වත්මන් රේගු අධ්‍යක්ෂ ජනරාල් සීවලී අරුක්ගොඩ මහතාගේ සේවා කාලය අද (05දා) අවසන් වීමට නියමිතය. ඒ් අනුව ඔහුගෙන් හිස්වන රේගු අධ්‍යක්ෂ ජනරාල් තනතුරට දැනට කළමණාකරණ සේවා දෙපාර්තමේන්තුවේ අධ්‍යක්ෂ ජනරාල් වශයෙන් සේවය කරන පරිපාලන සේවයේ විශේෂ ශ්‍රේණියේ නිලධාරියෙක් වන විමල් ලියනගම මහතා හෙට (06දා) සිට පත්කිරීමට ජනපතිවරයා ඉදිරිපත් කළ අමාත්‍ය මණ්ඩල පත්‍රිකාවට කැබිනට් අනුමැතිය ලැබී තිබේ.

කුඩා වැල්ල ධීවර වරාය තුළදී අද (05) දහවල් වෙඩි තැබීමක් සිදුව ඇතැයි තංගල්ල මූලස්ථාන පොලීසිය පවසයි.

වත්මන් මුදල් අමාත්‍යාංශයේ ලේකම් ආචාර්ය හර්ෂණ සූරියප්පෙරුම මහතා දිවිත්ව පුරවැසියෙක් නොවන බව වගකීමෙන් ප්‍රකාශ කරන බව කැබිනට් ප්‍රකාශක අමාත්‍ය නලින්ද ජයතිස්ස මහතා පැවැසීය.

අප්‍රේල් මාසයේ නුවරඑළිය මහනගර සභාවව විසින් සංවිධානය කර තිබූ වසන්ත සැණකෙළිය ඊයේ (04) දිනයෙන් නිමා වූ අතර වසන්ත සැණකෙළිය සඳහා තාවකාලික කඩ කාමර ඉදිකර තිබුණු භූමිප්‍රදේශය මුළුමනින්ම කසල විමානයක් බවට පත්ව තිබීමක් දක්නට ලැබිණ.

චීන රජයට අත්‍යාවශ්‍යව සිටි චීන ජාතිකයන් 37 දෙනෙකුගෙන් යුතු පිරිසක් , ව්‍යාපාරික වීසා බලපත්‍ර යටතේ මෙරටට පැමිණ , මීගමුව ප්‍රදේශයේ නිවසක සැගවී සිටියදී , ඉකුත් 04/21 දින ආගමන විගමන දෙපාර්තමේන්තු විශේෂ විමර්ශන ඒකකයේ නිලධාරීන් පිරිසක් විසින් අත් අඩංගුවට ගෙන , වැළිසර රැදවුම් මධ්‍යස්ථානයේ රදවා තබා සිටි අතර , ඔවුන් 05/04 දින රාත්‍රී මෙරටින් පිටුවහල් කිරීමට පියවර ගෙන තිබේ .

පසුගිය මැයි 03 වන දින නිකුත් කරන ලද අතිවිශේෂ ගැසට් පත්‍රය මගින් එකතු කළ අගය මත බද්ද (VAT) 18% සිට 20.5% දක්වා වැඩි කර ඇති බවට සමාජ මාධ්‍ය හා ඇතැම් පාර්ශව පතුරුවා හරින ප්‍රකාශයන්හි කිසිදු සත්‍යතාවයක් නොමැති බව ආර්ථික සංවර්ධන නියෝජ්‍ය අමාත්‍ය නිශාන්ත ජයවීර මහතා සඳහන් කරයි.

ජාතික පද්ධති මෙහෙයුම්කරු වන National System Operator (Pvt) Ltd විසින් ශ්‍රී ලංකා මහජන උපයෝගිතා කොමිෂන් සභාවෙන් කරන ලද ඉල්ලීමට අනුව වාචික මහජන අදහස් විමසිම හෙට (06) බණඩාරණායක සම්මන්ත්‍රණ ශාලාවේදී ආරම්භ කරන බව පවසයි.

වියට්නාම සමාජවාදී ජනරජයේ ජනාධිපති සහ වියට්නාම කොමියුනිස්ට් පක්ෂයේ මහලේකම් වන ටෝ ලාම්, 2026 මැයි 07 සහ 08 යන දෙදින තුළදී ශ්‍රී ලංකාවේ රාජ්‍ය සංචාරයක නිරත වීමට නියමිතය.

හෝමූස් සමුද්‍ර සන්ධියේදී ඉරාන ’’වේගවත් බෝට්ටු’’ හතකට එක්සත් ජනපදය පහර දුන් බව ඇමෙරිකා ජනපති ඩොනල්ඩ් ට්‍රම්ප් පවසයි. හෝමූස්හි සිරවි ඇති වාණිජ නෞකා ඉන් ඉවත් කිරිමට ඇමෙරිකාව කරන මෙහෙයුමට සමගාමිව මෙම ප්‍රහාර එල්ල කළ බව ට්‍රම්ප් පවසයි.

කළුතර උතුර පොලිස් වසමේ බෝසිරිපුර ප්‍රදේශයේ පහරදීමක් හේතුවෙන් බරපතල තුවාල ලැබූ කාන්තාවක් නාගොඩ රෝහලට ඇතුළත් කිරීමෙන් පසු මියගොස් ඇති බවට කළුතර උතුර පොලිස් ස්ථානයට ලද පැමිණිල්ලක් සම්බන්ධයෙන් විමර්ශනයක් ආරම්භ කරන ලදී. මරණකාරිය වයස අවුරුදු 35 ක් වූ කළුතර උතුර ප්‍රදේශයේ පදිංචිකාරියකි.

දෙමළ සිනමාවේ ඉහළම නළුවෙකු වන සී. ජෝසප් විජේගේ නව තමිලගා වෙට්‍රි කසාගම් (TVK) තමිල්නාඩු මැතිවරණයජය ගනිමින් තමිල්නාඩුවේ බල පෙරළියක් කිරීමට සඳුදා සමත්විය. ආසන 234 ආසන 108ක ජය ඔහු ලබා ගැනීමට සමත්විය.

මධ්‍යම අපරාධ විමර්ශන කාර්යාංශයේ මනුෂ්‍ය ඝාතන හා සංවිධානාත්මක අපරාධ විමර්ශන ඒකකය මගින් හෝමාගම මහේස්ත්‍රාත් අධිකරණයේ පවත්වාගෙන යන නඩුවකට අදාළ සැකකරියක් අත්අඩංගුවට ගැනීමට පොලිසිය මහජන සහාය ඉල්ලා සිටියි.

වීසා කාලය ඉකුත් වී නීතිවිරෝධී ලෙස මෙරට රැදී සිටි විදේශිකයන් 50 දෙනෙකු ආගමන විගමන දෙපාර්තමේන්තු විශේෂ විමර්ශන ඒකකයේ නිලධාරීන් පිරිසක් විසින් , කොළඹ , බම්බලපිටිය ප්‍රදේශයේ පිහිටි මහල් ගොඩනැගිල්ලක් තුළ සැගවී සිටියදී 05/04 දින පස්වරුවේ අත් අඩංගුවට ගෙන තිබේ .

මෙරට රාජ්‍ය සංචාරයක නිරත මාලදිවයින් ජනාධිපති ආචාර්ය මොහොමඩ් මුයිසු මහතා සහ ජනාධිපති අනුර කුමාර දිසානායක මහතා අතර පැවැති ද්වීපාර්ශ්වික සාකච්ඡාවලින් අනතුරුව දෙරටේ නියෝජිතයින් අතර ද්වීපාර්ශ්වික සාකච්ඡා අද (04) පෙරවරුවේ ජනාධිපති කාර්යාලයේදී පැවැත්විණි.

දුරගමන් මගීන්ට මාර්ගගත ක්‍රමවේදය ඔස්සේ (Online Seat Booking) කලින් ආසන වෙන්කර ගැනීමේ පහසුකම හඳුන්වා දී ඇති බව ප්‍රවාහන, මහාමාර්ග සහ නාගරික සංවර්ධන අමාත්‍ය බිමල් රත්නායක මහතා පැවසීය.

රුමේනියාවේ රැකියා ලබාදෙන බව පවසා රුපියල් කෝටි දෙකකට අධික මුදලක් වංචාකළ හගුරන්කෙත ප්‍රාදේශීය සභාවේ ශ්‍රී ලංකා පොදුජන පෙරමුණේ හිටපු මන්ත්‍රිවරයෙකු ශ්‍රී ලංකා විදේශ සේවා නියුක්ති කාර්යාංශයේ විශේෂ විමර්ශන අංශයේ නිළධාරීන් විසින් අත්අඩංගුවට ගෙන තිබේ.

තමිල්නාඩුවේ ඡන්ද ගණන් කිරීමේ පැය හතකට ආසන්න කාලය අවසානයේ, නළුවෙකු සහ දේශපාලනඥයෙකු වූ සී. ජෝසප් විජේගේ තමිලගා වෙට්‍රි කසාගම් (TVK) සඳුදා (මැයි 4, 2026) පස්වරු 2.45 වන විට ප්‍රාන්තය පුරා මැතිවරණ කොට්ඨාශ 234 න් 106 ක ජයග්‍රහණය ලබා ගනිමින් මැතිවරණ සටයේ ඉදිරියෙන් පසුවෙයි. ඉන්දීය මැතිවරණ කොමිසම (ECI) පවසන පරිදි, DMK+ පක්ෂය ආසන 62ක් ලබා ගෙන තිබෙන අතර AIADMK ප්‍රමුඛ සන්ධානය ආසන 60 ක් ලබාගෙන සිටියි.

හෝර්මුස් සමුද්‍ර සන්ධියට ඇතුළු වුවහොත් ඇමරිකානු හමුදාවලට පහර දෙන බව ඉරාන හමුදාව පවසයි.

ඉන්දීය නාවික හමුදාවට අයත් ‘INS SINDHUKESARI’ සබ්මැරීනය මෙහෙයුම් අවශ්‍යතා සපුරා ගැනීමේ අරමුණින් 2026 මැයි මස 03 උදෑසන කොළඹ වරායට පැමිණි අතර, ශ්‍රී ලංකා නාවික හමුදාව විසින් එය නාවික සම්ප්‍රදායානුකූලව උණුසුම් ලෙස පිළිගනු ලැබීය.

හබරාදුව කොක්වත්ත ප්‍රදේශයේ නිවසක නේවාසිකව රැදිසිටි ඇගලුම් සේවිකාව මියගොස් ඇත්තේ නිවසට අකුණුසැර වැදි එහි සුන්බුන් මෙම තරුණියගේ හිසමතට වැටිමෙන් හිසට වු තුවාල හේතුවෙන් බැව් පශ්චාත් මරණ පරික්ෂණයේ දි අනාවරණය වි ඇත.

යතුරුපැදියක් තාප්පයක ගැටී පැදිකරු හා පසුපැදිකරු ජීවිතක්ෂයට - අතුරුගිරිය පොලිස් වසම.

හෝමූස් සමුද්‍ර සන්ධියෙන් සිරවී ඇති යාත්‍රා ඉන් පිටතට ගෙන යාමට එක්සත් ජනපදය ස දුදා සිට සහාය වන බව ඇමෙරිකා ජනපති ඩොනල්ඩ් ට්‍රම්ප් පවසයි.

අත්ලාන්තික් සාගරයේ යාත්‍රා කරන මගී ප්‍රවාහන නෞකාවක වෛරසයක් පැතිරීම හේතුවෙන් ඒහි ගමන් කළ පුද්ගලයන් තිදෙනෙක් මිය ගොස් ඇති බව ලෝක සෞඛ්‍ය සංවිධානය (WHO) පැවසීය.

ඝාතනයක් සැලසුම් කරමින් සිටි පුද්ගලයින් දෙදෙනෙක් පිස්තෝලයක් සහ එයට දැමිය හැකි පතුරම් දහසයක් සමග බලපිටියේ බේරතුඩුවේදී සහ වඳදූවේදී සැකපිට පශ්න කිරීම සදහා අද(4)අලුයම් කාලයේදී අත්අඩංගුවට ගත් බව අහුන්ගල්ල පොලීසිය කියයි.

මාලදිවයින් ජනාධිපති ආචාර්ය මොහොමඩ් මුයිසු ( Mohomed Muizu) මහතා ශ්‍රී ලංකාවේ 04 දින නිල සංචාරයක් සදහා 05/03 දින පස්වරුවේ කටුනායක ගුවන් තොටුපොළ වෙත පැමිණියේය.

වැල්ලවාය මහආරගම සිරිපුර ප්‍රදේශයේදී (03) වෙනිදා උදෑසන සිදුවූ රිය අනතුරකින් දහම් පාසල් ශිෂ්‍යාවක් මියගොස් ඇත. මෙලෙස මියගොස් ඇත්තේ මහආරගම සිරිපුර පදිංචි බුදුරුවගල විද්‍යාලයේ නව වන ශ්‍රේණියේ ඉගෙනුම ලබන ආර්.එම් සදිලි නිපුනිකා (14) නැමති ශිෂ්‍යාවකි.

මෙම වර්ෂයේ (2026) පළමු කාර්තුව තුල මෙරට කෘෂිකාර්මික අපනයන ආදායම ඇමරිකානු ඩොලර් මිලියන 740.1 දක්වා සියයට 4.1කින් වැඩිවි ඇති බැව් ශ්‍රිලංකා මහබැංකුව පවසයි.

පරිඝණක අපරාධ සම්බන්ධයෙන් සැකපිට විදේශ ජාතික පුද්ගලයින් 36 දෙනෙකු හා කාන්තාවක් අත්අඩංගුවට - වලාන මධ්‍යම දූෂණ මර්ධන ප්‍රහාරක ඒකකය.

රුසියානු ෆෙඩරේෂනයේ සෞඛ්‍ය අමාත්‍ය මිඛායිල් මුරෂ්කෝ ( Mikhail Murashko ) මහතා ශ්‍රී ලංකාවේ දින 03 නිල සංචාරයක් සදහා 05/03 උදෑසන කටුනායක ගුවන් තොටුපොළ වෙත පැමිණියේය.