පාර්ලිමේන්තු මන්ත්‍රීවරයෙකු ලෙස වසර පහක කාලයක් සම්පූර්ණ නොකිරීම හේතුවෙන් මන්ත්‍රීවරයෙකුට අහිමි වන වන විශ්‍රාම වැටුපේ ප්‍රමාණය රුපියල් 18,095ක් බව පාර්ලිමේන්තු ආරංචි මාර්ග සඳහන් කළේය.

ශ්‍රී ලංකා පොදුජන පෙරමුණේ කණ්ඩායමක් ලෙස පාර්ලිමේන්තු මැතිවරණයට ඉදිරිපත් වීමට තීරණය කළ බව ජනතා සේවක පක්ෂය සඳහන් කරයි.

පාර්ලිමේන්තුව විසුරුවා හැරීමට විරුද්ධව මූලික අයිතිවාසිකම් පෙත්සම් 10ක් ශ්‍රේෂ්ඨාධිකරණයට ඉදිරිපත් වී තිබේ.

බණ්ඩාරනායකවරුන්ගේ ආදරණීය පක්ෂය ජනපති මෛත්‍රීපාල සිරිසේන මහතා විසින් ඝාතනය කළ බව හිටපු අමාත්‍ය මංගල සමරවීර මහතා පවසයි

ශ්‍රී ලංකා නිදහස් පක්ෂ ජ්‍යෙෂ්ඨයින්ද මේ වන විට ශ්‍රී ලංකා නිදහස් පක්ෂය හැරයමින් සිටියි.

පාර්ලිමේන්තු මැතිවරණයට තරග කරන ආකාරය පිළිබඳව ශ්‍රී ලංකා නිදහස් පක්ෂයේ නායකයින් හා පොදුජන එක්සත් පෙරමුණේ (පොහොට්ටුවේ) පක්ෂ නායකයින් අතර දීර්ඝ සාකච්ඡා ආරම්භ කර තිබේ.

රනිල් වික්‍රමසිංහ මහතා එක්සත් ජාතික පක්ෂ නායකත්වයෙන් ඉවත් වන්නේනම් සජිත් ප්‍රේමදාස මහතා එහි නායකත්වයට පත්විය විය යුතුයැයි පාක්ෂිකයන් ඉල්ලා සිටින බව හිටපු පාර්ලිමේන්තු මන්ත්‍රී එස්.එම්. මරික්කාර් මහතා ප්‍රකාශ කළේය.

මහමැතිවරණයක් පැවැත්වීමට ශ්‍රේෂ්ධාධිකරණයේ අවසරය හිමි වුවහොත් පුළුල් ප්‍රජාතන්ත්‍රවාදී පෙරමුණක් ලෙස එක්සත් ජාතික පක්ෂය ඇතුළු පක්ෂ රැසක් මහමැතිවරණයට ඉදිරිපත්වන බවත් ’අද’ට වාර්තාවෙයි.

ශ්‍රීලංකා නිදහස් පක්ෂයේ සාමාජිකයන් වෙනත් පක්ෂයක සාමාජිකත්වය ගැනීම විනය කඩකිරීමක් බවඑම පක්ෂයේ මහලේකම් මහාචාර්ය රෝහණ ලක්ෂ්මන් පියදාස මහතා සඳහන් කළේය.

මහජනතාව තමන් නියෝජනය කරනු සඳහා තෝරා පත්කළ පාර්ලිමේන්තු මන්ත්‍රීවරුන්ගේ අයිතිය බලෙන් පැහැරගැනීම, පාර්ලිමේන්තුවේ භාරකරු ලෙස ගතවූ දෙසතිය තුළ මම විමසිල්ලෙන් නිරීක්ෂණය කළෙමි.

පාර්ලිමේන්තුව විසුරුවාහැරිමට හෙතු ජනපතිවරයා විශේෂ ප්‍රකාශයකින් පවසයි.

යුක්තිය උදෙසා අඳුර දුරලමු, එළිය කැඳවමු යන මැයෙන් වූ ඉටි පහන් දැල්වීමේ වැඩසටහනක් එක්සත් ජාතික පෙරමුණ විසින්

තලෙයි මන්නාරම සහ ඌරුමලෙයි අතර මුහුදු තීරයේදී සගවා තිබූ කේරල ගංජා කිලෝ 39 ග්‍රෑම් 800ක ප්‍රමාණයක් උතුරු මැද නාවික විධාන මූලස්ථානයට අයත් නිලධාරීන් පිරිසක් විසින් සොයාගෙන ඇත.

මැතිවරණය සම්බන්ධයෙන් අප කුමන පක්ෂයෙන් ඉදිරිපත් වන්නේ ද යන්න ජනාධිපතිවරයා සමග සාකච්ඡා කර එකගත්වයකට පැමිණීමට නියමිත බවත් පෙර අවස්ථාවේදී අපි එක්සත් ජනතා නිදහස් සන්ධානය නමින් ඉදිරිපත් වු අතර ඒ අයුරින්ම මැතිවරණයට ඉදිරිපත් වෙනවා නම් සුදුසු බව ද කෘෂිකර්ම අමාත්‍ය මහින්ද අමරවීර මහතා පවසයි.

මහින්ද රාජපක්ෂ මහතා නැවතත් දේශපාලනයට ගෙනාවේ මෛත්‍රීපාල සිරිසේන මහතායි. මහින්ද රාජපක්ෂ මහතාට අගෝස්තු මැතිවරණයේ ටිකට් එක දුන්නේ මෛත්‍රීපාල සිරිසේන මහතායි. මෛත්‍රීපාල ජනපතිතුමාගේ පුරුද්දක් තිබෙනවා තමන්ට අඩි දෙකක් යෑමට උදව් කළ අය අඩි දෙක ඉදිරියට ගිහින් අතහරිනවා.

තමන් ශ්‍රේෂ්ඨාධිකරණයට නොයන බවත් මැතිවරණයට තහනම් නියෝගයක් ලැබෙන තෙක් වැඩකරන බවත් මැතිවරණ කොමිසමෙ සභාපති මහින්ද දෙශප්‍රිය මහතා පවසයි.

පාර්ලිමේන්තුව විසිරිම දක්වා සිදුවු කාරණා සම්බන්ධව සම්පුර්ණයෙන් කථානායකවරයා වගකිව යුතු බවත්, එතුමා කල මේ නින්දිත නීතිවිරෝධි ක්‍රියා සම්බන්ධව නීති මාර්ගයෙන් ගත හැකි සෑම පියවරක්ම ගැනිමට පියවර ගන්නා බව මාධ්‍ය ප්‍රකාශක කෙහෙළිය රඹුක්වැල්ල මහතා පවසයි.

රනිල් වික්‍රමසිංහ මහතා ඉදිරි ජනාධිපතිවරණ අපේක්ෂකයා ලෙසත් පාර්ලිමේන්තු මැතිවරණයේදි සජිත් ප්‍රේමදාස මහතා අගමැති අපේක්ෂකයා ලෙසත් ඉදිරිපත් කළ යුතුව බව දකුණු පළාත් සභාවේ විපක්ෂනායක තෙන්නකොන් නිලමේ මහතා අද පැවසීය.

අග්‍රාමාත්‍ය මහින්ද රාජපක්ෂ මහතා ඇතුළු ශ්‍රී ලංකා නිදහස් පක්ෂ මන්ත්‍රීවරු විශාල පිරිසක් එම පක්ෂයෙන් ඉවත්ව තිබේ.

එක්සත් ජනතා නිදහස් සන්ධාන පාර්ලිමේන්තු මන්ත්‍රී ෂෙහාන් සේමසිංහ මහතා සන්ධානයෙන් ඉවත්ව ශ්‍රී ලංකා පොදුජ පෙරමුණ හා සම්බන්ධ වී තිබේ.

නැවත පදිංචි කිරීම් හා උතුර සංවිධාන කටයුතු පිළිබඳ අමාත්‍ය ධූරය ඩග්ලස් දේවානන්ද මහතා භාර ගැනීමෙන් පසුව ඔහු උතුරු පළාතට පැමිණි අවස්ථාවේදී උතුරේ වැසියන් ඉතා උණුසුම් අයුරින් පිළිගනු ලැබුණි.

අද හොරු අල්ලන්න ආපු මෛත්‍රී හොරුත් එක්ක එකතුවෙලා අපිට වසර 3ක් ගියත් හොරු අල්ලන්න ඉඩ දුන්නෙ නෑ.

එක්සත් ජාතික පක්ෂයේ නායකත්වයේ වෙනසක් නොමැති බවත් එක්සත් ජාතික පක්ෂය මැතිවරණ වලට බිය නොමැති බවත් එහි මහ ලේකම් අකිල විරාජ් කාරියවසම් මහතා පවසයි.

එම පක්ෂ දෙකම සඳහන් කරනේ ජනපතිවරයා පාර්ලිමේන්තුව විසුරුවාහැරීමට ගත් තීරණය නීති විරෝධී බවයි.

සන්ධාන පාර්ලිමේන්තු මන්ත්‍රී නාමල් රාජපක්ෂ මහතා වහාම ක්‍රියාත්මක වන පරිදි ශ්‍රී ලංකා පොදුජන පෙරමුණ හා එක්ව තිබේ.

කම්කරු හා විදේශ රැකියා නියෝජ්‍ය අමාත්‍යධූරයෙන් ඉල්ලා අස්වූ තමා සම්බන්ධයෙන් සාවද්‍ය හා අපහාත්මක ප්‍රකාශ කිරීමට විරෝධය දක්වමින් ඩිලාන් පෙරේරා හා අරුන්දික ප්‍රනාන්දු යන මන්ත්‍රීවරුන් දෙදෙනාගෙන් රුපියල් මිලියන දහසක වන්දියක් ඉල්ලමින් පාර්ලිමේන්තු මන්ත්‍රී මනූෂ නානායක්කාර මහත එන්තරවාසියක් යවා ඇත.

පාර්ලිමේන්තුව විසුරුවාහැරීමට ජනපති මෛත්‍රීපාල සිරිසේන මහතා ගත් තීරණය සම්පූර්ණයෙන් වැරදි බව හිටපු අමාත්‍ය පාඨලී චම්පික රණවක මහතා සඳහන් කරයි.

ශ්‍රී ලංකාවේ ‌දේශපාලන අර්බුදය තවදුරටත් ගැඹුරු කරමින් පාර්ලිමේන්තුව විසුරුවා හැරීමට ගත් තීරණය පිළිබඳව සිය දැඩි අවධානය යොමුව ඇතැයි ඇමෙරිකාව සඳහන් කරයි.

නායකයන් ලෙස ජනතාවට ශ්‍රී ලංකාවේ අනාගතය පිළිබඳව හඩක් නැගීමට අවස්ථාව ලබාදිය යුතු බව අග්‍රාමාත්‍ය මහින්ද රාජපක්ෂ මහතා පවසයි.