාන ලකුණු 17 (පන්දු 4) ලෙස විශිෂ්ඨ පිතිකරණයක නිරත වූහ.

ආණ්ඩුක්‍රම ව්‍යසවස්ථාවේ 17, 18, 19, 20 හා 22 යන සංශෝධන සඳහා වත්මන් පාර්ලිමේන්තුවේ මන්ත්‍රීවරු 18ක් පක්ෂව ඡන්දය ප්‍රකාශ කර ඇති බව Manthri.lk වෙබ් අඩවිය සඳහන් කරයි.

’රජයේ නිලධරයන්ගේ ඇඳුම’ සම්බන්ධයෙන්, රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශයේ ලේකම් ප්‍රියන්ත මායාදුන්නෙ මහතාගේ අත්සනින් තවත් චක්‍ර ලේඛයක් නිකුත් කර තිබේ. මේ අනුව රජයේ සේවකයන්ට ගැලපෙන සුදුසු ඇඳුමකින් සැරසී සේවයට වාර්තා කිරීමට නියමිතය.

රජයේ නිලධරයන් විසින් සමාජ මාධ්‍ය ජාලා වෙත අදහස් ප්‍රකාශ කිරීම’ සම්බන්ධයෙන් රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශයේ ලේකම් ප්‍රියන්ත මායාදුන්නෙ මහතාගෙන් අත්සනින් චක්‍ර ලේඛයක් නිකුත් කර තිබේ.

UPDATE ගින්න මැඩ පැවැත්වීම සඳහා අවශ්‍ය සියලු පියවර ගන්නා ලෙස ජනපතිවරයා ජපානයේ සිට ත්‍රිවිධ හමුදාපතිවරුන්ට උපදෙස් දී තිබේ. ඒසේම විපතට පත්වූවන්ට කඩිනම් සහන සලසන ලෙසද ජනපතිවරයා සඳහන් කළේය.

ලංකා ඛනිජ තෙල් නීතිගත සංස්ථාව විසින් අලෙවි කරන ඔටෝ ඩිසල් ලීටරයකින් රුපියල් 31.88ක් අලාභ ලබන බව එහි සංඛ්‍යා දත්ත වලින් පෙන්නුම් කරයි.

ජපානයේ හිටපු අග්‍රාමාත්‍ය ෂින්සෝ අබේ මහතාගේ දේහය පිළිබඳ අවසන් කටයුතු අද (27) ටෝකියෝ නුවර නිපොන් බුඩොකාන් (Nippon Budokan) හි දී පූර්ණ රාජ්‍ය ගෞරව සහිතව පැවැත්වුණු අතර ජනාධිපති රනිල් වික්‍රමසිංහ මහතා ද එම අවස්ථාවට එක් විය.

දකුණු කොරියාවේ හා ජපානයේ රැකියා ලබාදෙන බව පවසා මුදල් රැස්කරන පුද්ගලයින් දෙදෙනෙකු ශ්‍රි ලංකා විදේශ සේවා නියුක්ති කාර්යාංශයේ විශේෂ විමර්ශන ඒකකයේ නිළධාරීන් විසින් අත්අඩංගුවට ගෙන තිබේ. කුරුණෑගල නගරයේ ප්‍රසිද්ධ ස්ථානයකට තරුණ තරුණියන් රැස් කර දකුණු කොරියාවේ හා ජපානයේ රැකියා ලබා දෙන බව පවසා මුදල් අයකරන බවට කම්කරු හා විදේශ රැකියා අමාත්‍ය මනුෂ නානායක්කාර මහතාට ලද තොරතුරක් මත ඔහුගේ උපදෙස් පරිදි මෙම විමර්ශනය මෙහෙයවා තිබේ.