මෙරට භාවිත කරන ඖෂධවලින් සියයට අසුවක්ම ආනයනය කරන බවත් එම ඖෂධවලින් සියයට අසූපහක් ගෙන්වනු ලබන්නේ ඉන්දියාවෙන් බවත් කැබිනට් ප්‍රකාශක, අමාත්‍ය නලින්ද ජයතිස්ස මහතා සඳහන් කරයි.

හිටපු පාර්ලිමේන්තු මන්ත්‍රීවරයෙක් වන සිවනේසතුරෙයි චන්ද්‍රකාන්ත් හෙවත් පිල්ලෙයාන් අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන තිබේ.

ඉදිරියේදී ක්‍රියාත්මක කිරීමට නියමිත‌ ඉලෙක්ට්‍රොනික ජාතික හැඳුනුම්පත් ව්‍යාපෘතියට පොලිකාබනේට් කාඩ්පත් මිලියන 17ක පමණ අවශ්‍යතාවක් පවතින බව හඳුනාගෙන තිබේ.

මහ බැංකුව සතු නිල සංචිත ප්‍රමාණය ඉහළ ගොස් තිබෙන බවත් මේ අනුව මේ පසුගිය මාසය වන විට ඩොලර් බිලියන 6.51 ක සංචිත තිබූ බවත් කැබිනට් මාධ්‍ය ප්‍රකාශක, සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා සඳහන් කළේය.

මහනුවර දළදා දැක්ම පැවැත්වෙන කාලයේදී මහනුවරට පැමිණෙන සියලු සැදැහැවතුන්ගේ සෞඛ්‍ය ආරක්ෂාව නියාමනය කිරීමේ විශේෂ වැඩසටහනක් ක්‍රියාත්මක කරන බව මහනුවර ප්‍රධාන නාගරික වෛද්‍ය නිලධාරී වෛද්‍ය පසන් ජයසිංහ මහතා පවසයි.

මෙරට සිටින වන වනසතුන් කළමනාකරණය කිරීමට ඉදිරියේදී බලාපොරොත්තු වන බවත් සත්ව සංගණන කටයුතු අවසන් වීමෙන් පසුඑම සතුන් විදේශ රටවලට යවනවාද එසේත් නොමැති නම් වෙනත් කළමනාකරණයක් සිද්ධ කරනවාද යන්න සම්බන්ධයෙන් සලකා බලන බව කෘෂිකර්ම පශු සම්පත් වාරිමාර්ග අමාත්‍ යකේ.ඩී. ලාල්කාන්ත මහතා පවසයි.

මේ සඳහා වූ ඡන්ද විමසීම අද පස්වරු 5.45ට ආරම්භ කෙරුණු අතර එහිදී යෝජනාවට පක්ෂව ඡන්ද 151 ක් හිමිවූ අතර විපක්ෂව ඡන්ද හිමි නොවීය.

වැලි කැනීමේ බලපත්‍රයක් දීමට රුපියල් ලක්ෂ 15 අල්ලසක් ඉල්ලා ලබාගැනීම සඳහා සිය පුද්ගලික ලේකම්වරයාට ආධාර අනුබල දුන් බවට මාසයක පමණ කාලයක් රිමාන්ඩ් බාරයේ රඳවා සිටි හිටපු වෙළඳ හා පරිසර රාජ්‍ය අමාත්‍ය එස් වියලේන්ද්‍රන් මහතා දැඩි කොන්දේසි සහිත ඇප මත මුදාහැරීමට කොළඹ ප්‍රධාන මහේස්ත්‍රාත් තනුජා ලක්මාලී මහත්මියට අද (08) නියම කළාය.

දේශපාලන බලපෑම්වලින් තොරව කුසලතා හා සුදුසුකම් මත පමණක් පදන්ව රාජ්‍ය අංශය සඳහා රැකියා විරහිත උපාධිධාරින් හා තරුණ තරුණියන් 30000ක් බඳවා ගැනීමට කැබිනට් අනුමැතිය ලැබී තිබේ.

රාජ්‍ය සේවයේ වැටුප් වැඩිකිරීමට සමගාමීව පෞද්ගලික අංශයේ සේවකයන්ගේ වැටුප් ඉහළ නැංවීමට වූ යෝජනා සඳහා කැබිනට් අනුමැතිය ලැබී තිබේ.

අප්‍රේල් 15 දා සිට ඔක්තෝබර් 14 දක්වා මාස හයක කාලයක් සඳහා පෙට්‍රල් ඔක්ටේන් 92 බැරල් ලක්ෂ තුන බැගින් වූ නැව් තොග 05ක් මිලදී ගැනීමේ කොන්ත්‍රාත්තුව සිංගප්පූරුවේ ටිටෝල් ඒෂියා සමාගමට ලබාදීමට කැබිනට් මණ්ඩලය තීරණය කර තිබේ.

කොළඹ කොටස් වෙළඳපොළ අද දිනයේදී යළි පිඹිදීමක් දක්නට ලැබුණි. ඒ අනුව සමස්ත මිල දර්ශකය ඒකක 467කින් එනම් සියයට 3.1කින් ඉහළ ගොස් ඒකක 15 127ක් ලෙස සටහන් විය.

පාර්ලිමේන්තු මන්ත්‍රී චාමර සම්පත් දසනායක මහතා අද(08දා) බන්ධනාගාර බස් රථයෙන් පාර්ලිමේන්තුවට රැගෙනවිත් තිබේ.

ඊශ්‍රායල් රැකියා වැඩසටහන යටතේ ප්‍රථම වරට හෝටල් ක්ෂේත්‍රය ආශ්‍රිත රැකියා සඳහා ශ්‍රී ලාංකික තරුණ තරුණියන් පිරිසක් තෝරාගෙන තිබෙන බව ශ්‍රී ලංකා විදේශ සේවා නියුක්ති කාර්යාංශය සඳහන් කරයි.ඒ අනුව හෝටල් ගෘහපාලනය සම්බන්ධ රැකියා සඳහා පිටත්වන ප්‍රථම කණ්ඩායමට තරුණ තරුණියන් 103 දෙනෙකු ඇතුළත් වූ අතර ඔවුන් ඊයේ (07) ඊශ්‍රායලය බලා පිටත්ව ගියේය.

දේශීය සංචාරක කර්මාන්තය ප්‍රවර්ධනය කිරිම සදහා දුම්රිය දෙපාර්තමේන්තුව විසින් අලුතින් නිර්මාණය කරන ලද කැලිප්සෝ දුම්රිය (08) දින උදෑසන 8.10 ට නානුඔය දුම්රිය ස්ථානයේ සිට දෙමෝදර දුම්රිය ස්ථානය දක්වා ගමන් ආරම්භ කරනු ලැබුවා.

පාර්ලිමේන්තු මන්ත්‍රී රාමනාදන් අර්ච්චුනා මහතා පාර්ලිමේන්තුවේ විවාදයේදී අද(08දා) අදහස් පළ කිරීමේදී සජීවී විකාශය කථානායකවරයාගේ නියෝගය පරිදි අත්හිටුවීමට කටයුතු කළේය.

ආණ්ඩුක්‍රම ව්‍යවස්ථාවේ 121(1) ව්‍යවස්ථාව ප්‍රකාරව, ශ්‍රේෂ්ඨාධිකරණය හමුවේ අභියෝගයට ලක් කරන ලද “එකතු කළ අගය මත බදු (සංශෝධන)” නමැති පනත් කෙටුම්පත සම්බන්ධයෙන් ශ්‍රේෂ්ඨාධිකරණ තීරණය කථානායකවරයා වෙත ලැබී ඇති බව නියෝජ්‍ය කථානායක වෛද්‍ය රිස්වි සාලි මහතා අද (08) පාර්ලිමේන්තුවේදී නිවේදනය කළේය.

ඇතිමලේ පොලිස් වසමට අයත් විලඔය ප්‍රදේශයේ පදිංචි අවුරුදු දෙකයි මාස හයක් වයසැති සිඟිත්තියක් (07) වෙනිදා හදිසියේ මියගොස් ඇතැයි ඇතිමලේ පොලීසිය පවසයි.

2016 වසරේ ඌව පළාත් සභාවේ ප්‍රධාන අමාත්‍යවරයා වශයෙන් කටයුතු කරමින් එම පළාතේ පෙර පාසල් දරුවන්ට බෑග් ලබාදීම සඳහා රාජ්‍ය බැංකුවක් අනුග්‍රහයක් ඉල්ලා එම බැංකුව විසින් එය ප්‍රතික්ෂේප කිරීමෙන් පසුව අදාළ පළාත් සභාවට අයත් ස්ථාවර තැන්පතු ගිණුම් 06ක් කල්පිරීමට පෙර ඉවත් කිරීම තුළින් අදාළ පළාත් සභාවට රුපියල් ලක්ෂ 173කට අධික පාඩුවක් සිදුකළේ යැයි සැකපිට අත්අඩංගුවට ගෙන රක්ෂිත බන්ධනාගාරගත කර සිටි පාර්ලිමේන්තු මන්ත්‍රී චාමර සම්පත් දසනායක මහතා ඇප මත මුදා හරින ලෙස කො

ඕස්ට්‍රේලියාවේ පැවති 2025 ආසියා - ෆැසිපික් සවි එසවීමේ තරගාවලියට ශ්‍රී ලංකාව නියෝජනය කරමින් සහභාගී වූ ක්‍රීඩක ක්‍රීඩිකාවන් රන් පදක්කම් 05 ක් සහ ලෝකඩ පදක්කමක් දිනා ගෙන 04/07 දින රාත්‍රී කටුනායක ගුවන් තොටුපොළ වෙත පැමිණියහ . මෙම තරගාවලිය ආසියා - ෆැසිපික් කළාපයේ රටවල් 18 ක ක්‍රීඩක ක්‍රීඩිකාවන් 500 කගේ පමණ සහභාගීත්වයෙන් ඕස්ට්‍රේලියාවේ මෙල්බර්න් නුවර පවත්වා තිබුණි .

ගන්දරදී යතුරුපැදියකින් ගමන් කරමින් සිටි තරුණයින් දෙදෙනෙකුට වෙඩි තබා ඝාතනය කිරි‍මේ සිදුවීමට සම්බන්ධ සැකකරුවන් දෙදෙනෙක් අත්අඩංගුවට ගත් බව පොලිස් මූලස්ථානය පවසයි.

ඔහිය ඉදල්ගස්හින්න දුම්රිය ස්ථාන අතර දුම්රිය මාර්ගයට විශාල ගල්පර්වත කඩා වැටී අවහිර වී තිබු උඩරට දුම්රිය මාර්ගයේ බදුල්ල කොළඹ කොටුව අතර දුම්රිය ධාවනය ඊයේ (8) උදෑසන යථා තත්ත්වයට පත් කල බව නාවලපිටිය දුම්රිය පාලන මැදිරිය පවසයි .

බීමතින් සිටින පොලිස් නිලධාරින් ‍තමන්ට පහර දෙන බවටත් , තමා බීමතින් සිටින බවට ප්‍රකාශ කරමින් අත්අඩංගුවට ගැනීමට උතත්සාහ දරන බවටත්, පවසමින් පුද්ගලයෙකු විසින් වීඩියෝ ගත ලද සිදුවීමක් මෙම දිනවන සමාජ මාධ්‍ය හරහා සංසරණය වෙමින් පවතින බව පොලිස් මූලස්ථානය පවසයි.

ඇතැම් ප්‍රදේශවල මේ වන විට බිත්තරයක මිල රුපියල් 36ක් දක්වාත්, කුකුල් මස් කිලෝවක මිල රුපියල් 1,350ක් දක්වා ඉහළ ගොස් තිබේ.

කුරුණෑගල, වැහැර ප්‍රදේශයේ ගෑස් පිරවුම්හලක ඇතිවූ ගින්නකින් එම ස්ථානයේ සිටි කළමනාකරු ඇතුළු සිව්දෙනෙකු ජිවිතක්ෂයට පත්ව තවත් සිව්දෙනෙකු තුවාල ලබා තිබේ.

මේ වසරේ පළමු කාර්තුවේදී රුපියල් කෝටි 6100ක වාර්තාගත උපයා ගැනීමට සුරා බදු දෙපාර්තමේන්තුව සමත්ව තිබේ. සුරාබදු දෙපාර්තමේන්තුව වසරේ පළමු කාර්තුවේදී රුපියල් කෝටි 4200ක බදු ආදායමක් අපේක්ෂා කර තිබේ. කෙසේ වෙතත් එම ආදායම් ඉලක්කය අභිභවා යාමට සුරා බදු දෙපාර්තමේන්තුව සමත්ව තිබේ.

ජනාධිපති අනුර කුමාර දිසානායක මහතා සහ ජාත්‍යන්තර මූල්‍ය අරමුදලේ නියෝජිතයන් අතර හමුවක් අද (07) ජනාධිපති කාර්යාලයේදී සිදු විය.

රුපියල් අට කෝටි හතලිස් ලක්ෂයක් වටිනා විදේශීය නිෂ්පාදිත දුම්වැටි තොගයක් නීතිවිරෝධී ලෙස මෙරටට රැගෙන ආ ගුවන් මගීන් සිව් දෙනෙකු සමග කටුනායක ගුවන් තොටුපොළ පැමිණීමේ පර්යන්තයේ දී ගුවන් තොටුපොළ රේගු නිලධාරීන් පිරිසක් විසින් 04/07 දින උදෑසන අත්අඩංගුවට ගෙන තිබේ.

කොළඹ මහ නගරසභාව ඇතුළු ප්‍රාදේශිය සභා කිහිපයක මැතිවරණ පැවැත්වීම මැයි 16 වැනිදා තෙක් වළකාලමින් අභියහනාධිකරණය තහනම් නියෝගයක් අද (07) නිකුත් කළේය.