තමන් පොදුජන පෙරමුණ හැර නොගිය බවත් පාර්ලිමේන්තු මන්ත්‍රී නාමල් රාජපක්ෂ මහතාගේ අනාගතය නිර්මාණය කිරීමට තමන්ට අවශ්‍ය බවත් හිටපු අමාත්‍ය, පාර්ලිමේන්තු මනත්‍රී රෝහිත අබේගුණවර්ධන මහතා පැවැසීය.

අනුරාධපුර ප්‍රදේශයේ පාසලක ඉගෙනුම ලබන වයස අවුරුදු 10, 12 සහ 13 වන පිරිමි දරුවන් තිදෙනකුට බරපතළ ලිංගික අපයෝජනයක් සිදුකර තවත් එවැනි දරුවෙකුට ලිංගික අපචාරයක් සිදු කළ, එම පාසලේ පාලක සභාවේ භාණ්ඩාගාරිකවරයා ලෙස කටයුතු කළ විශ්‍රාමික හමුදා සෙබළෙකු අත්අඩංගුවට ගත් බව අනුරාධපුර මූලස්ථාන පොලිසිය පවසයි.

මධ්‍යම සංස්කෘතික අරමුදලේ රුපියල් මිලියන 8000ක් අවභාවිතා වීම පිළිබඳ විමර්ශනයක් සිදු කරන බව බුද්ධශාසන.ආගමික හා සංස්කෘකිත කටයුතු නියෝජ්‍ය අමාත්‍ය ගමගෙදර දිසානායක පවසයි.

වත්කම් සම්බන්ධයෙන් මාධ්‍යවේදියකු දැරූ ප්‍රශ්නයකට පිළිතුරු දුන් අමාත්‍යවරයා, නාමල් රාජපක්ෂගේ පමණක් නොව ඔහුගේ බිරිඳගේද මෙන්ම මාමණ්ඩිලා සමග රජය සම්බන්ධ ව්‍යාපාර පිළිබඳ පැමිණිලි තිබෙන බවත්, ඔවුන්ගේ වත්කම් සම්බන්ධයෙන් හෙළිදරව්වක් ආණ්ඩුව සිදුකර ඇති බවත්, වත්කම්–බැරකම් ප්‍රකාශ ලබාදීම පිළිබඳව වගවිමක් වත්මන් ආණ්ඩුව සමාජයට පෙන්වා දී ඇති බවත් අමාත්‍යවරයා තවදුරටත් පැවසීය.

මඩකලපුව කල්මුණේ ප්‍රධාන මාර්ගයේ කාත්තාන්කුඩි ප්‍රදේශයේ අද උදෑසන සිදු වූ අනතුරකින් තිදෙනෙකු බරපතල තුවාල ලබා මඩකලපුව ශික්ෂණ රෝහලට ඇතුළත් කර ඇති බව කාත්තාන්කුඩි පොලිසිය පවසයි.

තම නැන්දම්මාට අයත් ලක්ෂ විසිඅටහමාරකට අධික රන් භාණ්ඩ සොරාගෙන, සැමියාගෙන් වෙන්ව වෙනත් පුරුෂයෙකු සමඟ දිවිගෙවීමට ගිය රාජ්‍ය සේවිකාවක් ඇයගේ දෙවන පුරුෂයාද සමඟින් අත්අඩංගුවට ගත් ඉංගිරිය පොලිසිය, සොරාගත් රන් භාණ්ඩ සියල්ලමද සොයාගැනීමට සමත්ව තිබේ.

13 හැවිරිදි පාසල් සිසුවෙකුගේ කණ් අඩිය පැලී යන ලෙස පහරක් එල්ල කළ 14 හැවිරිදි පාසල් සිසුවෙකු ඉංගිරිය පොලිසිය විසින් අත්අඩංගුවට ගෙන තිබේ.

කරන්දෙණිය ප්‍රාදේශීය සභාවේ සභාපතිවරයා අද (21) උදෑසන මිය ගොස් තිබේ.මෙසේ මියගොස් ඇත්තේ කරන්දෙණිය, බොරකන්ද පදිංචි මහීල් රංගජීව මුණසිංහ (47) නැමැති අයයි.

රුපියල් එක් කෝටි හැට අට ලක්ෂ හතලිස් දහසක් වටිනා ’’ කුෂ්’’ සහ ’’ හෂීෂ්’’ මත්ද්‍රව්‍ය තොගයක් කටුනායක ජාත්‍යන්තර ගුවන් තොටුපොළ පැමිණීමේ පර්යන්තයේ , ගමන් මලු පථ අංක 05 අසළ පිරිමි වැසිකිළිය තුළ දමා ගොස් තිබියදී පොලිස් මත්ද්‍රව්‍ය කාර්යාංශයේ නිලධාරීන් පිරිසක් විසින් 09/20 දින අලුයම අත් අඩංගුවට ගෙන තිබේ .

දිවයිනේ නිරිතදිග ප්‍රදේශවල දැනට පවතින වැසි සහා සුළං තත්ත්වය තවදුරටත් බලාපොරොත්තු වන බව කාලගුණ විද්‍යා දෙපාර්තමේන්තුව කියයි.

ආසියානු කුසලාන තරගාවලියේ ශ්‍රී ලංකා කණ්ඩායම හා බංග්ලාදේශ කණ්ඩායම අතර ඊයේ පැවැති තරගයෙන් කඩුලු 4ක තියුණු ජයක් වාර්තා කිරීමට බංග්ලාදේශය සමත්විය. මෙවර තරගාවලියේ ශ්‍රී ලංකාව ලැබූ පළමු පරාජය මෙය වෙයි.

හදිසි හෘදයාබාධයක් හේතුවෙන් ජීවිතක්ෂයට පත්වූ දුනිත් වෙල්ලාගේගේ පියාට ගෞරව දැක්වීම සඳහා ශ්‍රී ලංකා කණ්ඩායාමේ ක්‍රීඩකයන් අද දිනයේදී කලු පැහැති අත්පටි පැළඳගෙන ක්‍රීඩා කරනු ලබයි.

ආසියානු කුසලාන තරගාවලියේ සුපිරි 4 දෙනාගේ වටය ආරම්භ කරමින් ශ්‍රී ලංකා කණ්ඩායම හා බංග්ලාදේශ කණ්ඩායම අතර අද පැවැත්වෙන තරගයට තුන් ඉරියව් ක්‍රීඩක දුනිත් වෙල්ලාලගේ කැඳවා තිබේ.

ඊශ්‍රායලයේ රැකියාවක් සඳහා ගොස් අතරමං වී සිටින බවට සමාජ මාධ්‍ය ඔස්සේ තොරතුරු වාර්තා වූ තරුණයා අද (9/20) උදෑසන දිවයිනට පැමිණියේය.

තලවකැලේ, ආගරපතන, හෝල්බෲක් අග්‍රා වත්තේ ජලය සහිත විශාල වළකට වැටී අත් පා තුවාල ලබා ඇවිද යාමට නොහැකිව සිටි කඳුකර කොටියෙකු අද (20) බේරා ගත් බව හග්ගල වනජීවී අඩවි ආරක්ෂක කාර්යාලයේ නිලධාරීහු පවසති.

මුල් ආකෘතිය වෙනස් කර නීති විරෝධී ලෙස වෙනත් වාහන වල අමතර කොටස් යොදා එකලස් කරමින් තිබූ ජීප් රථ දෙකක් නෝර්වුඩ් පොලිසියේ රථවාහන අංශයේ නිළධාරින් විසින් භාරයට ගෙන ඇත.

මම මිලියන 16ක් අරගත්තා කියනවා. මම 2022දී රට භාර ගන්න විට දළ ජාතික නිෂ්පාදනය කීයද ඩො.බි. 76.8 අනුර කුමාර දිසානායකට භාර දෙන කොට ඩොලර් බිලියන 98.9 ඩොලර් බිලියන 22ක් දීලා ගියේ. මම මොකටද මේවා අරගන්නේ මට වැඩක් නෑ.

ශ්‍රිලංකා පොලිසිය විසින් හබරාදුව නිල සෙවන යෝජනා ක්‍රමයෙන් නිවාස 192ක් මිලදි ගැනිම සදහා රුපියල් මිලියන 500ක මුදලක් අත්තිකාරම් ලෙස ගෙවා තිබුනද මේ වනතෙක් මෙකි නිවාස ව්‍යාපෘතියෙන් කිසිදු නිවසක් පොලිස් නිලධාරින් හට පදිංචියට ලබාදිමට නොහැකිවි ඇති බැව් ජාතික විගණන කාර්යාලය මගින් නිකුත්කොට ඇති විගණන වාර්තාවක සදහන් වේ.

ජනතා විමුක්ති පෙරමුණ තුළ දේශපාලනය කරන්නේ කිසිම වත්කමක් හෝ නොමැති පිරිසක් නොමැති බවත් විවිධ වෘත්තීන්වල නියැලී සිටි පිරිස් පක්ෂයේ දේශපාලය කරන බවත් බවත් නියෝජ්‍ය අමාත්‍ය සුසිල් රණසිංහ මහතා පැවැසීය.

ආසියානු කුසලාන තරගාවලියේ ශ්‍රී ලංකා කණ්ඩායම හා බංග්ලාදේශ කණ්ඩාම අතර සුපිරි හතර දෙනාගේ වටයේ තරගය අද ශ්‍රී ලංකා වේලාවෙන් රාත්‍රී 8.00ට ආරම්භ කිරීමට නියමිතය. මෙය සුපිරි හතර දෙනාගේ වටයේ පළමු තරගය වෙයි.

ආයතන අධ්‍යක්ෂ ජනරාල්ගේ අනුමැතියකින් තොරව ඉකුත් වර්ෂයේ (2024) පැවැත්වු මැතිවරණ සදහා රජයේ මුද්‍රණ දෙපාර්තමේන්තුවේ විධායක ශ්‍රේණියේ නිලධාරින් පස්දෙනෙකු විසින් මැතිවරණ දිමනා මුදල් වශයෙන් රුපියල් එක්කෝටි,දෙලක්ෂ,විසිහතරදහස්,හාරසියවිසිදෙකක මුදලක් (10,224,422) ලබාගෙන ඇති බැව් අනාවරණය වි ඇත. 2024 වර්ෂයේ දි මැතිවරණ කටයුතු සදහා ගෙවනු ලැබු මැතිවරණ දිමනා පිළිබද විගණන කාර්යාලය මගින් කරණු ලැබු නියැදි පරික්ෂාවේ දි මෙම තොරතුරු අනාවරණය වි ඇත.

දේවාලේගම පොලිස් වසමේ බටුවත්ත ප්‍රදේශයේදී පුද්ගලයෙකු විසින් ඊයේ (19දා) රාත්‍රී ඔහුගේ බිරිඳට හා පුතාට පහරදී පුත්‍රයා ඝාතනය කර ඇති බවත්, බිරිඳ තුවාල ලබා කෑගල්ල රෝහලට ඇතුලත් කර ඇති බවටත් දේවාලේගම පොලිස් ස්ථානයට ලද තොරතුරක් මත විමර්ශන ආරම්භ ඇත.

තම පියාගේ අභාවයට එක්වූ දුනිත් වෙල්ලාලගේ අද රාත්‍රී නැවතත් අබුඩාබි බලා පිටත්ව යාමට නියමිත බව ශ්‍රී ලංකා ක්‍රිකට් ආයතනය පවසයි.

වර්තමාන රජයේ වැඩ පිළිවෙලට අනුව වාරි මහිමය අපේ උරුමය තේමාව කරගනිමින් වැව් රක්ෂිත සීමා සළකුණු කිරීම හා සංරක්ෂිත ප්‍රදේශ ආරක්ෂා කර ගැනීමේ වෙනුවෙන් වැව් රක්ෂිත ලකුණු කිරීම යටතේ අද ( 19) දින අම්බලන්තොට රිදියගම වැවේ රක්ෂිත ලකුණු කිරීමට පැමිණි මිනින්දෝරු දෙපාර්තමේන්තුවේ නිලධාරීන්ට ප්‍රදේශයේ ජනතාව එක්ව විරෝධය දැක්වීමෙන් පසු එම නිලධාරීන් එම ස්ථානෙයන් ඉවත්ව යන ලදී.

ක්‍රිකට් පිටියේ සාම්ප්‍රදායික එදිරිවාදීන් වන ඉන්දියාව හා පාකිස්තානය අතර ආසියානු කුසාලාන තරගාවලියේ සුපිරි හතර දෙනාගේ වටයේ තරගය සැප්තැම්බර් 21 දා පැවැත්වීමට නියමිතය.

කටුනායක ජාත්‍යන්තර ගුවන් තොටුපොළ ආරක්ෂාව සදහා අනුයුක්ත කර සිටි ශ්‍රී ලංකා ගුවන් හමුදා බුද්ධි අංශ නිලධාරියෙකු තම සිරුරෙහි සගවා ගෙන ගුවන් තොටුපොළෙන් පිට කිරීමට තැත් කළ රුපියල් කෝටි දෙකක් වටිනා රන් බිස්කට් තොගයක් 09/19 දින අලුයම රේගු මත්ද්‍රව්‍ය පාලන අංශයේ නිලධාරීන් පිරිසක් විසින් අත් අඩංගුවට ගෙන තිබේ .

මෙම දුෂ්කර මොහොතේ, ඔබ තනි නොවන බව මතක තබා ගන්න. පියෙකු මෙන් මම ඔබ වෙනුවෙන් සිටිමි - ඔබට මඟ පෙන්වමින්, ඔබ සමඟ සිටගෙන, සහ සෑම පියවරකදීම ඔබට සහාය දෙමි. මුළු කණ්ඩායම, ජාතිය සහ මෙම ක්‍රීඩාවට ආදරය කරන සෑම කෙනෙකුම ඔබේ පැත්තේ සිටිති

සැප්තැම්බර් මාසයේ මුල් දින 17 තුළ ශ්‍රී ලංකාවට සංචාරකයන් 90393ක් පැමිණ ඇති බව සංචාරක සංවර්ධන අධිකාරිය පවසයි. ඒ අනුව මේ වසරේ ජනවාරි 01 දා සිට සැප්තැම්බර් 17 දා දක්වා වූ කාලය තුළ ශ්‍රී ලංකාවට පැමිණ ඇති සමස්ත සංචාරකයන් සංඛ්‍යාව 1 656 916කි.

හැටන් පොලිස් වසමට අයත් හැටන් ඇබෝස්ලි වතුයායේ නිවසක කිසිවෙක් නොමැති විටකදී එම නිවසට පැන රුපියල් 1,95000 ක් සොරකම් කළ එම ප්‍රදේශයේම පදිංචි 21 හැවිරිදි තරුණියක් හැටන් පොලිසිය විසින් අත්අඩංගුවට ගෙන තිබේ.