ඊශ්‍රායලයේ සාත්තු සේවා රැකියා අවස්ථා හිමිවූ 57 වන කණ්ඩායම ලෙස රැකියා ලාභීන් විසිතුන් දෙනෙකු වෙත ගුවන් ටිකට්පත් ප්‍රදානය කිරීම, කම්කරු හා විදේශ රැකියා අමාත්‍ය මනුෂ නානායක්කාර මහතාගේ ප්‍රධානත්වයෙන් ශ්‍රී ලංකා විදේශ සේවා නියුක්ති කාර්යාංශයේදී සිදුවිය.

බගවන්තලාව හා නොර්වුඩ් පොලිස් වසම්වලින් 19 වන දින අතුරුදහන්වු බවට පැමිණිලි ලැබි පැය කිපයක් ඇතුලත එම පාසල් සිසුන් දෙදෙනා සොයා ගැනිමට බගවන්තලාව හා නොර්වුඩ් පොලිස් ස්ථානවල නිලධාරින් සමත්ව ඇත.

ශ්‍රී ලංකා ක්‍රිකට් ආයතනයේ 2023 -2025 නිලධාරි මණ්ඩලය තෝරාපත්කර ගැනීම වෙනුවෙන් පැවැති නිලවරණයේදී සභාපති ධුරයට හිටපු සභාපති ශම්මි සිල්වා මහතා නිතරඟයෙන් නැවතත් අද (20) පත්විය.

මෑතකදී අවාසනාවන්ත ලෙස යෞවනයන් කිහිප දෙනෙකු සම්බන්ධයෙන් වාර්තා වූ නීති විරෝධී සිදුවීම් සම්බන්දයෙන් අවධානය යොමු කරමින් ,විශේෂයෙන්ම දරුවන්ගේ ආරක්‍ෂාව වෙනුවෙන් ‘සමාජ බුද්ධි ඒකකයක්’ පිහිටුවීමට සැලසුම් කර ඇති බව ආරක්‍ෂක රාජ්‍ය අමාත්‍ය ගරු. ප්‍රමිත බණ්ඩාර තෙන්නකෝන් මහතා ප්‍රකාශ කර සිටියේය.

වසරේ මුල් මාස තුන තුළ ජපානය අභිබවා යමින් ලොව විශාලතම මෝටර් රථ අපනයනකරුවා බවට පත්ව ඇති බව චීනය ප්‍රකාශ කළේය.

බොරැල්ල, ලෙස්ලි රණගල දුම්රිය හරස් මාර්ගයේදී වෙඩි තැබීමක් සුදුකර පුද්ගලයෙක් ඝාතනය කර ඇතැයි පොලීසිය කියයි. අද පෙරවරුවේ මෙම වෙඩි තැබීම සිදුකර තිබේ.

අද දිනයේදී උතුරු, උතුරු - මැද හා නැගෙනහිර පළාත්වලත් හම්බන්තොට හා මොණරාගල දිස්ත්‍රික්කවලත් ඇතැම් ස්ථානවල උණුසුම් දර්ශකය, එනම් මිනිස් සිරුරට දැනෙන උණුසුම අවධානය යොමුකළ යුතු මට්ටමක පවතියැයි අපෙක්ෂා කරන බව කාලගුණ විද්‍යා දෙපාර්තමේන්තුව නිවේදනයක් නිකුත් කරමන් කරමින් පවසයි.

රුපියල් හාර කෝටි තිස් ලක්ෂයක් ( රුපියල් මිලියන 43 ක් ) වටිනා රත්තරන් තොගයක් සිය ගමන් මලු තුළ සගවා ගෙන ඩුබායි සිට මෙරටට පැමිණි ව්‍යාපාරිකයෙකු ඊයේ (18දා) කටුනායක ගුවන් තොටුපළ පැමිණීමේ පර්යන්තයේ දී රේගු මත්ද්‍රව්‍ය පාලන අංශයේ නිලධාරීන් විසින් අත් අඩංගුවට ගෙන ඇති බව රේගු මාධ්‍ය ප්‍රකාශක , නියෝජ්‍ය රේගු අධ්‍යක්ෂ ( නීති කටයුතු ) සුදත්ත සිල්වා මහතා පැවසීය .

සිංගප්පූරුවේ මහල් නිවාසයකින් වැටී මියගිය ශ්‍රී ලංකික ගෘහ සේවිකාව පිළිබඳ කඩිනම් විමර්ශනයක් සිදු කිරීමට ශ්‍රී ලංකා විදේශ සේවා නියුක්ති කාර්යාංශයට උපදෙස් ලබා දුන් බව එම කාර්යාංශයේ සභාපති ඒ ඒ එම් හිල්මි අසීස් මහතා පවසයි.

ශ්‍රී ලංකාවේ යුද ගැටුම් පැවති සමයේ ජන සංහාරයක් සිදුවූ බවට කැනේඩියානු අග්‍රාමාත්‍ය ජස්ටින් ටෘඩෝ මහතා 2023 මැයි 18 වැනි දින සිදු කළ සාවද්‍ය ප්‍රකාශය විදේශ කටයුතු අමාත්‍යංශය තරයේ ප්‍රතික්ෂේප කරයි.

2023 මැයි මාසය වන විට දකුණු කොරියානු රැකියා සඳහා ලාංකික ශ්‍රමිකයින් 2726 දෙනෙකු මෙරටින් පිටත්ව ගොස් ඇත. 2022 වසරේ අග සහ මෙම වසරේ මුල් මාස කිපය තුළදී මෙරටට එවන ලද රැකියා ගිවිසුම් අනුව තරුණයින් 2694 දෙනෙකු සහ තරුණීයන් 32 දෙදෙනෙකු එසේ රැකියා සඳහා පිටත්ව ගොස් ඇති අතර ඔවුහු නිෂ්පාදන, ධීවර සහ ඉදිකිරීම් යන රැකියා ක්ෂේත්‍රවලට අයත් වෙති.

ලබන වර්ෂය මැතිවරණ වැස්සක් වහින වර්ෂයක් යැයි කෘෂිකර්ම අමාත්‍ය මහින්ද අමරවීර මහතා පැවසීය.

සතොස සේවකයන් දේශපාලන වැඩට යෙදවීමේ චෝදනා යටතේ හිටපු අමාත්‍ය ජොන්ස්ටන් ප්‍රනාන්දු මහතාට ඇතුළු තිදෙනෙකුට පවරා තිබූ නඩුවෙන් ඔවුන්ව නිදහස් කිරීමට මහාධිකරණ විනිසුරු නාමල් බලල්ල මහතා නියෝග කළේය.

කූඨ ලෙස සකස් කළ ව්‍යාජ ගුවන් ගමන් බලපත්‍රයකින් ශ්‍රී ලංකාවට ඇතුළු වීමට තැත් කළ චීන ජාතිකයෙකු 05/19 දින අලුයම අත් අඩංගුවට ගෙන ආපසු ඩුබායි වෙත යැවීමට ආගමන විගමන නිලධාරීන් විසින් පියවර ගැනීමේ දී , මෙම චීන ජාතිකයා සහ ඔහුගේ මිතුරන් දෙදෙනෙකු කටුනායක ගුවන් තොටුපළ පැමිණීමේ පර්යන්තය තුළ කළහකාරී ලෙස හැසිරෙමින් , දැඩි ලෙස බාධා කර තිබේ .

ශ්‍රී ලංකාවේ ගුවන් සේවා ආරක්ෂාව ඉතා උසස් මට්ටමකින් පවත්වා ගෙන යාමට අවශ්‍ය සියලු පියවර ගෙන ඇති බවත් ඒ හේතුවෙන් ශ්‍රී ලංකාවේ ගුවන් සේවා කර්මාන්තය මෙන්ම ශ්‍රී ලංකාවට අයත් ගුවන් කළාපය ද වඩාත් ආරක්ෂිත බවත් ඊයේ (18දා) අවසන් වූ ජාත්‍යන්තර සිවිල් ගුවන් සේවා සංවිධානය ( International Civil Aviation Organization - I.C.A.O. ) විසින් පවත්වන ලද ගුවන් සේවා ආරක්ෂාව පිළිබඳ ජාත්‍යන්තර විගනනයේ දී තහවුරු වී තිබේ.

දේශීය ණය ප්‍රතිව්‍යුහගත කිරීමේ වැඩපිළිවෙළ එළැඹෙන සැප්තැම්බර් මාසය වන විට සාර්ථකව අවසන් කර ගැනිමට හැකිවෙනු ඇතැයි ජනපති රනිල් වික්‍රමසිංහ මහතා පැවැසීය. විශ්වවිද්‍යාල ආචාර්යවරුන් සමග ඊයේ පැවැති හමුවකදී ඔහු මේ බව ප්‍රකාශ කළේය.

රටේ ආර්ථිකය ස්ථාවර කර ගැනීමෙන් පසුව විශ්වවිද්‍යාල ආචාර්යවරුන් ඉල්ලා සිටින මූල්‍ය සහනයන් ඇතුළු වරප්‍රසාද පිළිබඳ සලකා බැලීමට රජයට හැකි වනු ඇති බව ජනාධිපති රනිල් වික්‍රමසිංහ මහතා සඳහන් කළේය.

ඇදුම රෝගය හේතුවෙන් වාර්ෂිකව ලොව පුරා පුද්ගලයන් ලක්ෂ පහක් පමණ මරණයට පත්වන බවත් මෙම රෝගය ලොව පුරා ප්‍රචලිත වීමට හේතු වී ඇත්තේ වායු දූෂණය දේශගුණ විපර්යාස ඇතුළු කරුණු ගණනාවක් හේතුවෙන් බව මහනුවර ජාතික රෝහලේ ස්වසන රෝග විශේෂඥ වෛද්‍ය මහාචාර්ය දුශ්‍යන්ත මැදගෙදර මහතා පවසයි.

ඩෙංගු රෝගී තත්ත්වය සඳහාපැරසිටමෝල්වලටඅමතරව NSAID (Non Steroidal Anti Inflammatory Drugs - ස්ටෙරොයිඩ් නොවන ප්‍රති-ප්‍රදාහඖෂධ) කාණ්ඩයටඅයත් වේදනා නාශක භාවිතකිරීම මරණ ඇතිවීමට හේතුවක් ලෙස සැකකරන බව සෞඛ්‍ය ප්‍රවර්ධන කාර්යාංශය සඳහන් කරයි.

කැලණිය විශ්වවිද්‍යාලය ඉදිරිපට පැවැත්වූ විරෝධතාව අතරතුර අත්අඩංගුවට ගත් අන්තර් විශ්වවිද්‍යාල ශිෂ්‍ය බල මණ්ඩලයේ කැඳවුම්කරු වසන්ත මුදලිගේ ඇතුළු ශිෂ්‍ය ක්‍රියාකාරීන් 8 දෙනෙකු අද මහර මහෙස්ත්‍රාත් අධිකරණය වෙත ඉදිරිපත් කිරීමට නියමිත බව පොලීසිය පවසයි.

ජුලි මස 01 වැනිදින සිට විදුලි බිල සංශෝධනයට අදාළ යෝජනාවෙහි විදුලිබල මණ්ඩලය සඳහන් කර තිබෙන්නේ 3% ක අඩු වීමක් බවත්, මෙම ප්‍රතිශතය සකස් කර තිබෙන්නේ වැරදි දත්තමත බවත් ශ්‍රී ලංකා මහජන උපයෝගිතා කොමිෂන් සභාව සඳහන් කරයි.

ජාතික රණවිරු සැමරුම් උත්සවය අද (19දා) බත්තරමුල්ලේ පිහිටි රණවිරු ස්මාරකය අසලදි ජනාධිපති රනිල් වික්‍රමසිංහ මහතාගේ ප්‍රධානත්වයෙන් පැවැත්වේ.

ජනශක්ති රක්ෂණ සමූහ ව්‍යාපාරයේ අධ්‍යක්ෂ දිනේෂ් ෂාෆ්ටර් මහතාගේ දේහය යළි ගොඩගැනීමට අවසර දෙන්නැයි පංච පුද්ගල විනිසුරු මඩුල්ල කොළඹ අතිරේක මහෙස්ත්‍රාත් රජින්ද්‍රා ජයසූරිය මහත්මියගෙන් ඊයේ (18) අවසර ඉල්ලීය.

මෘදුකාංග ඉංජිනේරුවරයෙකුට අයත් රුපියල් ලක්ෂ 300 ක් පමණ වටිනා ලෑන්ඩ් කෘෘෂර් වි එයිට් වර්ගයේ සුඛෝපභෝගී ජීප් රථයක් රුපියල් ලක්ෂ 30කට උකස් තැබූ නුගේගොඩ ව්‍යාපාරිකයෙක් අත්අඩංගුවට ගත් බව බස්නාහිර පළාත් දකුණු දිසාව අපරාධ කොට්ඨාසය කියයි. එම ජීප් රථය ද පොලිස් භාරයට ගෙන ඇත.

මධ්‍යම ආසියා සමුළුව අද (18දා) චීනයේ ෂියෑන් හි දී ආරම්භ විය. මෙය චීනයේ පැවැත්වෙන පළමු වතාව වන අතර මේ සඳහා මධ්‍යම ආසියානු රටවල් 5ක නායකයින් සහභාගි වී සිටියි. සමුළුව ආරම්භ කරමින් චීන වේලාවෙන් සවස 7.30ට සමාරම්භක උත්සවය ආරම්භ විය. මෙම අවස්ථාව සඳහා චීනයේ ජනාධිපති ෂී ජිංපිං මහතා සහ මධ්‍යම ආසියානු රටවල ජනාධිපතිවරුන් සහභාගි විය.

රුපියල් දහසය කෝටි හතලිස් ලක්ෂයක් වටිනා මෙරටට ආනයනය කිරීම සීමා කර ඇති වාෂ්ප දුම්වැටි තොගයක් අද (18දා) කොළඹ වරාය ග්‍රේ ලයින් පර්යන්තයේ දී ශ්‍රී ලංකා රේගුවේ වරාය පාලන අංශයේ නිලධාරීන් පිරිසක් විසින් අත් අඩංගුවට ගෙන ඇති බව රේගු මාධ්‍ය ප්‍රකාශක, නියෝජ්‍ය රේගු අධ්‍යක්ෂ ( නීති කටයුතු ) සුදත්ත සිල්වා මහතා පැවසීය.

ශ්‍රී ලංකා යුද්ධ හමුදාව ප්‍රතිව්‍යුහගත කිරීම හේතුවෙන් 4 වන ස්වෙච්ඡා යුද්ධ හමුදා කාන්තා බළකාය සේවා අවශ්‍යතාවය මත මැදවච්චිය ප්‍ර දේශයේ ස්ථානගත කළත් ප්‍රා දේශීයව ඉඳුරාම බදවා ගන්නා ලද එම හමුදාගත සෙබළියන් ඔවුන් මෙතෙක් රාජකරී කටයුතු කරනු ලැබූ සේවා ප්‍ර දේශ තුළින් ස්ථාන මාරු කිරීම සඳහා කිසිඳු සැලැස්මක් නොමැති බව හා ඔවුන්ගේ නිවාස ආසන්නයේ පිහිටි කඳවුරු වෙත එම ස්ථානමාරුවීම් ඉදිරියේදී සිදු කෙරුනු ඇති බව යුද හමුදාව නිවේදනය කරයි.

අපි පැහැදිලිව රනිල් ට කියනවා අපි තමුන්නාන්සේ ජනාධිපති කලේ එක්සත් ජාතික පක්ෂය ගොඩ නගන්න නොවෙයි රටේ ආර්ථිකය ගොඩනගන්න. මේ කරන්නේ රටත් විනාශ කරලා පොහොට්ටුවක් විනාශ ක‍‍රන වැඩපිළිවෙළකට කියන එක මම පැහැදිලිව කියනවා’’

ලබන වසරේ දී සාමාන්‍ය පෙළ හා උසස් පෙළ යන විභාග දෙක ම එක ම වසරක් තුළ පැවැත්විය හැකි පරිදි අධ්‍යයන කටයුතු ක‍්‍රමානුකූල ව සාමාන්‍ය තත්වයට ගෙන එමින් විභාග කාලසටහන යාවත්කාලීන කරන බවත් විද්‍යාපීඨ ගුරුවරුන් 7800කට ජූනි 15 දින නව පත්වීම් ලබා දෙමින් ජාතික හා පළාත් පාසල්වල ගුරු හිඟය පියවීමට පියවර ගන්නා බවත් අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා පවසයි.