බොරැල්ල පොලිස් වසමේදී ඊයේ රාත්‍රී වෙඩි තැබීමක් සිදුව ඇති බව පොලීසිය පවසයි. යතුරු පැදියකින් පැමිණි පුද්ගලයන් දෙදෙනෙක් වෙළඳසැලක සිටි පුද්ගලයෙකුට වෙඩි තැබීමක් සිදුකර තිබේ.්‍මෙම වෙඩි තැබීමෙන් දේපළ හානි හෝ ජීවිත හානි වාර්තා නොවෙයි.්‍

ශ්‍රී ලංකා ගමනාගමන මණ්ඩලය (ලංගම) මගින් මහනුවර දිස්ත්‍රික්කය තුළ මගී ප්‍රවාහනය සිදුකළ යුතු මාර්ග 426 අතුරින් මාර්ග 121 ක දැනට වසර දෙකක කාලය තුළ බස් ධාවනය නොවන බව මහනුවර බස් සමාගමේ ප්‍රාදේශීය කළමනාකාර සනත් ප්‍රසන්න මහතා මහනුවර දිස්ත්‍රික් විශේෂ සම්බන්ධීකරණ කමිටුව හමුවේ පැවසීය.

රුපියල් කෝටි 5කට ආසන්න මුදලක් වැය කර ඇඟිලි සලකුණු සටහන් කිරීම සඳහා උතුරු මැද පළාත් ආයුරුවේද දෙපාර්තමේන්තුව මගින් ඇගිලි සලකුණු යන්ත්‍ර (finger mark) 9ක් මිලදී ගැනීමක් සිදු කර ඇතත්, කෝටි ගනනක් වැය කර මිලදී ගත් එම යන්ත්‍ර භාවිතා කරන්නේ සේවකයන් දෙදෙනකු බව වාර්තාවේ.

සේවකයන්ගේ අයවැය සහන දීමනා (සංශෝධන) පනත් කෙටුම්පත් දෙකක් සහ සේවකයන්ගේ ජාතික අවම වේතනය (සංශෝධන) පනත් කෙටුම්පත ජූලි 22 විවාදයට... සමාගම් (සංශෝධන) පනත් කෙටුම්පත දෙවැනිවර කියවීමේ විවාදය ජූලි 23.. ශ්‍රී ලංකා විදුලිබල (සංශෝධන) පනත් කෙටුම්පත දෙවැනිවර කියවීමේ විවාදය ජූලි 24..

පුරාවිද්‍යාත්මක ක්ෂේත්‍රය මේ වන විට අභියෝග රැසකට මුහුණ දී ඇති බවත් වසර සියයකටත් වඩා පැරණි පුරාවිද්‍යා නීති අණ පනත් යාවත්කාලීන විය යුතුව තිබෙන බව බුද්ධ ශාසන ආගමික හා සංස්කෘතික කටයුතු නියෝජ්‍ය අමාත්‍ය ගමගෙදර දිසානායක මහතා පවසයි.

අපරාධ පරීක්ෂණ දෙපාර්තමේන්තුව, විශේෂ විමර්ශන ඒකක 4, විසින් කරන ලද කැඳවීමකට අනුව හිටපු අමාත්‍ය විමල් වීරවංශ මහතා හෙට (09දා) ප්‍රකාශයක් ලබාදීම සඳහා එම ඒකකය වෙත පැමිණීමට නියමිතය.

වෙළඳ නෞකාවන් වෙනුවෙන් ආරක්ෂාව සැපය‍ීමේ කටයුතු යළිත් ශ්‍රී ලංකා නාවික හමුදාව වෙත පැවැරීමට ජනපති අනුර කුමාර දිසානායක මහතා ඉදිරිපත් කළ කැබිනට් පත්‍රිකාවට කැබිනට් අනුමැතිය ලැබී තිබේ.

2017 වර්ෂයේ සිට 2020 වර්ෂය දක්වා වන කාලසීමාව තුළ මධ්‍යම සංස්කෘතික අරමුදලේ කටයුතු සම්බන්ධයෙන් පරීක්ෂා කිරීම පිණිස ත්‍රිපුද්ගල කමිටුවක් පත්කිරීමට කැබිනට් මණ්ඩලය අනුමැතිය ලබා දී තිබේ.

ජනතාවට කිසිදු අකාරයේ අතිරේක වැට් බදු පැනවීමක් සිදුකර නැතැයි ආර්ථික සංවර්ධන නියෝජ්‍ය අමාත්‍ය ආචාර්ය අනිල් ජයන්ත ප්‍රනාන්දු මහතා පැවසීය. අද (08) මාධ්‍ය වෙත අදහස් දක්වමින් නියෝජ්‍ය අමාත්‍යවරයා මේ බව පැවසීය.

රුහුණු මහා කතරගම දේවාලයේ ඇසළ මංගල්‍යයට සමගාමිව සිදු කරන ලද ගිනි පෑගීමේ උළෙල අද (08) උදෑසන සිදුවිය .

සංචාරක බංග්ලාදේශ කණ්ඩායම හා ශ්‍රී ලංකා කණ්ඩායම අතර පල්ලෙකැලේ පිටියේදී පැවැත්වෙන අවසන් හා තුන්වැනි එක්දින ක්‍රිකට් තරගයේ මුලින්ම පන්දුවට පහරදෙමින් සිටින ‍‍‍‍ශ්‍රී ලංකා කණ්ඩායමේ මුල්පෙළ පිතිකරු කුසල් මෙන්ඩිස් සිය එක්දින දිවියේ හයවැනි ශතකය වාර්තා කිරීමට සමත්විය. ශ්‍රී ලංකා කණ්ඩායම පන්දුවාර 38.1 ක් අවසානයේදී කඩුලු තුනකට ලකුණු 206 ක් රැස්කරගෙන සිටියි. නායක චරිත් අසලංකද නොදැවී අර්ධ ශතකයක් රැස්කරනෙ සිටියි.

ගොවි විශ්‍රාම වැටුප් ලබා ගැනීම සඳහා 75% වැඩි වාරික මුදලක් ගෙවා ඇති ගොවීන් සඳහා එසේ ගෙවන ලද වාරික මුදලට ගැලපෙන ප්‍රතිශතික විශ්‍රාම වැටුපක් ලබා දීම සම්බන්ධයෙන් කෘෂිකර්ම අමාත්‍ය කේ.ඩී.ලාල්කාන්ත මහතා ලබාදුන් උපදෙස් අනුව මාසිකව ගොවි විශ්‍රාම වැටුප් ලබා ගැනීමේ අවස්ථාව 2025 ජූලි මස සිට ලබා දීමට අවශ්‍ය කටයුතු සංවිධානය කර ඇති බව කෘෂිකාර්මික හා ගොවිජන රක්ෂණ මණ්ඩලය සඳහන් කරයි.

වර්තමානය වන විට වෙළඳපොලේ පැවති ලුණු හිඟය අවසන්ව ඇති බව කම්කරු අමාත්‍ය සහ ආර්ථික සංවර්ධන නියෝජ්‍ය අමාත්‍යතුමා අනිල් ජයන් මහතා පැවසීය.

පොලිස් දෙපාර්තමේන්තුවේ වර්තමානය වන විට පුරප්පාඩු 28,000ක් පමණ තිබෙන බවත්, ඒ අනුව 5,000ක පිරිසක් බඳවා ගැනීමට අනුමැතිය ලැබී ඇති බවත් මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල මහතා පැවසීය.

මහනුවර යාපනය ඒ නවය මාර්ගයේ ගල්කුලම ඉන්ධන පිරවුම්හල ආසන්නයේදී ඉකුත් 25දා රාත්‍රී පුද්ගලයකුට වෙඩි තබා බරපතල තුවාල සිදු කර මනුෂ්‍ය ඝාතනයක් සිදු කිරීමට තැත්කල සිද්ධියට සම්බන්ධ වෙඩික්කරු පෙරේදා (7දා) මාතර ප්‍රදේශයේදී අත්අඩංගුවට ගත් බව අනුරාධපුර මූලස්ථාන පොලිසිය පවසයි.

සංචාරක බංග්ලාදේශ කණ්ඩාය සහ ශ්‍රී ලංකා කණ්ඩාය අතර තුන්වන හා අවසන් එක්දින ක්‍රිකට් තරගය අද (08දා) පැවැත්වේ.

මුත්තු නගර් අක්කර 800 කට අයත් භූමි ප්‍රදේශයක් ඉන්දියානු සූර්ය පැනළ සවිකරණ සමාගමකට ලබාදීමට ආණ්ඩුව කටයුතු කරනවා. එහි තිබෙන බරපතල තත්ත්වය නම් මේ ඉඩම් මුඩු ඉඩම්වත්, අත්හැරලා දාපු ඉඩම් වත් නෙවෙයි. පසුගිය අවුරුදු පනහක කාලය තුළ වගා කළ ඉඩම් යැයි ජන අරගල ව්‍යාපාරයේ ජාතික විධායක සභික වසන්ත මුදලිගේ මහතා පැවසීය.

අල්ලස් කොමිසම මඟින් අත්අඩංගුවට ගෙන රක්ෂිත බන්ධනාගාර ගත කර සිටින ශ්‍රී ජයවර්ධනපුර රෝහලේ විශේෂඥ වෛද්‍ය මහේෂි විජේරත්න මහත්මිය තවදුරටත් ලබන 15 වනදා දක්වා රක්ෂිත බන්ධනාගාර ගත කරන ලෙස කොළඹ මහෙස්ත්‍රාත් අධිකරණය නියම කළේය.

ඉකුත් රජය සමයේ නිකුත් කරන ලද මත්පැන් අලෙවි බලපත්‍රවලට අදාළව ශ්‍රීපාද නල්ලතන්නිය ඇතුලු නුවරඑලිය දිස්ත්‍රික්කයේ වතු ආශ්‍රිත ප්‍රධාන නගරවල සහ එම ප්‍රධාන නගරවලට පිවිසෙන මාර්ග අභියස ගත වූ මාස කිහිපය තුල අලුතින් තැබෑරුම් ගණනාවක් විවෘත කර ඇත.

හැමිල්ටන් ඇළ මාර්ගය භාවිතා කරමින් සංචාරයක කර්මාන්තය ප්‍රවර්ධනය කිරීම මෙන්ම යළිත් ප්‍රවාහන හා මගී ප්‍රවාහන කටයුතු සිදු කිරීමේ හැකියාව සොයා බැලීම පිනිස පසුගියදා නියෝජ්‍ය අමාත්‍ය මහින්ද ජයසිංහ මහතා ඇතුලු නිලධාරීන් පිරිසක් නිරීක්ෂණ චාරිකාවක නිරත වූහ.

දේශීය ගෘහ සේවිකාවන් තමන් සේවය කරන නිවෙස්වලදී මුහුණ දෙන හිංසාවන් සඳහා විසඳුම් ලබා දෙන ලෙස සහ ඔවුන්ගේ සේවක අයිතිවාසිකම් ලබා දෙන ලෙස ගෘහස්ත කම්කරු සංගමය කම්කරු අමාත්‍ය අනිල් ජයන්ත ප්‍රනාන්දු මහතාගෙන් ඉල්ලීමක් සිදු කර තිබේ.

නිවසේ තිබූ රඹුටන් ගෙඩියක රස බලමින් සිටි පස් හැවිරිදි දරුවෙකුට රඹුටන් ඇටය සිරවීමෙන් ඊයේ (07) දහවල් එම දරුවා මියගොස් ඇති බව මිද්දෙණිය පොලිසිය පවසයි.

මීට පෙර ඇමෙරිකාව විසින් දකුණු කොරියාවට සියයට 25ක බද්දක් පැනවූ අතර නව බදු පැනවීම යටතේද එම අගය එසේම පවතිනු ඇත. ජපානයට මීට පෙර සියයට 24ක බද්දක් පනවා තිබුණ අතර එය සියයට 25ක් දක්වා වැඩි කර තිබේ.

ඉන්දියානු ණය යෝජනා ක්‍රමය යටතේ දුන් ණය මුදල් වලින් ව්‍යාජ ලේඛන සකස් කොට රජයේ රෝහල්වලට බෙදා හැරීම සඳහා ලබාදුන් ස්නායු රෝගී්න් සඳහා භාවිතා කරන ‘ඉමියුනෝග්ලෝබින්” සහ පිළිකා රෝගීන් සඳහා භාවිතා කරන ‘රිටොක්සි මැප්’ නමැති ප්‍රමිතියෙන් තොර ප්‍රතිදේහ එන්නත් මිලදී ගෙන රුපියල් කෝටි 14 1/2ක වංචාවක් කළ බවට පවරා ඇති නඩුව සඳහා ලබන 11 වැනිදා අධිකරණයේ පෙනී සිටින ලෙස නියම කරමින් හිටපු සෞඛ්‍ය අමාත්‍ය කෙහෙළිය රඹුක්වැල්ල මහාතා ඇතුළු විත්තිකරුවන්ට ත්‍රිපුද්ගල මහාධිකරණ

රුපියල් පනස්දහසක මුදලක් අල්ලස් ලෙස , ලබාගත් දේශීය ආදායම් දෙපාර්‌තමේන්තුවේ නියෝජ්‍ය කොමසාරිස්වරයෙකු අද (07) අත්අඩංගුවට ගෙන තිබේ.

ජාතික මාධ්‍ය ප්‍රතිපත්තියක් සැකසීම සඳහා ජනමාධ්‍ය අමාත්‍යාංශය මගින් පත් කරන ලද කමිටුවෙන් ශ්‍රී ලංකා කර්තෘ සංසදය ඉවත් වූ බව එම සංසදයේ ලේකම් මොහාන් ලාල් පියදාස මහතා නිවේදනයක් නිකුත් කරමින් සඳහන් කරයි.

නව අධ්‍යාපන ප්‍රතිසංස්කරණ වෙනුවෙන් පාසල්වල යටිතල පහසුකම් සංවර්ධනය කිරීමේදී දුෂ්කර පාසල් සඳහා මූල්‍ය පහසුකම් වැඩිවශයෙන් ලබා දෙමින් පාසල් දියුණු කරන බව අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍ය, අග්‍රාමාත්‍ය ආචාර්ය හරිනි අමරසූරිය සඳහන් කළාය.

2025 ඔක්තෝබර් 01 දින සිට ශ්‍රී ලංකාව තුළ සිදුකෙරෙන ඩිජිටල් සේවාවන් සඳහා එකතු කළ අගය මත බදු (VAT) 18% අයකිරීමට තීරණය කර ඇත. දේශීය ආදායම් දෙපාර්තමේන්තුව විසින් 2025 ජූලි 01 දින පළ කරන ලද අංක 2443/30 දරන අතිවිශේෂ ගැසට් පත්‍රය මගින් මෙම නව ඩිජිටල් සේවා බදු සම්බන්ධයෙන් මාර්ගෝපදේශයන් පළ කර තිබේ.

වැලිමඩ, උමා ඔයේ දිය නෑමට ගිය වයස අවුරුදු 10 පිරිමි ළමුන් දෙදෙනෙක් දියේ ගිලී ජීවිතක්ෂයට පත්ව තිබේ.