“දැන් යනවා ධනුෂ්ක ගුණතිලකගේ සිදුවිමක්. ඒ සිදුවීම මේ රටේ සිදුවුණ පළමු වැනි සිදුවිම නෙමෙයි. මිට කලින් ඔස්ට්‍රේලියාවේ ගිහින් එහෙම වැඩ කරපු ඇමතිවරුත් හිටියා. මෙය පළමු සිදුවීමත් අවසන් සිදුවීමත් නොවෙයි. මෙ සිදුවීමේන් අප ගත යුත්තේ කුමක්ද? මේ රටේ විනයක් නැතිකමේ එක් ප්‍රතිඵලයක් තමයි ඒ. රට නියෝජනය කරන ක්‍රීඩකයන්ගෙන එක්කෙනෙක් එහෙම හැසිරෙන කොට රටේ තියෙන විනය තමයි එතනදී විදහා පාන්නේ.

“පළාත් පාලන මැතිවරණය කල් දාන්න හදන උපක්‍රමවලට මගේ හිතවතෙක් වන අපේ මහින්ද දේශප්‍රිය මහතාගේ නම දැන් පාවිච්චි කරනවා. මහින්ද දේශප්‍රිය මැතිතුමාට මම කියන්නේ මේකට අහු වෙන්න එපා. ඔබතුමාව පාවිච්චි කරලා එළියට විසිකරන්න යන්නේ. ඔබතුමාව ඉදිරියට දාලා ඡන්ද කල් දාන වැඩසටහනක් ගේන්න යන්නේ. අපි මේක පරද්දනවා, අපි මේක පරද්දනවා. මහින්ද දේශප්‍රිය මැතිතුමාට මගේ මිත්‍රයාට ඉතාම ගෞරවයෙන් ඉල්ලන්නෙ මේකට අත තියන්න එපා. ඔබතුමාව ඉවරවෙන වැඩක් තමයි මේ ආරම්භ වෙන්නේ”

දේශගුණ සුහුරු වාරි කෘෂීකාර්මික ව්‍යාපෘතිය (CSIAP) යටතේ ඉදිකල මඩකලපුව මියන්ගල් වැව, පෙරියවට්ටුවාන් අමුණ ඇතුළු තවත් වැව් අමුණු කිහිපයක් නිරික්ෂණය කිරිම සදහා අද (08) පෙරවරැවේ එහි යෑමට පිටත් වූ නැගෙනහිර පළාත් ආණ්ඩුකාර අනුරාධා යහම්පත් මහත්මියට එම මාර්ගයේ ඇති දැඩි අබලන් තත්වය නිසා ගමන අතරමග නතර කර නිළධාරීන් සමග මහ පාරේ සාකච්ඡා කර ආපසු ඒමට සිදු විය.

‘කතානායකතුමනි, දිස්ත්‍රික් ලේකම්වරයාට වහාම කරුණු පැහැදිලි කරන්න කියලා වහාම යවලා තියෙන්නේ. ඒ අනුව අවශ්‍ය පියවර අප ගන්නවා ඇති. දරුවෙක්ට නොවේ කාටවත්, තමන්ගේ ජීවත් වීමේ අයිතිය කිසිම රාජ්‍ය සේවකයෙක්ට යටපත් කරන්න හෝ අපහාසයට ලක් කරන්න බැහැ. ඒ ප්‍රතිපත්තිය උඩ අපි කටයුතු කරනවා.’

2022-2023 වර්ෂය සදහා ශ්‍රී පාද වන්දනා වාරය එළඹෙන උදුවප් පොහෝ දිනයෙන් ආරම්භ කරන බව ශ්‍රී පදස්ථානාධිපති පැල්මඩුල්ල රාජමහා විහාරය, රත්නපුර පොත්ගුල් විහාරය උභය විහාරාධිපති, රත්නපුර දිසාවේ ප්‍රධාන සංඝ නායක, ඌව වෙල්ලස්ස විශ්ව විද්‍යාලයේ කුලපති, ත්‍රිපිටකාචාර්යය අතිපුජ්‍ය බෙන්ගමුවේ ධම්මදින්න නායක හිමියන් පැවසූහ.

කොළඹ වරායේ බටහිර පර්යන්තයේ ඉදිකිරීම් කටයුතු හෙට (09දා) පෙරවරුවේ ආරම්භ කිරීමට නියමිතව තිබේ. වරාය, නාවික හා ගුවන් සේවා අමාත්‍ය නිමල් සිරිපාල ද සිල්වා මහතාගේ ප්‍රධානත්වයෙන් ඉන්දියානු මහ කොමසාරිස් ගෝපාල් බග්ලේ මහතා ඇතුළු පිරිසකගේ සභභාගිත්වයෙන් මෙම ඉදිකිරීම් ආරම්භ කිරීමට නියමිතය.

ඉතිහාසය පුරාවටම රටට කුමන ගැටලු පැන නැගුනත් ඒ සෑම අවස්ථාවකදීම මහා සංඝයා වහන්සේලා රට රැක ගත්තා යැයි අග්‍රාමාත්‍ය දිනේෂ් ගුණවර්ධන මහතා පැවසීය.

එළඹෙන පාපන්දු ලෝක කුසලානයේදී සමලිංගිකත්වය ගැටළුවක් වන බව කටාර් හි පාපන්දු ලෝක කුසලානයේ සන්නාම තානාපති කලිඩ් සල්මාන් පවසයි. ජර්මානු රූපවාහිනියකට අදහස් දක්වමින් හෙතෙම සමලිංගිකත්වය මනසට හානිකරන කාරණයක් බව දන්වා ඇත.

සංවර්ධන බලපත්‍ර සඳහා කඩිනමින් අනුමැතිය ලබාදීමට “One Stop Unit” ක්‍රමය හඳුන්වාදීම අග්‍රාමාත්‍ය දිනේෂ් ගුණවර්ධන මහතාගේ ප්‍රධානත්වයෙන් අනිද්දා (10දා) බත්තරමුල්ල, වෝටර්ස් එජ් හෝටල පරිශ්‍රෙය්දී පැවත්වේ.

බදු කපලා මේ රට කාබාසිනියා කරපු නායකයාට පවුලත් එක්ක මැරෙනතුරා ජිවත් වෙන්න අපේ බදු වලින් ගෙවන්න වෙලා. අපි උදේ දකිනවා ඇවිදින්න යනවා හමුදා නිලධාරීන් වටේට යනවා 30ක් විතර. වාහන යනවා පහක් විතර. රජයට අය කරගන්නා බදු මුදලින් දවසට 150000ක් විතර වෙන් කරන්න ඕන උන්දැට අවිදින්න.

රුසියාවේ උපාය මාර්ගික න්‍යෂ්ටික සබ්මැරීනය, ’Generalissimo Suvorov’ සේවා සඳහා වූ පරීක්ෂණ සම්පූර්ණ කරයි.

පාස්කු ප්‍රහාරය සම්බන්ධයෙන් විවිධ චෝදනා මත අත්අඩංගුවට ගත් පුද්ගලයන් නීතිපතිගේ නිර්දේශ මත නිදොස්කොට නිදහස් කිරීම ජනතාව මුලා කිරීමේ නාටකයක් බවත්, ජනාධිපති කොමිසමේ නිර්දේශ ක්‍රියාත්මක නොකර නීතිපති දෙපාර්තමේන්තුව දේශපාලන නායකයන්ගේ න්‍යාය පත්‍රයට අනුව ගෙන යන මෙම වැඩපිළිවෙල තරයේ හෙළා දකින බවත් කොළඹ අගරදගුරු අති උතුම් මැල්කම් කාදිනල් රංජිත් හිමිපාණන් නිවේදනයක් නිකුත් කරමින් සඳහන් කරයි.

පාර්ලිමේන්තුවේ පිහිටුවීමට නියමිත ආංශික අධීක්ෂණ කාරක සභා 17ක් පත් කිරීම සඳහා සභාවේ අනුමතිය ලබා ගනු පිණිස පාර්ලිමේන්තුවේ න්‍යාය පත්‍රයට ඇතුළත් කර තිබෙන බව කථානායක ගරු මහින්ද යාපා අබේවර්ධන මහතා අද (08) පාරලිමේන්තුවට නිවේදනය කළේය.

ස්පාඤ්ඤය සහ ජර්මනිය යන රටවල් මෙම උණුසුම් කාලගුණික තත්ත්වයේ දරුණුතම බලපෑමට ලක් වූ රටවල් අතර වේ.

අත්‍යාවශ්‍ය භාණ්ඩ මිල වැඩි වීමකින් තොරව ඉදිරි මාස තුන තුල දී ලබා දීමට හැකියාව තිබෙන බව වෙළෙඳ අමාත්‍ය නලින් ප්‍රනාන්දු මහතා පාර්ලිමේන්තුවේදී පැවසීය.

IMF විශ්‍රාම වැටුපක් හා මහ බැංකුවේ ලක්ෂ 25ක වැටුපක් - අලුතෙන් පතවුණ මහ බැංකු අධිපතිට මම දන්න තරමට වැටුප් දෙකක් තිබෙනවා. මහ බැංකුවෙන් ලැබෙන රුපියල් ලක්ෂ 25ක වැටුප. අනිත් වැටුප ජාත්‍යන්තර මූල්‍ය අරමුදලෙන් ලැබෙන ඩොලර් විශ්‍රාම වැටුප. එතුමා අවුරුදු තුනක් ජාත්‍යන්තර මුල්‍ය අරමුදල වෙනුවෙන් වැඩ කරලා තියෙනවා.

දේශසීමා මුර සංචාරය විසින් අත්අඩංගුවට ගැනීම් 205,000ක අගය මෙම වසරේ ස්වදේශ ආරක්ෂක දෙපාර්තමේන්තුව විසින් මෙතෙක් වාර්තා කරන ලද ඉහළම සංඛ්‍යාව විය.

ධනුෂ්ක ගුණතිලකගේ නඩු කටයුතු වෙනුවෙන් යන නීතිමය වියදම් දැරීමට ශ්‍රී ලංකා ක්‍රිකට් ආයතනයට උපදෙස් දුන්නේ ශ්‍රී ලංකා පොදුජන පෙරමුණේ ප්‍රභූ දේශපාලනඥයකු විසින් යැයි ඇතැම් මාධ්‍ය වල වාර්තා වන තොරතුරු සත්‍ය නොවන බව ශ්‍රී ලංකා ක්‍රිකට් ආයතනය පවසයි.

රුපියල් කෝටි දෙකකට ආසන්න තහනම් වල් නාශක තොගයක් ආලංකුඩාව ප්‍රදේශයෙදී සැකකරුවකු හා කැබ් රථයක් සමග අද (8දා) අත්අඩංගුවට ගත් බව නොරෝච්චෝල පොලිසිය පවසයි.

බ්‍රසීලය, රුසියාව, ඉන්දියාව, චීනය සහ දකුණු අප්‍රිකාවෙන් සමන්විත BRICS ආර්ථික සන්ධානය සමග සම්බන්ධ වීමට ඇල්ජීරියාව නිල අයැදුම්පතක් ඉදිරිපත් කර තිබේ.

අවුරුදු 35ට අඩු තරුණයන්ට සියයට 25ක පළාත් පාලන ආයතන වල නියෝජනය තහවුරු කිරීම සඳහා පළාත් පාලන ආයතන ඡන්ද විමසීම් සංශෝධන පනත් කෙටුම්පත පාර්ලිමේන්තුවට ඉදිරිපත් කරන බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ප්‍රේම්නාත් සී දොලවත්ත මහතා පැවසීය.

මෙරට කැසිනෝ ව්‍යාපාර ආරම්භ කිරීමට ලයිසන් ලබා දීමට පෙර එම ව්‍යාපාර නියාමනයට ආයතනයක් පළමුවෙන් ස්ථාපිත කළ යුතු බවත් රජයේ මුදල් පිළිබඳ කාරක සභාවේ සභාපති පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා පැවසීය.

ඊජිප්තුවේ ගිගාවොට් 10ක සුළං බලශක්ති ව්‍යාපෘතියක් ඉදිකිරීම සඳහා නව ගිවිසුමක් අත්සන් කර තිබේ.

ලංකාවේ පාසල් දරුවන්ගේ නිල ඇඳුම ගලවන්න කියලා එක පාර කියන්න බෑ. එහෙම කිව්ව ගමන් කන්න වෙන බව දන්නවා. මම කුඩා කාලයේ මට තිබුණේ එක කලිසමයි එක කමිසයයි. මම මුළු සතියම මේක ඇඳගෙන ගියා. හෝද හොද ඇඳගෙන ගියා. අපි එ්ක ප්‍රශ්නයක් කර ගත්තේ නෑ.

විදෙස් ගමන් බලපත්‍ර නිකුත් කිරීම ආගමන විගමන දෙපාර්තමේන්තුව අද (8දා) උදෑසන සිට තාවකාලිකව අත්හිටුවා තිබේ.

පොලොන්නරුව අරලගංවිල 503 කුඩාඔය අමුණේ සිට 503 කුඹුරු යායට ජලය රැගෙන යන බෝක්කු බටයක් තුල අද (08දා) උදෑසන මාස 7ක පමණ අලි පැටවෙකු සිරවීමෙන් මියගොස් ඇති බව වෙහෙරගල වනජීවී නිළධාරීන් පැවැසූහ.

ක්‍රීඩක ධනුෂ්ක ගුණතිලක සම්බන්ධ සිදුවීම සම්බන්ධයෙන් පරීක්ෂණ පවත්වා වාර්තාවක් ඉදිරිපත් කිරීමට ශ්‍රී ලංක ක්‍රිකට් ආයතනය විසින් ත්‍රිපුද්ගල කමිටුවක් පත්කර තිබේ. විනිසුරු සිසිර රත්නායක (විශ්‍රාමික මහාධිකරණ විනිසුරු), නීතීඥ නිරෝෂණ පෙරේරා සහ නීතීඥ අසේල රැකව යන මහත්වරුන්ගෙන් සමන්විත ත්‍රිපුද්ගල විමර්ශන මණ්ඩලයක් මෙසේ පත් කළ බව ශ්‍රී ලංකා ක්‍රිකට් ආයතනය නිවේදනය කරයි.

යාල ජාතික වනෝද්‍යානයේ වාහන පැදීමේ සිදුවීම සම්බන්දයෙන් දැනට සිදු කරන පරීක්ෂණ වලට අමතරව මෙම සිදුවීම පිළිබඳ සොයා බැලීම සඳහා රහස් පොලීසියට භාර දීමට සූදානමින් සිටින බව කෘෂිකර්ම සහ වනජීවී හා වන සම්පත් සංරක්ෂණ අමාත්‍ය මහින්ද අමරවීර මහතා පැවසීය.

පාසල් ගුරුවරුන්ගේ හා පාසල් දරුවන්ගේ ඇඳුම්වල කිසිඳු වෙනසක් සිදුකිරීමට කටයුතු නොකරන බව අධ්‍යාපන අමාත්‍ය සුසිල් ප්‍රේම්ජයන්ත් මහතා පැවැසීය.