වඳවීයාමේ තර්ජනයට ලක්ව ඇති මෙරටට අවේණික සත්ව විශේෂ සුරැකීමේ අරමුණින් පිහිටවූ පින්නවල සත්වෝද්‍යානයේ සිටින මෙරටට ආවේණික ගැහැණු හා පිරිමි වලසුන් දෙදෙනා සහ දිවියන් පස්දෙනා අතර පවතින වයස් පරතරයන් ඇතුළු නොගැලපීම් හේතුවෙන් ඔවුන්ගේ පැටවුන් බිහිවී නොමැති බව ජාතික විගණන කාර්යාලය ජාතික සත්වෝද්‍යාන දෙපාර්තමේන්තුව වෙනුවෙන් නිකුත්කළ විගණන වාර්තාවක් මගින් අනාවරණය කරයි.

එළැඹෙන 09, 10, 11, 12 වැනි දිනයන් වල නැවත වරක් වැසි තත්ත්වයේ වර්ධනයක් ඇති විය හැකි බව කාලගුණවිද්‍යා දෙපාර්තමේන්තුවේ අධ්‍යක්ෂ ජනරාල් අතුල කරුණානායක මහතා අද (05) පැවැසීය.

රජයේ තීරණයට අනුව වරායට ගොඩබාන සහල් පැය හතරක් තුළ රේගු කටයුතු අවසන් කර නිදහස් කිරීමට කටයුතු කරන බව රේගු දෙපාර්තමේන්තුව සඳහන් කරයි.

පසුගිය රජය සමයේ මත්පැන් බලපත් ලබාදීමේ චෝදනාව සම්බන්ධයෙන් නව ප්‍රජාතන්ත්‍රවාදී පෙරමුණ විසින් එළඹෙන සතිඅන්තයේදී සවිස්තරාත්මක ප්‍රකාශයක් සිදු කිරීමට නියමිතය.

2025 ජනවාරි 01 වැනිදා සිට 2025 අප්‍රේල් 30 වැනිදා දක්වා මාස 04ක් සඳහාරජයේ වියදම් ඇතුළත්රුපියල් බිලියන 1,402ක (රු.1,402,886,263,000) අතුරු සම්මත ගිණුම සභානායක අමාත්‍ය බිමල් රත්නායක මහතා අද (05දා) පාර්ලිමේන්තුවට ඉදිරිපත් කළේය.

විදුලි ගාස්තු සංශෝධනය කිරීම සඳහා වූ යෝජනාව අද (06දා) විදුලිබල ක්ෂේත්‍ර නියාමක වෙත යොමු කිරීමට නියමිතය. සියලු ගණන් බැලීම් සිදු කර, පාරිභෝගිකයාට සාධාරණ ගාස්තු සංශෝධනයක් ඉදිරිපත් කිරීමට නියමිත බවද විදුලිබල මණ්ඩලය සඳහන් කරයි.

පුනර්ජනනීය බලශක්ති ප්‍රභව කෙරෙහි විශේෂ අවධානය යොමු කරන ලෙස ජනපති ගෙන් උපදෙස් ගිවිසුම්ගත ව්‍යාපෘති නැවත සමාලෝචනය කර ඵලදායී ව්‍යාපෘති කඩිනමින් ආරම්භ කරන්න

බටපොළ පොලීසියේ රථවාහන අංශය විසින් රත්ගම පොලීසියේ සේවය කළ පොලිස් කොස්තාපල්වරයෙකුට එරෙහිව පවරා තිබූ රථවාහන නඩුවෙන් පොලිස් කොස්තාපල්වරයා සියලුම චෝදනාවලින් නිදොස් කොට නිදහස් කරන ලෙස බළපිටිය මහේස්ත්‍රාත් ආර්.ඩී.ජනක මහතා අද (05දා) නියෝග කළේය.

ඔන්ලයින් ක්‍රමවේදය ඔස්සේ දුම්රිය ආසන වෙන්කර ගැනීමේදී ජාතික හැඳුනුම්පත් අංකය හෝ විදේශ ගමන් බලපත්‍ අංකය ඇතුළත් කිරීම අනිවාර්ය කර තිබේ.

යාපනය සහ කයිට්ස් දුම්කොළ ගොවීන්ගෙන්ගෙන් දුම්කොළ ලබාගෙන රුපියල් කෝටි 6කට ආසන්න මුදලක් වංචා කර, අධිකරණ මගහැර සිටි ව්‍යාපාරිකයෙකු වවුනියාව බස් නැවතුමේදී යාපනය විශේෂ අපරාධ විමර්ශන ඒකකය මගින් අත්අඩංගුවට ගනු ලැබීය.

වඩා හොඳ රාජ්‍යයක් ගොඩනැඟීමේදී මාධ්‍ය එහි පිටස්තරයන් නොව කොටස්කරුවන් ලෙස සලකනවා ජනපති විද්‍යුත් මාධ්‍ය ආයතතන ප්‍රධානීන් සමඟ පැවති හමුවේදී කියයි

සුරාබදු බලපත්‍ර ලබාදීමේ දී විධිමත් ක්‍රමවේදයක් අනුගමනය කරන ලෙස ජනාධිපති අනුර කුමාර දිසානායක මහතා නිලධාරින්ට උපදෙස් දුන්නේය.

ජාතික සත්වෝද්‍යාන දෙපාර්තමේන්තුව සතු රිදියගම සෆාරි උද්‍යානයයේ සිටියදී ඉකුත් වසර මුලදී විෂ ශරීර ගතවීමකින් බෙංගාලි ව්‍යාඝ්‍රයකු හදිසියේ මියයාම පිළිබඳ විමර්ශන කටයුතු තවමත් අවසන් කර නැතැයි ජාතික විගණන කාර්යාලය විගණන වාර්තාවකින් අනාවරණය කරයි.

මහවිරු සැමරුම පිළිබඳව සමාජ මාධ්‍යන් ඔස්සේ අසත්‍ය ප්‍රචාරයන් පළ කිරීමේ චෝදනාව මත අත්අඩංගුවට ගනු ලැබූ රේණුක පෙරේරා මහතා ඇප මත මුදා හැරීමට කොළඹ අතිරේක මහේස්ත්‍රාත් මංජුල රත්නායක මහතා නියෝග කළේය .

මැදපෙරදිග ලෙබනන - ඊශ්‍රායල යුද්ධය නිසා අසරණ වූ ලෙබනනයේ රැදී සිටි ශ්‍රී ලාංකිකයන් 27 දෙනෙකු 12/04 දින රාත්‍රී කටුනායක ගුවන් තොටුපොළ වෙත පැමිණ තිබුණි.

අංක තහඩු නොමැති වාහනයක් සන්තකයේ තබා ගැනීම හේතුවෙන් අත්අඩංගුවට ගෙන රක්ෂිත බන්ධනාගාරගත කර සිටි හිටපු රාජ්‍ය අමාත්‍ය ලොහාන් රත්වත්තේ සහ ඔහුගේ බිරිඳ වන රෂී ප්‍රභා රත්වත්තේ අද (05) ඇප මත මුදාහැරුණි.

නව ආයෝජන අවස්ථා ලබාදීමේදී දේශපාලන හිතවත්කම් මත එම අවස්ථා ලබාදීම ආදී කිසිදු ආකාරයේ දේශපාලන බලපෑමක් මින් ඉදිරියට සිදු නොවන බව ජනාධිපති අනුර කුමාර දිසානායක මහතා පවසයි.

පකිස්තානයේ පැවති 04 වන දෘශ්‍යාබාධිත විස්සයි විස්ස ලෝක කුසලාන ශූරතා තරගාවලියට සහභාගී වූ ශ්‍රී ලංකා දෘශ්‍යාබාධිත ක්‍රිකට් කණ්ඩායම එම තරගාවලියේ තුන් වන ස්ථානය දිනා ගෙන 12/05 දින අලුයම කටුනායක ගුවන් තොටුපොළ වෙත පැමිණියහ .

වන සතුන්ගෙන් වගාවලට සිදුවන හානිය ශ්‍රී ලංකාවේ බරපතල ප්‍රශ්නයක් පැන නැගී ඇති බවත් මේ වන විට රිලවුන්ගෙන් වගා වලට සිදුවන හානිය රිලා ත්‍රස්තවාදයක් බවට පත්ව ඇති බවත් කෘෂිකර්ම අමාත්‍ය කේ.ඩී. ලාල්කාන්ත මහතා පැවැසීය.

කොළඹ සහ කිරිබත්ගොඩ ප්‍රදේශයෙන් පැමිණි පාසල් සිසුන් පිරිසක් හන්තාන කන්ද තරණය කරමින් සිටියදී ඔවුන් එහි අතරමංව සිටින බව පොලිස් හදිසි ඇමතුම් ඒකකයට දැනුම්දීමකින් අනතුරුව පොලිසිය සහ යුද හමුදාව එක්ව මහත් පරිශ්‍රමයක් දරා ඔවුන් බේරා ගත් බව පොලිසිය කියයි.

ඇමෙරිකා එක්සත් ජනපදයේ රාජ්‍ය දෙපාර්තමේන්තුවේ දකුණු හා මධ්‍යම ආසියානු කටයුතු කාර්යාංශයේ සහකාර රාජ්‍ය ලේකම් ඩොනල්ඩ් ලූ මහතා 12/05 දින අලුයම කටුනායක ගුවන් තොටුපොළ වෙත පැමිණි බව ගුවන් තොටුපොළ කාර්යය භාර නිලධාරීවරයා ද සනාථ කළේය .

හැටන් නගරයට (05) දින දිවයිනේ විවිධ ප්‍රදේශවල සිට පොල් තොග වශයෙන් අලෙවි කිරිමට විශාල තොග වෙලෙදුන් පිරිසක් පැමිණ සිටිහ.

අධිකරණ නියෝග මත අපරාධ පරීක්ෂණ දෙපාර්තමේන්තුවේ රඳවා තිබියදී අධිකරණ කටයුතු පිළිබඳ හිටපු නියෝජ්‍ය ඇමතිවරයකු මෙන්ම සමගි ජන බලවේගයේ ජාතික සංවිධායක සුජීව සේනසිංහ මහතාට බැඳුම්කරයක් මත මුදා හැරී වි 8 සුඛෝභෝගී ප්‍රශ්නගත මෝටර් රථය සම්බන්ධයෙන් සිදු කරන විමර්ශනවලට අදාළව හිටපු පාර්ලිමේන්තු මන්ත්‍රී ජේ ශ්‍රී රංගා මහතාගෙන් අත්සන් සාම්පල් 40 කට ආසන්න ප්‍රමාණයක් පෙරේදා (3) ලබාගත් බව අපරාධ පරීක්ෂණ දෙපාර්තමේන්තුව සඳහන් කරයි.

ජනාධිපති අනුර කුමාර දිසානායක මහතා සහ ඉලංගෙයි තමිල් අරසු කච්චි (ITAK) පාර්ලිමේන්තු මන්ත්‍රීවරුන් අතර සාකච්ඡාවක් ඊයේ (04) පස්වරුවේ ජනාධිපති කාර්යාලයේදී පැවැත්විණි.

ශ්‍රී ලංකා පොදු ජන පෙරමුණේ පාලක ලේකම් රේණුක පෙරේරා මහතා අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන තිබේ.

රුපියල් කෝටි 17 ක රූපවාහිනී වෙළඳ දැන්වීම වසර 05 ක් ගියත් විකාශය කර නෑ කෝටි 04 ක තවත් නිර්මාණ 31 ක් හමස් පෙට්ටියට කෝටි 17 ක වැයෙන් හැදූ වෙබ් අඩවිය ඵලදායි නෑ කෝටි 11 ක මාධ්‍ය සැලසුම් අවුරුදු 05 ක්ම ගල්වෙලා

පාර්ලිමේන්තු මැතිවරණයට ඉදිරිපත්ව සිටි අපේක්ෂකයන් 8,888ක ප්‍රමාණයෙන් පෙරේදා (03දා) සවස 3.00 වන විට ආදායම් වියදම් වාර්තා භාර දී තිබෙන්නේ අපේක්ෂකයන් 2,042ක ප්‍රමාණයක් බව මැතිවරණ කොමිෂන් සභාව සඳහන් කරයි.

රජයේ Clean Sri Lanka වැඩසටහනට ලෝක බැංකුවේ සහාය ලබා දෙන බව ලෝක බැංකුවේ විධායක අධ්‍යක්ෂ පරමේෂ්වරන් අයියර් (Parameswaran Iyer) මහතා පැවසීය.

ආපදා කළමනාකරණ මධ්‍යස්ථානය විසින් ඉකුත් වසර 13ක කාල සීමාව තුළදී 2011 ජනවාරි මස සිට 2023 දෙසැම්බර් 31 දක්වා කාලසීමාව තුළ ආපදා අවම කිරීමේ ව්‍යාපෘති සඳහා රුපියල් තුන්සිය විසි හතර කෝටි හැත්තෑ හත් ලක්ෂ හැට එක් දහස් පන්සිය පනස් නවයක වියදමක් දරා ඇතත් (3,247,761,559)එම ව්‍යාපෘතිවලින් ලබා ගෙන ඇත්තේ ඉතාමත් ස්වල්ප ප්‍රතිඵලයක් බවත් ජාතික විගණන කාර්යාලය මගින් 2/12 දින නිකුත් කොට ඇති නවතම විගණන වාර්තාවකින් අනාවරණය වෙයි.