මෙවර අපොස උසස් පෙළට පෙනී සිටින කොළඹ දිස්ති‍්‍රක්කයේ සිසු සිසුවියන් සඳහා පාසල් ආරම්භයට පෙර ලබන 15 වැනිදා දිනයේදී කොරෝනා මර්දන එන්නත ලබා දීමට සෞඛ්‍ය අමාත්‍යාංශය සහ අධ්‍යාපන අමාත්‍යාංශය එක්ව කටයුතු සම්පාදනය කර තිබේ.

කැනඩාවේ වෛරස් විද්‍යාඥයෙකු වන ඇන්ජෙලා රස්මුසන් කියා සිටියේ, කැනේඩියානු මාධ්‍යවේදී එලේන් දේවාර්ගේ වසංගතය පිළිබඳ න්‍යායන් තරමක් කලබලකාරී එකක් බවයි.

’’රාජ්‍ය ඖෂධ නීතිගත සමාගම ෆයිසර් සමාගම සමඟ එකඟතාවයකට එලඹුණා තවත් ෆයිසර් එන්නත් මිලියන 14.5ක ලබාගැනීම සඳහා. මෙම එන්නත් ප්‍රමාණය ඉදිරියේ දී අප සැලසුම් කරලා තියෙන්නේ මේ වෙනවිට පළමු හා දෙවන මාත්‍රාව සම්පූර්ණ කරලා තියෙන අපේ රටේ අවුරුදු 20ට වැඩි සියලුදෙනාටම බූස්ටර් එන්නතක් ලෙස ලබාදීමට. එහි ආරම්භක වැඩපිළිවෙල ලෙස අවුරුදු 60ට වැඩි වෙනත් ආබාධ තියෙන අය, ඒ වගේම ඉදිරිපෙළ සෞඛ්‍ය සේවකයින් ට හා ආරක්ෂක අංශ සාමාජිකයින්ට තුන්වන මාත්‍රාව ලෙස ෆයිසර් ලබාදීමට නියමිතයි

කලුගල්, වැලි, පස්, බොරලු වගේම මැ‌ටි කැණීම, ප්‍රවාහනය හා වෙළෙදාම සම්බන්ධ බලපත්‍ර නිකුත් කිරීම ගැන නව චක්‍රලේඛයක් ජනාධිපති ලේකම්වරයා නිකුත් කර තිබේ.

ප්‍රහාරය සම්බන්ධයෙන් ආගම වෙනස් කළ ඩෙන්මාර්ක ජාතිකයෙකු අත්ඩංගුවට ගෙන ඇති අතර, මෙය නෝර්වේ මුහුණ දුන් ප්‍රථම ඉස්ලාමීය ත්‍රස්ත ප්‍රහාරය විය හැකි බවද කියයි.

“මැණිකේ මගේ හිතේ’’ ගීතයෙන් ජාත්‍යන්තරය ජයගත් යොහානි ඒ. ආර්. රහුමාන්ගේ යූටියුබ් අනුගාමිකයින් (subscribers) ගණන පසු කර යාමට සමත්ව ඇත.

පිරිසිඳුකාරක ද්‍රාවණයක් පානය කිරීම හේතුවෙන් කොළඹ රිමාන්ඩ් බන්ධනාගාරයේ රඳවා සිටි ඉරාන ජාතිකයන් දෙදෙනෙකු ජීවිතක්ෂයට පත්ව තිබේ. මෙම ද්‍රාවණය පානය කළ තවත් ඉරාන ජාතිකයන් 10ක් බන්ධනාගාර රෝහලට ඇතුළත් කර තිබේ. මෙම ඉරාන ජාතිකයින් මත්ද්‍රව්‍ය ජාවාරම් කිරීම සම්බන්ධයෙන් බන්ධනාගාර ගතකර සිටි පිරිසකි.

එය හැඳින්වෙන්නේ චීන එච්-ඇල්ෆා සූර්ය ගවේෂක නොහොත් චේස් යනුවෙනි. එයට පැරණි චීන පුරාවෘත්තවල හිරු දෙවඟනගේ නම වන ෂීහේ නම් චීන නමක්ද යොදා ඇත.

උතුරු පළාත් සභාවේ හිටපු මන්ත්රීිවරු දෙදෙනෙකු වන එම්.කේ.ශිවාජිලිංගම්ට හා ටී.රවිහරන්ට එරෙහිව මුලතිව් අධිකරණය විසින් නොතීසි නිකුත් කොට ඇත.

කොළඹ බ්‍රිස්ටල් වීදියේ 5 මහල් ගොඩනැගිල්ලක වැසිකිළියක සඟවා තිබූ ජීව උණ්ඩ 205ක් පොලීසිය විසින් සොයාගෙන තිබේ.

හිටපු එක්සත් ජනපද ජනාධිපති බිල් ක්ලින්ටන් කැලිෆෝනියාවේ රෝහලක් වෙත හදිසියේම ඇතුළත් කර ඇති බව විදෙස් වාර්තා පවසයි.

භාණ්ඩවල මිළ වැඩිවීම තාවකාලික බවද අඩු කළ හැකි පළමු අවස්ථාවේදීම මිළ ගණන් අඩු කිරීමට ආණ්ඩුවක් ලෙස මැදිහත්වන බව ක්‍රීඩා සහ තරුණ කටයුතු අමාත්‍ය නාමල් රාජපක්ෂ මහතා පැවසීය.

පසුගිය එක්සත් ජාතික පක්ෂ ආණ්ඩුව පැවති සමයේ තමා අධ්‍යාපන අමාත්‍යවරයා වශයෙන් පත්ව සිටියදි ගුරු විදුහල්පති වැටුප් විෂමතා විසඳන්නට කටයුතු කළ බවත් පවතින ආණ්ඩුව බලයට පත්විමෙන් පසු ගත් ක්‍රියාමාර්ග හේතුවෙන් එය ඉජු කරන්නට නොහැකිව ඇති බවත් එක්සත් ජාතික පක්ෂ හිටපු අධ්‍යාපන අමාත්‍ය අකිල විරාජ් කාරියවසම් මහතා පවසයි.

පැන්ඩෝරා පත්‍රිකා මගින් සැඟවුණු වත්කම් සහිත පුද්ගලයින් බවට අනාවරණය කරන ලද නිරුපමා රාජපක්ෂ සහ තිරුකුමාර් නඩේෂන් යන සම්බන්ධව බන්ධනාගාරගතව සිටින හිටපු පාර්ලිමේන්තු මන්ත්‍රී රංජන් රාමනායක සාක්ෂි දීමට සුදානම්ව සිටින බව නීතිඥයෙකු මාර්ගයෙන් අල්ලස් හෝ දූෂණ චෝදනා විමර්ෂන කොමිෂන් සභාවට ලිපියක් යොමු කර තිබේ.

මධ්‍යම සංස්කෘතික අරමුදලට අයත් සියලුම කෞතුකාගාර සහ පුරාවිද්‍යා ස්ථාන අද (14) සිට සංචාරකයින් සඳහා යළි විවෘතකරන බව මධ්‍යම සංස්කෘතික අරමුදල පවසයි.

කඨින චීවර පූජාව පැවැත්වීම සම්බන්ධයෙන් බෞද්ධ කටයුතු පිළිබඳ දෙපාර්තමේන්තුව විසින් නිවේදනයක් නිකුත් කර තිබේ.

ලක් සතොසේ සිදු වූයේ යැයි සැක කෙරෙන සුදුලූනු වංචාව සම්බන්ධයෙන් අත්අඩංගුවට ගෙන රක්ෂිත බන්ධනාගාර ගත කර සිටි සතොස නිලධාරීන් සිවුදෙනා සහ ව්‍යාපාරිකයා ඇප මත මුදා හැරුණා.

දුම්රිය දෙපාර්තමේන්තුවේ මිලදී ගැනීම්වල පවතින ඇතැම් අකටයුතුකම් සම්බන්ධයෙන් ශ්‍රී ලංකා පොදුජන පෙරමුණේ වෘත්තිය සමිති සහ ඒකාබද්ධ වෘත්තිය සමිති නියෝජිතයන් සමඟ අරලියගහ මන්දිරයේ පැවති සාකච්ඡාවේදී එම නියෝජිතයන් අග්‍රාමාතය මහින්ද රාජපක්ෂ මහතා දැනුවත් කර තිබේ.

කොවිඩ්-19 වසංගතයෙන් රෝගාතුරව නිවසේ ප්‍රතිකාර ලබන රාජ්‍ය සේවකයන්ටත් අග්‍රහාර රක්ෂණ අරමුදලෙන් වන්දි ලබා දීමේ ක්‍රමවේදයක් සකස් කරන්නැයි අග්‍රාමාත්‍ය මහින්ද රාජපක්ෂ මහතා ඊයේ (13) පස්වරුවේ අදාළ නිලධාරීන්ට උපදෙස් දුන්නේය.

වාරි සෞභාග්‍යයා වැඩසටහන යටතේ උතුරු නැගෙනහිර ප්‍රදේශ ඇතුළු දිවයිනේ සියලු ප්‍රදේශවල වැව් ප්‍රතිසංස්කරණය කිරීම මේ දිනවල සිදුවනවා.

පාස්කු ඉරුදින ත්‍රස්ත ප්‍රහාරය සම්බන්ධයෙන් ත්‍රස්තවාදය වැළැක්වීමේ පනත යටතේ අත්අඩංගුවට ගත් පාර්ලිමේන්තු මන්ත්‍රී රිෂාඩ් බදියුදීන්ට ඇප ලබාදී තිබේ.

රජයේ ප්‍රවෘත්ති දෙපාර්තමේන්තුවේ ප්‍රවෘත්ති අධ්‍යක්ෂවරයෙක් වූ වසන්තප්‍රිය රාමනායක මහතා අභාවප්‍රාප්ත වී තිබේ.

වත්මන් ආණ්ඩුව දැන් ජනතාවට එපාවී ඇති බවත් තව අවුරුදු දෙකකින් මේ රටේ නායකයා වන්නේ සජිත් ප්‍රේමදාස මහතා බවත් හිටපු අමාත්‍ය වත්මන් පාර්ලිමේන්තු මන්ත්‍රී දිලිප් වෙදආරච්චි මහතා අද (14දා) අම්බලන්ගොඩදී පැවසීය.

Online පරිගණක ක්‍රීඩාවලින් දරුවන් බේරාගැනීම සඳහා වහා මැදිහත් වන ලෙස ඉල්ලා ලක්මව දියණියෝ නම් ජාතික සංවිධානය විසින් විදුලි සංදේශ නියාමන කොමිසම ට ලිපියක් භාරදී තිබේ.

රිජ්වේ ආර්යා ළමා රෝහලේ කොරෝනා ආසාදිත දරුවන් වාර්තා වීමේ කැපී පෙනෙන අඩුවක් දක්නට ලැබෙන බව එහි අධ්‍යක්ෂ වෛද්‍ය ජී. විජේසුරිය මහතා සදහන් කළා.

ප්‍රදේශයේ දානපතියෙකු වශයෙන් සිට පසුව අන්ත අසරණව බිබිල මැදගම නගරයේ කඩපිල්මත වසර විස්සක් දිවි ගෙවා මියගිය පුද්ගලයෙකුගේ දේහය තම බිරිද හා දියණිය බාර නොගැනීම නිසා ප්‍රදේශවාසීන් එක්ව අවසන් කටයුතු සිදුකළ බව ප්‍රාදේශීය සභාවේ උප සභාපති කේ.බී කාන්ත බිමල් රත්නායක මහතා පැවසීය.

මෙරට කොවිඩ් ප්‍රතිශක්තිකරණ වැඩසටහන යටතේ පුද්ගලයින් 69,902 නෙකුට කොවිඩ් එන්නත්කරණ සිදු කර තිබේ.

දැඩි සත්කාර ඇඳන්වල ප්‍රතිකාර ලබන කොරෝනා රෝගීන් සංඛ්‍යාව 50% කින් පහළ ගොස් ඇති බව සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා පවසා සිටියි.

සියළුම දුරකථන ග්‍රාහකයින්ට තම දුරකථන අංකය වෙනත් ජාලයක් වෙත රැගෙන යාමේ (Number Portability) සේවාව සදහා නීතිමය අනුමැතිය හිමි වූ බව, විදුලි සංදේශ නියාමන කොමිෂන් සභාවේ අධ්‍යක්ෂ ජනරාල් ඕෂධ සේනානායක පවසා සිටියි.