රුපියල් කෝටි තුනක් වටිනා විදේශීය නිෂ්පාදිත දුම්වැටි තොගයක් , කටුනායක ගුවන් තොටුපොළ රේගු නිලධාරීන් විසින් 03/27 දින දහවල් අත් අඩංගුවට ගෙන තිබේ. මෙම දුම්වැටි තොගය ඩුබායි සිට මෙරටට ගෙනැවිත් තිබූ අතර , ඒවා කටුනායක ගුවන් තොටුපොළ ගමන් මලු පථ තුළ අතහැර දමා තිබූ ගමන් මලු 13 ක් තුළ තිබියදී රේගු නිලධාරීන් විසින් අත් අඩංගුවට ගෙන තිබුණි. මෙසේ අත් අඩංගුවට ගත් විදේශීය නිෂ්පාදිත දුම්වැටි තොගය අතර ’’ ප්ලැටිනම්’’ සහ ’’ මැන්චෙස්ටර් ’’ වර්ග වල දුම්වැටි 200,000 ක් අ

මෝටර් රථ හිමියන්ගෙන් ඉල්ලුම ඉහළ යාමත් සමඟ ඕස්ට්‍රේලියානු ඉන්ධන පිරවුම්හල් සිය ගණනක් තුළ පෙට්‍රල් හෝ ඩීසල් හිඟ වෙමින් පවතින බව වාර්තා වේ.

ඇමරිකානු මුදල් නෝට්ටු මත සිය අත්සන සටහන් කළ පළමු ඇමරිකානු ජනාධිපතිවරයා බවට ජනපති ඩොනල්ඩ් ට්‍රම්ප් පත්වීමට නියමිත බව භාණ්ඩාගාර දෙපාර්තමේන්තුව නිවේදනය කර තිබේ.

තම ප්‍රධාන වාණිජ වරායට ඩ්‍රෝන යානා ප්‍රහාරයක් එල්ල වූ බව ප්‍රකාශ කිරිමෙන් අනතුරුව පැය කිහිපයකට පසු එහි දෙවැනි වරායටත් ප්‍රහාරයක් එල්ල වී තිබේ.

ලංකා පොහොර සමාගමේ සේවය කරමින් සිටියදී ප්‍රසම්පාදන ක්‍රියාවලියකදී පුද්ගලික සමාගමකට වාසියක් සැලසීමෙන් රජයට රුපියල් මිලියන 8.8 ක පාඩුවක් සිදුවූ බවට වන දූෂණ චෝදනාවක් සම්බන්ධයෙන් බලශක්ති අමාත්‍ය කුමාර ජයකොඩි මහතාට කොළඹ මහාධිකරණය හමුවේ අධි චෝදනා පත්‍ර භාර දී තිබේ.

ඉන්දියානු ණය යෝජනා ක්‍රමය යටතේ ලියාපදිංචි නොකළ සමාගමකින් ප්‍රසම්පාදන ක්‍රියාවලියට පටහැනිව සෞඛ්‍ය සැපයුම් මිලදී ගැනීම තුළින් හිටපු සෞඛ්‍ය අමාත්‍ය කෙහෙළිය රඹුක්වැල්ල මහතා ඇතුළු පිරිසක් මූලික අයිතිවාසිකම් උල්ලංඝනය කර ඇතැයි ශ්‍රේෂ්ඨාධිකරණය තීන්දු කළේය.

මෙම තීන්දුව 20 හැවිරිදි කේලි නැමැති තරුණිය ගූගල් මවු සමාගම වන ඇල්ෆබට් සහ ෆේස්බුක් අයත් මෙටා සමාගමට එරෙහිව පනවා තිබූ නඩු විභාගයකින් අනතුරුව ලැබුනු තීන්දුවකි.

පානම පොලිස් වසමේ බඹරගස්තලාව ආරන්‍ය සේනාසනයේ භාවනා යෝගීව වැඩවාසය කරන හිමිනමක් කොටියෙකු සපාකෑම හේතුවෙන් ඊයේ (26දා) උදෑසන කාලයේ අපවත් වී ඇති බවට පානම පොලිස් ස්ථානයට ලද පැමිණිල්ලක් මත විමර්ශන ආරම්භ කර ඇත. අපවත්වූ හිමිනම වයස අවුරුදු 43ක් වූ චෙක් ජාතික හිමිනමකි. පානම පොලිසිය විසින් වැඩිදුර විමර්ශන සිදු කරනු ලබයි.

මැදපෙරදිග යුද තත්ත්වය හමුවේ මුහුණ දීමට සිදු වන ඕනෑම අභියෝගයකදී ශ්‍රී ලංකාවට සහාය වීමට රුසියාව සූදානම් බව රුසියානු බලශක්ති නියෝජ්‍ය අමාත්‍ය Roman Marshavin මහතා අවධාරණය කළේය.

ඉරානයේ ක්‍රීඩා අමාත්‍යාංශය තම ජාතික කණ්ඩායම් සහ ක්‍රීඩක ක්‍රීඩිකාවන් ’’සතුරු රටවල’’ ක්‍රීඩා ඉසව්වලට සහභාගී වීම තහනම් කර ඇත.

ජනාධිපති ට්‍රම්ප් සඳුදා නිවේදනය කළේ ඉරාන බලශක්ති බලාගාරවලට එරෙහිව සිය ප්‍රහාර අත්හිටුවීම තවත් දින 10කට දීරඝ කරන බවයි. සිය සමාජ මාධ්‍ය ගිණුම් හරහා ඔහු පැවසුවේ එක්සත් ජනපදය සහ ඉරානය අතර සාකච්ඡා ’’දිගටම’’ පවතින හෙයින් මෙම තීරණය ගත් බවයි.

හෝමූස් සමුද්‍ර සන්ධිය හරහා බ්‍රහස්පතින්දා නැව් හයක් යාත්‍රා කර ඇති බව ජාත්‍යන්තර මාධ්‍ය වාර්තා කරයි. ද්‍රව පෙට්‍රෝලියම් ගෑස් නැව් දෙකක් තවත් භාණ්ඩ ප්‍රවාහන නැව් හතරක් මෙසේ යාත්‍රා කර තිබේ.

ඔහු විසින් රැගෙන ආ ගමන් මල්ල තුළ ගිනි පිග් , ලේනුන් , ඩව් බර්ඩ් , ෂුගර් ග්ලයිඩර්ස් සහ හෙජ් හොග් සතුන් පිරිසක් කූඩු තුළ බහා සගවා ගෙන තිබුණි.

ප්‍රමාද වීමට පෙර ඉක්මනින් බැරෑරුම් වන්න’ ට්‍රම්ප් ඉරාන නායකයින්ට සාකච්ඡා ගැන කියයි

ඉරානයේ ඉස්ලාමීය විප්ලවවාදී ආරක්ෂක බලකායේ (IRGC) නාවික හමුදාවේ අණදෙන නිලධාරි අලිරේසා ටැංසිරි මරා දැමූ බව ඊශ්‍රායලය පවසයි.

පුද්ගලයින් ලියාපදිංචි කිරීමේ දෙපාර්තමේන්තුවේ පරිගණක පද්ධතිය යළිත් වරක් බි ඳවැටී තිබේ. ඉකුත් 23 වනදා දපරිගණක පද්ධතියේ හදිසි බිඳවැටීමක් සිදුු වූ අතර පසුව 24 වැනිදා දෝෂය නිවැරදි කෙරිණි.

දිවයිනට පැමිණ සිටින රුසියානු බලශක්ති නියෝජ්‍ය අමාත්‍ය Roman Marshavin මහතා සහ ජනාධිපති අනුර කුමාර දිසානායක මහතා අතර හමුව අද (26) පස්වරුවේ ජනාධිපති ලේකම් කාර්යාලයේදී පැවැත්වීමට නියමිත අතර එහිදී ශ්‍රී ලංකාව සහ රුසියාව අතර බලශක්ති ක්ෂේත්‍රයේ ද්විපාර්ශ්වික සහයෝගිතාව ශක්තිමත් කිරීම පිළිබඳ විශේෂ අවධානයක් යොමු කෙරෙනු ඇත.

2026 ජනවාරි සහ පෙබරවාරි මාස දෙක තුළ සමස්ත අපනයන අදායම ඇමරිකානු ඩොලර් මිලියන 2,896.31 ක ප්‍රමාණයක් බවත් එය පසුගිය වසරට සාපෙක්ෂව 7.56% ක කැපී පෙනෙන වර්ධනයක් බවත් අපනයන සංවර්ධන මණ්ඩලයේ සභාපති සහ ප්‍රධාන විධායක නිලධාරී මංගල විජේසිංහ මහතා පවසයි.

අස්වැසුම සුබසාධක ප්‍රතිලාභ යෝජනා ක්‍රමයේ පළමු අදියරේ වයස අවුරුදු 70ට වැඩි වැඩිහිටියන් සඳහා මාර්තු මස වැඩිහිටි දීමනාව අද (26) ප්‍රතිලාභීන්ගේ ගිණුම්වලට බැර කරන බව සුබසාධක ප්‍රතිලාභ මණ්ඩලය සඳහන් කර ඇත.

ඉරානය සමග සාකච්ඡා සිදුවන බවට ඇමෙරිකාව කළ ප්‍රකාශය ටෙහෙරානය ප්‍රතික්ෂේප කළත් එක්සත් ජනපද ජනාධිපති ඩොනල්ඩ් ට්‍රම්ප් අවධාරනය කරන්නේ ඉරානය එක්සත් ජනපදය සමඟ සාකච්ඡා කරමින් සිටින බවයි.

මාර්තු 21 වන දිනට යෙදී තිබූ ජගත් වනාන්තර දිනයට සමගාමීව තවත් වනාන්තර 50 ක් රක්ෂිත ලෙස නම් කරමින් එයට අදාළ ගැසට් පත්‍රය අත්සන් කිරීම පරිසර අමාත්‍ය වෛද්‍ය දම්මික පටබැඳි මහතාගේ ප්‍රධානත්වයෙන් සිදු කෙරිණි

රුසියානු තෙල් මිලදී ගැනීම සඳහා වූ සම්බාධක ඇමරිකාව විසින් මේ වනවිට ඉවත්කර ඇති පසුබිමක රුසියානු නියෝජ්‍ය බලශක්ති අමාත්‍ය රෝමන් මර්ශෙවින් ( Roman Marshavin) අද (26) දින මෙරටට පැමිණීමට නියමිතව ඇත.

අම්බලන්ගොඩ කෝටිපති ව්‍යාපාරිකයෙකුගේනිවසට අද (26)අලුයම් කාලයේදී එල්ල කළ ජීව බෝම්බය පිපිරී නොයාමෙන් එම නිවසට හානියක් සිදුව නැතැයි අම්බලන්ගොඩ පොලීසිය කියයි.

ඉරාන විදේශ අමාත්‍ය අබ්බාස් අරග්චි ඉරාන රාජ්‍ය රූපවාහිනී ප්‍රවෘත්ති නාලිකාවේ රූපවාහිනී සම්මුඛ සාකච්ඡාවකදී පවසා ඇත්තේ “දින කිහිපයක් තිස්සේ” එක්සත් ජනපදය “විවිධ අතරමැදියන් හරහා විවිධ පණිවිඩ යැවීමට පටන් ගෙන ඇති” බවයි.

ළමා කාලයේ සමාජ මාධ්‍යවලට ඇබ්බැහි වීම සම්බන්ධයෙන් මෙටා සහ යූ ටියුබ්ට එරෙහිව නඩු පැවරූ තරුණියකට ලොස් ඇන්ජලීස් ජූරි සභාවක් ඉතිහාසගතවන නඩු තීන්දුවක් ලබා දී තිබේ.

අස්වැසුම මුදල් ලබා ගන්නා සමහර පිරිස් එම මුදල් මත් පැන් සදහා බාවිතා කිරිමෙන් රජය ලබා දෙන එම මුදල් විනාශ විමක් මෙන්ම එම පිරිසගේ සෞඛ්‍යටද තර්ජනයක් වන බව සමස්ථ ලංකා ප්‍රගතිශිලි ජනතා පෙරමුණේ නායක ආචාර්ය ඉලංගෝ ගාන්ධි මහතා පවසයි.

අග්‍රාමාත්‍ය හරිනි අමරසූරියගේ ප්‍රධානත්වයෙන් පසුගිය 15 වෙනිදා තංගල්ල නගර ශාලාවේ පැවති ගුරු හමුවට ගුරුවරු සහභාගී නොවීම සම්බන්ධයෙන් හේතු පැහැදිලි කරන ලෙසට කලාප අධ්‍යාපන කාර්යාලය විසින් දැනුම්දීමක් සිදු කර ඇති බව වාර්තා වෙයි.

යුද්ධය අවසන් කිරීම සඳහා සාකච්ඡා ඉදිරියට යමින් පවතින බව ඇමරිකානු ජනාධිපති ඩොනල්ඩ් ට්‍රම්ප් පැවසීමෙන් පසුව මෙන්ම ඉරානයද ’’සතුරු නොවන’’ යාත්‍රාවලට හෝර්මුස් සමුද්‍ර සන්ධියේ තීරණාත්මක නැව් මාර්ගය භාවිතා කළ හැකි බව පැවැසීමෙන් පසුව ලෝක වෙළඳපොළ තුළ තෙල් මිල පහත වැටී තිබේ.

ඉන්ධන අර්බුදය හේතුවෙන් පොදු ප්‍රවාහනයට සහ ඉදිකිරීම් කෙෂ්ත්‍රයට කිසිදු බලපෑමක් ඇති නොවන බව ප්‍රවාහන සහ මහාමාර්ග නියෝජ්‍ය අමාත්‍ය වෛද්‍ය ප්‍රසන්න ගුණසේන මහතා ප්‍රකාශ කරයි.