චීනයේ කොමියුනිස්ට් පක්ෂයේ ඉහළ පෙළේ නියෝජිත පිරිසක් අද දිනයේ සිට ශ්‍රී ලංකාවේ සංචාරයක් ආරම්භ කිරීමට නියමිත බව ශ්‍රී ලංකාවේ චීන තානාපති කාර්යාලය පවසයි.

රටේ ජනාධිපතිවරයාගේ සිට සියලු අමාත්‍යවරුන්, මන්ත්‍රීවරුන් මෙන්ම නිලධාරීන්ගෙන් මූල්‍ය නොවන ප්‍රතිලාභ සදහා අයවිය යුතු බදු (Tax on non-cash benefits) නිසි පරිදි අයකර ගැනීමට ක්‍රමවේදයක් ක්‍රියාත්මක විය යුතු බව රජයේ මුදල් පිළිබද කාරක සභාවේ සභාපති පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා පසුගියදා අවධාරණය කළේය.

2023 වර්ෂයේ පාසල් නිල ඇඳුම් අවශ්‍යතාවෙන් 70%ක් සම්පූර්ණ කරමින් රෙදි මීටර් 8,862,990ක ප්‍රමාණයක් චීන රජයේ ප්‍රදානයක් ලෙස මෙරටට ලැබී ඇති අතර මෙරට වැඩබලන චීන තානාපති හු වෙයි (Hu Wei) මහතා විසින් එම රෙදි පිළි තොගය අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා වෙත නිල වශයෙන් භාරදීම කොළඹ වරාය පරිශ්‍රයේ දී අද සිදු විය.

ඇය ඒ අනුව ශ්‍රි ලංකාවට එවීම සඳහා 2023/01/05 දින ගුවන් තොටු පලට පැමිණි පසු නැවත ඇයගේ රෝගී තත්වය හේතුවෙන් ඇය මෙරටට ගෙන ඒම සඳහා භාරගැනීම අදාල ගුවන් සමාඟම ප්‍රතික්ෂේප කර ඇත. ඉන් පසු ඇය නැවත 2023/01/06 දින ඕමානයේ හවාඩී රෝහලෙන් NMC රෝහලට සහ ඕමාන් රාජකීය රෝහලේ දැඩිසත්කාර ඒකකයේ දින 5ක් අවශ්‍ය ප්‍රතිකාර ලබාදුන්නත් අවාසනාවන්ත ලෙස ඇය මියගොස් ඇත.

පාර්ලිමේන්තුව ලබන 17 සිට 20 වැනිදා දක්වා රැස්වීමට අද (13) පෙරවරුවේ කථානායක මහින්ද යාපා අබේවර්ධන මහතාගේ ප්‍රධානත්වයෙන් පැවති පාර්ලිමේන්තු කටයුතු පිළිබඳ කාරක සභාවේදී තීරණය වූ බව පාර්ලිමේන්තුවේ මහලේකම් ධම්මික දසනායක මහතා පැවසීය.

මැදපෙරදිග කලාපයේ ගෘහාශ්‍රිත රැකියා සඳහා යොමුවන කාන්තාවන්ගේ ආරක්ෂාව වෙනුවෙන් ඔවුන් සඳහා නව රක්ෂණාවරණයක් 2023.01.15 දින සිට හඳුන්වාදීමට ශ්‍රි ලංකා විදේශ සේවා නියුක්ති කාර්යාංශය කටයුතු කර තිබේ.

ගංජා ලඟ තබාගැනීම,නිධන්වස්තු සෙවීමට අනුබලදීම ඇතුළු විෂමාචාර ක්‍රියාවන් සම්බන්ධයෙන් පොලිස් අපරාධ පරීක්ෂණ දෙපාර්තුමේන්තුව මඟින් අත්අඩංගුවටගෙන ඊයේ (13) සවස මොනරාගල දිසාවිනිසුරු සහ මහේස්ත්‍රාත් ඒ.එල් සජිනී අමරවික්‍රම මහත්මිය හමුවට ඉදිරිපත්කරන ලද මොනරාගල වැඩබලන ජේෂ්ඨ පොලිස් අධිකාරී එම්.බී.එස්.එස් සිසිල කුමාර,ඇතිමලේ පොලිස් ස්ථානාධිපති එම්.එම් සංජය ධර්මදාස,ජේෂ්ඨ පොලිස් අධිකාරී නිල රියදුරු පොලිස් කොස්තාපල් 80736 බී.බී සසිඳු මධුශාන්,ඔක්කම්පිටිය සේරුවත්ත පහ

දිවයිනේ ඇතැම් ප්‍රදේශවල වී වගාවට වැළ දී ඇති මූල ගැටිති වටපණු රෝගය හෙවත් Nematode නැමැති රෝගය වැළඳීමට හේතුව විදිමත් ක්‍රියාවලියක් අනුගමනය නොකරමින් නිසි ප්‍රමිතියට සකස් නොකරන ලද කාබනික පොහොර නිසා ද? යන්න පිළිබඳව කෘෂිකර්ම දෙපාර්තමේන්තුවේ අවධානයට යොමු වී ඇතැයි කෘෂිකර්ම අමාත්‍යාංශයේ ලේකම් ගුණදාස සමරසිංහ මහතා පවසයි.

නිල සංචාරයක් සඳහා පැමිණි පොදු රාජ්‍ය මණ්ඩලීය පාර්ලිමේන්තු සංගමයේ මහලේකම් (CPA) ස්ටෙෆ්න් ට්විග් මහතා අද (13දා) ජනාධිපති කාර්යාලයේ දී ජනාධිපති රනිල් වික්‍රමසිංහ මහතා හමු විය.

කොටුව ජනාධිපති නිල නිවසින් පසුගිය වසරේ ජුලි 9දා අරගලය අවස්ථාවේදී සොයා ගැනුණු රුපියල් එක්කෝටි හැත්තෑඅට ලක්ෂ පනස්දහසක මුදල පිළිබඳව හිටපු ජනාධිපති ගෝඨාභය රාජපක්ෂ මහතාගෙන් ප්‍රකාශයක් ගන්නා ලෙස පොලිස් විශේෂ අපරාධ කොට්ඨාසයට කොළඹ කොටුව මහේස්ත්‍රාත් තිලිණ ගමගේ මහතා අද (13දා) නියෝග කළේය.

දෛනික දුම්රිය ගමන් වාර සංඛ්‍යාව ලබන සඳුදා සිට 30 කින් අඩු කිරීමට තීරණය කළ බව ප්‍රවාහන හා මහාමාර්ග අමාත්‍ය බන්දුල ගුණවර්ධන මහතා පවසයි.

තොරතුරු ලැබී තිබියදීත් පාස්කු ප්‍රහාරය වළක්වා ගැනීමට කටයුතු නොකළ හිටපු ජනාධිපති මෛත්‍රීපාල සිරිසේන මහතා ඇතුළු පිරිසට ශ්‍රේෂ්ඨාධිකරණය මගින් ඊයේ (12දා) ලබා දුන් තීන්දුව, රටේ යුක්තිය, සාධාරණය අගයකරන සියලුදෙනාට වැදගත් ඓතිහාසික තීන්දුවක් බව මැල්කම් කාදිනල් රංජිත් හිමිපාණෝ පවසති.

මඩකලපුවේ සිට කොළඹ බලා ධාවනය වූ පුලතිසි සිග්‍රගාමි දුම්රිය ගල්ඔය දුම්රිය නැවතුම්පොළ ආසන්නයේදී වන අලියෙකු ගැටීම නිසා දුම්රිය පිලිපැනීමකට ලක්ව තිබේ.

මෙරට අරක්කු, පොල් රා, තල් රා වැනි මත්පැන් වර්ග රටවල් තිස් පහකට අපනයනය කරන බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි.

මාවනැල්ල ප්‍රාදේශීය සභාවේ සභාපති සමන්ත ස්ටීවන් අල්ලස් හෝ දූෂණ විමර්ශන කොමිෂන් සභාවේ නිළධාරින් විසින් අත්අඩංගුවට ගනු ලැබීය.

දේශපාලන රැස්වීමක් අතරතුර හදිසියේ හෘදයාබාධයකට ලක්ව මියගිය හිටපු බස්නාහිර පළාත් ප්‍රධාන අමාත්‍ය රෙජිනෝල්ඩ් කුරේ මහතා ගේ මරණය සම්බන්ධයෙන් පශ්චාත් මරණ පරීක්ෂණයක් සිදුකරන ලෙස ඒ මහතා බිරිඳ වන චන්ද්‍රිකා ප්‍රියංගනී කුරේ මහත්මිය ඉල්ලා සිටියාය.

ෆිච් රේටින්ග්ස් ආයතනයේ නව ශ්‍රේණිගත කිරීම් අනුව මෙරට බැංකු 10 ක ශ්‍රේණි ගත කිරීම් පහළ දමා ඇත.

හැටන් වන අඩවි කාර්යාලය යටතේ පාලනය වන හැටන් රුවන්පුර ජනපදය ආසන්නයේ පිහිටි යුකෙලෙප්ස්ටික් වන වගා රක්ෂිතයේ අද (13දා) ගින්නක් හටගෙන තිබේ.

ශ්‍රී ලංකා යුද හමුදාවේ අනුමත සංඛ්‍යාව 200,783ක් වුවද ලබන 2024 වසර වනවිට මුළු ඇස්තමේන්තුගත සංඛ්‍යාව 135,000ක් දක්වා අඩු වනු ඇති බව ආරක්‍ෂක රාජ්‍ය අමාත්‍යාංශය පවසයි.

ලෝ ප්‍රකට ගායක එල්විස් ප්‍රෙස්ලිගේ, දියණිය වන ලීසා මාරී ප්‍රෙස්ලි හෘදයාබාධයක් හේතුවෙන් සිය නිවසේදී ඊයේ (12දා) මියගොස් තිබේ.

ගංජා තොගයක් සමඟ අත්අඩංගුවට ගත් මොණරාගල කොට්ඨාස භාර ජ්‍යෙෂ්ඨ පොලිස් අධිකාරි සිසිල කුමාරගේ වැඩ තහනම් කර තිබේ.

ණය ගෙවීම සඳහා කාලය තවත් ලබාදෙන ලෙස ශ්‍රී ලංකාව බංග්ලාදේශයෙන් කර තිබූ ඉල්ලීමට ප්‍රතිචාර ලෙස තවත් මාස 06කින් එම කාලය දීර්ඝ කර තිබේ.

මොණරාගල කොට්ටාශය භාර හිටපු ජේෂ්ඨ පොලිස් අධිකාරි සිසිල කුමාර මහතාගේ නිවසේ, සිවිලම මත තිබියදි, පොලිස් විශේෂ කාර්ය බලකායේ නිළධාරින් විසින් අත්අඩංගුවට ගන්නාලද ගංජා තොගය,ඒ මහතාට සැපයිම සමිබන්ධයෙන් සැකපිට ඇතිමලේ පොලිස්ථානයේ ස්ථානාධිපති පොලිස් පරික්ෂක සංජය ධර්මදාස මහතා අපරාධ පරික්ෂන දෙපාර්තමේන්තුවේ නිළධාරින් පිරිසක් විසින් ඊයේ (12දා) රාත්‍රියේ අත්අඩංගුවට ගනු ලැබුහ.

වී වගාව ආශ්‍රිතව දැනට පැතිර යමින් තිබෙන රෝග තත්ත්වයන් පිළිබඳව විමසිලිමත් වන ලෙසත්, වැරදි උපදෙස් මත අනිසි ලෙස කෘමිනාශක නොයොදන ලෙසත් කෘෂිකර්ම දෙපාර්තමේන්තුව ගොවි ජනතාවගෙන් ඉල්ලීමක් කරයි.

එක්දින ක්‍රිකට් පිටියේ වැඩිම පරාජයන් ප්‍රමාණයක් ලැබූ කණ්ඩායම ලෙස ශ්‍රී ලංකා කණ්ඩායම ලෝක වාර්තාවක් පිහිටුවා තිබේ. ඉන්දීය කණ්ඩායම හා ඊයේ පැවැති තරගයෙන් ශ්‍රී ලංකා කණ්ඩායම කඩුලු 4ක පරාජයක් ලැබීය. මෙම තරගය පරාජයත් සමගින් ශ්‍රී ලංකාව එක්දින පිටියේ ලැබූ පරාජ සංඛ්‍යාව 437ක් බවට පත්විය.

ශ්‍රී ලංකා නිදහස් පක්ෂ කළුතර දිස්ත්‍රික් නායක, හිටපු බස්නාහිර මහ ඇමතිවරෙයක් මෙන්ම හිටපු ආණ්ඩුකාරවරයෙක්ද වන රෙජිනෝල්ඩ් කුරේ මහතා අද අලුයම මියගොස් තිබේ.

“නමෝ නමෝ මාතා – සියවසකට පියවරක්” තේමාව යටතේ පැවත්වෙන මෙම අභිමානවත් උළෙලේදී 2048 වසරේ 100 වන නිදහස් දිනය දක්වා නොවෙනස් රාජ්‍ය ප්‍රතිපත්තියක් ක්‍රියාත්මක කිරීම වෙනුවෙන් ඉදිරි වසර 25 සඳහා රජයේ නව ප්‍රතිසංස්කරණවාදී ගමන් මග ප්‍රකාශයට පත් කිරීමට ද නියමිතය.

මත්ද්‍රව්‍ය ජාවාරමක් සම්බන්ධයෙන් පොලිස් මත්ද්‍රව්‍ය නාශක කාර්යාංශයේ අත්අඩංගුවට ගත් සහකාර කළමනාකාරවරයාගේ මරණයට හේතුව මොට ආයුධවලින් පහර දීම හේතුවෙන් ශරීරයේ අභ්‍යන්තරයේ ඇති වූ ලේ ගැලීම් බව මරණ පරීක්ෂණයේදී අනාවරණ වී ඇතැයි පොලිසිය කියයි.

ඉන්දියාවේ දිල්ලි සහ වෙනත් විවිධ ප්‍රාන්තවල තාවකාලික පැල්පත්වල ජීවත් වෙමින් විවිධ සොරකම් කළ ලාංකිකයන් හතර දෙනෙක් ඉන්දීය පොලිසිය විසින් අත්අඩංගුවට ගෙන තිබේ. මෙහිදී දමිල භාෂාව කථා කරන එක් පුද්ගලයෙක් සන්තකයේ තිබී ඉන්දීය රුපියල් ලක්ෂ 46.5ක්ද ඉන්දීය ආරක්ෂක අංශ විසින් අත්අඩංගුවට ගෙන ඇතැයි ඉන්දීය මාධ්‍ය වාර්තා කරයි.