තෙල් මිලෙහි වැඩිවිම තාවකාලිකයි, න්‍යෂ්ටික අවි සහිත ඉරාන පිළිකාව විනාශ කළ යුතුයි

ඉරානය සමග සාකච්ඡා සිදුවන බවට ඇමෙරිකාව කළ ප්‍රකාශය ටෙහෙරානය ප්‍රතික්ෂේප කළත්  එක්සත් ජනපද ජනාධිපති ඩොනල්ඩ් ට්‍රම්ප් අවධාරනය කරන්නේ ඉරානය එක්සත් ජනපදය සමඟ සාකච්ඡා කරමින් සිටින බවයි.

ඊයේ රාත්‍රියේ වොෂින්ටන් ඩීසී හි පැවති ජාතික රිපබ්ලිකන් කොන්ග්‍රස් කමිටුවේ (NRCC) වාර්ෂික අරමුදල් රැස් කිරීමේ රාත්‍රී භෝජන සංග්‍රහයේදී කතා කරමින් ට්‍රම්ප් පුළුල් පරාසයක මාතෘකා ආවරණය කළේය.

 ඉරානයට "ඉතා දරුණු ලෙස ගිවිසුමක් ඇති කර ගැනීමට අවශ්‍ය"  නමුත් ඉරාන පාලනය විශ්වාස කරන්නේ "තමන්ගේම ජනතාව විසින් ඔවුන් මරා දමනු ඇතැයි ඔවුන් සිතන නිසා එය පැවසීමට බිය" බවයි.

ඇමරිකා එක්සත් ජනපදය ඉරානය "විනාශ කරන" බවත් ඉරානයට එරෙහිව විශාල හමුදා ජයග්‍රහණ ඇති බවත්ඔහු පැවසීය.

"පැකිලීමකින් තොරව" ඉරානය එක්සත් ජනපදයට එරෙහිව න්‍යෂ්ටික අවියක් භාවිතා කරනු ඇති බව ට්‍රම්ප් අවධාරනය කළේය.

එක්සත් ජනපදය නොතිබුනේ නම් "මුළු ලෝකයම මාරාන්තික තර්ජනයකට ලක් වනු ඇති අතර මැද පෙරදිග සාමය සඳහා ඇති අපේක්ෂාවන් සදහටම බිඳ වැටෙනු ඇත" යනුවෙන් ඔහු පැවසීය.

තෙල් මිලෙහි වෙනස්කම් කෙටි කාලීන බවත්, එක්සත් ජනපදය "පිළිකාව කපා දැමිය යුතු" බව අවධාරනය කරමින් ඔහු පැවසීය. "පිළිකාව න්‍යෂ්ටික අවියක් සහිත ඉරානයයි. අපි දැන් එය කපා දැමුවා. අපි එය අවසන් කරන්න යනවා"